اخوكم يبي نصيحتكم ( أسجل في السكيورتي ولا أدرس الهندسه ؟ ) ساعدوني

الكاتب : مشغل مصفآه | المشاهدات : 2,897 | الردود : 17 | ‏26 مارس 2012
  1. مشغل مصفآه

    مشغل مصفآه بـترولـي نشيط

    128
    0
    0
    السلام عليكم ورحمة الله وبركاته

    اخواني أبي نصيحتكم أنا مسجل في السكيورتي واذا ما انقبلت فيها باسجل في مشغل حقل او المطافي

    المهم اني ابي اتوظف عالثانويه

    وبيني وبينكم انا ودي أدرس هندسه ولكن خايف أرد بعد 5 سنين ما يقبلني الا الديوان !! ومثل ما تعرفون النفط غير والديوان غير ( من حيث المميزات والراتب والكورسات الخارجيه والتذاكر السنويه والبونص وووو .. الخ )

    انا جيد بالدراسه وأقدر أتعداا الهندسه بسهوله بالأردن او الامارات او مصر ( انتظام طبعا في جامعات محترمه ) ولكن فلوسي ما تقدر الا على هالدول ..

    شرايكم تقبلني الشركه ولا لا ؟

    واذا كنت بدرس بدش احد هالتخصصات ( هندسة كمبيوتر - صناعيه - كيميائيه - مدنيه - إطفاء - اتصالات)


    شرايكم ؟ أدخل بالثانويه وأتوظف ؟ ولا ادرس 5 سنين وأسجل باعلانات الجامعيين ؟؟ وهل صعبه على المهندسين القبول بالشركه خصوصا بعد 5 سنوات من الان !؟
     
  2. ITC

    ITC بـترولـي نشيط جدا

    294
    27
    28
    مبرمج
    وعليكم السلام ورحمة الله وبركاته

    اخوي كمل دراستك والله يوفقك

    وبخصوص التخصص اختار التخصص اللي يحبه قلبك

    وشي ثاني لا ان شاء الله التوظيف سهل لان لازم ما تعدى عمر ال 28 سنة للجامعي

    والله يوفقك
     
  3. [ عـنـتـرة ]

    [ عـنـتـرة ] بـترولـي نشيط

    89
    0
    0
    شجاب سكيورتي و مشغل حقل لشهاده هندسه

    مقارنه فاشله مع أحترامي لك

    الهندسه بدون تفكير و حتى لو ما توظفت بالشركة

    المهندسين اللي خارج القطاع النفطي معززين مكرمين و ماعليهم قاصر

    تقدر تقول عايشين بحبوحة

    ياأخي كافي مسماك الاجتماعي بين الناس والله فلان مهندس

    أقسم بالله لو أنك كمخه و الناس تدري أنك مهندس بيحترمونك غصب

    هذا انا اراكض يمين يسار بسجل هندسه و لأسف التعليم العالي حدني على جامعة وحده ببريطانيا

    و تكاليفها غاليه بصراحه الكورس 8000

    و انا مسجل بالدورة سكيورتي اذا الله كتب و حصلت لي فرصه أكمل

    بسحب عليه و أكمل و الله لا يعوق بشر
     
  4. مشغل مصفآه

    مشغل مصفآه بـترولـي نشيط

    128
    0
    0
    مشكورين شباب

    عنتر

    سالفة مسماك بين الناس مهندس ما راح تنفعك :)

    مهندس تستلم 1500 وعامل (مشغل حقل) يستلم 3000

    أتوقع فيه فرق قوي ولا شرايك

    الخلل اللي انا فيه الحين .. بعد 5 سنوات القبول بيكون بالبترول نفس الحين (سهاله) ولا بتتصعب مع كثر المتقدمين والخريجين
     
  5. [ عـنـتـرة ]

