لي متى يا منفذ يا تخلف!!!

الكاتب : enazi | المشاهدات : 2,092 | الردود : 18 | ‏24 مارس 2012
  1. enazi

    enazi بـترولـي نشيط

    90
    3
    8
    يا جماعة مايصير اطلع من الدوام ثلاث العصر
    اطلع من المنفذ الكويتي 6 المغرب !!! اليوم السبت


    ياجماعة لي متى تخلف الحدود بين دول المجلس
    لي متى هالتعب لموظفي المنطقة المقسومة

    الي لهم كاونتر خاص فيهم و عموم المسافرين يمرون فيه!!!!

    وزيد على هالتخلف كله ، فتحوا قانون ان لازم نعدي على الجمرك الكويتي وانت داش الديرة



    يانقابا ، ما نبي منكم بدل طريق ، ولا علاج بعموم المستشفيات كباقي الشركات
    ما نبي منكم شي !!!

    الا المنفذ ، نبي له حل
     
  2. SonMubarak989

    SonMubarak989 بـترولـي خـاص أعضاء الشرف

    2,062
    98
    48
    ولا يقولون عملنا شاق ونبي نزياده
    انتوا بالاول داوموا مثل الاوادم
    وافتحوا كونترات واتركوا عنكم سوالفكم التضبيط وانه كل واحد يغطي مكان الثاني
    والله الشره موو عليهم الشره على مسؤوليهم وعلى نقابتهم الا تطالب لهم وربعهم ما يداومون
     
  3. Bos3ayd

    Bos3ayd بـترولـي مميز

    523
    4
    18
    قسما بالله اللي صار امس بالمنفذ مصخره ولازم يشوفون لنا حل مع هذا المنفذ !! الله يرضى اطلع من الدوام 3 اوصل البيت 6 !!....
     
  4. production engineer

    production engineer بـترولـي نشيط

    55
    0
    0
    الشركة غير محترمة والله كسر خاطري رئيس الشركة والمدراء امس بالمركز. لازم يحلون هالمشكله تري والله ملينا وتعبنا
     
  5. 3bdosh

    3bdosh بـترولـي جـديـد

    2
    0
    0
    نطالب مجلس إدارة النقابة بإقامة جمعية عمومية غير عادية للوقوف على هذي المشكلة وإيجاد الحلول المناسبة لهذه المشكلة لان الامر اصبح لا يحتمل :mad:
     
  6. SonMubarak989

    SonMubarak989 بـترولـي خـاص أعضاء الشرف

    2,062
    98
    48
    بدأت سياسه التطفيش من قبل الجمارك ماني عارف شنوو الغايه
     
  7. العوضي

    العوضي بـترولـي خـاص

    1,054
    3
    0
    :confused:النقابة نايمه بالعسل واظاهر مايمرون بالمركز
     
  8. فهد شموه

    فهد شموه المـراقب الـعـام

    2,712
    24
    38
    ذكر
    Production Engineering Mechanics
    ☀Q8 دار الفخــر والعــز☀

    نأمل من المسؤولين بالشركة والنقابة على حد سواء الإهتمام بالموضوع والعمل على مامن شأنه تسهيل إجراءات مرور الموظفين العاملين في شركة نفط الخليج بين المنطقة المقسومة في تنقلهم للإلتحاق بمراكز عملهم اليومي بين الحدود وذلك بالتنسيق بين الجانبين الكويتي والسعودي... حيث لا يعقل تعطيلهم لفترات طويلة بدون مبرر كل يوم ناهيك أن مرورهم بين الحدود هو لأداء عمل وليس لغرض السفر والسياحة... وعساكم على القوة
     
  9. jemi

    jemi بـترولـي نشيط جدا

    239
    0
    0
    صالي 12 سنه علي الطريق والحدود وانا اقول لكم الحل فقط عند ادارة الشركه .
     
