ضابط منشأت يعتدي على موظف

الحادث الي تم اليوم مع زميلنا المفروض ما يعدي على خير لانه الشغله هذي من زمان واحنا نعاني من هؤلاء وطريقتهم الهمجيه مع الموضفين وحتى عمال المقاول ونشوفهم اشلون يتعاملون كل صبح مع عمال المقاول تعمل غير انساني بالمره وهذا شي يضر باسم بلدنا ويا اخي خاف الله فيهم هذول بشر ناهيك عن التعامل الهمجي وطريقه التفتيش النقطه الثانيه ابو الشباب الضابط الي اهان زميلنا هو والفداويه الي معاه حبيبي انتو بشر عندكم نقص وجايين العمل تتشطرون على الاوادم وبطبيعه الحال انت ما عندك سلطه بس الموضوع تربيه واخلاق طبعا هالكلام موجه للفداويه الي معك خلهم يفكون روحهم وبعدين يا جماعه اذا الموضوع طاف على خير باجر يضربون اي موضف وبعدين شغله انك تفتشني وانا طالع هذي شغله جديد فالمسؤؤلين وعلى راسهم مدير الشركه انه يحقق بالامور ويحاسب هالبشر الي انتفصم من ادميه وكرامه الناس وبعدين يالفداويه اذا مسكتو اي موضف مخالف اتخذ اجراءك معاه بس بادب واحترام وبدون مدت ايد وضرب وين قاعدين اخاف الجماعه بلطجيه هذي بلطجه واحنا متضامنين مع زميلنا

 

للأسف أن يحدث هذا الأمر
وإن شاءالله ياخذ كل ذي حق حقه وتحفظ كرامات الناس

 

بغض النظر لــبلطجت ضباط الداخلية
الذين يعانون من مرض نفسي يسمى (( لايكمن إحترامي إلا مع البدلة ))

إلا أن المسؤولية كاملة تتحملها الإدارة العليا

التي لاتنظر إلا بنظره دونيه للعامل

وكما عودتنا الإداره العليا بالحلول للعمال(( إما بعد الوفاة أو الإهانه )) للعامل

سوف تكون لنا وقفه ضد الإدارة العليا (( مبنى الأزيرق ))

ياإخوان

لوكان لنا إحترام في شركتنا كعمال لما وصل الأمر لإهانتنا من قبل بلطجت الداخلية


وتأكيداً على ماقلت وعلى هجومي وتحميلي للإدارة العليا لما حصل

أحب أذكركم

بما رمى به (( العقل الباطن )) للإدارة

حين تم (( رسم كاريكاتير )) في صفحاتنا بالكمبيوتر

وتشبيهنا بما وصفوه

 

عن اي مصفاة تتحدثون

 

الأحمدي

 

عضو نقابه البترول محمد فالح الهاجري وموضوع ضابط المنشآت

محمد فالح عضو نقابة البترول:-

تم الاتصال هاتفيا مع مكتب وزير الداخلية احتجاجا على التعسف من امن المنشات اتجاه موظفي البترول ووعدنا بالحل السريع العاجل

 

الى متى يا ادارة

نتمنى من الاخوة اعضاء المنتدى واعضاء النقابة ان ياخذو موضوع (الظابطين) وليس ظابط واحد بجدية وحلول جذرية لهذا الموضوع .

ونرجو ان يصرفو لنا مجرد ورقة تصريح للتلفون بدل ما كل يوم تفتيش. عندنا ظروفنا واهلنا وعيالنا مو معقولة بعطي كل واحد يعرفني رقم المكتب ولا معقول اني اقعد على مكتبي طول 8 ساعات الدوام عشان انطر مكالمه


يبا انا مستعد اني انا اطبع اوراق التصاريح + القلم الي بوقعون فيه + التغليف حق الشركة كلها على حسابي شنو تبي بعد شركتنا الموقره

وبالنسبة للظابط في مره حول واحد للمباحث ليش ناسي الولاعة معاه الرجال يحلف انه ناسيها يقوله قطها خلاص مابيها يقوله لا لازم احولك وللعلم كان تفتيش دخول يعني بامكانه انه يطوفه او يقط الولاعه بس صاحبنا الظابط القوي مفتول العضلات صاحب قرار ما يتنازل عن كلمته وفعلا حول الرجال للمباحث وانا مستعد اشهد مع زميلنا ومعاه قلبا وقالبا

