مبروك الزيادة وينعاد عيدكم ياعمال الكويت الخاص

الكاتب : طارق العنزي | المشاهدات : 918 | الردود : 2 | ‏2 مايو 2012
  1. طارق العنزي

    طارق العنزي بـترولـي جـديـد

    15
    0
    0
    kuwait
    السلام عليكم ورحمة الله وبركاته
    بمناسبة عيد العمال حبيت اهنيكم بهذه المناسبة وندعوا من الله عز وجل ان يحفظكم من كل مكروه
    بما انكم تعملون بمواقع خطرة في القطاع النفطي وحقوقكم مسلوبه ولا حياة لمن تنادي
    وكذلك احب ابارك لكم على الزيادة اللتي اعلن عنها ديوان الخدمه واعتبرها تكميم الافواه
    وبنظري لا صوت لنا يسترد لنا حقوقنا يسمعه المسؤولين حتى يكمموه
    أتعلمون السبب ؟؟
    انعم الله علينا بعقول نفكر ونتعلم ما هو صحيح وما هو خطأ
    بتكلم بالعامية احسن
    ياخواني لي متى واحنا اتكاليين ومو مهتمين بحقوقنا الوظيفية
    اللي شايفه قدام عيني هناك تخبط فينا وارجوا عدم الزعل وهذي حقيقه
    وانا يعلم الله العزيز اني ما اقصد احد
    اتكلم على الوضع اللي صاير وانا اشكر كل من سعى من مصلحة القطاع الخاص النفطي وحقوقه
    من اجتماع الصباحية ومن ذهب للاعضاء مجلس الامه ومن رفع قضايا
    ولكن دون فايدة والقضية مطولة بالعربي وانا اقول خل القضية ماشية بالمحاكم ولا نوقف احنا
    عن مطالبة حقوقنا
    يا اخوان خلونا نجتمع ونتحد وتصير لنا كلمه وحدة تهز جبل وابو شخطة قلم يحسب لكم الف حساب
    ولا يستهين فيكم
    خلوا مطالبكم لحقوقكم المسلوبة قضية راي عام وانتوا راح ترجعون حقوقكم بتكاتفكم وتجمعكم على هدف واحد
    وكافي مذلة واهانة من الناس الظالمة
    هرمنا بما تعنيه تلك الكلمه
    ياجماعة الخير اقولها بكل صراحة
    ترا الاعضاء بمجلس الامه مو صوبكم والقضية راح تاخذ وقت وانتوا تعرفون محاكم الكويت
    واللي كان واقف وياكم وبقضيتكم جمدوه وسحبوا منه الصلاحيات الله يجزاه خير ولا يجزاهم خير
    واللحين انا ادعوكم لاسترجاع حقوقكم المسلوبة بالقطاع النفطي
    وذلك بالاعتصام
    وشوفوا بعيونكم من اعتصموا اخذوا حقوقهم ولا لا

    وانتوا عندكم عقول وفكروا

    ودمتم بود واحترام
     
  2. غراابيل

    غراابيل بـترولـي نشيط جدا

    383
    0
    0
    الاعتصام ماراح يفيدك مع كامل احترامي لك اخي العزيز انت ماتأثر بشي اذا اعتصمت بعدين طبيعة عملنا ماتسمح انك تعتصم ،


    يقول الشاعر عبيد الرشيد ،
    ( اضرب على الكايد لاصرت بحلان .. وعند الولي وصل الرشا وانقطاعه )

    عزيزي مالك الا ( قضيه ) وخلها تاخذ مجراها بتقعد سنه ؟ سنتين !! مو احسن من ابر بنج !! او وعود مزيفه من نقابه او لجنه بالمؤسسه وفجأه يصدمونك بـ لاشئ !!

    ياجماعه لاتصيرون اتكاليه ، احضرو اجتماعات الصباحيه ترا كلهم شباب متطوعين ؟ يعني لا مصلحه لهم ولا شي ي اخي احضر ماعجبك الحديث محد بيجبرك ع شي ولا راح ياخذ من وقتك شي ، يوم الاثنين بعد صلاة العشاء ، اجتماع يكون مدته ساعه او ساعتين بس ، نبي نكون متكاتفين يا اخوان جزاكم الله خير ،


    والله يوفقنا ويوفقكم ،
     
  3. حمد محمد سليمان العنزي

    حمد محمد سليمان العنزي بـترولـي نشيط

    59
    0
    0
    السلام عليكم
    الله يبارك فيك ياخوي وماقصرت وعساك ع القوه
    بخصوص رفع القضايا ماقدر اقول الا
    ( انت تريد وانا اريد والله يفعل مايريد )
    لذالك اخوي الكريم نقول الله المستعان وماخاب من
    استعان بالله

    وشكرا لك وتقبل مروري
     
جاري تحميل الصفحة...

مشاركة هذه الصفحة