طفح الكيل بدنـا حريـه ..!!

الكاتب : مشغل حقل ولكن | المشاهدات : 986 | الردود : 9 | ‏3 ابريل 2012
  1. نعم وبقوه

    7 صوت
    63.6%
  2. نعم

    1 صوت
    9.1%
  3. لا أدري

    0 صوت
    0.0%
  4. لست متأكدا

    0 صوت
    0.0%
  5. لا أوافق

    3 صوت
    27.3%
  6. أرفض بشده

    0 صوت
    0.0%
  1. مشغل حقل ولكن

    مشغل حقل ولكن بـترولـي جـديـد

    21
    0
    0
    رجل اعمال بجانب هوايتي مشغل حقل
    الكويت عسى الله يكفينا شرور الفتنه
    السلام عليكم ورحمة الله وبركاته


    تحيه طيبه لاخواني الاعزاء


    اما بعد



    صارلنا جم يوم الله يعطيهم العافيه رجال المنشآت شادين حيلهم تفتيش بالداخل والطالع والتحويل شغال ..!!


    شغالين تعهدات وتقارير علي اخواننا والدور جاي علينا :D


    مادري منو الي زعلهم الله يهداه .. صاير تفتيشهم ليش مو لابس طاقيه ..!!


    عدد المحولين منهم علي حسب ما أكد لي أحد الأعزاء قد تجاوز الــ100 :confused:


    الله يهداهم تعاملهم وتفتيشهم لنا مهين ورب الكعبه والله مو ناقص بعد التفتيش يصكك أفا ويقول الي بعده ..!!


    طبعا إلا من رحم ربي ..



    والله عيب ابو عيال يتبهذل والسبه هالتلفون الي اهميته كبيره أكثر من العزوبي ..


    طبعا لا تظلمون العزوبي هم عنده بيت :D


    طبعا راح نضيع بين تصاريح النقابه والشركه علي ما يصفون علي حل وطبعا هذا مستحيل ..!!


    الرد علي مشكلتنا عندك تلفون الشلتر الي اذا لقوه مشغول بعضهم يزعلون .. غير انه تلفون عام ..!!


    يعني ماينفع الواحد يخلي أهله يدقون عليه .. والمشكله يقولون لا تعقدون الأمور وهم عندهم تصريح


    تلفون نقال وتلفون مكتب خاص فيه يعني ماعنده مشكله من الصوبين لانه كل شي خاص ..!!


    أنا أتكلم عن البعض وليس الكل للتنويه فقط :D


    والحل العظيم الي أوجده لنا كان يوم لا ينسى لنا .. لدرجه البكاء وأحتضنا بعض وسوينا مسيره داخل المصفاه ..!!


    الحل كان بيجر ..!! نعم عزيزي أنها ليست نكته :D ( يرحم والديكم زين ماخليتوها رسايل بريد )


    والله لو بقول لاحد انه عندي بيجر .. أول شي راح يخطر علي باله أنه كان بيجر لأبوي وأنا محتفظ فيه للذكرى ..!!


    وأحتمال يقولك الله يرحمه وأنت أبوك عايش .. الله يطول بعمر شيبانكم


    اخواني بالنقابه ننتظر منهم حل ولكن للأسف قد قبلوا بموضوع البيجر ( الله يسامحهم )


    وقد تكون مقايضه مع الشركه عشان الزياده الي ماسوت علينا من العالم اول ما قبلوا بالزياده


    توفوا 4 هنود بالأحمدي .. وبعض الناس الله يهداهم مسك علينا الدليل .. شفتوا كله هنود يموتون ..!! :eek:


    أدري مو من قلبهم يتغشمرون ربعنا :D


    عموما ما أجزم شي علي النقابه علشان لحد يتهمني بشيئ ..


    أو يتهمني إني من قائمه ثانيه أو عميل ولا مزدوج قائمات ..!!


    إنشاء الله فيهم كل الخير


    لكن أتمنى من اخواني الزملاء من النقابه والعاملين بالمصفاه العمل علي إيجاد حل لنا حتى لو بالأضراب ..!!


    نعم قد نحتاج إلي البوعزيزي بالمصفاه :D


    وأنا أشوف آخر العلاج الكي .. الحل بالأضراب لأنه طفح الكيل من قانون لا مبرر له ..!!


    الحجة الي دائما لا ينفكون من قولها أحتمال وانت داخل اليـونت أحتمال واحد يدز واتسب ولا أتصال


    يسبب سبارك وإلي نهايتها ..!!


    بالبداية أقتنعت لكن لما أشوف واحد عنده تصريح بالتلفون ويتكلم بقلب اليونت وماخذ راحته :rolleyes:


    أحترموا عقولنا الله يجزاكم خير أكتفينا من أستهزائكم بنا ..؟؟


    نبي نداوم ومعانا تلفوناتنا ومرتاحين والله عيب كل ما يتبطل باب الشلتر كل واحد يخش تلفونه


    واذا كان الرد الحجه المعتاده تقدرون تطبقون قانون جزائي للي يدخل اليونت بتلفونه وهذا سهل


    أما أذا جينا علي سالفة يمكن يخافون من الجواسيس والتصوير


    GoogLe والله ماخلي شي حتي المشاريع الجديده موجوده .. حتي لو بأحلف تقدر تحضرنا منه ( قويه ) :D




    همسه : الي أنا خايف منه يقولون لقيناكم الحل تلفون سيفتي وتكون مناقصه وـــــــــــ إلـــــخ ..!! فهمتوني :D

    أتمنى الرفض يكون شديد لإمور هكذا مع إني أري انشاء الله كل خير ولكن مجرد همسه ;)








    علي السريع تذكرت دخانيتي العزيزه الي جنها مصفط بانشي ..!!