  10. Fawaz.kh

    Fawaz.kh بـترولـي نشيط

    118
    2
    18
    Operator
    Q8
    والله ماهي حاله....
    اقوم الصبح الساعه خمس الا ربع عشان اللحق على الباص....وارد البيت الساعه 7:00 بالليل
    حاله اجتماعيه صفر
    نفسيه زفت
    يزهقون الواحد من دوامه
    انا اقترح للأداره مدام المركز هذا ما منه فايده خل يخلون سكه حديديه لو...بالزور لي الخفجي خاص للموظفين... أو يشوفون لنا طراريد جت اربع مكاين ندوام فيه أو كلش كلش هليكوبترات بس خل يفكونا من الغجر اللي بالجمارك... والله لو قطيه القصد 100 دينار من كل موظف كويتي لمدة 5 سنين فيها 10 هليكوبترات...بس أيست
    يا رب ما تنزلهم زياده يا رب احسن خل الناس تدعي عليهم
     
  11. جابر

    جابر قــلــم بــتــرولــي أعضاء الشرف

    السلام عليكم جميع
    كم كلمه حبيت أحطها هنيه للى يحب يقرأ ..ومو مقصود فيها أى شخص ...الكلام عااااااااااااام :)



    موظفين الجمارك ..أهلنا وإخواننا ..وكلهم كويتيين ..يعنى بعض السوالف مالها داعى
    موظفين الجمارك ..مثلنا ..لهم حقوق وعليهم واجبات ..والزحمه مثل ماتضايقنا ..تضايقهم
    موظفين النويصيب بالذات ..مظلومين ..يداومون أكثر من غيرهم ومدقوقين أكثر ..ويستلمون رواتب نفس غيرهم ..واللى عنده واسطه نقل وإفتك ..

    بالنسبه لبعض الشباب (موظفين الخفجى)..اللى (يمكن) تعرضوا لأى شغله تضايقهم ..أقول هدوا بالكم أنتم تمرون على الموظف دقيقتين بالكثير الصبح ...ودقيقتين العصر ..يعنى إتصالكم فيه محدود ...بينهما هو ..يمر عليه مئات الأشخاص والسيارات وأغلبهم موظفين شركه نفوسهم (خايسه) ومتضايقين لأنهم متأخرين على البيت أو الدوام ...كأن موظف الجمرك أو الجوازات هو السبب ..

    وبالأخير اللى يمر على شباب الجمرك ويسلم و (شاق الكشره) ..ويقول يعطيكم العافيه ...ومايعاتبهم أو يلومهم ...نادرا جدا مايسمع شى يضايقه ...

    يظل جمرك ومركز النويصيب وحتى الخفجى ...فيه ناس من أفضل الموظفين أخلاقا على مستوى جميع منافذ الكويت والسعوديه ...لكن بالأخير كلنا بشر ..ونتعرض لضغوطات

    ومو من حق أحد يطالبهم يتنازلون عن حقوقهم ...أو يشتغلون دبل وبدون حتى كلمه حلوه ...علشان (حضرته) يوصل الدوام بدرى

    وسلامتكم :)
     
  12. Y2b

    Y2b بـترولـي جـديـد

    22
    0
    0
    ياجماعه في واحد اليوم بغيت احطه ومده بالمركز اقوله انا موظف مو مسافر وكل يوم تشوفني والله ان يتقصد ان يسيئ المعامله مع الموظفين يقعد ايفتش السيارة من الى اقوله ليش يقولي كيفي عذا شغلي ومرة قالي انتو موظظفين الشركة فلوسكم وايد
     
  13. اللهم عليك بالظالمين

    اللهم عليك بالظالمين بـترولـي نشيط جدا

    273
    13
    18
    انا اخالفك اخوي جابر ...

    1) عدد الكاونترات اللي تشتغل 5 و اللي مسكرين 5 ... " وين باجي الموظفين اللي تتكلم عنهم؟؟؟ كلهم نوم في نوم "

    2) الديوان اهو اللي معطل الزياده ليش تحملني غلطة غيري "ياخي عطل طلبات الوزاراة ... مو تعطل ناس مالهم ذنب " " قال تعالى (وَلَا تَزِرُ وَازِرَةٌ وِزْرَ أُخْرَى)

    3) لو عندهم احساس على الاقل يخلون واحد "بس واحد" في كاونتر الموظفين "الصبح + العصر" ... لكن للاسف يسكر الكاونتر و يمشي و يشوف الناس صافة دور "و لا يعبر " ... و الشخص اللي مفروض يستلم الزام ساحب عالامة كلها
     
  14. جابر

    جابر قــلــم بــتــرولــي أعضاء الشرف

    ------------------------------------------------------------------------------------------------------
    السلام عليكم ...ياخوى ..
    نقطه خارجيه : بعض الناس يعتقد إنه هيئه دبلوماسيه ...ولازم معامله خاصه ..لا ..وما يتفتش ..القانون على الجميع ..وانا أعرف ناس تعاقبوا وإنحجزوا وتبهذلوا ..لأنهم طوفوا موظفين بالخفجى ..