    [ عـنـتـرة ] بـترولـي نشيط

    89
    0
    0
    مني لخمس سنوات ما تدري شيصير

    اذا مشغل حقل 3000

    مهندس بالبترول جم 6000

    فديت راسك تأكد من معلوماتك

    مشغل الحقل راتبه 1200 يزيد شوي ينقص شوي
     
  6. مشغل مصفآه

    مشغل مصفآه بـترولـي نشيط

    128
    0
    0
    اسأل عن راتب مشغل حقل على قريد 13 او 14

    بتنصدم من الراتب عسى الله يبارك لهم

    يعادل معاش مهندسين ونص بالحكومه
     
  7. مقادير

    مقادير بـترولـي نشيط جدا

    262
    0
    0
    والله ياخوي اذا ماتبي تدرس خمس سنين

    خلك مثلي دش التطبيقي دبلوم تدرس

    وفترة الدراسه اذا قبلوك النفط وقف قيدك

    ودش التكنلوجيا انا لوعلمي دشيتها ونا مغمض

    وتقدر تكمل فوقها سنتين وتجيب هندسه

    بدال ماتقط فلوس ع خمس سنين قطها ع سنتين

    بصراحه مع احترامي لطلبة العلمي اغبياء ولاعندهم دبره كل شي مفتوح لهم

    حتا معاي ناس محولين من التكنلوجيا اسالهم يقولون صعبه صعبه بعينكم.


    ليت الزمن يرجع ورا عشان ادش علمي
     
  8. [ عـنـتـرة ]

    [ عـنـتـرة ] بـترولـي نشيط

    89
    0
    0
    هذول إللي ماخذين دبلوم من التطبيقي

    مو داشين عن طريق الثانوية
     
  9. مشغل مصفآه

    مشغل مصفآه بـترولـي نشيط

    128
    0
    0
    اخوي مشغل حقل ما يفرق دبلوم او ثانويه كلها راح توصل لنفس الدرجه والمعاش


    يا شباب فيدونا جزاكم الله خير
     
  10. [ عـنـتـرة ]

    [ عـنـتـرة ] بـترولـي نشيط

    89
    0
    0
    أسأل السيكيورتي و مشغلين الحقل اللي دشوا

    عن طريق الثانوي حده حده ذا قطع نفسه يوصل درجه 11 و يمكن 10

    يجمدونهم

    مو تجيب لي واحد متعين من الثمانينات

    ذاك الوقت الامور سهالات

    بس حاليا صعب و اشوفها مستحيل

    خريج ثانوي يوصل لدرجه 13
     
  11. q8rix

    q8rix بترولي خاص أعضاء الشرف

    437
    0
    16
    دبلوم هندسة بترول يوقف على 13 ومايوصل 14 الا اذا صار كنترولر وهذا انسى يصي الا لما يطلع الي فوقك استقالة او موته لا سمح الله ويمكن اتصير سوبر فايسر 15-16 بس انسى لا تتخيل يوم من الايام توصلها يعني 90% راح تتجمعد على قريد 13 عشر سنين او 8 سنين
     
  12. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت
    ادرس وبيرزقك الله وتسهل امورك
    اذا قدمت على وضعك الحالي ما اعتقد انك بتوظف بسهولة يبيلك معجزة عشان يقبلونك
    جرب تقدم اذا جاء اعلان وشف بنفسك هو القبول سهالة ولا استحالة ؟!
     
  13. Q8IENG

    Q8IENG بـترولـي جـديـد

    6
    0
    0
    Michanical engineer
    Kuwait
    السلام عليكم

    يا اخوي انا بقولك عن تجربة شخصية والي قاعد اشوفه جدامي

    اهيا تعتمد عليك مو احنا الي نحددلك ، انت تبي تصير مهندس ول تبي تصير فني ول مالك مقاقه .

    اذا تبي تصير مهندس كمل هندسة دام انك حاب الشغلة بس اذا بالدش لازم تصملها والهندسة مو سهله

    اذا تبي تتعمق بالجانب الفني دش التطبيقي هم زين التطبيقي

    مالك مقاقه تدرس قدم سكيورتي او مشغل حقل او وظيفة حكومية ، ترى الناس طبايعها وقدراتها تختلف ولو الناس قدراتها ما تختلف جان الكل خريج ثنوية امتياز

    ونصيحة لا تحط الوظيفة بالبترول اهيا المقياس على شان تكمل هندسة >>>> نصيحة اخوية


    بخصوص الجامعات ( اهني ممكن ناس تزعل ) جامعة الكويت 90 بالأمية ينقبل بالبترول سهالات ومن غير واسطة ( لأنه الناس تعرف شنو جامعة الكويت تخرج ناس مكروفة كرف ومحد يطلع منها بالساهل ) ربعي خريجين مصر ( هندسة بحرية واتصالات ) قدمو على المؤسسة واخصلك من الأخير ، ما دزولهم مسج قالهم امتحنو حتى قدرات اسحبو عليهم

