مخيم الشركة

الكاتب : nadia | المشاهدات : 1,610 | الردود : 23 | ‏31 ديسمبر 2007
  1. nadia

    nadia بـترولـي جـديـد

    47
    0
    0
    شنو اخبار مخيم شركتنا هل يوجد خدمات لائقة وترفيهة للاطفال واين موقعة
     
  2. kuwaitq8

    kuwaitq8 بـترولـي نشيط

    143
    0
    0
    طبعا اخت ناديه المخيم حلو وراقي جدا وفيه تقريبا كل وسائل الترفيه بس عيبه بعييد وايد عن الديره



    وتحيتي
     
  3. nadia

    nadia بـترولـي جـديـد

    47
    0
    0
    ماهي وسائل الترفيهة الموجودة وهل يوجد هناك مطعم لشراء الوجبات واين الموقع في أي اتجاه
     
  4. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    وسائل الترفييييه
    في عدد واحد بقي وعدد ثلاث دوااارف
    وعدد خمسه طاائرات ورقيه
    والمطعم الله يسلم المااكدولندز الي يم المخيم

    مووقعه عند شاليهات الجليعة علي طريق 245 جنوب شرق الديرة
    يعني اذا بتطلعين الصبح اطلعي السااعة 4 الفجر عشان يمديج تلحقين
     
  5. المشاكس

    المشاكس بـترولـي خـاص أعضاء الشرف

    998
    1
    0

    وايد بالغت في وصفك الصراحه

    المخيم في وسائل ترفيه للأطفال من دوارف وملعب كرة قدم وسله وفي صالتين كبار وحده للعائلات ووحده للرجال وفي صاله فيها بلياردو وعلى خبري العاب كمبيوتر وطبعاً في كل صاله تلفزيون كبير وفي مطعم في وجبات متعدده منها الفاست فود ويقدم الأكل بسعر رمزي أي مدعوم من الشركة وفي خيام قياس 4 في 4 متر تقدرين تطلبين دوه للفحم طبعاً مع الفحم مشبوب وجاهز.. هذا بالأيام العاديه

    اما بأيام العطل يعملون عروض وانشطه للأطفال والكبار ويعملون حفلات غنائيه ترفيهيه...

    وألي يروح له مايتحسف لأن متوفر فيه جميع المتطلبات

    الصراحه المخيم من اجمل المخيمات إن لم يكن هو الأفضل ...

    الموقع

    يبعد عن منطقة الأحمدي 55 كيلو تقريباً وهو بأتجاه منتزه الخيران ويدخلون له من منطقة الزور ويكون جنوب محطة الزور الكهربائية وفي طريق ثاني الواحد يقدر يدخل له من طريق منتزه الخيران ....

    بس الأسهل من طريق الزور لأن في لوحات أرشاديه تدل على موقع المخيم واللوحات تبدي من منطقة الأحمدي
     
  6. ثامر الخالدى

    ثامر الخالدى بـترولـي نشيط جدا

    393
    0
    0
    ربعنا فى كل شى يتطتزون عليه ...ما يعجبهم العجب ولا الصيام فى رجب

    المخيم حلو وكافى القعده والتمشى فيه...

    والمشاكس الله يعطيك العافيه ردك جميل وكافى ووافى
     
  7. redrose

    redrose بـترولـي نشيط جدا

    442
    0
    0
    شلون اللي بروح يحجر خيمته من قبل ،،، ولا يروح هناك ويعطونه خيمه
     
  8. المشاكس

    المشاكس بـترولـي خـاص أعضاء الشرف

    998
    1
    0

    لما تروحين هناك تطلبين خيمه ومافي حجز مسبق ... يعني ماتقدرين تحجزين قبلها بيوم لازم بنفس اليوم..

    وكل مابكرتي بالروحه أحسن تقدرين تختارين الموقع ألي تبينه وعلى فكره ترى موقع المخيم على البحر .. يعني بري بحري :)


    يابوفهد هذا واجب والشركة ماقصرت ولازم نشكرها ... مثل مانتحلطم عليها لما تسوي شي مايعجبنا ;)
     
  9. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    ممكن الواحد يروح ، مثلا انا koc لكن اللي معاي اخوان و نسايب مثلا عادي ممكن يدخلون ؟
     
  10. Mr. Engineer

    Mr. Engineer بـترولـي مميز

    662
    0
    0
    إي عادي،

    بس لازم هوية KOC عشان تحجز خيمة، و إذا الموظفين اللي هناك حليوين، يمكن تقدر تحصل خيمتين.

    بس روح مبجر شوي إذا بتروح بالويك إند، عشان تحصل موقع زين، يعني فيه خيم قريبة من الألعاب بس بعيدة عن الحمامات و انتوا بكرامة، أو العكس، أو قريبة من الملعب، فأنت و رغبتك.
     
  11. M7MD

    M7MD بـترولـي نشيط جدا

    شكرا يا المشاكس كفيت ووفيت بالشرح وانا معاك في كل ما قلت لاني رحت هناك وشفت كل شي ذكرته والمخيم يستاهل اللي يتعنى له
     
  12. المشاكس

    المشاكس بـترولـي خـاص أعضاء الشرف

    998
    1
    0

    حياك الله أخوي محمد وانا ماسويت شي بس تدري في ناس مايعجبهم العجب ولا صيام رجب ... كما يقال :rolleyes:
     
  13. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    اجل المخيم الي رحتله انا شنو مخيم البلدية
    مااشفت شي من الي ذكرتوووه


    :D:D
     
  14. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني

    شكرا على التوضيح مستر انجنير
     
  15. المشاكس

    المشاكس بـترولـي خـاص أعضاء الشرف

    998
    1
    0
    لا يمكن انت رايح مخيم البنغاليه ................... :rolleyes:
     
  16. norema-sarto

    norema-sarto بـترولـي مميز

    668
    0
    0
    إذا عندج يهال
    أنصحج تروحيين ...لأنهم راح يستانسون وايد


    [​IMG]

    إخذيلج خيمة ...وخل اليهال يلعبون
    لأن كل شي جدام الخيمه...الألعاب والمطاعم
    حتى تقدرين تتمشين وتاخذيلج جم دورة
    عاااااادي ..
     
  17. nadia

    nadia بـترولـي جـديـد

    47
    0
    0
    هل مسموح بأصحاب ضيوف معنا
     
  18. HSE

    HSE بـترولـي جـديـد

    13
    0
    0




    عسى مافيه أهنود ؟
     
  19. اندريللا

    اندريللا بـترولـي جـديـد

    39
    0
    0
    اخبار مخيمنا منقلع آخر الدنيا كنهم يقولون لك لا تجي يبه مانبيك
     
  20. المشاكس

    المشاكس بـترولـي خـاص أعضاء الشرف

    998
    1
    0
    ليش آخر الدنيا .... منتزه الخيران بعده ب 5 كيلو والمسافه نص ساعه من الأحمدي بس
     
جاري تحميل الصفحة...

مشاركة هذه الصفحة