امتحانات تعديل الوضع (ارجو من الكل الدخول خاصة النقابه)

الكاتب : الشعلي | المشاهدات : 4,081 | الردود : 40 | ‏8 ابريل 2012
  1. الشعلي

    الشعلي بـترولـي جـديـد

    12
    0
    1
    بسم الله الرحمن الرحيم


    نحن مجموعه موظفين اكملنا دراستنا وفقا لقوانين الشركه وانتهينا منها


    وعندما حان موعد تعديل الوضع حانت معه التعجيزات


    لا يصح لك تعديل وضعك اللا بإجتياز امتحانين


    امتحان انجيلزي


    وامتحان تخصص




    طبعا هالقرار نزل بعد مادرسنا وخلصنا يعني المفروض مايشملنا هالقرار لكن تطبق على الجميع



    في حال عدم اجتيازك لامتحان الانجليزي يحق لك اعادة الامتحان بعد شهر من تاريخه

    وفي حال عدم اجتيازك لامتحان التخصص يحق لك اعادة الامتحان بعد شهرين من تاريخه

    طبعا هالامتحان كل من امتحنه يقول معقد الى مرحلة الفلسفه الزائده





    السؤال ؟؟؟؟؟


    بما اننا درسنا وفقا لشروطكم

    وبما اننا درسنا ولم يكن هذا القانون الظالم موجود



    لماذا يطبق علينا


    ؟؟؟؟؟؟



    الرأي

    الى كل من يرى انه ظلم من هذا الامتحان مراسلتي

    لعمل قائمة بالاسماء ورفعها الى المسئولين



    ومن يستطيع مساعدتنا يرجى منه ايضا مراسلتي

    وله جزيل الشكر
     
  2. q8rix

    q8rix بترولي خاص أعضاء الشرف

    437
    0
    16
    انا ما اشوف هلقرار ظالم بالعكس عادل .. يعني مثلا واحد يداوم ابجامعة صعبه وبالغصب ينجح وواحد بالسهولة ينجح ابجامعة سهله فمايصير اتعادل بينهم خصوصا فيه جامعات اتخرج ناس مو فاهم شي .. اذا امتحنت ونجحت بالعكس راح تكسب ثقتك ابنفسك واتبيين للناس انه شهادتك مو شاريها

    بخصوص صعوبة الامتحان مو مشكلة شوف شنو الاشياء الي داشة بالاختبار وابحث عنهم ابشكل كامل وابهذه الحاله انت جاهز للامتحان وتنجح اهما ما قالوا لك يب 100 بس يبون 50 يعني ولا شي

    بالعكس صدقني الاختبار يضمن حقك واحترام الناس لك اذا كانت جامعتك ضعيف السمعة
     
  3. Winchester

    Winchester المـراقب الـعـام

    بالعكس اخوي اللي لاحظناه انه الصعوبه باللغه الانجليزي وكانت اغلب المطالبات للنقابه بتقليص المده من 6 أشهر الى شهر

    اما امتحان التخصص بالعكس بسيط واذا انت فاهم اللي درسته ومانسيت تجتازه وبسهوله


    بالنهايه تعتمتد على تحصيلك العلمي وما شاء الله 80٪ من اللي احصلوا على شهادات اجتازوا الاختبارات
     
  4. net1

    net1 بـترولـي نشيط جدا

    229
    0
    16


    ليش بس بالقطاع النفطي في اختبارات ؟؟ وباجي وزارة الدوله والبنوك عادي تعال وعدل وضعك معنى هل الكلام انه الشركات النفطيه مو معترفه بتصديق التعاليم العالي لهذه الشهادات بغض النظر عن الطلاب الي دارس والى شاريها كلها قانونيه 100% ولا اي احد يقدر يطعن فيها بس هاذي سياسه مماطله وعقبات قاعد تحطها الادراه بكل الوسائل علشان تطلع الدراسه من جبود الى خلصوو دراستهم وبعدين شي بالعقل موظف متبع جميع الاجراءات الصحيحه عن طريق الشركه وعن طريق التعليم العالي وكل شي تمام لما يخلص دراسته الدوله (( التعليم العالي)) يعترف بشهادته ويصدقها له ويعتمدها بعدين الشركات النفطيه ما يعجبها هل الحجي وتحط اختبارات من عندها شنو هل القطاع مو جزء من الدوله ولا ما يتبع الدوله ؟؟ والحمدلله مثل ما ذكرت اخوي انه 80% اجتازو الاختبارات يعني السالفه اشوفها مجرب مماطله ومالها داعي واشك فيها قانونيا (( ماني متخصص)) بس اتوقع
     
