رايكم في العقود بالقطاع النفطي الخاص

الكاتب : Engineer_q8 | المشاهدات : 1,635 | الردود : 7 | ‏26 فبراير 2012
  1. Engineer_q8

    Engineer_q8 بـترولـي جـديـد

    4
    0
    0
    السلام عليكم
    بقيت اعرف رايكم في شركة بتروفاك ( حقول الشمال )
    وانا مهندس ومحتار اسجل بالشركة ولا انطر الديوان ( وزارة الكهرباء و الماء )
    وانا بالنهاية اتمنى اني اتوظف بالقطاع النفطي الحكومي بس هذا الموجود حاليا وعلما انه الكويت كلها حاليا تبي توظف بالنفط ( الحكومي )
    فا ابي رايكم بالشركه وابي رايكم بالنسبه لي اوقع العقد ولا انطر ؟؟
     
  2. Engineer_q8

    Engineer_q8 بـترولـي جـديـد

    4
    0
    0
    ياجماعه
    ما يحد يبي يساعدنا ؟!!
     
  3. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    والله ماعندي خبر عن الشركة
    بس حاول تسجل في الشركات النفطيه الحكوميه افضل لك
     
  4. Engineer_q8

    Engineer_q8 بـترولـي جـديـد

    4
    0
    0
    مافي خلاف على موضوع الشركات النفطيه الحكوميه افضل
    لكن انا حاليا امامي خيارين
    يا اتوظف بالقطاع النفطي الخاص عقد لمدة سنتين بشركه العمل فيها راح يكون بالعبدلي او
    انتظر 3 شهور واتوظف بالديوان بوزارة الكهرباء والماء ؟
    علما بأن المعاش راح يفرق ما يقارب ال 500 دينار للقطاع النفطي الخاص !!
    فا بعرف رايكم يا اهل الخبره ؟؟
    بانتظار ردودكم ؟ *
     
  5. Engineer_q8

    Engineer_q8 بـترولـي جـديـد

    4
    0
    0
    لحد الآن لايوجد ردود وانا مستغرب انه مافي احد وده يفيدينا
    وانا استبعد هالشي
    والشيئ الاخر عندي سؤال حاليا رسمي اقرو زيادة القطاع الخاص ( الجامعي 300 )
    واذا اقرو المهندسين تنزلهم هالزياده ولا لأ ؟ بسبب انه لديهم كادر ؟؟
    اتمنى الرد والتفاعل معانا الله يجزاكم خير *
     
  6. حمد محمد سليمان العنزي

    حمد محمد سليمان العنزي بـترولـي نشيط

    59
    0
    0
  7. q8-eng

    q8-eng بـترولـي جـديـد

    6
    0
    0
    سلام عليكم سعطسك العافيه أخوي , أما بالنسيه الى شركة بتروفاك ما أنصحك بحكم أنا فيها ولعدة أسباب
    1) عقود خارجيه
    2) تجد صعوبه عندما تتعامل مع البنوك بحكم أنها شركه غير مدرج
    3) الهنود (عصابه) ويستخدمون سياسة التطفيش
    ولأسباب كثيره الوزاره وايد أحسن من هل شركات أنا نصحيتي لك أصبر على وزاره وايد أبرك
    وموفق خير وأي شي تبي كلمني على خاص
     
  8. Mechanical Engineer

    Mechanical Engineer بـترولـي نشيط جدا

    359
    0
    0
    زميلي المهندس العزيز

    انت مريت نفس حالتي بالضبط اول ما تخرجت

    و لذا لزم علي اني افيدك ...


    انا نفس الشي قدمت على المقاولين و القطاع النفطي الحكومي و قدمت على ديوان الخدمه و بكل مكان

    كنت اتمنى الافضل ...

    المقاولين قالولي اذا دشيته على الاقل تصير عندك خبره و باعلانات النفط تكون لك الاولويه!!!!!!!!



    اخر شي صرت على قناعه تامه

    75% من الي قاعدين يتوظفون باعلان الخبرات واسطه واسطه واسطه و من خلال مصادفتي لاشخاص ما يفقهون شي و ما يشتغلون و اخر شي انقبلوا بالنفط!!!
    و بالمقابل في اشخاص يعتمد عليهم بالدوام و ماكو مصيبه و مشكله الا و حلونها و يشتغلون شغل وكرف اليهد و ما اقبلوهم!!!


    فلذلك حاول اكثر شي بالقطاع النفطي الحكومي قدم حديثي تخرج و اسعى


    بعد هل قطاع
    و بدون منازع

    روح وزارة الكهربا



    و المقاولين انا اقبلوني بشركتين!!
    بشركة العربي لهم عقد الحين مع الصناعات البتروكيماويه .. Pic
    و على اساس العقد خمس سنين
    و قالولي زياده 4% سنويه!!!
    الراتب 800 دينار!!
    دعم عماله بحدود ال 400!!
    يعني التوتال 1200 بس اتوقع مو الصافي اكيد التأمينات تقص


    و الشركه الثانيه شركه ايطاليه اسمها سايبم قالولي 787 شي جذي و العقد سنه!!!!



    المقاولين في شركات يعطونك رواتب حلوه بس انت قارنها مع المكان الي بتروحه بالوزاره
    قارنها بعد خمس ست سنين شنو فرق الراتب!! و شكثر انت قاعد تداوم!!! و شكثر اهما مهتمين فيك كانسان!!
    في اماكن تداومها غصبن عليك تصفط سيارتك و تركب باص الشركه عشان تروح تداوم

    مثل شركة الصناعات اسفط بمواقف منطقة الشعيبه و انزل اتفتش و اركب باص الشركه و اهما يوصلوني لي شركة الصناعات

    الباص هل يديد ولا قديم!!
    راح يمكن يركبون يمكن عمال عمال
    الباص يمكن مو مكيف!!!

    يعني هل هذي المعانات تسوى بفرق الراتب؟؟
     
جاري تحميل الصفحة...

مشاركة هذه الصفحة