◄ ساعــه رولكــ Rolex ـــس اصليـة "مينـا ألمـاس"

الكاتب : بو بنـدر | المشاهدات : 3,242 | الردود : 11 | ‏21 مارس 2012
حالة الموضوع:
مغلق
  1. بو بنـدر

    بو بنـدر بـترولـي خـاص

    1,389
    5
    38


    السلام عليكم

    كمـا هـو معلـن,
    ◄ للبيـع ساعـة رولكـــس ROLEX رجاليـة أصليـة " مينـا ألمـاس "

    الساعـه حالتهـا طيبـة جـدا جـدا كأنها جديـده ولو تخزهـا بميكروسكـوب مـا تـلاقي لا طقـات ولا زلـوغ, شـرط الفحـص بالوكالـة او خـارجها ماكـو مشاكـل:



    المواصفـات:
    النـوع: ديـت جسـت.
    المينـا: أسـود ملكـي + ألمـاس.
    الطـوق: ذهــب أبيـض.
    المعــدن: ستيـل x ذهــب أبيـض.
    الحجـم: 36 ملـي "الحجـم العـود".
    الكـوك: جرتيـن.
    الجـام: زفيـر كرستـال.
    الصنقـل: جـوبلي وهو يعتبـر اجمـل وارقـى صنقـل عالرولكـس وخالـي من الزلـوغ والخـدوش " كالجديـد ".



    السعـــر: 1100.





    لكــم الصـــور,,,

    [​IMG]



    الصـورة الثـانية تبيـن لكـم اذا كانـت الجامـة فيهـا اي طقـات او زلـوغ, والحمـدلله خاليـة مـن العيـوب.

    [​IMG]

    [​IMG]

    [​IMG]

    [​IMG]

    [​IMG]


    ملاحظـة: الساعـه شـد الوكالـة والفحـص انا اشرطـه عالشـاري قبـل لا يستلـم حلالـه واستلـم حلالـي.




    للإستفســــار عالبريــد الخــاص, أو الإتصال على

    99992584
    بـوبنــدر

     
  2. بو بنـدر

    بو بنـدر بـترولـي خـاص

    1,389
    5
    38
    مستمـرين بـإذن الله,,,
     
  3. mac

    mac بـترولـي نشيط

    52
    0
    0
    لو سمحت اي سنه ؟؟؟
     
  4. بو بنـدر

    بو بنـدر بـترولـي خـاص

    1,389
    5
    38
    حياك الله اخوي ماك
    بخصوص الرولكسات الناس ما تنظر للسنة لان الرولكس الي نزلت بسنة 1960 نفس موديلها للحين لكن

    في مواصفات تختلف فيما بينهم بسيطه هي الي تخلي الواحد يعرف الموديل ولكن ليس السنة

    لسبيل المثال من 1962 الى 1983 نفس الموديل

    من 1984 الى 1990 نفس الموديل

    من 1991 الى 2002 نفس الموديل ""اهي الساعه المعروضه""

    من 2003 الى 2012 نفس الموديل بالاضافه الى انهم نزلو موديل جديد ""حجمها شوي اكبر"" ولكن هم الوزن اثقل وثقيلة بالايد


    هالموديل الي جدامك جامتها زفير كرستال والكوك مالها جرتين للتاريخ والوقت
    قول لاي شخص زفير كرستال كوك جرتين ""مخرمه""

    مخرمه تعني فيها خروم للصنقل عالجوانب,,, الموديل الي وراها نزل ما فيه خروم فقط وباجي المواصفات نفسها.
     
  5. بو بنـدر

    بو بنـدر بـترولـي خـاص

    1,389
    5
    38
    السـوم واصـل 900 فـي مـوقع مـزاد الكـويت.

    مستمـرين بـإذن الله,,,
     
  6. mac

    mac بـترولـي نشيط

    52
    0
    0
    اخوي انا اسآل عن الموديل اللي بدفتر الضمان بالاخص هالموديل ديت جست
    والكلام اللي قلت كله ما يفيدني وبالنسبه لي الموديل وايد مهم عشان اعرف المكينه لان تختلف من سنه لي سنه
    في المكينه والشكل مايتغير بس اللهم الخرم بدل ماكان ظاهر صار مخفي
    وشكرا
     
  7. بو بنـدر

    بو بنـدر بـترولـي خـاص

    1,389
    5
    38
    اخوي ماك انتة قاعد تناقض روحك, سألت بالبداية عالموديل ولما جاوبتك قتلي كلامك ما يفيدني وعقبها قلت ابي المكينة ؟

    عموما
    المكينة موديلها 3135,,, توني متصل عالمحل الي فحصها عشان خاطرك.
     
  8. بو بنـدر

    بو بنـدر بـترولـي خـاص

    1,389
    5
    38
    السـوم واصـل 950 فـي برنامـج مـزاد.

    مستمـرين بـإذن الله,,,
     
  9. mac

    mac بـترولـي نشيط

    52
    0
    0
    ياخوي ما ادري ليش تنرفزت
    انا سؤالي كان واضح اي سنه اللي بدفتر الضمان بس دششتني بموضوع ثاني ماله علاقه ومايفيدني
    انا لما اسال عن الموديل لان فيه نفس الشكل اللي عندك موديلات من اول السبعين تكون مكينتها صناعه يدويه وهذي افضل من اللي موجوده الحين بدقه الوقت وتعتبر نوادر حاليا ومرغوبه ولها سوقها بس بسبب المكينه فهمت ليش سالتك اي سنه ؟؟؟؟
    وهالنوعيه وقفت من زمان لارتفاع تكلفتها
    ياخوي نصيحه اذا انت تبيع وتشتري باي مجال وسع خاطرك وتقبل اي سؤال
    وعالموم الله يبارك لك في حلالك وتجيب لك السعر اللي يرضيك
     
  10. بو بنـدر

    بو بنـدر بـترولـي خـاص

    1,389
    5
    38
    السـوم واصـل 950 فـي برنامـج مـزاد.

