استفسار شرعي بخصوص نظام التوفير بالخفجي

الكاتب : 1+1=11 | المشاهدات : 1,505 | الردود : 14 | ‏9 مارس 2012
  1. 1+1=11

    1+1=11 بـترولـي جـديـد

    15
    0
    0
    Kuwait
    السلام عليكم ورحمة الله وبركاته
    أخواني الأفاضل، هل في أحد عنده فكره عن مدى شرعية نظام التوفير المتبع في عمليات الخفجي المشتركة بنوعيه العادي والاستثمار؟
    وهل في أخد يقدر يفيدنا من وين نقدر نحصل على تفصيل عملية التوفير وكيف تتم وعلى أي أساس تعطى الزيادة على المبلغ الموفر بعد مدة معينة؟
    وجزاكم الله خير
     
  2. 1+1=11

    1+1=11 بـترولـي جـديـد

    15
    0
    0
    Kuwait
    وهل هناك فتوى بشرعيتها ووين نقدر نحصلها؟
     
  3. API 18

    API 18 بـترولـي مميز

    513
    0
    0
    هلا اخوي انا ماعندي لك جواب بس ودي تفيدنا وتقولنا شنو يعني نظام التوفير
     
  4. جابر

    جابر قــلــم بــتــرولــي أعضاء الشرف

    السلام عليكم
    التوفير سليمه بإذن الله ..أما الإستثمار ..فيه شكه ...لكن مايمنع تسأل بنفسك حتى يطمئن قلبك ..
    بالنسبه للفتوى إسأل عن مبارك حمد المرى من دائرة تكنولوجيا المعلومات ...أو فرج الهاجرى من الماليه ..وهم يقدرون يدلونك


    بالنسبة لنظام التوفير : يخصم من راتبك 10% على الأكثر ...كأنها وديعه ..والشركه تعطيك عليها أرباح تشجيعيه ...كلما طولت بالشركه كل مازادت الأرباح ..الهدف منها إستقرار الموظفين وتشجيعهم على البقاء فى ظل رواتب عاليه فى الشركات الأخرى ...

    [table=99%]سنة الخدمهنسبة الأرباح 15%[tr=alt2]215% 325%[tr=alt2]435% 550%[tr=alt2]660% 765%[tr=alt2]870% 975%[tr=alt2]1080% 1185%[tr=alt2]1290% 1395%[tr=alt2]14 أو أكثر100%
     
    آخر تعديل بواسطة المشرف: ‏20 فبراير 2015
  5. جابر

    جابر قــلــم بــتــرولــي أعضاء الشرف

    فاتنى أن أنقل شى أخير : (حسب علمى)
    عند الإستقاله ...أنت لاتحصل إلا على فلوسك فقط بدون أى أرباح
    الأرباح تأخذها عند التقاعد فقط
     
  6. API 18

    API 18 بـترولـي مميز

    513
    0
    0
    مشكور يااخ جابر على التوضيح. وياريت يتم تبني هالنظام من المؤسسه. بس ممكن توضحلنا بعد بماذا يتم استثمار الاستقطاعات؟ هل هي استثمارات داخليه من ضمن اعمال الشركه ام خارجيه.

    ممكن تثبيت الموضوع او نقله للمنتدى العام؟
     
  7. desalter

    desalter بـترولـي نشيط

    135
    0
    0
    خفجاوي
    الكويت
    مداخلة بسيطة
    وكلام الأخ الرائع جابر على متمه :)

    هذا النظام يسمى بالشركة الادخار
    وتستطيع أن تحوله باختيارك الى النظام الآخر اللي هو استثمار.

    المداخلة هي تحسب النسبة حسب الجدول المعروض من تاريخ الاشتراك وليس على الخبرة.

    مثال:

    أول ما دخلت الشركة قبل أكثر من 15 سنة كانت هناك فتوى من اللجنة الدائمة ومن ابن باز بتحريم هذين النوعين.
    فلم أشترك بهما.
    ولكن بعد 12 سنة خدمة انتشرت فتوى من الشيخ عبدالله المنيع هو احدى كبار هيئة العلماء.. باجازة النوع الاول ا( اللي هو الادخار ) وبعد تردد وسؤال وجدت أنني أشترك بالادخار. قبل سنتين.

    يعني النسبة تحسب لي فقط اعتبارا من 2010 وليس من قبل 15 عام.

    حاولت جاهدا أن تحسب لي هذه السنوات مع استعدادي لتسديد جميع الاستقطاعات ولكن دون جدوى!!!

