رسالة الى السيد هاشم الرفاعي (لا عزاء لموظفي الخفجي )

الكاتب : ali salem | المشاهدات : 1,896 | الردود : 10 | ‏29 مارس 2012
  1. ali salem

    ali salem بـترولـي نشيط جدا

    200
    0
    0
    رسالة الى السيد هاشم الرفاعي

    أقولها وبالفم المليان (لا عزاء لموظفي الخفجي) لا بوجودك أو من سبقوكأنتم تحسبونها شركة ورثتموها من آباءكم وأجدادكم

    إذا كنت نزيه وحقاني جاوبني وجاوب المئات من زملائي الموظفين
    من الذي أعطاك الحق أن تدخل 3 من موظفي نفط الكويت في المنافسة على منصب المدير العام بالوفرة وياليتك أكتفيت بل أبعدت المدراء بالخفجي من المنافسة أليس هم أولى وأحق

    ولكن قالوها اللي قبلنا من آمرك قال من نهاني

     
  2. مراقب نفطي

    مراقب نفطي بـترولـي نشيط

    136
    0
    0
    السلام عليكم
    اذا كلامك صحيح انا مع قرار الرفاعي تدري ليش على شان اقلب المدراء انبطاحين ويحبون مصالحهم ومصالح شلتهم
    وانا اتحدى اذا في واحد منهم مؤهل للمنصب
    وبعدين احنى في بلد قانون اذا احد منهم حس انه مظلوم في في قضاء عادل انشالله

    وبعدي سمعنا مسوين موفاضله للجميع ليش زعلانين

    وسمعنا ان الرفاعي رافض اي تدخل خارجي من اعضاء مجلس الامه وغيرهم

    لله درك يا الرفاعي والله يبارك فيك
     
  3. جابر

    جابر قــلــم بــتــرولــي أعضاء الشرف

    اللى أعرفه :
    هاشم الرفاعى زين وأحسن بكثير من الأثنين اللى سبقوه ...ومتأملين فيه خير

    الخفجى ..أساسا عندهم نقص بالمدراء ..دائرتين لاتزال شاغرتين ...ويعتبر (بيئة) طارده..مقارنة بالوفره والكويت..وعليه ..الأولويه لتعبئة مراكز الوفره ..من أى مكان ماعدا الخفجى ....هذا المنطق ..وليس الحسد.

    الخفجى أيضا له خصوصيه ..ومو كل الأشخاص يصلحون مدراء هناك حتى لوكانوا (زينين) على الورق ..وهذا سبب أخر للمحافظه على كوادر الخفجى ..داخل الخفجى

    منصب المدير ..حسب قوانين ال kpc لازم يتم إختيار (على الأقل 3 أشخاص أكفاء) ..ويتم الإختيار الأنسب بينهم بالمفاضله وفق عمليه مدروسه وأرقام ..و من حق رئيس الشركه أن يقبل مرشحين من الشركات الكويتيه الأخرى ..إذا كان يرى إن عناصر جديده عندها رؤيه ممكن تطور العمل ...يعنى مو شرط من نفس الشركه ..خصوصا إننا نتكلم عن الوفره ..داخل الكويت ..وكلنا نتبع kpc

    وأخيرا ..منصب المدير يختلف تماما عن المناصب الأخرى ..و(تنصيب) مدير من خارج الدائره أو حتى الشركه ..ليس بشى غريب ..المهم إنه يكون حسب عمليه عادله لجميع المرشحين


    وسلامتك
     
  4. العوضي

    العوضي بـترولـي خـاص

    1,054
    3
    0
    صحيح انا مع قرار الرفاعي تدري ليش على شان اقلب المدراء انبطاحين ويحبون مصالحهم ومصالح شلتهم
    وانا اتحدى اذا في واحد منهم مؤهل للمنصب
     
  5. production engineer

    production engineer بـترولـي نشيط

    55
    0
    0
    يا معود شركه دايخه نسبه كبيره من موظفين الخفجي يشتغلون بالوكاله لاكثر من سنوات خصوصا في دائرة الانتاج ?????______ هذا يدل علي تهميش وعدم احترام الموظفين لا وهالسنه غير حاطين objactives عشان التقييم السنوي يعني تشتغل شغل غيرك وعليك واجباته وما لك اي حقوق قمة الاحباط يعيشهها نسبه من موظفين الخفجي ومعروف ان الاحباط يؤدي الي الاهمال. الله يستر
     
  6. جابر

    جابر قــلــم بــتــرولــي أعضاء الشرف

    السلام عليكم ورحمة الله

    بالعكس ..ال Objectives .. هذى إعتراف بالواجبات اللى ممكن يحاسبك عليها رئيسك وبالتالى إثبات ضمنى إنك أديتها ..يعنى قبل اللى يشتغل بالوكاله ..محد يدرى عنه ...غير دائرته ...الحين حتى دائرة العلاقات تعرف منو اللى يقوم بالشغل الفعلى ...وأى شغل ثانى صعب جدا يحاسبك عليه المدير ويتعذر إذا عطاك (تقييم) مو زين ...

