شكوى المدربين

الكاتب : alsaqer | المشاهدات : 1,602 | الردود : 10 | ‏3 يناير 2012
  1. alsaqer

    alsaqer بـترولـي جـديـد

    21
    0
    0
    شكوى غير صحيحه( كيديه ) مقدمه من بعض المدربين على رئيس فريق عمل الموارد البشريه جنوب وشرق الكويت و بزعامه بعض اعضاء النقابه وعلمهم بان الشكوى غير صحيحه ولكن لمصلحه خاصه للطرفين للاعضاء و المدربين.
     
  2. skype

    skype بـترولـي جـديـد

    36
    0
    6
    مدربين في جنوب وشرق الكويت وكيدية !! غريبه

    هل منهم ********؟؟ واذا ما كان ممكن .. نعرف من هم المشتكين ؟
     
  3. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    شلون عرفت انها كيديه قبل ان يتم التحقيق فيها اخوي؟
     
  4. alsaqer

    alsaqer بـترولـي جـديـد

    21
    0
    0
    السلام عليكم
    اخوي skype ما ودي اتكلم عن اسماء الاشخاص ولكن اذا تبي تعرف اسمائهم تقدر تسأل اي مدرب او موظف في الموارد البشريه او النقابه.
    اخوي فيصل كلامك صحيح بس اللي قلته نقلا عن لسان اثنين منهم (المدربين) وللعلم عدد المشتكين 6 .
    و انا ما مدحت او ذميت انا نقلت الي سمعته منهم كوني قريب من بعضهم.
     
  5. بو سليمان

    بو سليمان بـترولـي جـديـد

    1
    0
    0
    غريبه... ليش المدربين مشتكين الوقت هذا, الظاهر براسهم شي و الا خايفين من شي.

    مع ان المنتشر في مراكز التجميع ان بعض المدربين لا يداومون وينجحون اي كلام.
    والكلام الي يقولونه عنهم انه جزء كبير منهم انتقلوا من العمليات الى التدريب علشان ماكو شغل ولا دوام.
     
  6. Polo

    Polo بـترولـي جـديـد

    3
    0
    0
    انا ما اقول الا الله يهديهم هالمدربين, ضيعوا الجاده انا قعدت مع بعضهم لانهم زملاء لي بالقسم و ناقشتهم بالكلام الي يقولونه عن رئيس الفريق لقيتهم ما عندهم حجج و بصراحه مبالغين وايد في كلامهم صارو يقولون عليه الي فيه والي مافيه.
    احنا في القسم كنا ننظر لهم نظره انهم كبار بالسن و عندهم خبره و كنا نستمع لهم بس الحين صرنا ما نرتاح نسولف معاهم و اذا مروا علينا ندعي ان احنا مشغولين وخفت ريولنا عنهم.
    والشهاده لله انا واحد من مجموعه موظفين القسم طلبنا مقابله مدير المجموعه من رئيس الفريق لنوضح ان الكلام الي يقولونه المدربين عن رئيس الفريق مو صحيح,وليش اهم كل سنه دائما ياخذون تقارير عاليه و انسنتف واحنا التزام بالدوام وشغل ما ناخذ بس كان رد رئيس الفريق انه شكرنا على موقفنا و طلب انه مانتاثر بالكلام و طلب منا كل واحد يسوي شغله الي مطلوب منه و التقييم و الانسنتف قال كل واحد راح ياخذ حقه .
    كوني من القسم حبيت اقول رايي بعد ما سمعت ان الموضوع مكتوب بالمنتدى.
     
  7. سي السيد

    سي السيد بـترولـي جـديـد

    40
    0
    0
    إشلون عرفت إن الكلام غير صحيح ليش إنت معاهم في إجتماعاتهم علشان تحكم وياليت تعطينا نبذه عن الكلام إلي إنقال لهم في الإجتماع وإذا ماتعرف من الأفضل إنك تصمت وبدون تملك ... يا
     
  8. Polo

    Polo بـترولـي جـديـد

    3
    0
    0
    والله عجيب امرك يا... تبي تستخف بعقول الاعضاء والا شنو الحين و بهالوقت صار شيقول بالاجتماع مو صار لكم سنين تجتمعون و ليش باقي المدربين ما اشتكو.
    الا قول ريحتكم فاحت لما شاف اداءكم المخيب و تعطون الفراشين مفاتيح المكتب يفتحون المكتب الصبح كانكم موجودين وانتو مكبرين المخده توهقتو و صرتو تدورون اي شي عليه,ترى اخباركم عندنا ليش ماكو movment للموظفين في السناتر للتدريب من شهر 4 مو احنا ندخلهم بالسستم ما بلشتو الا الشهر الي طاف لما شاف تقاريركم و عدم التزامكم بالدوام و بدا يتابعكم اول باول يعني تبون تلعبون لعبه اذا ما عطانا تقييم عالي بتقولون ليش اشتكينا عليه علشان جذيه ما عطانا تقييم زين (معروفه و قديمه) .
    بس والله حسافه الي صار sop يغير معادن الناس و تدعون احنا خدمه طويله و خبره و الريال ما قصر معاكم كل شي تبونه يوفره لكم و ماخذين حقوقكم كلها بس قالوها اذا اكرمت الكريم ملكته واذا .........
     
