السماح بالهواتف النقاله عن قريب

الكاتب : فيصل العجمي | المشاهدات : 2,342 | الردود : 18 | ‏14 مارس 2012
  1. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    السلام عليكم ورحمة الله وبركاته

    في حديث قبل ايام مع احد اعضاء النقابه قال ان مطالبات الموظفين السابقه بالسماح بدخول الهاتف النقال قد ترى النور ان شاءالله عن قريب ان شاءالله بعد اقتناع الاداره العليا بأحقية هذا المطلب الذي اصبح ضروره في هذا الوقت.

    وللعلم فشركة البترول الوطنية تمنع دخول الهواتف النقاله في مصافيها الثلاث وفي نفس الوقت تعطي تصاريح لبعض المسؤولين وبعض عمال المقاول .
    وهو مايعاني منه الكثير من الموظفين وخصوصاً مشغلي غرف التحكم ومراقبي الوحدات لان عملهم في غرف التحكم ولا يوجد مايمنع الهاتف النقال
     
  2. جابر

    جابر قــلــم بــتــرولــي أعضاء الشرف

    هلا بوعبدالله ..
    مجرد فضول ، شنو السبب والمبرر لمنع الهواتف النقاله ...
    كلها ..والا بس اللى تحتوى على كاميرا ...

    وسلامتك
     
  3. حبيبي رسول الله

    حبيبي رسول الله بـترولـي جـديـد

    31
    0
    0
    الله يسمع منك
    وبعد لو يغيرون نظام الشفتات
    انشالله كل شي اوك
     
  4. مبروك للجميع خير طيب يعطيك العافية على هذا الخبر
     
  5. بترولي بحت

    بترولي بحت بـترولـي جـديـد

    2
    0
    0
    بسم الله الرحمن الرحيم

    الحمدلله والصلاة والسلام على رسول الله وعلى آله وصحبه أجمعين





    [align=center]منع استخدام الهواتف النقاله
    لاسباب معينه من ضمنها انها تاثر على الوحدات ومعداتها
    لوجود ذبذبات او ما شابه ذلك
    ومنع الهواتف ايضا لاسباب امنيه
    لحماية المنشأه النفطيه لاعتبارها منشأه مهمه من منشآت الدوله
    وانا اعتقد لايوجد اي تأثير بالسماح للـ panel opearator باستخدام الهواتف النقاله بوجود تصاريح لكل شخص
    واتمنى تنفيذ هذا الاقتراح,,,
    شكرا.[/align]
     
  6. جابر

    جابر قــلــم بــتــرولــي أعضاء الشرف

    يعطيك العافيه بترولى بحت
     
  7. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    صبحك الله بالخير اخوي جابر واعذرني على التأخير في الرد

    والمنع مثل ماذكر اخوي بترولي

    وللأمانه ماعتقد انه يأثر ولا ادري منو قال انه يأثر لان اللي راحوا كورسات خارجيه في كوريا وهولندا وغيرها من الدول كانت الهواتف مسموحه وتستخدم داخل المصافي وبدون اي مشاكل
     
  8. الكــنــج

    الكــنــج بـترولـي مميز

    566
    0
    0
    مشغل حقل
    الـكـويـت
    أخوي فيصل

    بالنسبه لميناء الأحمدي مشغلين الحقل ينهانون من المنشأت وانتم ساكتين

    واذا مو مصدق كلامي وقف ببداية الشفت وشوف شلون التعامل الراقي

    بالنسبة للتلفون ذبذبات

    وبالنسبه للجرايد هم ذبذبات

    وبالنسبه للتلفزيون هم ذبذبات

    وبالنسبه لوضع الشفت هم ذبذبات

    وبالنسبه للشلاتر الحلوه اللي من كثر ماهي حلوه ودك تكمل 16 ساعه هم ذبذبات

    وبالنسبه للدخانيه بما انها على الهواء الطلق هم ذبذبات

    وبالنسبه أن بعض السوبر فايزر يجبرك انك تكمل16 ساعه والا يكتب فيك كتاب عدم تعاون هم ذبذبات

