للمقبولين الجدد في الشركه

السلام عليكم يا جماعه
اول شي احب ابارك لاخواني واخواتي المقبولينومنها للأعلى انشالله
حبيت اطرح هالموضوع لتعم الفائده للكل من حيث الإجراءات والفحص وإلى اخره ​

1- وصلك مسج قبولك للتوقيع

2- اتروح اوقع وتاخذ معاك اصل وصوره من جميع المستندات اللي ذاكرينها وبالنسبه حق خريجين بره راح يحتاجون كل الشهادات مع مصادقة التعليم العالي وييب معاك 7 صور مو 5 (ملاحظه : المتزوج وعنده عيال او بس متزوج لا احاتي راح اغيرون له العقد انشالله مع احضار المستندات تالي)و الموظف راح يعطيك ثلاث اوراق

3- اتروح المجلس الطبي للفحص يقع اب موقع مستشفيات الصباح اتخلي الباب الرئيسي للمستفى الصباح على ايدك اليمين اتلف اول يمين اتكمل سيده راح ايي المجلس الطبي على يمينك ملاحظه :
(من سئل ما ضاع )

4- للشباب اتروح غرفه 15 الموظف راح اوقع واقولك وين اتروح على حسب انت وين ساكن بس حق الاذن راح تطلع من المجلس الطبي اتروح حق مستشفى سالم العلي للأذن وتسوي فحص ترا ماكو دور لا تخاف من الناس اللي ناطره انت اجرائك غير عنهم دور الدكتور دش عليه ادزك تفحص وترد تالي اتروح حق المستوصف اللي قالك عنه الموظف وتفحص (عزكم الله) بول واشعه وترد المجلس الطبي ياخذون منك دم وتفخص نظر ,وقلب اب سماعة الدكتور , الدكتور اللي فاحصلك اهوا اللي راح اوقع عاد انت وشطارتك تستلم الكتاب الحين او بعديين ( ملاحظه : الدكتور راح ادزك حق كاتب او حق شخص يعطك موعد , اذاذ كاتب يعني انت خلصت , اذا موعد من يومين الى اسبوع )

5- تالي اتروح حق الادله الجنائيه التابعه لمنطقتك وتاخذ كتاب لا حكم عليه اتوقع من الضابط وتنطلق إلى kgoc main office

6- اذا وصلت هناك اسئل عن مبنى دبليو (w) الركروتمنت (ملاحظه : للمتزوج لا تنسى اتييب شهادة الزواج والبطاقه المدنيه للمدام صوره واصل والمدنيه للأطفال ) اتسلم اوراقك وتقولك اذا موظف لا تستقيل الا لمه انقولك وراح ادقون عليك خلال اسبوعيين .

راح اكمل باجي القصه تالي , انا وصلت اهني

اخوانا الكبار بالشركه اذا في ملاحظة ممكن اتفيدونا فيها راح انكون شاكريين لكم

 

ما طلبو مني تحويل راتب بس لا حكم عليه من الجنائيه ,وايي انت اتوديها مبنى دبليو غللي بالأحمدي

 

أي نعم انت اتوديهم الأحمدي

 

مساكم اله بالخير يا جماعه ماكو شي يديد ؟ محد دقوا عليه ؟ فيدونه !

 

انا يا جماعه قدمت الفحوصات مو الاحد اللي طاف اللي قبله مادري محد دق علي
شالحل ؟ اروح لهم ؟ ولا انطر بيني وبينكم صبري نفذ

 

[align=center]مساكم الله بالخير يا جماعه
ماكو اخبار عن باجي الشباب أللي انقبلوا ، اصحاب الخبره اللي في الhr فيدونه
للحين محد كلمنه[/align]