  9. active

    active بـترولـي جـديـد

    1
    0
    0
    السلام عليكم ورحمة الله وبركاته
    شكرا للسادة الأعضاء على مشاركاتهم ولكن للأسف البعض منهم لم يتاكد من الشكوى ومحتواها.
    ولكن لي تعقيب على الأخ العضو (سي السيد) المندفع بعصبية، لو أن كل موظف أدى ما هو مطلوب منه ما أعتقد أي مسئول يقدر يحاسبه على شئ.
    ولكن للأسف وكما هو معتاد من المدربين عدم التزامهم بساعات العمل وتكثيف التدريب بالربع الأخير من السنة المالية وذلك لل (sop).
    حيث أني موظف في القسم وأشوفهم كل يوم وفجأة فبل الشكوى بشهر حصل ما لم نكن نتصوره وهو الالتزام بساعات العمل وصار لكل مدرب خطة تدريب للعمل بها( طبعا للربع الأخير) ولكن من الملاحظ أنهم لم يتعودوا على الالتزام بساعات العمل وخوفهم أنه خلال الفترة السابقة بدون تدريب فقالوا ( خل نتغدى فيه قبل لا يتعشى فينا) وهو رفع شكوى مكونة من عدة مدربين والهدف التقرير السنوي والمكافأة المالية.
    وأنا أشكر العضو polo على طرحه وبصراحة تم المبالغة بالشكوى وصرنا ما نرتاح من القعدة معاهم. لانهم صاروا يتكلمون عن رئيس الفريق كأن عارفينا أمس كأن ما اشتغلنا معاه سنين ونعرفه.
    وفي النهاية أنا مستغرب أن هؤلاء المدربين شوهو صورتهم وسمعتهم مع الموظفين وأيضا مستغرب من صبر وسعة صدر رئيس الفريق لسماعه كل هذه الادعاءات الغير صحيحة وعدم اتخاذ أي اجراء.
     
  10. AD-01

    AD-01 بـترولـي خـاص

    1,040
    2
    38
    مسي مسي :D

    موضوعكم حلو ولذيذ .. كل اللي يشاركون يا من اصحاب الشكوى او من ربع رئيس الفريق وكل العضويات والنكات " بتي" يعني جديدة وتفاصيل دقيقه حيل وعجبتني حركة بعض الموظفين (مالهم شغل بس يبون الحق والعداله) داشين على المدير يبون "يكذبون" المدربين وهذا ان دل يدل على بيئة عمل "عجاف" :confused:


    العلاقات الصناعية موجوده و كلامكم بالمنتدى ماخوذ خيره واللى له حق راح ياخذه سواء من المدربين او رئيس فريق


    مشكلتنا باللى في "بطنه ريح" وما لقى يفضفض الا في هني ;)
     
  11. Polo

    Polo بـترولـي جـديـد

    3
    0
    0
    اخوي ad-01 عندي بعض الملاحظات ياليت تتقبلها مني:
    1- من الطبيعي الي يشاركون في موضوع ما لازم يكون الموضوع يهمه و يحب يشارك فيه و ما اعتقد ان من المناسب قول (موضوعكم حلو و لذيذ).
    2- صحيح الاشتراك جديد و هذا بسبب لما سمعت ان الموضوع طرح في المنتدى وانا من موظفي القسم حبيب اقول الي اعرفه و لا انا من اعضاء المنتدى و عمري ما دخلت المنتدى.
    3- احنا في المناطق لنا نظام كل سنتين عليك مسئول جديد بسبب التدوير فمن الطبيعي ان الموظفين نحرصون و خاصه في هذا الوقت على الحق و العداله و بعد الحركه الي سووها المدربين (الشكوى).
    4- ما اعتقد ان عدد موظفين القسم 50 و بسبب شكوى من جم واحد بسبب اهمالهم يدل على ان بيئه العمل عجاف.
    5- اايد كلامك ان هذا دور العلاقات الصناعيه بس الي صار ان المدربين اتجهوا الى النقابه و منها الى العلاقات الصناعيه و مدير الدائره و الكلام في مراكز التجميع وفي المنتدى و الموضوع اخذ اكبر من حجمه.
    وبالنهايه لا احسب نفسي من ربع احد و لاادري اذا كان رئيس الفريق يرى الموضوع و ان كان فهو ما يعرف صاحب السطور.
     
جاري تحميل الصفحة...

مشاركة هذه الصفحة