للتواصل مع أعضاء مجلس إدارة نقابة العاملين في القطاع النفطي الخاص

الكاتب : محمد سكرتير النقابة | المشاهدات : 1,239 | الردود : 14 | ‏13 مارس 2012
  1. محمد سكرتير النقابة

    محمد سكرتير النقابة بـترولـي جـديـد

    26
    0
    0
    السلام عليكم ورحمة الله وبركاته ،

    بناءاً على رغبة رئيس النقابة يوسف دشتي ، وعدم إبراز نفسه لوحده وليبين للعاملين في القطاع النفطي الخاص ان نهج النقابة نهج جديد وأن يدنا ممدودة لجميع العاملين

    للتواصل مع أعضاء مجلس إدارة النقابة على الارقام التالية

    رئيس النقابة / يوسف محمد دشتي 97671188

    نائب رئيس مجلس الإدارة / محمد حسين سناسيري 65555569

    أمين السر / هاشم إسماعيل الموسوي 96630004 ( لشكاوي koc )

    مساعد أمين السر / عادل صادق عبدالرحيم 94494440 ( لشكاوي المصافي knpc )

    أمين الصندوق / ثامر محمود خلف 97855422 ( لشكاوي koc )

    مساعد أمين الصندوق / سعود عبدالعزيز العنزي 55812481 ( لشكاوي koc )

    طلال محمد الدشتي / عضو مجلس إدارة 69677784 ( لشكاوي koc )
     
  2. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت
    وعليكم السلام ورحمة الله وبركاته

    يعني ننسى السوالف البطالة اللي سويتوها قبل فتره والتعنصر اللي ماله سنع ؟!
    عموماً قزروها على كيفكم وما وراكم خير ولا يجي منكم خير دام شغلكم مبني على الكروته واللعب وغياب الشفافية !
    مجلس ادارة فنان كروته لاحساب ولارقيب ولا حتى مقر نفس النقابات ! شغلكم كله حوسه ومو رسمي
    نفسي اشوف بيان رسمي وعليه ختم النقابة لو مره وحده بس !! حتى اوراق رسمية خاصة بالنقابة ماشفنا !
    مجلس إدارة عبارة عن اسماء ومسميات وارقام هواتف فقط !
    تنبيه : هذا المجلس سبق وان هدد بعض اعضاء الجمعية العمومية بمعلومات كاذبة امام المسئولين المباشرين عليهم
    مثال : راح نتصل على مديرك الفلاني ونقول له انك تزرق وما تداوم ولازم يطبق عليك الانظمة عشان ثاني مره
    ماتنتقد النقابة وتعرف حجمك يافلان ! هالاسلوب والله شفته بنفسي مكتوب من بعض اعضاء النقابة في التويتر
    كان وقتها الوضع بالكويت متأزم بشكل عام والجماعة هذولا شغالين على ربعهم بلاسه وتصيد ضد العمال
    بالاضافة الى المنّة اللي مالها طعم ولا لها فائدة غير المذلة لأعضاء الجمعية العمومية اللي يسعون لها
    مثال : لاتنكر يافلان يوم فكيناك من المشكلة الفلانية ولاتنسى يوم رديناك للوظيفة وكلها هم اساسها ومن افتعلها
    ولاتنسى يافلان يوم دقيت علينا تبي نحل مشكلتك ودمعتك على خدك !! الشرهه على من يثق فيكم ويعتبركم سند له
    لاحول ولاقوة الا بالله
    امحق نقابة
     
  3. حمد محمد سليمان العنزي

    حمد محمد سليمان العنزي بـترولـي نشيط

    59
    0
    0
    اتمنى لكم كل التوفيق في مشواركم واتمنى من الاخوان اعضاء المنتدي اختيار الاسلوب الامثل لرد على الموضوع
    وجهودكم واضحه من بعد المجلس القديم.
    واتمنى الحضور يوم الخميس الى الاعتصام
    ولكم كل الشكر والتوفيق
     
