تم اجتماع النقابه مع الاخ محمد جعفر المحترم بتاريخ 3/22

الكاتب : سعود العنزي | المشاهدات : 1,363 | الردود : 17 | ‏22 مارس 2012
  1. سعود العنزي

    سعود العنزي أمين سر نقابة القطاع النفطي الخاص أعضاء الشرف

    363
    9
    18
    تم الاجتماع مع الاخ المحترم محمد جعفر رئيس عقود العماله الكويتيه وابدى اهتمامه ودعمه لجميع مطالب العاملين بالقطاع النفطي الخاص
    وهو داعم لجميع المطالب مع العلم ان النقابه باذن واحد احد ستحضر اللجان المقرره للقانون النفطي وباذن الله نكون معكم اولا باول وهذا ما ابدى اهتمام مجلس الاداره الحالي وان مصلحه العماله فوق كل اعتبار واولاً وليس اخراً انتا تريد وانا اريد والله يفعل ما يريد
    وكذلك لك الود يابوفهد وشكراً
     
  2. فهد العجمي

    فهد العجمي بترولي خاص أعضاء الشرف

    408
    0
    0
    الله يعطيك العافيه على المجهود الطيب وانشالله تنجح المساعى هذي بفضل تحركاتكم بس انا ملاحظ بس انت اللي تشتغل وين باقي النقابه؟
    ايدي وحده ماتصفق لازم التعاون والعمل الجماعي من غير قصور فيك طبعا وياريت نشوف صور من الكتب الناس تبي شي رسمي
    وكل الشكر لك يا اخ سعود
     
  3. العووود

    العووود بـترولـي مميز

    616
    1
    18
    للأسف (ضحيه) بالقطاع النفطي الخاص
    الخليج العربي


    ايييه ايييييه الله يكثر من هالاجتماعات والتصاريح !! :(





     
  4. سعود العنزي

    سعود العنزي أمين سر نقابة القطاع النفطي الخاص أعضاء الشرف

    363
    9
    18
    يمسيكم بالخير جميعاً اولاً اخوي نفر مو بس انا الي اتحرك بجميع التحركات كان معاي رئيس النقابه يوسف دشتي بس الاخ يوسف انا قايلكم نهجه يختلف عن رئيس النقابه السابق يعني بالعربي ما يروح بروحه وده يخلي كل اعضاء النقابه بصوره وبعدين كلنا ايد وحده ما عليك ياخوي وثانياً كتب رسميه حق شنو الي قاعد يصير مجرد اجتماعات بخصوص القانون يعني انا موفاهم كتب رسميه حق شنو اذا بخصوص المقابلات انت شخص شفت بعينك يعني ماله داعي اثباتات ولي تبيه انا حاضر طال عمرك،،،، وشكراً
     
  5. فهد العجمي

    فهد العجمي بترولي خاص أعضاء الشرف

    408
    0
    0
    تسلم ياسعود على مجهودك الطيب انا لما تكلمت تكلمت عن شي شفته بعيني ويوسف دشتي لو يمر من قدامي مارده من دربه لانه ماحصل فرصه وشفته
    وبخصوص الكتب انا قصدي مثل الورقه اللي كانت معاك وقلت راح اوقعها من التيم ليدر حق koc شصار عليها؟
    ولما اقول اثبات القصد منه هو اسماء اعضاء اللجان اللي انعقد معاهم اجتماعاتكم وصور من تواقيع على قرارات ورسايل سواء منكم او من اللجان الاخر
    وكل الشكر لك
     
  6. santafe

    santafe بـترولـي مميز

    717
    3
    18
    انا اقول خير انشالله اذا شفتوا ربع قانون او عقود موحدة مثل ما يقولون عشم ابليس في الجنة وراح اذكركم واعتقد كتبت في السابق وقلت ياجماعة كاعدين يضيعون وقتكم ومافي شي اسمه عقود موحدة ولاتطبيق قانون ولاهم يحزنون انتوا مساكين يانقابة

