وين موظفين هالشركة؟

هذي شركة كويتية في الخارج ( أعتقد في هولندا أو الدانمارك ) تهتم بشؤون المنتجات النفطية الكويتية خارجياً ( والله أعلم ) ..
ونحن بإنتظار مشاركة أحد من موظفيها معنا في المنتدى ليفيدنا ..

مشكور بو راشد

 

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لاحس ولا خبر
جان زين تعلومنا وين مكتب توظيفهم اللي بالكويت واي معلومه عن الشركه

مشكورين عالموضوع

 

يمكن مسافرين

زين محد يعرف احد من موظفينها


عشان يبلغه عن المنتدى


وهو يسوي دعايه بين ربعه عن هالمنتدى

 

ودي اعرف بعد شنو نشاط الشركة؟؟

 

شركة كويتية تهتم بالتسويق وبيع المنتجات ولها عدة مصافي ومحطات بنزين بعدة دول

وهذا رابط الشركة الرسمي

http://www.q8.com/

 

السلام عليكم

الشركة باختصار شديد تقوم بما تقوم به الـ Knpc و Kafco وشوية زيادة بس بالخارج وبالتحديد في أوروبا وفي بعض دول شرق آسيا..كان مكتبها الرئيسي في لندن حتى عام 2000 عندما تم افتتاح مكتبها الجديد في الكويت وبالتحديد في غرفة التجارة ومن ثم بعد انتقال الـ Kpc لمبناها الجديد، انتقل مكتب الـ Kpi الرئيسي الى مبنى الصالحية - الدور الرابع (مداخل 5 الى 7)

موظفيها خليط بين كويتيين وأجانب من جنسيات مختلفه ويرأسهم حاليا عبداللطيف الحوطي حتى انتقاله الى التسويق العالمي في الـkpc وتسليم زمام الأمور في نوفمبر الى الرئيس الجديد حسين اسماعيل

جميع الموظفين الكويتيين لديهم خبر بهذا المنتدى عن طريقي ، لكن ماأعتقد راح نشوف مواضيع كثيرة أو أي مواضيع لأسباب عدة...يمكن يتغير الوضع فيما بعد والأيام بيننا

 

السلام عليكم

اشكر الأخوان الكرام على سؤالهم عن إخوانهم في الـkpi وأخص الأخوين العجمي و Bg.1 على إضافتهم ومحاولاتهم الرد على بعض استفسارات الأخوان

أحب أضيف على ماتفضلوا به بأن إخوانكم في الـ Kpi معاكم يسرهم ما يسركم والعكس أيضا ولكن النظرة للمشاركات بالمنتديات قد تكون محدودة لعدة أسباب أسهلها عدم معرفة البعض باستخدام الكيبورد العربي <انا واحد منهم> وغيرها قد يكون عدم الإيمان بفائدة التحدث عن الأمور الخاصة بالشركة خصوصا عندما لا يتجاوز عددنا الـ 40 موظف وموظفة كويتيين وان شاء الله مع مرور الأيام نشوف مشاركين أكثر وبدور فعال

ختاما أنا في خدمتكم جميعا للرد عن أي تساؤلات بخصوص الـ Kpi وان شاء الله بيكون لي موضوع فيما بعد للحديث عن هذه الشركة بمزيد من التفصيل

وتقبلوا تحياتي

 

مشكورين جميع الاخوان عالتوضيح وحللت اهلا وسهلا فيكم بعد

 

يعطيك العافيه عالتوضيح وماقصرت

 

جم معاشاتكم والبونص السنوي

 

الأخ المهندس نفس معاشات الـ Kpc والبونص السنوي على قولتك ، إذا تكرموا وتحننوا وتعطفوا وعطوك اياه بيكون راتب شهر واحد وان شفته سنه غاب عنك خمس إلا اذا كنت من المقربين والمحبوبين المحسوبين فأبشر بالخير بونصات ودرجات وترقيات بالهبل

 

مشكورين جميع الاخوان عالتوضيح

 

يا جماعه نفس ماقال اخونا العجمي وحبيت ازيد عليه الشركه فيها موظفين اجانب منها البريطانيين والايطاليين وفيها بحدود 60 موظف كويتي هني وفيهم جم واحد كويتي بالتجنيس

 

ماهي مميزات وعيوب الشركه

 

آنا أتمنى إني اشتغل عندهم ، أو في المؤسسة ، الناقلات أو الاستكشافات
و لكن هيهات
الله كريم ، انشاء الله ، الله يكتبلي و أطلع من شركتي و أفتك​

 

والله الحين ما تبين وخصوصا بعد انتقال حسين اسماعيل كرئيس مجلس الأدارة والعضو المنتدب....!!!

 

انزين انا مافهمت يعني اهما يشتغلون خارج الكويت ولا

موجودين اهني؟؟؟

وشكرا لكم

 

اذا ماني غلطان عندهم مكاتب بالصالحية
لكن المكتب الرئيسي في لندن
واغلب العمليات في اوربا من مصافي تكرير ومحطات Q8 لتعبئة الوقود
وكان عندهم استثمارات كبيرة في جنوب شرق اسيا وخصوصا تايلند
واذا ما خانتني الذاكرة تخارجوا من هالأستثمارات من سنتين
وكان عندهم مشروع مصفاة مع الهند...........بس مادري شنو صار عليه
رايس مجلس الأدارة الجديد هو السيد حسين اسماعيل
خلفا للسيد عبد اللطيف الحوطي
والأخوان يمكن يصححون لنا بعض هالمعلومات او يأكدونها
هذا حد خبري فيهم وبانشطتهم............