بالنسبه للمقابله ، شخص عنده تأتأه .. مع الباب ؟ ولا في مجال

الكاتب : مجرد سؤال | المشاهدات : 1,768 | الردود : 14 | ‏22 يناير 2012
  1. مجرد سؤال

    مجرد سؤال بـترولـي جـديـد

    6
    0
    0
    السلام عليكم ورحمة الله وبركاته


    نفس سؤالي بالعنوان ، وشكرا

    لان وانا اقرا بالمنتدى مواضيع عن المقابله كل واحد يرد يقول عباره ( بس عشان يشوفونك تتكلم صاحي ولالا ) ومن هالكلام ،

    جنه ألي يتأتأ ناقص عقل ولازم اقرق بالكلام رايح اسولف مو رايح اشتغل انا .... ،

    اسف لاكن اخذتها بالخاطر ميخالف .
     
  2. mshari-

    mshari- بـترولـي مميز

    931
    0
    0
    مو فاضي اشتغل
    كويتي
    جاوب على قد السؤال بس
    سين = جيم
     
  3. iAziz

    iAziz بـترولـي نشيط

    143
    0
    0
    مالها علاقه اخوي،
    ومالها شغل اذا بيشوفون صاحي ولا لا! استغفرالله اللي قايل هالكلمه غلطان والله يسامحه
    اهما اولريدي راح ياخذون شهادة المقدم واوراقه وبيعرفون انه طبيعي

    والتأتأه مالها شغل بالموضوع، اهم شي بالمقابله اسلوب الشخص المقدم
    والثقه، وردود افعاله عالاساله واجوبته، يعني اكثر الاساله دايما تكون "لو" لو كنت بهالمكان وهكذا
    يبون يعرفون شلون يتصرف وجذي
    بس
     
  4. hamoood

    hamoood بـترولـي نشيط جدا

    438
    44
    28
    ذكر
    لا ماله شغل التأتأة عادي لا تحاتي ان شاءالله خير و إذا عندك واسطة هم احسن بدون ما تحاتي :d
     
  5. مجرد سؤال

    مجرد سؤال بـترولـي جـديـد

    6
    0
    0
    مشكورين اخواني على الرد ، انزين لي طفت 3 اختبارات : انجليزي ، ذكاء ، تخصص ،

    خلاص يعني اعتبر تقريبا مقبول ؟

    قدمت على الديوان امس لان اخاف السالفه تطول اهني او لاسمح الله ما انقبل ،

    لان الديوان هالشهر بس لي تاريخ 17 والموعد القادم شهر 5 ، يعني حده مو حلوه اقعد 3 اشهر جذي بطالي وبعدين اقدم واقعد جم شهر على مايطلع اسمي .. !!


    بس للأمانه الاكي يو سي شركه ممتازه وكافي معاشاتهم ألي من 1300 توصل لي 1900 ..... اما الحكومه الله يخلف عليها 900 .....

    يعني دبل المعاش :) ولا في بعض الاشهر لي قطوك بعيد معاشك دبل وزياده يوصل 1900 مع اوفرتايم طبعا


    الله يكتب لنا الوظيفه لاعندي واسطه ولا شي متكل على الله
     
  6. hamoood

    hamoood بـترولـي نشيط جدا

    438
    44
    28
    ذكر
    بصراحة مادري على اي وظيفة انته مقدم علشان اختبار انجليزي و عقبها ذكاء و عقبها تخصص
    اهم شي تنجح بالاختبارات علشان تدش المقابلة الشخصية و الله يوفقك يارب
    انا عن نفسي قدمت اختبار قدرات انجليزي و ناجح فيه بس سقطوني و انا ناجح اساسا !!!!!!!!!!!!!!!!!! قمت حطيت واسطة و الحمدلله نجحت , الله كريم على إلي قاعد يصير بتعيينات البترول عقب آخر زيادة و الحين ناطر المقابلة جان بيصير شي بعد و ما ادش المقابلة مادري والله ايدي على قلبي خلاص اعصااااابي انتلفت وصلت لين مرحلة اليأس
     
  7. مجرد سؤال

    مجرد سؤال بـترولـي جـديـد

    6
    0
    0
    انا معاي دبلوم هندسه مدنيه


    رفيجي كان معاه دبلوم هندسه بترول من التطبيقي وامتحن هالثلاث اختبارات وبعدها مقابله واقبلوه ، كانت درجاته عاليه بالاختبارات ما ادري عاد لو حاط واسطه ولالا .

