قضيه ال housing

الكاتب : المهندس | المشاهدات : 3,702 | الردود : 20 | ‏16 ابريل 2012
  1. المهندس

    المهندس بـترولـي خـاص

    1,305
    8
    0
    السلام عليكم . لابد انن كثير من العاملين الكويتيين يتمنون ان ينعمو في سكن في منازل الاحمدي .. ونحن كذلك نتمنى هذا الشي.. الكل يعلم ان الازمه ازليه كازمه الاسكان في الدوله (يبيلنا جيرمان مويزري علشان يحلها) :)..

    والله يا اخوان انا لاحظت شي غريب وعجيب في ال housing waiting list .. يا اخوان لاحظت تواريخ الشباب اللي في قائمه الانتظار تبدا من تاريخ انضمامهم للشركه من 1979 وانت صاعد .. هل من المعقول انه لا يوجد عنده بيت وكيف تم قبول طلبه ؟ هل قدم جميع الاوراق المطلوبه اللتي تثبت انه لا يملك بيت من الدوله ؟؟ ولذلك هو في قائمه الانتظار .. يا اخوان انا لا اتكللم عم من لديه بيت من الشركه من السابق قبل حصوله على البيت الحكومي .. انا اتكللم عمن في قائمه الانتظار ...وكذلك من النظر الى القائمه اجد كثيرا من الاجانب اللي مزاحمينا في القائمه ؟؟؟

    انا اطالب في الاتي

    1- الطلب من الموظفين لتحديث اوراقهم الرسميه وخصوصا القدامى اللي في قائمه الانتظار
    2- الاوليه تكون للكويتيين في القائمه وان لا يتم قبول اي طلب من اي اجنبي اللا في الحالات القصوى اللتي تتطلب قرب الموظف الاجنبي (الدكاتره)
    3- تشكيل لجنه لسحب البيوت المؤجره
    4- من يحصل على بيت حكومي او قسيمه وهو حاصل على بيت احمدي ان يحق له الانتفاع من بيت الشركه لمده زمنيه محدده ومن بعدها يتم تسليم البيت (خمس سنوات مثلا)

    الموضوع جدا مهم واتمنى من الاداره والنقابه ان تتنبي هذا الموضوع لانه يمس شريحه كبيره من الموظفين


    والله الموفق
     
  2. ballezz

    ballezz بـترولـي جـديـد

    14
    0
    0
  3. speed

    speed بـترولـي جـديـد

    19
    0
    0
    المشكله, انه اللي ياخذ منحة السكن يطلبون منه تقديم و تجديد اثباتات كثيره وحدها الأقص 310 ما تجيب شقه متر في متر, والأخوان ما شاء الله بيوت و حدائق و بعضهم مأجرين بيوتهم و بقيمة 199 يا بلاش, و بلا تجديد وثائق ولا أحد يسأل عنهم القرعه ترعى
     
  4. مؤشر برنت

    مؤشر برنت بـترولـي نشيط جدا

    178
    3
    18
    ذكر
    مهندس ميكانيكا
    الكويت
    شركة وزارات الكويت

    أخوي المشكلة بأن الأخوان بالأسكان مجبورين لأن الواسطات أكبر منهم مثال مدراء وأعضاء منتدبين, ومقدمين بالجيش وعقداء وألويه وسكرتارية مدراء وعيال عمهم وأخوانهم أقصد الوافدين وأنت أنطر لين يصير في حياة بالمريخ تشود يطلعلك دور أخوي العيب فينا مو بالوافدين لأن اللي يتوسط لهم ربعنا وأذا كنت كويتي يتفلسفون عليك روح جيب ورقه من كل وزارة وبراءة ذمه وشهادة حسن سير وسلوك وصورة من البطاقه التموينيه وعدد جيرانك وسياراتهم وعدد العمارات بمنطقتكم وعدد البقالات وعدد المصابغ وأسئله لها أول مالها أخر بس لو عندك واسطة عضو مدير عضو منتدب واحد يفيدهم عقيد لواء بالداخليه مثل شذي تسلك أمورك ويعطونك مثل ما يعطون الأجانب شقق خمس نجوم أو فلل بالتأجير مع حمام سباحه والكويتي بيوت منهده من أيام فرعون عرفت شلون يحسسونك أنك كويتي :mad:
     
  5. MR.MOH

    MR.MOH بـترولـي نشيط

    88
    0
    0
    كل ماتطالب به اخي الكريم مشروع واصلا من قوانين الشركة الي عنده بيت يسلمه والي مأجر يسلم ولازم تتحدث البيانات كل 3 سنوات يعني المشكلة بالتطبيق مو بالقانون ( من أمن العقوبة )
    يارجل عضو مجلس امة ليلحين قاعد والموظف مو لاقي شقة تضفه هو وعياله خلها على الله
     
  6. المهندس

    المهندس بـترولـي خـاص

    1,305
    8
    0
    يا اخوان منو نلوم ؟ الاداره او النقابه ؟

    يا نقابه ترا غالبيه المنتظرين من الموظفين الجدد وهم الاكثريه ... لو تبنيتو الموضوع راح يحسب لكم وراح يكون مكسب انتخابي ..

