عبدالله الشايجي: راتب اصغر موظف بالنفط اكثر من راتب نائب مجلس الامه

حسد حقد

 

الرازق بالسما والحاسد بالارض

 

أقول للأخ الشايجي عطنا الإمتيازات اللي يتمتع فيها أعضاء مجلس الأمه و تعديل الوضع المادي و القرض الحسن و السكرتاريا و السيارات و دفع مبالغ الخدمات مثل الموبايل و الطباخ و السايق و بالأخص الجواز الدبلوماسي و ترسية المناقصات على شركات محسوبه للعضو أو أحد أقارب العضو بعدين ناقشنل على رواتبنا . أقول بعد نسيت أقلك اللجان و السفرات هذي طامه كبرى و السياحه بالخارج قصدي العلاج بالخارج لأقارب الأعضاء طبعا البعض و ليس الكل و أخيرا متى ما العضو إلتزم بحضور الجلسات أنا اهني أقدر أناقشك بس أقول داوموا و خلكم من هذي التصاريح اللي ما وراها غير المشاكل و الحقد و الحسد .

 

تراكم تكلمون عن نائب مجلس أمة يشرع القوانين ويراقب السلطة التنفيذية
راتب الفين دينار مهزلة وين قاعدين يعني لازم يستخدم نفوذه عشان يعوض !!
اخوي ابو احمد الوفراوي هالمميزات اللي ذكرتها اي تيم ليدر في القطاع النفطي يشفط لنواب الامة بمميزات عد وخربط
صحيح فيه نواب مايدرون عن الرواتب والفلوس وماهمتهم لأنهم اغنياء بالوراثة لكن فيه نواب على قد حالهم وماشين على هالراتب
يستاهلون نواب الأمة

 

السلام عليكم بس للتوضيح أخوي أنا ما قلت كل نواب الأمه و الشي الثاني إسمحلي أخوي ما في نائب على قد حاله و لا جان ما نجح لو ما كان حاط مقر ولا العزايم اللي تكون طول فترة الانتخابات مع كل التقدير للنواب البسطاء. شوف أخوي حبيت أقلك شي و الله ثم والله من خبرتي 15 سنه مواكب و معاصر للانتخابات السابقه و الحاليه القليل القليل من الأعضاء يخوض الانتخابات لمصلحة الوطن و المواطن لكن أغلبهم لمصالحهم الشخصيه . واحنا فيها مو النواب يشرعون القوانين خللي يقترحون بالغاء جميع الكوادر مو بس كادر النفط و كفانا تصاريح وتلميع الذات .

 

قال تعالى

((وَإِن يَكَادُ الَّذِينَ كَفَرُوا لَيُزْلِقُونَكَ بِأَبْصَارِهِمْ لَمَّا سَمِعُوا الذِّكْرَ وَيَقُولُونَ إِنَّهُ لَمَجْنُونٌ))القلم 51

الله يبعدنا عن الحساد والحاقدين و الله يحفظنا ويحفظ العاملين بالوفره من شر الطريق .

 

وعليكم السلام ورحمة الله وبركاته ليش مافيه عندك محمد هايف على قد حالة وماهمه الدنيا وزينتها
مو في دائرتي ولكن هو عندي النائب رقم واحد ويمكن فيه نواب مثله ما ادري عنهم
بالنسبة للتكاليف الانتخابية عادي عندنا نشيلها مع رفيقنا مايشيل همها هذي مو مقياس للحال الميسور

 

الرازق بالسما والحاسد بالارض

 

بِسْمِ اللَّهِ الرَّحْمَنِ الرَّحِيمِ

قُلْ أَعُوذُ بِرَبِّ الْفَلَقِ (1) مِنْ شَرِّ مَا خَلَقَ (2) وَمِنْ شَرِّ غَاسِقٍ إِذَا وَقَبَ (3) وَمِنْ شَرِّ النَّفَّاثَاتِ فِي الْعُقَدِ (4) وَمِنْ شَرِّ حَاسِدٍ إِذَا حَسَدَ (5)