    وبالنسبه للترقيات هم مايصير يعطونك 8 من 10 لانه ذبذبات

    وبالنسبه للأجانب ماكو ذبذبات

    والله ماصار دوام صار سجن
     
  9. الكــنــج

    الكــنــج بـترولـي مميز

    566
    0
    0
    مشغل حقل
    الـكـويـت
    أنا مشغل حقل

    out side

    وصدقوني تتطبق القانون أو ماتطبق التلفون مدخله وياي

    وأذا تعقدت الأمور

    أوماشفوا لنا حل

    أسهل حل هو الأستقاله
     
  10. الكــنــج

    الكــنــج بـترولـي مميز

    566
    0
    0
    مشغل حقل
    الـكـويـت
    بالنسبة للمنشأت

    مو الكل البعض وخاصه من الضباط

    ياليت لو تشوفون لنا حل والا ماراح نسكت
     
  11. silver cover

    silver cover بـترولـي خـاص أعضاء الشرف

    الرجاء من النقابة الاتفاق مع ادارة الشركة او المصافى والسلامة بجعل الشركة تشترى الجهاز الممكن استخدامة بالمصافى يحيث انة ذات جودة وسلامة للاستخدام داخل المصافى وتبيعة باسعار رمزية او استجار ذات ارقام متسلسلة يعنى مثل عهدة فى امانه الموظف يضع فيها الشريحة المناسبة لة من زين او فيفا او وطنية فيتم حل المشكلة بسهولة للموظفين من اجل التواصل مع عوائلهم وقت الضرورة........
     
  12. dnar.q8ty

    dnar.q8ty بـترولـي جـديـد

    9
    0
    0
    عن قريب .... فلم سينمائي ولا مسلسل رمضاني

    الشركه مطلوبه بتطبيق الاجراءات واللوائح على مستوى العالم ...
    والظاهر الكورسات الخارجيه صارت عكسيه على الشركه ...

    لان الشباب اللي راحوا للمصافي العالميه ... انبهروا بالاجراءات المتبعه هناك .. (( مو التخلف اللي عندنا ))
    التلفونات كانت معاهم ومسموح التصوير فيها بالمصفاة بغرف التحكم والحقل

    ولا كان منع لا على الزوار والا على الموظفين

    المشكله اللي عندنا بالعقليه اللي للحين اذا شاف جريده قام يتفلسف ولا كأن موجود بالسستم ست جرايد ...
     
  13. mtm

    mtm بـترولـي نشيط جدا

    419
    0
    0
    للاسف النقابة ضعيفة جدا ولا تعرف التعامل مع الامور بحزم فهم يوعدوننا ولا يوفون بوعودهم

    اخر خبر:
    تصاريح التلفونات مافي الا لقريدات 15 وما فوق؟!!!! اما الباقي لهم بيجر مجاني مع كرتون ماي صحة والف مبروك على الخيبة
     
  14. Corvette

    Corvette بـترولـي نشيط

    72
    0
    6
    النقابة ببيانها هذا زادت الوضع سوء،،
    حاليا ماكو مجال للتهاون والتخفيف من التفتيش والوضع واضح ،،
    لاول مره اشوف 3 ضباط واقفين عالبوابه ،،

    النقابة تقدر تناقش الشركة لاعطاء تصاريح للموظفين ،، لكن بيان ضد وزارة الداخلية زاد الوضع سوء ،،
    وبالاخير قطوها براس الموظف ،، *
     