    مستمـرين بـإذن الله,,,
     
  11. بو بنـدر

    بو بنـدر بـترولـي خـاص

    1,389
    5
    38
    اخي الفاضل ماك والله ماكان لي خاطر بالرد عليك مش تنقيص من قدرك ولكن لاني ما ابي احرف الموضوع عن مساره وغرضه الرئيسي ""للببيع"" وليس للنقاش العام.

    ولكن الي خلاني اكتب هالرد حاليا هو اني ما ابي اترك ثغره صغيره لمن في نفسه شك في مصداقيتي فقط’ وأيضا اتمنى تتفهمني وتوسع صدرك حبتين,

    وانا باخذ كلامك وبرد عليه سطر سطر عشان نكون دقيقين بالاجابة,,, ايضا عشان أغطي جميع أسألتك لاغلاق هالمسأله:



    ================================

    أول شطر من كلامك
    انا سؤالي كان واضح اي سنه اللي بدفتر الضمان بس دششتني بموضوع ثاني ماله علاقه ومايفيدني

    أولا: اخي الفاضل ورقة الضمان معروف عنها تخلي الساعه تنباع بسرعه اكثر فشنو مصلحتي ادسها ؟

    للعلم 90 بالمية من الساعات الموجودة في محلات الديرة بشكل عام وبدون تحديد بدون اوراق وهذا امر طبيعي بكل بلدان العالم مو بس بالكويت ""دش النت وشوف البيع شلون صاير, 90 بالمية منهم بدون اوراق وهم بعد من غير علبة"" :)

    وهذا لك مثال من الانترنت, ارخص ساعه مثل ساعتي في موقع eBay وشوف وقارن سعرها وايضا شوف معاها علبة او اوراق ؟

    إضغـــط هنـــا


    ثانيا: لك الحق بالفحص عند اي محل تبيه او تثق فيه واذا بالساعه برغي مو اصلي تاخذها بلاش,,, واذا تقصد تبي تعرف السنة بورقه الضمان فايضا اقولك ما عندي ورقه ولا تهمني كثير لانها مجرد ورقه واهم شي بالنسبة لي انها اصليه وشد الوكالة,,, واضيف على كلامي ان الوكالة بالكويت تستقبل اي ساعه لعمل السيرفس او التصليح حتى من غير اوراق.





    الشطر الثاني
    انا لما اسال عن الموديل لان فيه نفس الشكل اللي عندك موديلات من اول السبعين تكون مكينتها صناعه يدويه وهذي افضل من اللي موجوده الحين بدقه الوقت وتعتبر نوادر حاليا ومرغوبه ولها سوقها بس بسبب المكينه فهمت ليش سالتك اي سنه ؟؟؟؟

    اخي الفاضل ساعات الرولكس بشكل عام ما عدا ((( TUDOR ))) من اول ما انصنعو لحد الان ما نزلو الا مكينتين فقط 3035 و 3135 هذا من ناحيه.

    من ناحيه اخرى الرولكس كلها صناعة يدوية من طلعت لليوم, واذا حاب تتاكد دش عالمصنع بالنت او روح للوكيل بمجمع الصالحية.
    ايضا بامكانك دخول موقعهم وتشوف بعينك فيديو لتصنيع وتركيب كل قطعة,,, موجود لكل شي فديو بروحه الصنقل بروحه والبدي بروحه والمكينة بروح...الخ

    WWW.ROLEX.COM





    الشطر الثالث
    وهالنوعيه وقفت من زمان لارتفاع تكلفتها

    ارتفع سعرها لانها دخلت مجال الانتيك وهذا امر طبيعي لكل شي قديم سواء قلم او سيارة او ساعة فالقديم حيل بيكون اغلى لندورته.





    الشطر الرابع
    ياخوي نصيحه اذا انت تبيع وتشتري باي مجال وسع خاطرك وتقبل اي سؤال, وعالموم الله يبارك لك في حلالك وتجيب لك السعر اللي يرضيك.

    انا اتقبل جميع الأسئلة والنقد البناء من كائن من كان,,, واجاوب بدقه اذا كان السؤال دقيق واجاوب بشكل عام لما يكون السؤال مش دقيق او لما يكون الشخص الي جدامي عنده نقص بسيط في معلومته,

    ومشكور عالنصيحة,,, الله يرزقنا وجميع المسلمين من واسع فضله.





    واخيرا اتمنى النقاش ما ياخذ اكثر منه حقه عشان لا نحرف الموضوع عن غرضه الرئيسي ""بيع"" ويتحول الى دعاية لرولكس :)

    نورت الموضوع يغالي,,,
     
  12. بو بنـدر

    بو بنـدر بـترولـي خـاص

    1,389
    5
    38
    أشكـر جميـع من مـر او سـام, تـم البيـع ولله الحمـد.

    أرجـو إغـلاق الموضـوع,,,
     
جاري تحميل الصفحة...
حالة الموضوع:
مغلق

مشاركة هذه الصفحة