    اتمنالكم كل خير انشالله
     
  7. سعود العنزي

    سعود العنزي أمين سر نقابة القطاع النفطي الخاص أعضاء الشرف

    363
    9
    18
    هلا حبيبي نفر لا لورقه الي انت شفتها معاي مجرد اقتراحات من اتحاد البترول بخصوص عقود العماله وبصراحه درسنها وكانت ممتازه وانا عن نفسي عطيتها الاخ محمد جعفر لانه عضو باللجنه الدائمه وانا وكذلك رئيس النقابه قلناله اذا تهمكم مصلحه الكويتي شوف التعديلات الي عن طريق الاتحاد واذا شفتو انها افضل اطرحوها او عدلو من الي قاعد يصير وبخصوص اسماء الي باللجان واضحه الاخ فيصل حاط اسامي اعضاء اللجنه العليا يعني ماله اي داعي احطهم اما بخصوص اللجان والكلام الي حصل من خلال الاجتماعات هي مجرد اقتراحات وانه بس يصير رسمي بعد انتهاء اللجنه راح ابلغكم لان مابي اعطيكم كلام مثل رئيس النقابه السابق احنا ودنا نعطيكم شي ملموس والناس مادين ايد التعاون وبس ادش اللجان راح يبين كل شي اما اورقت الاقتراحات ما اقدر احطها لانهم ما اعتمدوها فماعليك باذن الله ما يحصل الا شي يرضيكم
    اما بخصوص الاخ سنتافي انا مادري ليش متشائم وكل شي راح يبين ما خلال اللجان واذا ما حصل اي شي وما شفنا اي شي ملموس راح ابلغكم لان القانون يهمنا نفس ما يهم اي موظف لان ترا حتى اعضاء النقابه موظفين بالقطاع النفطي الخاص يعني المعاناه وحده وشكراً
     
  8. سعود العنزي

    سعود العنزي أمين سر نقابة القطاع النفطي الخاص أعضاء الشرف

    363
    9
    18
    وكذلك من خلال الاجتماعات الي اجتمعناها سالنا عن المميزات وقالو موجودين بس خل يجي تاريخ موعد اللجان ونتاكد اكثر بس ودنا ننقل شي صحيح وترا ياجماعه راح الكثير وما بقى الا القليل
    وترا والله نبي القانون نفسكم لان هذا الشي مو بس لنا هو لعيالنا واخوانا وهشي راح ينفع الجميع وشكراً*
     
  9. فهد العجمي

    فهد العجمي بترولي خاص أعضاء الشرف

    408
    0
    0
    قواك الله ياخوي وكلامك طيب ومنطقي وبصراحه على جهودك المبذوله بصراحه خذيت نصيب كبير من اسمك المستعار وانتو انشالله رجال للمواقف الصعبه وبدأنا نثق فيكم ونتمنى نشوف الكثير
    شكراً لكم
     
  10. فهد المحيسن

    فهد المحيسن بـترولـي نشيط جدا

    279
    40
    28
    مشغل مستودع
    الكويت
    الله يعطيك العافيه اخوي سعود وانا معاك بكلامك وانا انصف دوركم وكلامك موزون واذن الله جهودكم مأجوره بالخير
    وموعدنا انشالله 27\3 يا بطل نبي اخبار طيبه من اناملك الطيبه ودعيلكم بالخير
    وصحيح موضوعنا انتشر بالكويت والكل يتكلم في فماكو مجال للتلاعب بالقانون او المماطله وهذا من جهودكم الجباره وسعيكم بالقانون
    وانا متفائل جداً ان تطبيق القانون قريب والنقابه الحاليه كفء ولها تقديرها وثبتت وجودها
    * وملاحظه للجميع القانون موجود دستوري ومتعارف عليه وتطبيقه راح يكون 100 % بس اللجنه دراستها كيفية التطبيق يعني جم الرواتب والمميزات
    والنقابه بدورها اطرحت القانون وقامت بتذكير مؤسسات النفط معنا كثير من الموظفين غافلين عن القانون
    وهذا في حد ذاته تشكر عليه النقابه ودورها في المتابعه وشكر للموظفين المتابعين وللاخ نفر من الناس
     