  5. الشعلي

    الشعلي بـترولـي جـديـد

    12
    0
    1
    اشكر كل من رد على الموضوع


    بخصو ص انكم ترونها عادله هذي وجهة نظر واعتز فيها

    لكن انا على يقين بأنكم مو محتاجين هالامتحانات
     
  6. الشعلي

    الشعلي بـترولـي جـديـد

    12
    0
    1


    شاكرك ظال عمرك على ارد


    وهذا السؤال اللي ودي اجابه له


    ليش بس بالقطاع النفطي في امتحانات ؟؟؟؟
     
  7. فيزالارس

    فيزالارس بـترولـي جـديـد

    7
    0
    0
    يا شباب أنا من الناس إلي درسو أثناء العمل والحمد الله نجحت وأخذت البكالوريوس وتم تعديل وضعي الوظيفي ، طبعا بعد إجتياز إمتحان الانجليزي وإمتحان التخصص من أول مرة وما وجدت صعوبه بالامتحانين ، يعني إلي درس وفاهم تخصصه الدراسي ما راح يواجه صعوبة بالامتحانات ، وشكرا .
     
  8. الشعلي

    الشعلي بـترولـي جـديـد

    12
    0
    1
    اللله يبشرك بالخير



    وان شاء الله ماتكون عثره في وجه اي انسان كمل دراسته



    وبيض الله وجهك على المشاركه
     
  9. q8rix

    q8rix بترولي خاص أعضاء الشرف

    437
    0
    16
    الشعلي انا دبلوم بس قاعد اكمل دراستي ....
     
  10. الشعلي

    الشعلي بـترولـي جـديـد

    12
    0
    1
    عسى الله يوفقك ان شاء الله


    وبتشوف بعدين اذا الامتحان عادل ولا لا :)
     
  11. كويتنا

    كويتنا بـترولـي نشيط

    121
    0
    0
    كيف تقول الامتحان عادل مثلا درست تخصص اداره والدراسه باللغه العربه وفي اختبار التخصص باللغه الانجليزيه اين العداله الله يسلمك
     
  12. مو معقول

    مو معقول موقوف

    663
    0
    0
    اخوي اللغه الرسميه بالقطاع النفطي اهي الانجليزيه...شكو العداله بالموضوع
     
  13. Miss Flafel

    Miss Flafel بـترولـي جـديـد

    23
    0
    0
    السلام عليكم

    رداً على صاحب الموضوع وعلى التعليقات بصوره عامه

    انا وحده من اللي مكملين دراستهم اثناء الخدمه وصارلي سنه ونص من تخرجت وطبعا شهادتي قاطتها بالدرج و للحين ماتعدل وضعي والسبب الامتحانات

    امتحان الانجليزي الحمدلله عديته من اول مره لكن امتحان التخصص عدته للحين 4 مرات وكل مره تكون نسبتي 25%
    والمشكله مره دخلت الامتحان للاستكشاف وثاني مره درست والثالثه ماكنت دارسه والرابعه درست .. يعني درست ولا مادرست نفس النتيجه

    وللعلم لما رحت وسألت شخص بالشركه عندنا من القسم المعني بالموضوع قالي السالفه كلها واسطات اذا عندج واسطه تطوفين الامتحان بدون ماتقدمينه حتى .. بس للتوضيح قالي اذا تعرفين احد بالمؤسسه مو هني بالشركه

    وعشان لحد يقول انا مو فاهمه ولا مو دارسه .. انا خريجة الكويت مو مصر و الفلبين ومتخرجه بامتياز يعني تعبانه بشهادتي


    وفي معلومه عرفتها ان نظام الامتحانين يطبق بس عندنا بالشركه اما المؤسسه النظام عندهم انك تطوف امتحان واحد فقط يا الانجليزي او التخصص و بعدها يعدلون وضع الموظف


    خلاصة الكلام .. ليش تشجعونا وتخلونا نكمل دراستنا ونصرف مبالغ مالها اول ولا تالي واخر شي تحطون شروط و قوانين و تطقون كل هالاشياء بالطوفه اذا صار في واسطه؟؟

    اييي و قبل لا انسى .. ليش امتحان التخصص نعيده كل شهرين؟ ليش مايصير كل شهر حاله حال الانجليزي؟؟
    ترا طواله السالفه - ارحموا عزيز قوم ذل


    واسفه عالاطاله وشكرا
     
  14. net1

    net1 بـترولـي نشيط جدا

    229
    0
    16
    كلامج صحيح اختي واتفق معاج 100% والله يعينج شكلج متكدره منهم وايد بس الله كريم وان شاءالله تخلصين وتفتكين انا واحد من الناس نفس السالفه الى انتي فيها بس انا توني ب بداية المشكور بشوف حضي معاهم والله كريم
     
  15. Miss Flafel

    Miss Flafel بـترولـي جـديـد

    23
    0
    0


    من صجك حدي متضايقه من الوضع تخيل كل يوم اشوف شهادتي و اضحك .. وصلت لمرحله اني ابي اقدم استقالتي و اتوظف بمكان ثاني بشهادتي الجامعيه
    بس الحمدلله للحين عندي امل