    بس يبيله شغل ..النظام القديم كان سهل جدا لكن الظلم فيه مثل شرب الماى ...هذا فنيا أصعب لكن (عادل) أكثر

    بالنسبة للوكاله ...هذى حالة أى شركه لها رأسين ...لازم يجتمعون الطرفين ..ولازم يوافقون ...
    وتصير عندك مشكله ..إذا اللى يشتغل بالوكاله درجته أقل من درجه الوظيفه ...تعال إخذ إستثناء
    وشوف شنو الطرف الثانى (إذا وافق) يطلب بالمقابل ...


    وتكمل السالفه ..لما الإداره تحصل على هالأستثناء وبعد (دفع الثمن) للطرف السعودى ..يكثرون (الشكايه) الكويتيين..شلوووووووووون تستثنون هالموظف وتعطونه ترقيه ..وإحنا لا ...تعال فهمهم إن الشخص صار له سنين يشتغل بالوكاله ...ولازم يستلم رسمى ..وهذى ظروف عمله ..والشركه محتاجه...... :(

    سهل جدا الواحد ينتقد ...ومن أصعب الأمور إنه يقدم إقتراحات بناءه تخدم الجميع وبنفس الوقت تكون قابله للتطبيق

    تظل بيئة العمل فى الخفجى على الرغم من ظروفها الخاصه.. مقبوله ..خصوصا لما نقارنها باللى نسمعه عن بقية الشركات

    وسلامتكم
     
  7. production engineer

    production engineer بـترولـي نشيط

    55
    0
    0
    يدرون لان يرسلون delegation of authority لل ERD عشان يمشي الشغل بالساب والظريف بالامر انه يتجدد كل ستة اشهر. الا النظام بالشركة تعيس جدا وزاد سؤ بعد ال organization chart الجديد.
     
  8. production engineer

    production engineer بـترولـي نشيط

    55
    0
    0
    قبل كان الواحد اقل شي عنده مسمي وظيفي حاليا بعد التنظيم الجديد اصبحنا transitional. لاجل غير مسمي
     
  9. جابر

    جابر قــلــم بــتــرولــي أعضاء الشرف

    اللى أعرفه ...
    transitional ..تعنى إن المسمى سيلغى بمجرد خروج الموظف منه ...وغالبا ماعليه أى ترقية ....
    وسمعنا إن لهم الأفضليه فى الحصول على (تقاعد مبكر) ..لأن الشركه مو محتاجتهم ..لكن ماتقدر تنقلهم (غصب) ..

    إذا تبى مستقبل بالشركه..إنقل من هالمسمى فى أسرع وقت ....

    وشخصيا ...أعتقد إن الموافقه على النقل راح تكون سهله ...مادام المسمى الحالى transitional

    وبالتوفيق ياباش مهندس
     
  10. اللهم عليك بالظالمين

    اللهم عليك بالظالمين بـترولـي نشيط جدا

    273
    13
    18
    بس نطام الquota موجود لي الحين و انا سالتهم و الكل عارف هذا الشي فما كو فايدة من النطام اليديد "اذا انت تستحق A و مسؤلك يوزعها على غيرك و بالاخير يقولك الquota حق A خلصت" ... تيتي تيتي مثل ما رحتي جيتي
     
  11. جابر

    جابر قــلــم بــتــرولــي أعضاء الشرف

    نظام الكوتا ظالم صحيح .. لكنه متبع فى غالبية الشركات العالميه وإن إختلفت التقسيمات ..
    ولو كانت الإداره (تثق) بتقييم المدراء ..ماوضعت الكوتا

    والنظام الحالى لايلغى كل عيوب النظام القديم ولكنه أفضل ويقلل من التحكم العشوائى بالتقييم
    لكن بالأخير معظم إن لم يكن كل العيوب هى بالأشخاص لا بالنظام نفسه ..
    ولو كان (من يقيم) الموظفين على مستوى المسئوليه والثقه والمعرفه ..لكان النظام القديم فعالا (على الرغم من صعوبته)

    ومانقول إلا الله يعين
     
جاري تحميل الصفحة...

مشاركة هذه الصفحة