بخصوص مشاركة النجاح

الكاتب : مو معقول | المشاهدات : 5,296 | الردود : 17 | ‏2 ابريل 2012
حالة الموضوع:
مغلق
  1. مو معقول

    مو معقول موقوف

    663
    0
    0
    بسم الله الرحمن الرحيم

    عندي استفسار....الحين ليش نفط الخليج ياخذون مشاركة النجاح على الاساسي الجديد مال السنه الماليه القادمه وباقي الشركات ياخذون مشاركة النجاح مال السنه الماليه اللي طافت؟ هل لأن زيادتهم السنويه تبدأ بتاريخ 1-1 واحنا 1-4؟ خلاص يبه خل يحطونا مثلهم...نبي على الاساسي الجديد
     
  2. API 18

    API 18 بـترولـي مميز

    513
    0
    0
    يعني انت الحين مكتشف اكتشاف. بس ممكن اتقولنا كم تقريبا راح تفرق معاك؟
     
  3. المهندس

    المهندس بـترولـي خـاص

    1,305
    8
    0
    مو خوش اخبار :) .. نبي على الجديد
     
  4. varanus

    varanus بـترولـي جـديـد

    46
    7
    8
    ليش كل الشركات ياخذون بدل طبيعة عمل ما عدا موظفين الخفجي ما ياخذونها و ليش موظفين الخفجي يقعدون اقل شي ساعة و نص بالحدود بالروحه و بالرده ليش موظفين الخفجي ما ياخذون بدل طريق و ليش ما عندهم بدل تمثيل و ليش ما يصرفون لهم سيارات حالهم حال الشركات الثانية وليش ما ياخذون بدل خطر و ليش موظفين الخفجي الوفر تايم مالهم يفشل
    خلوها على الله
     
  5. بوعبدالرحمن

    بوعبدالرحمن بـترولـي مميز

    710
    0
    0
    وانت من قالك هذي الاخبار؟؟
     
  6. aalbahar

    aalbahar بـترولـي جـديـد

    5
    0
    0
    Reservoir Engineer
    Kuwait
    kafeet o wafeet >> bas neset shay ba3ad laish Al khafji al grade kil 4 years o bagy al qe6a3 kil 2 years !!!
    o laish al khafji yomeyat al safrat 'hom ma tet3ada 140 kd o bagi al ge6a3 220 kd

    Baskom 7asad ya nas !!! khalaw al khafji eb 7ala .. walla tra al khafji aqal minkom !!
     
  7. SonMubarak989

    SonMubarak989 بـترولـي خـاص أعضاء الشرف

    2,062
    98
    48
    ليش موظفي الخفجي كل اربع سنوات ترقيتهم
    ليش موظفي الخفجي سلم الدرجات يختلف بين الدبلوم والبكالوريوس
    ليش الخفجي حق قريد 13 ما يستلم منحه سكن
     
  8. شعيباوي

    شعيباوي بـترولـي نشيط جدا

    362
    12
    18
    رجاء لا تزدري زميلك بالقطاع النفطي
     
  9. سلومكو

    سلومكو بـترولـي مميز

    563
    0
    0


    لاحول ولا قوه الا بالله

    ادري الكل بيعارضني والكل بيزعل علي .!

    ولكن بس احنا هذي شغلتنا ؟ لازم لازم نشوف صحون غيرنا ولقمة غيرنا ؟

    زين مشاركتهم على الاساسي اليديد,يعني فيها زياده اكثر منا احنا

    طبيب الزياده هذي اطلعت برا الكويت يعني والا وين راحت ؟

    راحت لموظفين نفط الخليج ياخوي,يعني اخوانك جماعتك اهلك ناسك كلهم ماخذاها الغريب ياخي

    اكرر واقول ادري كلامي مايرضي احد وبيعصب علي وبيقول, انا اطلب بحقي ومساواة


    الله يهنيهم يارب
     
  10. مو معقول

    مو معقول موقوف

    663
    0
    0
    اخوي انا ما حسدتهم انا غبطتهم....وقاعد اشوف ان كل القطاع يستحق ياخذ هالميزه أسوه بموظفين نفط الخليج....وهذا قطاع نفطي كويتي وانا ما تكلمت عن موظفين الخفجي...تكلمت عن موظفين شركة نفط الخليج الكويتيه اللي تعد من الشركات اللي تحت المؤسسه.....انا اتكلم عن القانون...الكل لازم يكون نفس الثاني

    وبعدين شجاب طاري اخوي واهلي وناسي والغريب؟ وانا شكو فيهم...خلاص مدام اهلك وناسك قدم استقاله و روح الحكومه وعط فرصه لغيرك من اللي وده يدش القطاع النفطي لانه من اهلك وناسك و ربعك و ولدك...يا ابو الايثار الاصطناعي
    هذي ميزه يجب على كل القطاع ان يحصل عليها وليس حكراً على موظفين شركة وحده فقط...لو كانت شركة مو تابعه للقطاع قلت الله يوفقهم و هذا نظام شركتهم ولكن هذي شركة تحت المؤسسه