  4. سعود العنزي

    سعود العنزي أمين سر نقابة القطاع النفطي الخاص أعضاء الشرف

    363
    9
    18
    اولا السلام عليكم جميعا ثانيا اخوي انا عضو بنقابه ومشاكلكم مع رئيس النقابه الي طاف ما تحكم علينا بالوقت الحالي احنا نقابه جديده والشاهد الله اننا متحركين بكل الطرق وما يصير تحكم على مجلس اداره جديد لي الحين ما صارله اسبوعين وما شفت فعله اظن احنا كتبنا موضوع بخصوص مقابله الشيخه شذى وقلنا راح نكون معاكم بكل شفافيه ونهجنا يختلف عن النهج السابق ورئيس النقابه بالوقت الحالي انا اشوفه مو امقصر وقاعدين نتحرك حق كل الناس ورحنا وكلمنا كذا عضو مجلس امه ولو تبينا اعطيك اساميهم انا حاضر وروح اسالك انت بنفسك وتاكد بعد وان المجلس الحالي ماله شغل بلي طاف وسياسته خدمه العاملين بالقطاع النفطي وما اتتطرق لامور السياسه وانتا عارف وانا عارف فعطنى فرصتنا وانشالله اتشوف فعلنا والنقطه الثانيه انت تقول ماكو اوراق رسميه عندنا ولا ختم حياك عندنا النقابه وشوف بعينك وترا انتو الداشين بنقابه واحنا الطالعين وشوف الاوراق بعينك واذا على بيان للنقابه وعشان اتاكد ان نهج النقابه متغير 1000000000 مرا عن السابق تابع جرايد الكويت كلها يوم الخميس عشان تتاكد وانا انصحك لا تسبق الاحداث ياخوي ولي تبيه احنا حاضرين وبخدمتكم وجرب وما اتخسر وشكراً
     
  5. سعود العنزي

    سعود العنزي أمين سر نقابة القطاع النفطي الخاص أعضاء الشرف

    363
    9
    18
    ممكن اخ حمد اتزودنا بالمكان ووقت الاعتصام وباذن الله انا اول الحضور ونحن ندعم كل الحقوق العماليه ونستنكر تاخير زياده القطاع الخاص
    وانشالله نكون عند حسن ظنكم وما نخذلكم واحنا اخوانكم والانسان مو معصوم من الخطا لو نخطي ما فيها شي لو تعلمونا وتنورونا فالله يا اخوان حنا نختلف اختلاف كامل عن النقابه السابقه ونحن داعمين لاعضاء مجلس الامه ونتمنا ان يهتموا لنا ونحن بدورنا وضحنا لهم ما نوعانيه ونحن ندعم النقابات وحقوقها العماليه ولن نقف مكتوفي الايدي ضد مصالح العاملين بالقطاع النفطي الخاص واتمنى الرساله وصلت
     
  6. انيرجي

    انيرجي بـترولـي نشيط

    61
    0
    0
    يعطيكم الف عافيه وما الوم اي شخص متضايق ولا مصدوم من النقابه السابقه بس حبيت اقول كل انسان ياخذ فرصته النقابه الي فاتت على كلام اخوي oilkw مو صريحه ولا رسميه ان شاءالله نقابتنا الحاليه رسميه ومعترف فيها وعدد اعضاء مجلس ادارتها رسمي ونتمنى اعطاءنا الفرصه لكي نثبت لكم ولكن اقول ايد وحده ماتصفق النقابه مالها قيمه من غيركم يا عصبنا موظفين القطاع النفطي الخاص واحنا ان شاءالله مايكون بينا اسرار ولا اخفاء الحقائق وكل شي بيكون رسمي من ناحيه الاعلانات والاخبار في الصحف وفي المنتدي واي خطوه وانجاز نقوم فيه بأذن الله تكونون بالصورة وحتى اثناء الاتصال او التواجد بالنقابه ومعاكم لتحقيق مطالبكم واحنا اخوانكم وزملاء عمل وطلب مني لكم فقط اعطاء النقابه الفرصه لتثبت موقفها ونيتها وتوجهها لا اكثر وشاكر لكم
     