    التخصصات المرغوبة اول شي بلا منازل مهندس بترول بعده مهندس ميكانيكل

    واكبر دليل في تويتر واحد سال المؤسسة شنو اكثر تخصصين تبونهم ( اكثر تخصصين بكل شي الهندسة والادارة والمحاسبة ) كان الرد انه المؤسسة تبي اكثر شي مهندسين بترول وميكانيكل ، والسبب انه مهندس البترول ماله مكان الا البترول ، ومهندس الميكانك يشتغل شغل البترول لأنه يقدر يتعلمه بسرعه

    وحسب نتائج التقديم الي طاف كل مهندسين البترول والميكانيكل انقبلو ويبون يحطون اعلان تكميلي يبون مهندسين ميكانيكل


    من الاخير واختصرلك الحجي ، لك خلق تردس دش هندسة بترول او ميكانيك بجامعة محترمة ( على فكرة الهندسة الميكانيكية ثاني اصعب تخصص بالهندسة بعد الهندسة الكهربائية يعني مو اي واحد يتخرج ميكانيكل )

    مالك خلق وتحب التيكنيكل دش التكنولوجيا

    مالك خلق كلش دش على الثنوية السكيورتي او مشغل حقل


    موفق انشالله وعسى الله يكتبلك الي فيه الخير
     
  14. مقادير

    مقادير بـترولـي نشيط جدا

    262
    0
    0
    اقول

    صل صلاة الاستخارة وادع ربك وفكر من هني لين شهر 6مدري 7 ليمن يفتح التسجيل

    عندك شهرين مدري ثلاثه

    يمديك تاخذ قرار
     
  15. mshari-

    mshari- بـترولـي مميز

    931
    0
    0
    مو فاضي اشتغل
    كويتي
    النفطه كله حلو وين مكان و وين ما يكون اهم شي يقبلونك
    رجل امن الراتب يطوف 1200 مشغل مصفاة كذالك
    انت استخير وشوف وين بيقبلونك

    وعسى الله يوفقك
     
  16. مو مهم

    مو مهم بـترولـي جـديـد

    44
    0
    0
    السلام عليكم

    اخوي اذا كان عمرك 20 ودراستك 5 سنين

    انصحك تاخذ هندسة اطفاء او هندسة امن وسلامه

    التخصص نادر جدا بالبترول وبالحرس وبالشرطه وبالجيش مقبول فوري

    اما اذا تبي توظف ع طول انت كيفك

    سكيورتي والمشغل مافي مستقبل في معاش فقط


    لك فائق احترامي ..
     
  17. مشغل مصافي

    مشغل مصافي بـترولـي جـديـد

    10
    0
    0
    تخرجت من الثانويه العامه علمي ونسبتي 73% سنه 2003

    قدمت عالتطبيقي السنه الي طافت وكنت حاط اول رغبه لي المعهد العالي للطاقه وطلع قبولي فيها وصليت استخاره ورحت رفضت قبولي فيها قبل ماسجل مواد حتى بمعنى طلعت ورقه لمن يهمه الامر اني غير مقيد بالتطبيقي

    فاذا طلعت من وظيفتي وشلت اسمي من التامينات وقدمت عالتطبيقي هالمره وحطيت رغبه"تكنولوجيا تشغيل مصافي"هل تقبلني اذا قدمت هالمره

    وقريت شروط هالتخصص باعلان لهم:
    1-ان يكون خريج علمي
    2-التخصص يقتصر للكويتيين فقط
    3-للذكور فقط

    وشفت اعلان التطبيقي للكورس الثاني تو شهر 1 الي طاف وكاتبين الي شهادته جديده يبون 55% وفوق

    واذا قديمه يبون 60%


    هل الوظيفه بعد التخرج مضمونه ومايطول يعني شهر ولاشهرين واكون بوظيفتي وراتبي يمشي معاي بحكم اني متزوج ومابي اتاخر بالمصاريف ؟؟؟

    واستفساري الي احاتيه على مساله العمر لان عمري حاليا 27ومابي اتسرع اطلع من وظيفتي اذا هالتخصص تقبل عمري؟؟؟

    ارجو منكم مساعدتي وجزاه ربي خير الي يدل على الصحيح
     
  18. مقادير

    مقادير بـترولـي نشيط جدا

    262
    0
    0
    ووالله مادري عن الاجرائات


    لكن لي اعرفه ان تشغيل مصفاه ان اول مادش يوقعون وياك عقد البترول

    والوظيفه جاهزه بعد التخرج
     
جاري تحميل الصفحة...

مشاركة هذه الصفحة