  15. a3any

    a3any بـترولـي نشيط جدا

    191
    0
    0
    ذكر
    موظف عمليات - بشركه البترول الوطنيه - الاحمدي
    الكويـت
    ياجماعه الوضع يضييق الخلق
    الواحد قام تصير نفسيته صفر اذا صار وقت الدوام
    جد صار سجن
    شالسالفه تفتيش بالطلعه وبالدخله والبعض يلحقك لي سيارتك ( مصفاه مينا الاحمدي )
    يعني الواحد ما وده يغلط عالامن ولا يمد ايده ,, مافي احترام حق الموظفين والموضوع كله على تلفون !!
    مصافي العالم كلها مسموح فيها التلفون ياجماعه شوفو لنا حل مو معقوله موظف مداوم 8 ساعات و16 ساعه وماعنده تلفون
    شنو اداوم بالمركزي انا !؟ والشي الثاني سالفه الدخانيه كراسي خشب والشمس طاقه بويهك والله خير بعد الصيف دخل علينا راح تحوشنا ايام الهوا يصير سشوار ,, انشالله ما اصير ضب علشان ادخن زقاره .. ليش ممنوع التدخين بالشلتر ؟!
    يبا خلونا من التدحين

    سالفه التفاتيش اللي مالها داعي ياجماعه الخير خلاص طقت جبودنا كل يوم شاقينا شق تفاتيش على تلفونات
    شنو قاعدين بمدرسه ؟! مو حاله يا جمماعه والله مو حاله
     
  16. a3any

    a3any بـترولـي نشيط جدا

    191
    0
    0
    ذكر
    موظف عمليات - بشركه البترول الوطنيه - الاحمدي
    الكويـت
    الشي الثاني السكيورتي والمنشأات كلهم معاهم تلفونات وسيارات داخل المينا
    والمسوولين تلفونات وسيارات واللي بالعيادات عندهم تلفونات وسيارات
    والمقاولين الهنود والبنغاليه بعضهم عندهم تلفونات

    والكويتي الاوبريتر اللي اهو شايل الشغل كله بالمصفاه وهو اساس الشغل بالمواني يتعامل بهالطريقه !؟
    تلفون ؟! من صجكم انتو ؟! والله لو انها مخدرات ولا قنابل ما فتشوه جذي
    وينكم يا نقابه تحركوو ترى الوضع صار لا يطاق وبدينا نطفش من هالدوام على شغلات بايخه مثل هاذي
     
  17. fahadknpc

    fahadknpc بـترولـي جـديـد

    39
    0
    0
    ياكثر ماتحلطمون والله
    شفيها الديرة محد عاجبه شي لامعاشات لازيادات لادوامات لادوانيات لاطلعات
    احمدوا ربكم علعافيه والنعمه
     
  18. homy

    homy بـترولـي نشيط جدا

    153
    0
    0
    السماح للهواتف النقالة بالمصفاة

    أعضاء النقابة نايمين ومو مهتمين بالموضوع لانه عندهم تصاريح لهواتفهم
     
  19. a3any

    a3any بـترولـي نشيط جدا

    191
    0
    0
    ذكر
    موظف عمليات - بشركه البترول الوطنيه - الاحمدي
    الكويـت

    الف حمد وشكر
    يخوي جرب تداوم 8 ولا 16 ساعه وماتقدر تدخل تلفون تدخل دوامك مجابل يونت تكرف واذا ماعندك شغل تجابل طوفه
    صدقني بيحوشك مرض توحد يخوي في ناس عندها عوايل وعيال واللي متزوج مايصير يخوي التلفون صار شي مهم بوقتنا هذا
    بعدين مو طالبين شي غريب ولا شي صعب .. يخوي موظف مداوم حاله حال خلق الله يدقرون له على تلفون !
    اللي يداوم بالوزارات صباحي يحاتي وكل شوي يدقدق على اهله ,, فما بالك واحد دوامه شفتات صبح عصر ليل ودوامك من 8ساعات الى 16 ساعه يخوي مو سالفه هاذي ومو حجه اذا قالك في تلفون بالمكاتب ,, انت تداوم اقل شي مع 5 ولا 7 رياييل مو حلوه اهلك كل شوي يدقون عالمكتب ولا الشلتر وواحد راد عليهم في شغلات خاصه يخوي والموبايل شي مهم حيل
    جماعه الkoc تلفونات وتلفزيونات ولابتوبات .. ترى مو مطلب صعب لما تقول موظف معاه موبايل !!!!!!!!!!!!!!!!

    وعساك عالقوه
     

مشاركة هذه الصفحة