    وماتكلمنا عن المزايا اللي يحصلون عليها ولا يحصل عليها الموظف بالشركات الاخرى...تكلمنا عن حق من حقوق كل موظف الحصول عليها
     
  11. مو معقول

    مو معقول موقوف

    663
    0
    0
    دينار...تبي تعطيني اياه؟

    عط 15 الف موظف هالدينار
     
  12. SAP

    SAP بـترولـي نشيط

    50
    7
    8
    هل في حوار اكثر سطحيه وسذاجه من هذا الحوار
     
  13. الحووت

    الحووت بـترولـي جـديـد

    12
    0
    0
    الحمدلله على النعمه وحنا بخير دامنا بديره الخير والقطاع النفطي كله خير قال تعالى ( لئن شكرتم لأزيدنكم )
     
  14. NASSER-Q8

    NASSER-Q8 بـترولـي نشيط

    67
    0
    0
    يستاهلون اخوانا الي بالخفجي والحمد الله حنا بخير والله يوفق الجميع
     
  15. جابر

    جابر قــلــم بــتــرولــي أعضاء الشرف

    شكل الموضوع تشعب .. مع إنه سؤال مافيه أى شى
    حبيت أقتبس المشاركه الأصليه ..حتى نرجع لها ..


    سؤالك مافيه أى شى ..من حقك
    إعتقادى الشخصى إن هالشى له علاقه بتسكير الميزانيات ..
    عندنا يسكرونها أخر السنه
    يعنى لو الشركة اللى إنت فيها يسكرون ميزانيتهم أخر السنه ..مو أخر شهر ثلاثه ..زيادتك راح تصير مثل ماتبى ..بدون أى مطالبات ...


    على العموم ..
    ميزة النظام اللى إنت فيه ..
    إنه لو أقرت أى زيادات على الأساسى مثلا ..من شهر 4 إلى شهر 12 ..أنت راح تحسب لك على أساسيك الجديد ..بينما شركةنفط الخليج راح تحسب لهم على القديم ..ومايكونون أفضل حال منك إلا لو أقرت بين شهر 1 إلى شهر 3 ..وحسب قانون الأحتمالات ..فرصتك أفضل 4 مرات :)

    وأخيرا ..مافيه شى يمنع من إن الإتحاد يطالب بصرف المشاركه من تاريخ 2/4 ...مادام هاليوم ممكن يفيد مجموعه كبيره من الموظفين .

    وسلامتك
     
  16. سلومكو

    سلومكو بـترولـي مميز

    563
    0
    0
    كفوك والله,شلت نفسك وخليت غيرك,شفت نفسك والباجي مالي شغل,سود الله وجهك اقول

    وهذا اللي فهمته من كلامي بس ؟يعني ها حد عقليتك ونظرك ؟ اروح استقيل ها ؟ خلف الله عليك

    وشنو يعني ابو الأيثار الأصطناعي ؟ حفظت لك كلمتين وتقولهم عندنا اهنيه ؟؟

    ليتك ساكت بس والله خير الرازقين

    يعلم الله ويشهد اني مو موظف بنفط الخليج , ولكن اتمنى لهم الخير باذن الله

    وانت خلك على ماأنت عليه,, اللي مثلك ماراح تحس بطعم السعاده ولا بالرزق من لله مهما كان معاشك

    لأنه بتظل تطالع صحون غيرك ولقمة غيرك اللهم لاتبلانا


    لاتتعب نفسك بالرد,,انت بالذات مومتابع ردك بالموضوع هذا
     
  17. مو معقول

    مو معقول موقوف

    663
    0
    0


    منك لله.......و الله ياخذلي حقي منك ان شاء الله
     
  18. مو معقول

    مو معقول موقوف

    663
    0
    0
    بخصوص مشاركة النجاح

    بسم الله الرحمن الرحيم


    يا جماعه انا سمعت ان المشاركه قد تكون على الاساسي القديم.!!!!!!!!!! اللي قبل الزياده

    وانا اقول المفروض ان الكل سواسية.......والكل ياخذ نفس زيادة الثاني طالما اهو موظف بالقطاع ولحد يقولي حاسدهم والا مو حاسدهم بس هذا الحق........ما يجوز موظفين شركة نفط الخليج ياخذون مشاركة النجاح على الاساسي الجديد مال هذه السنه بعد الزياده السنويه وباقي الشركات ياخذون مشاركة النجاح على الاساسي مال السنه اللي طافت!!!!!!!! لان كلنا نفس الشي وهذا حق للكل وليس مقصور على احد


    اما بخصوص المشاركه فالمفروض تكون على الاساسي الجديد ونتمنى بمساواة القطاع النفطي كله دون تمييز احد على احد......ويكون مشاركة النجاح على الاساسي الجديد بعد الزياده السنويه نفس شركة نفط الخليج...وانا لا اتكلم عن اللي بالخفجي فقط انا اتكلم عن الكل.......مشاركة النجاح لازم تكون حق الكل بالمثل.....والا شرايكم
     
جاري تحميل الصفحة...
حالة الموضوع:
مغلق

مشاركة هذه الصفحة