  7. حمد محمد سليمان العنزي

    حمد محمد سليمان العنزي بـترولـي نشيط

    59
    0
    0
    السلام عليكم
    اخوي الاعتصام يوم الخميس تاريخ 15-3-2012
    حضوركم تشريف ودعم وأشكركم على تعاونكم وسرعه الاستجابه
    الله يوفكم
     
  8. سعود العنزي

    سعود العنزي أمين سر نقابة القطاع النفطي الخاص أعضاء الشرف

    363
    9
    18
    اخوي حمد هذا واجبنا وانا عارف انه يوم الخميس بس ودي اعرف المكان والتجمع الساعه كم لو ممكن اتزودونا فيه
     
  9. سعود العنزي

    سعود العنزي أمين سر نقابة القطاع النفطي الخاص أعضاء الشرف

    363
    9
    18
    خلاص مشكورين وتم تزويدي بالموعد والمكان وباذن الله ساكون اول الحاضرين ولمتابعتي من خلال تويتر SUoodq8 وسوف اتواجد بالمنتدى بشكل دائم ومشكورين
     
  10. حمد محمد سليمان العنزي

    حمد محمد سليمان العنزي بـترولـي نشيط

    59
    0
    0
    عساكم ع القوه
    ساحه الاراده الساعه الصبح انشالله يوم الخميس وانشالله بأجر انزودكم اكثر
    والله يعطيكم العافيه
     
  11. حمد محمد سليمان العنزي

    حمد محمد سليمان العنزي بـترولـي نشيط

    59
    0
    0
    أسف. التجمع يوم الخميس الساعه 5 العصر انشالله. وشكرا
     
  12. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت
    الله يعطيكم العافية اخواني للرجال مواقف وانيرجي ومشكورين على تواصلكم وحماسكم الطيب
    ما ادري شنو اللي تغير في هالنقابة الواضح هيئة المكتب موجودين وهم ساس البلاوي مع رئيسهم السابق
    ومع احترامي لكم يالغالين انتم اثنين ومساعدين ! ولاتستبعدون تغييركم او فصلكم من النقابة والسبب انكم قايمين بواجبكم
    اللي صعب يقومون فيه البشوات اللي يرسمون خطط الضياع للعمال والحفاظ على مصالحهم فقط
    الرئيس ونائبة وامين السر اهم المناصب في النقابة ولايهون امين الصندوق وكلهم من المجلس السابق

    آخر الاخبار وصححوا لي اذا انا غلطان
    استقال رئيس النقابة واعلنتوا عن الخبر مع اعلان جمعية عمومية ودعوة لمن يرغب الترشح للنقابة
    الترشيح كان لسبع مقاعد !! شنو سالفتكم مع السبعة المفاجئة ! يعني جمعتوا الاستقالات السابقة مثلاً
    المهم حطيتوا لجنة للترشيح من المجلس الحالي او السابق كلها واحد ودورهم يختارون اللي يصلح لهم او لشروطهم
    وبعدين شنو صار ! هل تمت انتخابات او تزكية ومنهم اللي تم اختيارهم بالضبط ؟!
    15 عضو في النقابة من هم هالاعضاء ؟ وين التشكيل الرسمي لمجلس إدارة النقابة ؟
    معليش يعني الشغل الرسمي ضروري في هالامور انتم النقابة الوحيدة اللي مافيه امل تصرح رسمي في اي شي !
    بالاضافة لتغيير في لائحة النقابة ومحد يعرف شنو هالائحة وشنو اللي غيرتوه بالضبط تعتبرونها اسرار
    انا اعتقد ان تغيير لائحة نقابتكم صار نفس عقد الايجار ويتجدد تلقائياً !!
    الرئيس والنائب وامين السر والصندوق ثابته لنفس المجموعة لايشملها انتخابات ولاتزكية جمعية عمومية !
    يمكن وراثة
    خلونا صريحين اذا نقابة ماتخرج من صناديق الاقتراع ماتعتبر نقابة فهل تم انتخابكم وحصلتم على ثقه الجمعية العمومية ؟!

