بطلع من القطاع الحكومي بروح عقود المقاولين ان شاء الله، مشورتكم

الكاتب : ITC | المشاهدات : 1,464 | الردود : 9 | ‏19 مارس 2012
  1. ITC

    ITC بـترولـي نشيط جدا

    294
    27
    28
    مبرمج
    السلام عليكم ورحمة الله وبركاته

    بس حبيت اخذ رايكم
    انا اشتغل ولله الحمد بالقطاع الحكومي، بس صراحة مافي شغل وملل، وغير ان الراتب ضعيف ولله الحمد مقارنه بالقطاع الخاص، تنصحوني، اطلع واروح عقود المقاولين مع العلم ان تخصصي itc تقنية المعلومات والحوسبة

    عطوني رايكم مشكورين
     
  2. Q8ia-Engineer

    Q8ia-Engineer بـترولـي نشيط

    57
    0
    0
    يعتمد ...

    عقد مقاول محلي أو عالمي؟
     
  3. ابو محسن

    ابو محسن بـترولـي جـديـد

    8
    0
    0
    السلام عليكم

    والله نفس الشي
    انا نويت ايضاً اطلع من الحكومي إلى القطاع الخاص
    وقبل كم يوم قدمت اختبار بالاحمدي

    هل تنصحوني استمر بتقديمي

    واي الشركات الخاصه التي تنصحوني بها
    خصوصاً اني ناوي اكمل دراستي الجامعيه برا الكويت


    وكل الشكر لكم
     
  4. ITC

    ITC بـترولـي نشيط جدا

    294
    27
    28
    مبرمج
    ما فهمت اخوي شنو يعني محلي او عالمي؟ وشنو الاحسن :)

    اخوي ابو محسن الله يوفجك ان شاء الله الاعضاء يفيدونا
     
  5. محمد 10

    محمد 10 بـترولـي نشيط

    56
    0
    0
    ما انصح بعقود المقاولين
    لان يدقونك دق
    وتخيل موظف بالنفط توه متوظف شهادته انزل من شهادتك
    معاشه اقوى
    ويتأمر عليك
    راح تتاذى ومعاشك تقريبا 850-900 مع دعم العمالة
    انا اقول خلك على مينونك لان هناك لو مهما تكرف بالغصب يصعد
    الا تروح بتوظيف دايركت مع الكي او سي وغيره

    وموفق حجي
     
  6. ITC

    ITC بـترولـي نشيط جدا

    294
    27
    28
    مبرمج
    جزاك الله خير اخوي محمد
    زين ما تتوقع اذا استمريت معاهم يمكن يثبتوني عندهم او على الاقل تصير عندي خبرة واقدم باعلان الخبرة؟

    زين عقود المقاولين ماتنصحني فيه ولا القطاع الخاص ككل؟

    عشان اقدم مثلا بنوك

    لان تخصصي it حرام اقعد من غير شغل
     
  7. فهد المحيسن

    فهد المحيسن بـترولـي نشيط جدا

    279
    40
    28
    مشغل مستودع
    الكويت
    وعليكم السلام ورحمة الله وبركاته
    اخي العزيز في الوقت الحالي قطاع النفطي الخاص غير موفق ولا توجد مميزات ولكن عن تطبيق قانون 1969 /28 راح تكون في سلم درجات يتكون من 20 قريد والجامعي يتريقه ومميزات بدل خطر وبدل طريق وطبيعت عمل ويوم سادس واضافي مختلف وراتب قوي ومشاركة نجاح وبونص واجازه 42 يوم وتذاكر سفر انا انصح عند تطبيق القانون فكر بالتقديم .

    اما في الوقت الحالي ما انصحك واحتمال تطبيق القانون على شهر ابريل (4) وتوجد نقطه مهم عند تطبيق القانون ان يوجد صعوبه في تفنيشك الا في حالتين الغياب المتكرر او الاهمال الوظيفي بمعنى (تكون نايم ) .

    عنده تطبيق القانون تقدر تفكر بالتقديم بوجود مميزات كثيره وجدول معرفت راتبك
    وتمنا لك وللجميع التوفيق
     
  8. فهد المحيسن

    فهد المحيسن بـترولـي نشيط جدا

    279
    40
    28
    مشغل مستودع
    الكويت
  9. محمد 10

    محمد 10 بـترولـي نشيط

    56
    0
    0
    اخوي استمر بتقديمك وتحمل سنة لان حرام تقعد تنطر بلا شغله ولا مشغله
    وجرب يمكن تطيح بقروب حلو وشقردي لان القروب يعتمد على نجاح الدوام 70%
    انا قروبي بالدوام الحكومي حلو بس المعاش ضعيف
    فعشان جذي مفكر اطلع واروح قطاع نفطي
    وانت اذا ما يازلك الوضع حول حكومة
    بس تخصصك نفس تخصصي
    تخصص فاشل جدا بالحكومة
    يعني مالك مميزات نهائي وتتعين ع الخامسة ومعاشك 650 تقريبا حسب الاماكن
    تبي تشرفنا الدوام بالجهاز المركزي لتكنلوجيا المعلومات حياك
    يبون موظفين بس هاذه معاشك
    وجرب يمكن تشنص وياك بالنفط او كلش كلش روح لك بنك
    او انطر تسجيل شركات النفط اللي تكون بعقد دايم

    بخصوص اذا في عقد دايم بعد عقود المقاولين

    حسب علمي لا الا تقدم من اول ويديد

    وموفق خيي
     
  10. ITC

    ITC بـترولـي نشيط جدا

    294
    27
    28
    مبرمج
    جزاك الله خير اخوي
    تدري اني قدمت بس ماتوفقت بالاختبار سبحان الله مرتين نجحت فيه الا هالمرة يمكن عشان غيروه ما اعتقد كان سهل يمكن عشان ما راجعت عدل

    بس الحمد لله خيره لي باذن الله :)


    اخوي انا موظف بالحكومة والجروب حلو اللي بالدوام بس مااعندي شغل، كل واحد ماخذ شغل وقاعد يشتغل الله يوفقهم ويبارك لهم وانا تخصصي نفس تخصصهم ماعندي شي حالي حال الكرسي اسف على هالكلمة، وملتزم بالدوام ان شاء الله، فقلت دام اني ملتزم اروح القطاع الخاص هم وظيفه بالتخصص بالاضافة الراتب تمام

    اخوي بس البترول ابرك من البنك تدري ليش لان البترول على الاقل يختبرك البنك تقدم اوراقك وتنطر الى اشعار اخر

    وترى قدمت على العقود والدرجة تطلع لك بنفس الوقت بس الحمد لله ما صار نصيب

    اخوي جيك على الخاص لو سمحت

    جزاك الله خير اخوي
    الله يوفقنا :)
     
جاري تحميل الصفحة...

مشاركة هذه الصفحة