    يعني أحتاج أن أكمل 14 عام من تاريخ اشتراكي حتى أحصل على النسبة 100%


    معلومة:
    هناك أكثر من فتوى مازالت تحرم النوعين ولكن بامكانك في النهاية ان تأخذ أموالك كاملة بدون أرباح اذا شككت في الموضوع وليس عليك شيء ان شاء الله.
    والله أعلم :)
     
  8. جابر

    جابر قــلــم بــتــرولــي أعضاء الشرف

    desalter عندى لك خبر حلو .. النسبه لاتحسب من تاريخ الأشتراك ..النسبه تحسب من تاريخ الخدمه ..يعنى لو تشارك اليوم ...كل ريال يخصم منك ...أخر السنه يصير دبل ...بس لاتنسى الزكاة :)
    انا واجهتنى نفس مشكلتك وماشاركت ألا من اربع سنوات ..ولما شاركت كنت طايف ال 14 سنه ...

    تشيك على ESS وستجد المبلغ اللى وفرته ..مدبول :)
     
  9. SonMubarak989

    SonMubarak989 بـترولـي خـاص أعضاء الشرف

    2,062
    98
    48
    معلومه جديده ولو اني ما سمعتها من قبل
    العتب على الشباب اللي ويانا
     
  10. OND

    OND بـترولـي جـديـد

    46
    0
    0
    انا اعرف شخص يقول شخصياً سألت الشيخ بن جبرين رحمة الله وشرحة له المسألة بالتفصيل افتالي بجوازه
    يقصد الادخار اما الاستثمار يقول حرام والله اعلم
     
  11. desalter

    desalter بـترولـي نشيط

    135
    0
    0
    خفجاوي
    الكويت


    من صجك:eek:
    الله يبشرك بالشهادة والجنة.
    تستاهل على البشارة 50% من المبلغ اللي وفرته:D




    بس تعال أخوي جابر
    أخاف بالسيستم فقط وعند الصجية ماكو شي!!!
    وبعدين اللي فهمته المبلغ تقدر تسحبة أي وقت؟!
    يعني لو أطلب بكرة المبلغ هل يعطوني دبل؟!!!!

    أرجو التأكيد
    لأن الموضوع هامني وحاولت فيه دون جدوى

    وجزاك الله خير وبارك الله فيك.
     
  12. جابر

    جابر قــلــم بــتــرولــي أعضاء الشرف

    موفق وجزاك الله خير ...يكفينى إنى نقلت خبر يفرحك لو شوى:)

    اللى بالسيستم أكيد صحيح ... :)
    لوتطلب ..يعطونك الدبل ...مستحيييييييييييييل طبعا ..لأن الهدف يقعدونك بالشركه ..الدبل يعطونك إياه ...وقت التقاااااعد فقط :eek:

    لكن إنت من حقك ..تسحب 50% من المبلغ اللى وفرته ..بس بدون أى أرباح ...
    بالنسبه لسحب المبلغ كله ..ما أعتقد ..الا بحالة الإنسحاب ....

    يعنى لو إنت شاركت بعد 14 سنه خدمه ..من سنتين ومجمّع ....2000 دينار ...وبكره تبى تتقاعد رسمى ..يعطونك 4000 دينار ...
    لكن ..إذا إنت قاعد بالشركه ...يعطونك بس 1000 دينار ...(نص المبلغ اللى جمعته بدون أرباح)

    المبلغ اللى يعطونك إياه ...تقدر ترجعه ..حتى تستفيد ...تطلب منهم (يخصمون علبك دبل) ..حتى تسدد وبعدين يرجعون للخصم القديم ...أو إذا ماتقدر تخصم دبل ..عادى إنساه وتعتبر كأنك بادى معاهم من سنه بس

    حتى يطمئن قلبك ...مر على بوسعد ...عايض العازمى ....فى العلاقات .إنسان طيب وخدوم

    وسلامتك
     
  13. SonMubarak989

    SonMubarak989 بـترولـي خـاص أعضاء الشرف

    2,062
    98
    48
    للتصحيح الموضوع يفيدك نشمي العنزي ابو عبدالله
    لانه هو اللي شغال عليها
     
  14. جابر

    جابر قــلــم بــتــرولــي أعضاء الشرف

    حياك الله api

    للأسف ..ماعندى خبر أكيد عن نوعية الإستثمارات ..بس سمعت إن لها علاقه ببنك بوبيان ..وبنك بوبيان إسلامى

    معظم المميزات اللى عندنا من أيام اليابانيين . .وظلت موجوده ...لأن الشركه ليست كويتيه خالصه ..مو شطاره ولامطالبات نيابيه أو نقابيه ....ربك إذا يبى يرزق لامانع له ....موفقين إن شاء الله بمطالبكم
     
  15. جابر

    جابر قــلــم بــتــرولــي أعضاء الشرف

    عشت على التصحيح ..وعساك سالم
     
جاري تحميل الصفحة...

مشاركة هذه الصفحة