  11. سعود العنزي

    سعود العنزي أمين سر نقابة القطاع النفطي الخاص أعضاء الشرف

    363
    9
    18
    لا شكر على واجب اخوي نفر وهذا واجبنا وباذن الله مالكم الا الي يرضيكم وانا يوم دشيت هالمكان الواحد يبي بياض الوجه وكذالك هشي لمسته من رئيس النقابه واعضاء النقابه وباذن الله نكون عند حسن الظن لان عضو النقابه او رئيس النقابه مناصبهم ليست تشريف بل تكليف وباذن الله نقوم بواجبنا باحسن وجه وبدعمكم وتشجيكم لنا سنقوى اكثر واكثر ون مصلحتكم فوق الجميع وفوق ايً كان انتم اخوتي وانا حاس وعارف المعاناه وباذن الله يطبق القانون والجميع يرتاح وانا عن نفسي ما ازعل من كلامكم او شد اعصابكم بخصوص القانون لان في شخص الله يسامحه حطلكم الشمس بايد والقمر بايد واخر شي مشا وخلا الناس وراه ولكم بدورنا كنقابه جديده باذن الله لن نتهاون بسبيل مصلحه العاملين بالقطاع النفطي الخاص وانا اخوكم ومن ايدكم هاذي الى ايدكم هاذي ولي تبونه انا حاضر وشكراً
     
  12. حمد محمد سليمان العنزي

    حمد محمد سليمان العنزي بـترولـي نشيط

    59
    0
    0
    الله يعطيك العافيه يابوعبدالعزيز انت والشباب بالنقابه مومقصرين
     
  13. سعود العنزي

    سعود العنزي أمين سر نقابة القطاع النفطي الخاص أعضاء الشرف

    363
    9
    18
    لا شكر على واجب بومحمد حبيب ما قصرت على دعمك لنا
     
  14. محمد الحرمل

    محمد الحرمل بـترولـي نشيط جدا

    209
    0
    0
    الله يعطيك العافيه اخوي

    بس صراحه كلامهم مايعطيك لا حق ولا باطل كل مالهم يطولون الموضوع

    والله يكتب الي فيه الخير
     
  15. santafe

    santafe بـترولـي مميز

    717
    3
    18


    يا حبيبي انا متفائل الى ابعد الحدود ولكن الاخبار ومن مصادر رفيعة جدا جدا الخاصة بي ان في خلل بتطبيق القانون وماينفع ان يطبق على الشركات المقاولة بذات مع الشكر
     
  16. سعود العنزي

    سعود العنزي أمين سر نقابة القطاع النفطي الخاص أعضاء الشرف

    363
    9
    18
    هلا اخوي سنتافي خلاص احنا بدورنا راح انشوف اللجان واذا ماكو شي انا اول واحد راح ابلغكم لاني ما راح احطلكم الشمس بايد والقمر بايد وترا كلنا نبي تطبيق القانون وهذا مطمع جميع العاملين واذا ماكو شي ما راح اعشم احد بس انا اول شي راح اشوف اللجان الشهاده لله انا قعدت مع رئيس اللجنه والتمست انهم بيخلصون الموضوع مع احترامي المصادرك الي تتكلم عنها بس انا بصراحه قاعد اشوف توافق من الجميع من الشيخه شذى الصباح ام تركي وكذلك من رئيس اللجنه الاخ خالد المنيخ المحترم وانا اوعدكم اذا دشيت اللجنه وشفت ماكو اي شي راح ابلغكم وشكراً
     
  17. santafe

    santafe بـترولـي مميز

    717
    3
    18

    والله يا خوي نتمنى ذلك بان يصدقون في كلامهم وشاكر على هذا المجهود والتواصل منك على بركة الله
     
  18. سعود العنزي

    سعود العنزي أمين سر نقابة القطاع النفطي الخاص أعضاء الشرف

    363
    9
    18
    صباح الخير اخوي سنتافي اي والله ياخوي تحنا نبيها توافيق من رب العالمين وانشالله خير،،، وتفائلو بالخير تجدوه،،،
     
جاري تحميل الصفحة...

مشاركة هذه الصفحة