    أولا: منو اللى يقول إنهم نايمين ...ومايشتغلون ...اللى أعرفه إنه عندهم نقص كبير ..إتق الله جزاك الله خير

    ثانيا: تبى تقنعنى إن موظف الشركه ..اللى راتبه فوق الألفين..إذا خلص دوامه يقعد بدون أى overtime.. وكل يوم ..ما أعتقد ..مو مسئولية الموظف يقعد بعد إنتهاء دوامه ..خصوصا لما يكون المسئول ماهمه ..

    ثالثا : محد يقدر يبرىء ضابط المركز أو وكيل المنافذ ...مسئوليتهم واضحه مثل الشمس ..لكن شباب الجمرك والجوازات بالمركز ..ماكلينها مثلنا ..ماكو داعى نحملهم المسئوليه ...المسئوليه على الضباط الكبار ووكيل الوزاره ...

    على العموم هذى مسئولية إدارة الشركه ..وعليها مخاطبة وزارة الداخليه إما لزيادة عدد الموظفين فى الجمرك أو لإيجاد حل أخر
     
  15. sky-fly-man

    sky-fly-man بـترولـي نشيط

    108
    1
    18
    علي جسر الملك فهد لما تجي تدخل السعوديه مافي كاونتر للجمارك قبل التفتيش علي فكره!!!!
     
  16. Greater Burgan

    Greater Burgan بـترولـي نشيط

    66
    0
    0
    نتمنى النقابه تتحرك بخصوص هالموضوع
     
  17. بوصبر

    بوصبر بـترولـي جـديـد

    5
    0
    0
    يا شباب الخفجي ماكو حل لنا

    انا شخصيا كلمت جمال جعفر وللاسف كان رده انه ماكو حل معاهم وكلمنا الجمارك وكان ردهم جايهم مراقب جديد وصديقه وعشيره الخاص مدير عام الجمارك وشافو تسيب من موظفين الجمارك ولما جيكو على ربعهم شافو تطلع سيارات الكويتيه بالهبل واللي تدخل شويه
    واساسا مسؤولين الجمارك وقت التوظيف بالخفجي لازم يشدون علينا عشان يوظفون اعيالهم


    الحل بيد المسؤولين الكبار

    يعني متى ما ردينا من الدوام الى البيت بسببهم
     
  18. بوشهري

    بوشهري بـترولـي نشيط جدا

    167
    0
    0
    قضية المنفذ شماعه يا اخوان ولا عمرها راح تكون مثل ما نحلم ..

    لانها اداة تستخدم وقت الضروره :)
     
  19. interkw

    interkw بـترولـي جـديـد

    31
    0
    0
    اخواني وزملائي موظفين الخفجي

    لاتتوقعون جمال جعفر يقدر يحل هالمشكله اذا حنا ماصعدناها

    دامنا ساكتين عالوضع وكل يوم نتسابق عالكونترات كل واحد يقول يانفسي واشكالنا غلط حتى اخر مره لما تمصخرنا مع شركة التامين السعوديه احكرونا كم يوم ولايلتزمون بالكونتر مال الموظفين وحنا جنا سايقين شاحنات شوي وندعم بعضنا مسابق نسفط و ننزل ونروح لهم الغرفه


    ياجماعه نبي يوم نسوي اعتصام عند الحدود والله تعبنا من البهذله خلكم قلب واحد

    صدقوني جمال جعفر حاله من حالنا موظف بروحه مايقدر يسوي شي يخاف على منصبه انتم صعدو المشكله خل الجرايد تكتب وتصور وبعدها جمال جعفر ماراح يقصر اذا دوق عليه الوزراء راح يشرح لهم معاناتكم ويدعم موقفكم

    اما نقابتنا الله يجزاهم خير مانسمع لهم صوت من فتره ياجماعه اذا ماتبون تسون شي تنازلو عن عضويتكم في غيركم بينفعنا
     
جاري تحميل الصفحة...

مشاركة هذه الصفحة