    وانت الله يوفقك ويعينك وانشالله حظك يكون احسن من حظي وتعدي الامتحانات كلها من اول مره بالكثير ثاني مره هههههههه

    موفق:d
     
  16. net1

    net1 بـترولـي نشيط جدا

    229
    0
    16

    بالتوفيق لا عاد الا الاستقاله وين تروحين صحيح انه الشركه فيها ظلم وفيها ناس تاخذ حقها باللسان مو بالشغل وبل الواسطه بس الحمدلله على كل حال المعاش والمميزات احسن من غيرنا يمكن هاذي الشغله الى تخلي اغلب الموظفين يسكتون شوي عن حقوقهم او عن الخمبقه الى قاعد تصير

    وبعدين اهني كل قسم وله سوالفهم واموره الله يوفقج وبل النسبه للشهاده ان شاء لله راح تستفيدين منها لي جدام وانا قريب وراح ابدي المشوار

    وانا مفكر اكمل الماستر بس الظاهر الوضع حده ما يساعد ولا راح تفيديني بالشركه هل الشهاده

    يقولون حتى لما تخلص الامتحانات هم طواااله ومواااال ثاني صج
     
  17. الشعلي

    الشعلي بـترولـي جـديـد

    12
    0
    1


    صح لسانج وتسلم ايدينج على المشاركه بالموضوع

    المصيبه لما انتكلم

    يقولون هذا قانون وهذا بروسيجر

    امنا بالله


    مثل ماتطبق هالقانون علينا طبقه على العموم

    ليش الشركات الثانيه عليهم اجتياز امتحان واحد


    زين الحين امنا بالله

    وامتحنا

    ليش مفروض علي اعيده كل شهرين

    خلاص فضها سيره وخله كل شهر



    انا امتحنت قبل اسبوع والحمدالله ماطفته

    يقولون امتحان تخصص

    وانا اشوف اللي كاتب الامتحان مو عارف بالتخصص اللا ماده وحد وحاط كل اسألته عليها


    والدليل عايد السؤال اكثر من مره


    عالعموم

    مانقول اللا


    الله كريم
     
  18. Miss Flafel

    Miss Flafel بـترولـي جـديـد

    23
    0
    0

    ههههههه سالفة الماستر هذي انا شلتها من بالي من عقب المسخره اللي شفتها و بعدين الماستر ما منه فايده هني بالشركه .. على قولة تيم ليدر من تيم ليدرية الموارد البشريه قال مجرد زياده ورق بالملف

    وعلى قولتك المميزات تخلي الواحد يسكت بس هذا من حقي اني ما اسكت عنه لان قمة المسخره .. ناس ماتعرف تكتب اسمها بالانجليزي و عدلت وضعها لانها تصير حق فلان وعلان واحنا قاعدين جذي

    وبالتوفيج اخوي واذا احتجت مساعده او عندك سؤال ترا انا خبره سنه ونص باللطعه والنطره :d
     
  19. Miss Flafel

    Miss Flafel بـترولـي جـديـد

    23
    0
    0


    ههههههههههههههههه صح بدنك يالشعلي
    احنا طريقنا مسدودٌ مسدودٌ مسدود :cool:

    تعال نسوي كتاب ونيمع تواقع و نرفعه للنقابه ونشوف يمكن يسوونه كل شهر
    وانا امتحاني المفروض هالشهر بس للحين ما بلغوني بالموعد

    وعلى قولتك الله كريم
     
  20. net1

    net1 بـترولـي نشيط جدا

    229
    0
    16

    ههههههههههه سالفة الى ما يكتبون اسمهم هاذي موجوده وايد وحتى الايميلات في ناس ما تعرف تقرى الايميل ولا تفهم شسالفه

    وصح 100% انه في واسطات ب امتحان اللغه والتخصص على قولتج الى يصير حق فلان ولا من طرف فلان

    والمشكله انه اللغه يبيلها ممارسه وبقسمي للاسف ما نستعمل اللغه وايد فااا قامت تضيع فهمتي قصدي
    الله كريم ان شاءالله

    مدام انتي خبره ما نستغني عن خبرتج الحين اذا نجحت ب امتحان اللغه ادخل التخصص ولا مالهم شغل ؟ وهل اذا عديت اللغه خلاص ما اعيده ولا يردون يعيدونه بعد فتره نفس كورسات الانجليزي الى تناجرت وياهم والسبه هل الموضوع السخيف الى محد راضي يفهمه الى يبي موضوع بكبره اوضح لج وحق الشباب اللعب الى صاير
     
جاري تحميل الصفحة...

مشاركة هذه الصفحة