    ومكشوفه الي اذا صار مطر تعال ولع زقارتك ..!!


    او اذا صار غبار وعجاج بدال ما يدش رئتك اول اكسيد الكربون يدش تراب ..!!


    يرحم والديكم حطوا لنا دخانيه مصكره مكيفه ترا حنا بشر ..


    أوكي الزقايره مضره علي الصحه بس وأدري أنكم تتمنون لنا الخير وماتنفع شالمشكله كلها زقاره وحده وترجع


    للشلتر بس ماينفع هالوضع الي حشرتونا فيه ..



    والله في جعبتي كثير من الكلام الي قد يراه البعض انه هراء :D




    سامحوني علي الأطاله لكن والله من القهر



    أتمني تعطوني رايكم بحل لنا لإدخال التلفونات حتي لو وصل الأمر بنا للأضراب لإني عن نفسي


    لا أرى غير هذا الحل الذي لا أتمناه ولكن الكرامه تفرض ذلك


    وسامحوني إن أخطئت وشكرا لكم


    أخوكم الصغير


    مشغل حقل ولكن



















    رساله الي اخواني رجال المنشآت الا من رحم ربي

    يرحم امك والله من كثر ما تفتشني مو ناقص الا تقطني داخل الجهاز حسسني بعد اني هاند باق ..!!



    رساله الي أعزائي النقابه

    انشالله تشوفون لنا حل غير سالفة البيجر .. اذا بقول لاحد انه عندي بيجر راح يستوعب بعد ساعه علباله انكت ..؟؟




    رساله الي الادارة الأعزاء الا من رحم ربي

    نشكر تعاطفكم معنا بأمر الهاتف والسماح لنا باستعمال هاتف الشلتر .. والدليل ماتزعلون اذا لقيتوه مشغول ..!!



    رساله الي كثير من رجال السكيرتي الا قليل منهم

    نشكر تعاونكم وتعاملكم الاكثر من راقي معنا حتى لو منعني من إدخال الهاتف وذلك قليل جدا .. تحيه من القلب
     
  2. حبيبي رسول الله

    حبيبي رسول الله بـترولـي جـديـد

    31
    0
    0
    موافق قوه لان السالفه مصخررره
    هذول ما يفكرون غير جيبهم
     
  3. مشغل حقل ولكن

    مشغل حقل ولكن بـترولـي جـديـد

    21
    0
    0
    رجل اعمال بجانب هوايتي مشغل حقل
    الكويت عسى الله يكفينا شرور الفتنه


    كفو طال عمرك يدا بيد لنسترد بعض من حقوقنا ..!


    بانتظار الاخوه لمعرفة وجهة نظرهم
     
  4. مشغل حقل ولكن

    مشغل حقل ولكن بـترولـي جـديـد

    21
    0
    0
    رجل اعمال بجانب هوايتي مشغل حقل
    الكويت عسى الله يكفينا شرور الفتنه
    للاسف لست اطمح لان يكون موضوعي متميزا او ماشابه ..!!

    طرحت قضيه قد تكون مكرره جدا


    لم اجد الا وجهة نظر واحده وستة اشخاص صوتوا ..!


    شكرا لكم ..!
     
  5. الساحوت

    الساحوت بـترولـي نشيط

    104
    2
    18
    اخوي مشغل حقل ولكن
    الله يجزاك خير على الطرح الحلو .. ولو ان الموضوع مبكي الصراحه
    وانا اشوف الاضراب افضل حل للحصول على رد واضح..لان كل اصحاب الشأن متقاعسين عن اتخاذ قرار
     
  6. مشغل حقل ولكن

    مشغل حقل ولكن بـترولـي جـديـد

    21
    0
    0
    رجل اعمال بجانب هوايتي مشغل حقل
    الكويت عسى الله يكفينا شرور الفتنه



    يعطيك العافيه اخوي الساحوت علي التفاعل معي

    وعلي وجهة نظرك المتوافقه معي ..


    في انتظار بقية اخواننا .. !!
     
  7. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    نتمنى ان لا يصل الحال الى الاضراب

    ولكن ان استمر تعنت الطرفين وعدم وجود تدخل من ادارة الشركة

    فلابد من المواجهه
     
  8. مشغل حقل ولكن

    مشغل حقل ولكن بـترولـي جـديـد

    21
    0
    0
    رجل اعمال بجانب هوايتي مشغل حقل
    الكويت عسى الله يكفينا شرور الفتنه



    اخوي فيصل والله يعلم ما في نفسي اني لا اتمني الاضراب كما يوجد من هو افضل واحرص

    مني علي ذلك وهم كثيرون ..


    لكن تعبنا من المماطله .. وكما تعلم تفتيش المنشات الله يهداهم بعض الاحيان يصبح مهين

    كل ما نريده هو حقنا فقط لا غير


    شكرا لك علي المرور ياعزيزي
     
  9. ضمير الأمة

    ضمير الأمة بـترولـي نشيط

    100
    0
    16
    اذا استمر الحال على ماهو عليه

    ولم تقم النقابه بعمل تصاريح للهواتف النقاله فجيب عمل اضراب
     
  10. مشغل حقل ولكن

    مشغل حقل ولكن بـترولـي جـديـد

    21
    0
    0
    رجل اعمال بجانب هوايتي مشغل حقل
    الكويت عسى الله يكفينا شرور الفتنه



    مو خوفك تصير مناقصه علي هالتلفونات ويقولون لك تلفون سيفتي ويجبرونا

    علي تلفون واحد هذا الي مانبيه .. حنا نبي تلفوناتنا الخاصه


    اشكرك ياضمير الامه
     

مشاركة هذه الصفحة