 

للاسف

السلام عليكم
للاسف نصل الي هذا الحال ومن الضعف من اداره الشركه وعدم قدرتها علي التصرف وحمايه الموظفين من تصرفات ومضايقات امن المنشئات
ونحن نعرف ردكم انه تصرف فردي ويقوم بواجبه الضابط
ولكن هل التصرف يكون بالاعتداء؟؟؟؟؟
وبضرب الموظف من الضابط وافراده وهم المفروض عملهم حمايه الموظف !
ونحن نلوم اداره الشركه من الاول وسكوتها بل نحملها المسؤليه كامله
وايضا النقابه القيام بدورها وحمايه اعضائها من هذي التصرفات
نحن نعرف ضعف الاداره وهناك عده مواقف وقضايا سابقه لم تاخذ اي قرار فيها
الاداره كما النعامه و النقابه هي الي بالاخير تقوم بدورها بكل قوتها
فهل نري تدخل السيد فهد العدوه واخذ حق الموظف المعتدي عليه؟
او هل نري العكس صحيح وضياع حق الموظف وضعف الاداره كما حصل سابقا؟
الي متي السكوت والسكون ؟
الي متي الاهانه والذل والاعتداء ؟
نريد الحراك الاداري والنقابي لضمان الموظفين.
ونحن ننظر .......

 

السلام عليكم
التفاصيل
في تاريخ 26-3-2012 وفي الساعه 6 وربع تقريبا خرج الموظف *** من بوابة خروج الافراد في المصفاة وكان معه مجموعه من الموظفين ونادى عليهم ضابط المنشأت ف د وفتوقفوا والتفتوا الى الخلف باتجاه الضابط لكن *** واصل مسيره ولم يلتفت ولم يتوقف وغادر مسرعا الى سيارته ولحق به الضابط الى السياره وطلب منه تصريحه والنزول من السياره لكن ح م رفض ابراز التصريح او النزول من السياره واصر كلن منهم على موقفه -- الضابط يطلب نزوله من السياره وهو يرفض النزول ويردد مالك حق مالك حق وحاول الضابط عدة مرات معه لكنه رفض وعندها بدا سحبه بالقوه وانزاله من السياره وتم اقتياده الى بوابة الافراد وعند ايقاف *** بدا يتلفض بكلام استفز به الضابط الذي ثار بدوره ورد عليه بكلام لايليق وتم اقتياده الى غرفة ضابط المنشآت ومنها الى المخفر .

 

سلامة المنشأة من مسؤوليتنا معاً موظفي شركة ورجال أمن... فالنتعاون جميعاً ونتحلى بروح المسؤولية في تطبيق القوانين الخاصة بدخول المناطق "الخطرة" لسلامة أرواحنا... كما هو الحال في الدول الصناعية الكبرى.

 

ولا يزال مفتول العضلات يتكلم عن صولاته وجولاته الى متى يا ادارة


يجب ان يتوقف هذا التعسف بحق موظفين الشركة والمقاول

 

يجب وضع حد لتصرفات الظابط الغير منظبطة تجاه زملاؤنا .

 

اخلاقه تجاريه هالمصارع فان دام ويفقع الكبد

 

المفروض يكلمه باحترررام صدقني لو جايه باحترام كان خذا منه اللي يبي لكن يستفزه مراح ياخذ منه لاحق ولاباطل خاصتا وهو بسيارته بعد ويقوله انزل ليششششش شتبي يعني شنو ممكن يطلع من المصفاه بمب والا كنترول فلف الا في شي اسمه اخلاق والظاهر صاحبنا مفكر ان الموظفين بالشركه كلهم جنود وعرفا يبيهم ينصاعون لاوامره الاخ ولو فيه شوية تقدير كان قال يمكن الرجال جايه كرف طول الليل و مضغوط من الشغل ستارت اب او شت داون و تعبان نفسيا من الكرف المفروض من ضباط المنشات يعرفون ان نفسية الموظف وهو داش المصفاه غير ونفسيته وهو طالع غير لكن الله كريم و يعيننا على بلوانا واسفين على الاطاله وشكرا