مهندس صناعي في نفط الخليج

الكاتب : khalifaz | المشاهدات : 1,718 | الردود : 6 | ‏27 مارس 2012
  1. khalifaz

    khalifaz بـترولـي جـديـد

    21
    0
    1
    اولا احب امسي على زملائي المستقبليين بالشركه والله اقويكم ويعطيكم الصحه والعافيه :)

    استفساري هو ، ما هي الأقسام أللي ممكن يتوظف فيها المهندس الصناعي ، وهل ممكن ان يشتغل اب مكان مو تخصصه ، هل حصل هذا الشي مع تخصص اخر ؟

    اتمنى منكم الإفاده
     
  2. Y2b

    Y2b بـترولـي جـديـد

    22
    0
    0
    والله ياخوي الشركة بس تبي توظف عادي يقطونك بمكان ماتعرف عنه اي شي وهذا اللي صار معاي
     
  3. khalifaz

    khalifaz بـترولـي جـديـد

    21
    0
    1
    [align=center]شلون ؟ شنو تخصصك وين قطوك ؟ ويعطيك الف عافيه على الإفاده[/align]
     
  4. Y2b

    Y2b بـترولـي جـديـد

    22
    0
    0
    انا اتكلم عن نفسي انا تخصصي بترول عندي دبلوم يعني عالاقل يقطوني اوبريتر قطوني صيانه طبعن هذا عن نفسي وفي ناس قطوهم على تخصصهم
     
  5. khalifaz

    khalifaz بـترولـي جـديـد

    21
    0
    1
    [align=center]يعطيك العافيه وما تقصر على الرد[/align]
     
  6. desalter

    desalter بـترولـي نشيط

    135
    0
    0
    خفجاوي
    الكويت
    يا هلا أخوي خليفة وحياك الله بيننا وتكون زميل ان شاء الله سواء في الخفجي أو الوفرة :)

    شوف أخوي.. عادة المهندس الصناعي عندنا بالكويت يشتغل في مكان غير عن طبيعة دراسته.
    لأن المهندس الصناعي حسب معلوماتي المتواضعة يدرس بشكل عام تحليل وتصميم وادارة النظم والعمليات
    وهذا التخصص يفيد القطاع الصناعي أكثر من شركات البترول بالكويت
    يعني أنتم تدرسون كيفية زيادة الانتاجية والفعالية وزيادة الجودة وهذا كله لتحسين المنتج وتسويقه بالشكل المطلوب
    ومثل ما تفضل الأخ اللي قبلي قد تشتغل بمجال يختلف عن تخصصك وهذا شيء عادي وغير مستغرب في الكويت.
    الذي أعرفه أن المهندس الصناعي انسان ناجح ويستطيع أن يجمع بين المهندس والمدير وشغله اداري أكثر managment

    اللي أشوفه أن أقرب مجال لك عندنا في الخفجي هي دائرة الهيكلة التي تسمى POD
    فهي دائرة تختص بتحليل وشرح الوصف الوظيفي وفك الترابط والتداخلات بين الاقسام واعادة هيكلة بعض الاقسام لتطوير وتحسين الانتاج والله أعلم.
     
  7. جابر

    جابر قــلــم بــتــرولــي أعضاء الشرف

    نصيحه .. اذا انت تبي تشتغل ....وتبي تبنى سمعة بالعمل ...وتحصل التقدير ..... ابعد عن الدوائر الصغيره
    الدوائرًاللى فيها اقل من 20 موظف
    غالبا شغلها قليل .. ومكان الترقى قليل جدا..... وواحد او اثنين ماكلين الشغل والتقدير لهم ...
    يعنى راح يحوشك احباط قبل لاتبدأ ..
    طبعا هذا فى ظل ان كل شى حسب quota من التقدير السنوى الى التدريب
    المهندس يقدر يشتغل باى شى ادارى
    وسلامتك
     
جاري تحميل الصفحة...

مشاركة هذه الصفحة