سورة الفلق

 

قوله معاش موظف عالثانويه بالنفط 1000 وكسور اول ما يدش

والعضو 3000

 

[align=center]اقول للشايجي ... تبي تقارن شغلــك اللي كله قرقره وترزز وسلق قوانين بموظف بالنفط .... وشجاب لجاب .. حنا هنيه ناس تشتغل وتحلل معاشها .[/align]

 

نعم يالشايجي راتب اصغر موظف بالنفط اعلى من راتب نائب بالمجلس " طبعا غير صحيح لكن اخذه علي قد عقله"

لان النائب دمبكجي وحرامي وكذاب كبير الا من رحم الله منهم وموظف النفط يشتغل تحت الضغط والمسئوليه الكبيره

وبالنسبه للي قال لازم يكون راتبه 10 الاف عشان الذمه ماتكون وسيعه

اقولك الي ذمته وسيعه راح تزيد في التوسع كل ماكثرث امواله والشريف لو ماعطوه اي راتب بظل شريف

 

منو قاص عليك قايلك 2000

اقل نائب ياخذ بالمجلس ما يقل عن 4000 او اكثر وذلك عن طريق اللجان

 

المشكله ان هالنائب اللي يتكلم عنه الشايجي يقدر يوقف صفقات مشاريع نفطيه بالمليارات لان مخه فاضي...ويضيع على البلد ايرادات ماليه كبيره.........النائب يضيع ملايين على الدوله ويبي معاشه كثر القاضي هههههههههه والنصاب يقول اقل موظف اعلى من نائب وين صارت.......وبعدين منو قالك تصير نائب....دش البترول واخذ معاش


بلاعة البيزه

 

وبعدين منو قالك تصير نائب....دش البترول واخذ معاش

ها ها ها ....صح لسانك..... قتلتني

 

يالشايجي وشنو يطلع اصلا النائب أمام موظف البترول؟

اصغر موظف بترول يشتغل شغل لا أشرف نائب ولا حتى وزراء ولا حتى رئيسهم يشتغلون شغل اصغر موظف بالبترول ؟

الموظف يشتغل شغله لا انت ولا نوابك ولا وزراء ولا حتى رئيسهم يشتغلون ربع شغل الموظف البترولي ؟

وشنو سوالي النائب او حتى الوزير عشان يكون معاشه 10 الاف او حتى 5 ؟

يامهرجين بالمجلس ياممثلين يا ناس ماعندهم ذمه وولاءاتهم خارجيه حسبي الله عليهم

حسبي الله عليك ونعم الوكيل يالشايجي وعلى كل حاسد وحاقد

وينك ماتكلمت عن 77 مليون دينار ؟؟ وينك ماتكلمت عن مليارات اللي تروح يمين ويسار للدول الخارجيه ؟

عسى الله لايوفجك يارب لا دنيا ولا اخره ​

 

قوله بعد وينك عن التجار الحراميه اللي مأخرين طلبات الاسكان وقاعد يرفعون بسعر اراضيهم؟ اللي اكبر موظف بالبترول ما يقدر يشتري ارض بسعرهم يا بو اصغر موظف بالبترول

نبي منك دعوه على هالتجار اللي أكلونا والكل ساكت وانا اقصد النواب اللي ساكتين..........ماكو نائب يتكلم ليش؟ وينهم؟ والا بس يبون زياده وبس....اذا شغلهم رقابه وتشريع واهم لا رقابه ولا تشريع.....حطوا براسهم يشيلون شخص من الوزاره شالوه.....وين الاصلاح اللي يقولون عنه......الناس مو لاقيه تسكن مو لاقيه تشتري بيت واهو و ربعه مناشبين موظفين البترول

اذا انت رجل قد المسؤوليه كنائب يا الشايجي تكلم عن الاسكان و عن اراضي بو فطيره........ورنا مراجلك يا عضو