    وانا يالله يالله بس انجح من الانجليزي وماكو واسطه وحالتي حاله وابي وظيفه بعد .....


    بس ألي ربك كاتبه بيصير لو لك مكان راح تاخذه لو شنو يسون ، ولو الله مو كاتبلك فيها لو تحط واسطات الدنيا ماتدخلها
     
  8. iAziz

    iAziz بـترولـي نشيط

    143
    0
    0
    امتحان ذكاء؟!

    انا عندي امتحان انجليزي فقط وبعدها مقابله، خلصت الامتحان الانجليزي والحمدلله نجحت وانحل المجلس وناطر المقابله للحين =/
     
  9. مجرد سؤال

    مجرد سؤال بـترولـي جـديـد

    6
    0
    0
    الله يسمع منك ويكون بس واحد نمتحنه ، قالولك باقيلك مقابله اكيد ؟ ،

    انا نفس ماقلت رفيجي السنه ألي طافت امتحن 3 امتحانات ، وهم واحد اعرفه امتحنهم مرتين بأول مره سقط بالانجليزي وثاني مره بالذكاء .

    ان شاءالله بس واحد ..... < من الحين يدرس قواعد

    الله يكتب لنا الوظيفه ان شاءالله
     
  10. خالصين

    خالصين بـترولـي نشيط

    107
    0
    0
    أخويء عزيز انت امنحنت انجليزي قبل لاينحل المجلس مقدم على شنؤ انت !؟
     
  11. مجرد سؤال

    مجرد سؤال بـترولـي جـديـد

    6
    0
    0
    لا ماقدمت لي الحين فما امتحنت شي ، ناطر يفتحون ان شاءالله واقدم

    نفس ماذكرت فوق معاي دبلوم هندسه مدنيه ( طرق ) .


    ربعي كانو دبلوم هندسه بترول فأمتحنو 3 امتحانات السنه ألي طافت نفس هالوقت جنه .
     
  12. hamoood

    hamoood بـترولـي نشيط جدا

    438
    44
    28
    ذكر
    انا دبلوم اداري سكرتارية مقدم على نفس التخصص المطلوب شكله بس اختبار واحد بس عن دبلوم الهندسة يمكن 3 اختبارات و الله يوفق الكل ان شاءالله :)
     
  13. بوجاسم89

    بوجاسم89 بـترولـي جـديـد

    31
    0
    0
    يعطيكم العافية اخواني في احد عنده خبر متى يفتحون باب التوظيف الجاي؟
     
  14. مجرد سؤال

    مجرد سؤال بـترولـي جـديـد

    6
    0
    0
    ماكو علم لي الحين .... كلمنا ناس بالتوظيف قبل قالو بعد الانتخابات ،،

    بعدها طلعو لنا بسالفه ثانيه ... قالو بعد تشكيل الحكومه ...

    انا للأمانه يأست وماهمتني لي طلع التوظيف قدمت لو ماطلع انا ناطر الديوان ان شاءالله

    كل واحد بياخذ نصيبه :)
     
  15. hamoood

    hamoood بـترولـي نشيط جدا

    438
    44
    28
    ذكر
    احتمال بداية شهر 3 يبلشون الفرز و المقابلات إن شاءالله هذا الكلام الي وصلني من المؤسسة
     
جاري تحميل الصفحة...

مشاركة هذه الصفحة