    نقابة كلها انقلابات مافيها انتخابات !!

    اكرر الشكر للاخوان الجدد وحماسهم الطيب ولكن مجلس ادارة النقابة غلط علينا كلنا او اغلبنا ولا فكر حتى يعتذر !
    مكبرين الراس ويبون الناس تنسى افعالهم السوداء
     
  13. سعود العنزي

    سعود العنزي أمين سر نقابة القطاع النفطي الخاص أعضاء الشرف

    363
    9
    18
    1، نعم قدم استقاله الرئيس السابق
    2،دعينا للترشح لو انتا انسان مشكك بالنقابه احنا فتحنا الباب ليش ما جيت ترشحت اذا يهمك مصالح العمال وانتا ما تبي ان الاعضاء يكونون نفس ما اهم ليش ما رشحت نفسك،،؟ انا اقولك الجواب لانك مو امسجل وبس كلام بالمنتدى ولا تزعل من كلامي ياخوي
    3،صار الترشح 7 مقاعد لان هذا الصح لازم تكون النقابه 15 مقعد وهاذي لائحه الشئون الصحيحه وسووها الاخوان الله يجزاهم خير تبي تقول ليش ما كانو من البدايه 15 وليش كانو 9 هذا الشي كان يبيه رئيس النقابه السابق اما الحالي وهو يوسف دشتي الله يجزاه خير غير الائحه الى لوائح صحيحه وفتح النقابه على الاخر عكس السابق وازيدك من الشعر بيت على عهد الرئيس السابق اي احد يجي يسجل بالنقابه لازم موافقه رئيس النقابه اما الحالي فتحها وقال النقابه لجميع العاملين الي يجي يسجل ما يعرض لا على رئيس ولا على غيره وهذا الشي يحسب للرئيس الحالي ولازم الحق ينقال بحق الرئيس الحالي وهو 1 خلا الاعضاء15
    2 قلل الاشتراك الشهري الى دينارين لجذب اخوانا العاملين بالقطاع النفطي الخاص
    3 عدم العرض والموافقه على المشتركين من قبل الرئيس
    واحنا ما جمعنا الاستقالات بس طبقنا القانون الي الرئيس السابق كان ما يبيه فقط لا اكثر واتمناها اوصلت
    4،وبخصوص لجنه الترشيح الباب كان مفتوح للكل الي يجي حياه الله يعني محد يملي شروط ع احد
    5،الذي تم هو التزكيه لان الي سجلو هم العدد الكافي ومحد جا سجل يعني لو انت امسجل محد امنعك لان هذا حق شرعي لك :)
    6،انت تسال وين التشكيل الرسمي تابع جرايد الخميس واتعرف انه رسمي واعلن عنه من خلال جرايد رسميه يعني محد له عذر:)
    7،انت تقول ما في اي تصريح رسمي وهذا السوال انت سالته قبل وانا رديت عليه لو ترجع للي طاف ولكن راح اجوابك شوف كذلك جريده يوم الخميس وترا يا خوي قتلك احنا عهد جديد وراح اتشوفون نهج جديد بس عطنا فرصتنا ما يصير من البدايه جذي
    8،انت اتكلم عن الائحه بالعكس حياك النقابه ويشرفنا حضورك وانا بنفسي اعطيك الائحه ما في اسرار على مصلحه العمال واحنا غيرنا بالائحه عدد الاعضاء ورسوم الاشتراك لا اكثر ولا اقل عشان اتقول انغيرها كل سنه وهاذي لائحه معتمده من وزاره الشئون
    9، انت تتكلم عن الاعضاء انهم نفس المجموعه اكيد ماكو انتخابات لان الي تم مجرد انتخابات تكميليه فقط والناس بالوقت الحالي فعلهم باين وشفاف مع الجميع ولكن كل الاسباب كا وراها الرئيس السابق وانت لا تحكم على المجموعه الا لما اتشوف فعلها
    10، انت تقول النقابه الي ما تطلع من ورا صناديق اقتراع طيب الامر بيدكم تعال وسجل النقابه مفتوحه لكم والانتخابات الجايه اذا ما شفت فعل الحاليه طيب غيرو ما خلال الصناديق طال عمرك اما انك بس قاعد وتكتب ما يصير ياخوي وانا اقولك الطيب اطلعه يمناه
    11، النقابه ما فيها انقلابات ولكن الرئيس السابق قدم استقاله وانتا عارف وانا عارف الاسباب ماله داعي اوضح اكثر وعلى ذلك تمت الدعوه للانتخابات ونا امنعو احد
    واخيراً اما من ناحيه حنا مساعدين وباي وقت يقولون مع السلامه انا اخالفك فيه لان نفس ما قتلك احنا كلنا من عضو لغايه الرئيس بدينا بنهج جديد وصادق مع اخوان العاملين بالقطاع النفطي الخاص
    واتمنى اني جاوبتك الاجوبه الشافيه والكافيه واتمنى منك يا اخي العزيز دعم النقابه الحاليه وعطاها فرصتها فقط لا اكثر لانكم انتم الذين تشجعون وتشيدو بيدنا الى الامام ما ينفع من بدايتها جذي وشكرا واسف ع اي كلمه غير مقصوده
     
