لوسمحتوا استفسار لتخصص تكنولوجيا تشغيل مصافي لشركه الknpc في التطبيقي

الكاتب : مشغل مصافي | المشاهدات : 3,778 | الردود : 10 | ‏16 مارس 2012
  1. مشغل مصافي

    مشغل مصافي بـترولـي جـديـد

    10
    0
    0
    تخرجت من الثانويه العامه علمي ونسبتي 73% سنه 2003

    وقدمت عالتطبيقي مره وطلع قبولي بكليه من الكليات ورحت رفضت قبولي فيها قبل ماسجل مواد حتى بمعنى طلعت ورقه لمن يهمه الامر اني غير مقيد بالتطبيقي

    فاذا طلعت من وظيفتي وشلت اسمي من التامينات وقدمت عالتطبيقي هل تخصص"تكنولوجيا تشغيل مصافي"تقبلني اذا قدمت هالمره

    وقريت شروط هالتخصص باعلان لهم:
    1-ان يكون خريج علمي
    2-التخصص يقتصر للكويتيين فقط
    3-للذكور فقط

    وشفت اعلان التطبيقي للكورس الثاني تو شهر 1 الي طاف وكاتبين الي شهادته جديده يبون 55% وفوق

    واذا قديمه مثلي يبون 60%


    هل الوظيفه بعد التخرج مضمونه ومايطول يعني شهر ولاشهرين واكون بوظيفتي وراتبي يمشي معاي بحكم اني متزوج ومابي اتاخر بالمصاريف وجذي؟؟؟

    واستفساري الي احاتيه على مساله العمر لان عمري حاليا 27ومابي اتسرع اطلع من وظيفتي اذا هالتخصص تقبل عمري؟؟؟

    ارجو منكم مساعدتي ويزاكم ربي خير
     
  2. admin

    admin إدارة المنتدى

    383
    9
    18
    ذكر
    kuwait
    اسألتك اخوي توجهها للتطبيقي افضل
     
  3. مشغل مصافي

    مشغل مصافي بـترولـي جـديـد

    10
    0
    0
    شكرا اخوي admin عالمرور والرد

    وانا رحت للتطبيقي وسألت رئيس القبول الانصاري قالي حتى لو عمرك 80 عادي تقدر تقدم

    فحاب اعرف اذا في احد قدم عليهم وعمره 24 ولا25 او حتى كبري 27 وقبلوه وللحين يدرس مناك او تخرج منهم بعد سنتين واشتغل

    يجاوبني على استفساراتي اذا سمح
     
  4. مشغل مصفآه

    مشغل مصفآه بـترولـي نشيط

    128
    0
    0
    اي عادي تقدر تقدم

    واذا انت متزوج قدم استقاله من دوامك وسجل بمساعدات الشؤون لأسر الطلبه يمشي لك 550 وبدل الايجار 150 وهالتخصص اذا معدلك زين راح يمشون لك 300 دينار لين تتخرج

    ومجرد ما تتخرج على طول يوظفونك من غير اعلان ولا امتحان ولا بطيخ

    يعني شهر بالكثير وتتوظف

    وعلى سالفة العمر

    معانا ناس مواليد 73 و 75 و80 وعادي يدرسون ويتوظفون
     
  5. مشغل مصافي

    مشغل مصافي بـترولـي جـديـد

    10
    0
    0
    جزاك ربي خير اخوي مشغل مصفاه على مرورك وردك

    وانا مواليد شهر 2 سنه 1985 تتوقع ان شاءالله مايردوني لان تدري مابي اقدم استقاله ولويه واخرته شي ثاني: (؟؟؟

    وممكن تفسر لي بمساله(( يمشولي300 اذا معدلي زين )) اوكي تقصد لازم اكون من المتفوقين ولا عادي اكون فوق النقطتين يعني ماشي بالكورسات عدل وما اتاخر يمشولي ايهم انت قصدك


    مشكور على مرورك وردك واتمنى تكمل جميلك باستفساراتي عساها تكون بميزان حسناتك
     
  6. مشغل مصفآه

    مشغل مصفآه بـترولـي نشيط

    128
    0
    0
    لازم يكون فوق الـ 2.50 يعني جيد جداً

    وما راح يردونك ان شاء الله

    وتقدر تاخذ تفرغ من دوامك وتدخل عادي وتقدر تقدم استقاله وتدش

    وفيه تخصص ثاني اسمه ( صناعات كيميائيه ) دراستهم نفس تشغيل المصافي تقريبا

    لكن توقع عقد مع ايكويت مجرد ما تتخرج تتوظف عندهم معاشك مع دعم العماله يوصل 2100 اول تعيين
     
  7. مشغل مصافي

    مشغل مصافي بـترولـي جـديـد

    10
    0
    0
    مشكور اخوي مشغل مصفاه

    وياليت ترد على رسالتي بالخاصه عندك
     
  8. مشغل مصافي

    مشغل مصافي بـترولـي جـديـد

    10
    0
    0
    كلامك عدل عن ايكويت كان مبلشين بهالبرنامج من هالسنه لان تم توقيع العقد سنه2011شهر6 اول دفعه لهالبرنامج كانت هالسنه سنه2011/2012

    وقريت شروط الالتحاق ببرنامج ايكويت لطلبه تكنولوجيا الصناعات الكيميائيه:

    *كويتي الجنسية )للذكور(
    • النجاح في مقررات المنهج بمعدل يفوق 2.5
    • إنهاء الدراسة في حد أقصاه سنتين ونصف
    • اجتياز الفحوصات الطبية المطلوبة
    • إجادة اللغة الانجليزية

    كلهم مو مشكله عندي لكن في شرطين ابي استفسرلك منهم:
    1-النجاح بمعدل لايقل عن2.50 لو احد تخرج ومعدله 2.4 شيصير فيه؟؟؟
    2-انهاء الدراسه سنتين ونص اذا لاسمح الله احد تاخر كورس واحد صار ثلاث سنين شيصير بوضعه؟؟؟
    3-انت قلت ايكويت دعم عماله هل معناها انها قطاع خاص؟؟؟
    4-لما اوقع معاهم العقد هل يمشولي300 وانا ادرس مثل مشغل مصفاه وهل لها مثل مميزات شركه البترول الكويتيه مثل مميزات تذاكر السفر والمستشفيات و و لما اتوظف عندهم ؟؟؟

    اتمنى ماكون ثقلت عليك اخوي مصفاه لان اطالع الله ثم انت بردودك عسا ربي ينور دربك اذا نورتني فيها
     
  9. مشغل مصفآه

    مشغل مصفآه بـترولـي نشيط

    128
    0
    0
  10. مو معقول

    مو معقول موقوف

    663
    0
    0
    انا انصحك تتخصص هندسة بتروليه قسم الانتاج.....و تدش الكي او سي وبالتوفيق
     
  11. مشغل مصافي

    مشغل مصافي بـترولـي جـديـد

    10
    0
    0
    مشكور عالمرور والرد مو معقول
     
جاري تحميل الصفحة...

مشاركة هذه الصفحة