    اتمنى من اداره المنتدى ان يثبت الموضوع
     
  7. Mr Senior

    Mr Senior بـترولـي جـديـد

    8
    0
    0
    اصلا ماراح يطبقون شي لانه اول المنتفعين هم الاداره والكل عارف وثانيا والابلى انه المنتفعين ايضا هم نقابه شركة نفط الكويت اللي مع الاسف احنا انتخبناهم علشان مصلحة الموظفين بس مع الاسف انهم موهامهم الموظفين وهامهم نفسهم وانا اتحدى اذا النقابه تحركت شبر واحد لها القضيه فانا اقول لاتترجون من النقابه شي لانهم هم من الاساس منتفعين ومايحبون يزعلون الاداره لمصالحهم الشخصيه
     
  8. BIG78

    BIG78 بـترولـي جـديـد

    19
    0
    0
    عفوا الاخوان اللي يحطون بذمتهم ويقولون نمشي واسطات ونطوف الدور وما نطلب تجديد الاوراق من الساكنين.. يداومون معانا بالإسكان ؟ لان ماني خابر ان في احد منكم يشتغل معانا بالشعبه ! وشكرا .. اسهل شي انك تسئ الظن بغيرك .. يله هم زين :) .. تصدقون وتآمنون بالله ان الموظف ايينا ونحاول نساعده بأي طريقه (قانونية/انسانيه) ممكنه واخر شي يروح الاداره ويشتكي علينا " فلان قالي هالمعلومه وفلان وراني هالخريطه وفلان وراني هالبيت..الخ" واخر شي يمحطونا الاداره عقوبه ومنها كوشن وخصم وماكو درجه ولا كورس خارجي وسحب السيايير !! اقول ذكروا الله بس
     
  9. LaRambla

    LaRambla بـترولـي خـاص أعضاء الشرف

    2,041
    3
    38


    الشهادة لله انتو متعاونين جدا من كبيركم لصغيركم لكن

    العيب مو فيكم العيب بعدم تطبيق القانون انا عندي هني بالدوام اثنين عندهم بيوت وخدمتهم فوق ال30 سنة ومازال عندهم بيوت شركة

    لا والمصيبة انهم ماجرينه حق بدون بالاحمدي يعني مو موظفين شركة

    وانا واحد صارلي 6 اشهر مقدم على بيت وساكن اجار ولى الحين ناطر دوري وخدمتي بالشركة 17 سنة

    موقهر؟؟؟؟
     
  10. مشغل مصفآه

    مشغل مصفآه بـترولـي نشيط

    128
    0
    0
    أي نقابه تسولفون فيها انتوا !

    اذا النقابه هي اللي لاعبه بالبيوت لعب

    الاخ big78 دامك في الاسكان

    رئيس نقابة نفط الكويت احمد الحمادي ساكن في بيت ما يستحقه ولا يُعطا إلا لعضو منتدب او مدير ! وهو قريد 12 :)

    شلون تبيه يتكلم وهو يدري انه اذا تكلم بيسحبون بيته!؟

    لا وفوق هذا حاط له غرف كيربي في الحديقه مادري شنو مسوي فيها :)

    رد يا زميلنا بالاسكان كلامي صحيح ولا لا؟
     
  11. Free_Kuwait

    Free_Kuwait بـترولـي نشيط

    115
    1
    18

    كلامك صحيح واحنا عارفين ومطنشين .... فضحتهم :)
    وراح اصور لكم بيت الرجال وتشوفون البيت المخالف وراح ابين لكم سيارته للتأكيد فقط
    احنا ماندور الزله على نقابتنا الدايخه :rolleyes:
    لانها هي فاضحه نفسها
    نحاول نرقع لها بس الشق اكبر من الرقعه (راح ينزلون بيان يوضحون فيه حجم الرقعه اللي يبونها)
    لكن التجاوز هذا خطيييير ... معقوله يانقابة العمره و حديقة الشعب والمدينه الترفهيه

    التجاوزات موجوده لكن مافي قانون صارم يطبق على الجميع
    ياخي على الاقل اربط السيستم عندك مع الاسكان
    او اطلب من وزارة الاسكان بيانات موظفين نفط الكويت
    ياهي علووووووم
     
  12. Tacobell_q80

    Tacobell_q80 بـترولـي جـديـد

    22
    0
    0
    PETROLEUM ENGINEER
    KUWAIT
    المفروض ان الي ما عنده مشكله سكنيه ومن لديه بيت حكومي او ما شابه ان ينسحب منه منزل الاحمدي الي اهو مسويه شاليه للعطل او ماجره للناس او ماجر بيته وقاعد بالاحمدي !!!