  14. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت
    ماقصرت يابطل الله يعطيك العافية وعساك على القوة
    ماودك تعلمني اي جريدة تقصد ولا تحط رابط الخبر الله يجزاك خير تبيني افتش جرايد الكويت كلها
    قوقل خرطي ماطلع شي جديد
    واذا ودك تذكر لنا الاعضاء الحاليين ترا هذا المطلوب وسلامتك
     
  15. سعود العنزي

    سعود العنزي أمين سر نقابة القطاع النفطي الخاص أعضاء الشرف

    363
    9
    18
    حبيبي هذا واجبنا اخوي oil واحنا بخدمتكم
    بخصوص الجرايد ترا ما طافك شي جرايد يوم الخميس القادم تاريخ 3/15 تابعهم
    اما اسامي الاعضاء انا حاضر بعد واحنا قلنا راح نتعامل معاكم بكل شفافيه
    1 يوسف محمد دشتي
    2 محمد السناسيري
    3 هاشم الموسوي
    4 عادل صادق
    5 ثامر محمود
    6 سعود العنزي
    7 يوسف علي بوطالب
    8 عبدالعزيز الجاسم
    9 فيصل نايف
    10 يوسف عبدالرزاق
    11 علي حسين
    12 طلال الدشتي
    13 انفال الشهابي
    14 جاسم الكندري
    15 سالم الشلاحي
    وهم اقولك احنا حاضرين بلي تبونه بس عطونا فرصتنا لا اكثر وشكرا
     
جاري تحميل الصفحة...
مواضيع مشابهة
  1. Yes
    الردود:
    16
    المشاهدات:
    2,964
  2. Yes
    الردود:
    2
    المشاهدات:
    780
  3. Oily-Man
    الردود:
    21
    المشاهدات:
    1,645
  4. sweetthing
    الردود:
    7
    المشاهدات:
    813
  5. محمد سكرتير النقابة
    الردود:
    7
    المشاهدات:
    9,249

مشاركة هذه الصفحة