    عكس الناس هذا ضلم وله شنو رايكم
     
  13. MR.MOH

    MR.MOH بـترولـي نشيط

    88
    0
    0
    لازم يتغير هالوضع المأساوي واستعادة الحقوق
     
  14. المهندس

    المهندس بـترولـي خـاص

    1,305
    8
    0
    يا جماعه ترا الاجانب تارسين علينا اللسته السكن..دوووورنا كل ماله يبعد. شيلوهم
     
  15. kuwait22

    kuwait22 بـترولـي جـديـد

    16
    0
    1
    يوجد بيوت وضع يد يسكنون فيها سورين كثر

    ويوجد بيوت مخصص للعربده والعياذ بالله

    والله يشهد على كلامي

    وغيرالبيوت الموجره باسعار 400 دينار تقريبا


    والادارة مساكن دايخه وخليها القرعه تـــــــــــــــــــــــرعي



    سبحان الله وبحمده ****سبحان الله العظيم
     
  16. Q8GAS

    Q8GAS بـترولـي مميز

    514
    0
    16
    خوش اقتراح

    ولكن لاحياة لمن تنادي
     
  17. Hardvictory

    Hardvictory بـترولـي جـديـد

    28
    8
    3
    مداخلة ..

    انا مقدم على بيت الشركة من سنة 2006 وللحين ما جرب الدور !

    مع الأسف ان الكثير من الزملاء الموظفين في الشركة , عندهم بيوت أو اشتروا بيوت ( عليهم بألف عافية ) وما زالوا
    قاعدين في بيوت الأحمدي !

    اللي مأجرة بيته وساكن في بيوت الشركة ,, واللي مأجر بيت الشركة وساكن في بيته ,,

    سألت الأسكان : ليش ما تطلعون اللي عندهم بيوت حكومة أو اشتروا بيوت ؟

    قالوا : ما بحثنا .. ما دورنا .. ورا الناس اللي عندهم بيوت !!

    انا خابر اللي عنده بيت لازم يسلم بيت الشركة !!

    بس مع الأسف ( خشمك - اذنك ) وقاعدين لمن يطلعون تقاعد !!

    علاوة منحة السكن .. لازم تطلع ( شهادة من العدل + شهادة من الاسكان + شهادة من البلدية + شهادة من التسليف ) كل ثلاث سنوات , عشلن تثبت ان ما عندك بيت !!

    عيل شمعنى اللي قاعد و مستنفع من بيوت الشركة ما تطلبون منه هالاوراق !!

    قوانين بطيخ .. عادي .. تعودنا
     
  18. المهندس

    المهندس بـترولـي خـاص

    1,305
    8
    0
    السلام عليكم

    الله يعينكم صراحه وفي اشياء ما تدرون عنها او ما تقدرون عليها وان جاءت بالواسطه .. يا اخوي ترا انا اعرف حالات وفيه من عنده بيت حكومي ومن ثم اخذ بيت في الشركه وفيه من هو موءجر بيته وهذا لا يخفا عليكم ومنهم من موءجر نص بيته (شغل هنود) وكذلك بيت عضو مجلس الامه السابق اللي باسم ولده وهو بيتين :) . اذا كويتي وعلى مضض بنقول بالعافيه عليه .. بس ياخوي شوفو قواءم الانتظار نصهم اجانب ونصهم عندهم بيوت من الحكومه .. الاجانب حولوهم شقق برا والمواطن اللي موجود في اللسته ابحثو في امره مع الاسكان او وزاره العدل واذا لقيتو انه ما يتسحق شطبوه من قائمه الانتظار.. ترا السالفه بسيطه ومحد راح يزعل دام انها بالحق ..:d
     
  19. Salem J

    Salem J بـترولـي نشيط جدا

    226
    0
    0
    Eng
    Kuwait
    على فكرة فيه بيوت صار لها مدة طويلة فاضية و كبار و حدايقها كبار و محد ساكن فيها! مدري ليش؟؟
     
  20. المهندس

    المهندس بـترولـي خـاص

    1,305
    8
    0
    اعرف ثلاث بيوت :) ... بس وين تصيبنا :(
     
جاري تحميل الصفحة...

مشاركة هذه الصفحة