ابي اللي وياه دبلوم يدش ويلي عنده معلومات عن الدبلوم يدش جعلني مبكيكم بسرعه ماهنا وقت

الكاتب : مقادير | المشاهدات : 8,134 | الردود : 20 | ‏19 ديسمبر 2011
  1. مقادير

    مقادير بـترولـي نشيط جدا

    262
    0
    0
    السلام عليكم

    ازيكم عامللين ايه؟

    يالشبيــبه انا بسجل فالتطبيقي وبدخل الدراسات التجاريه انشالله وابي تخصص

    ابي تخصص يدخلني النفط ومرغوب

    في قانون ومحاسبه وادارة مواد وادارة اعمال ؟ شنو اختار

    اللي يعرف التخصص اللي مطلوب يعلمني الله لايهينه


    انا كنت بدخل كهرباء وماء بس طلع وظيفته في وزارة الكهرباء والماء ولا يدخلني النفط

    وشي ثاني اتصالات وملاحه شرايكم فيه ؟



    لحد يدش ولايكتب شي وهو يعرف الله لايسامحه لي يبخل علي
     
  2. mshari-

    mshari- بـترولـي مميز

    931
    0
    0
    مو فاضي اشتغل
    كويتي
    اتوقع كل التخصصصات مطلوبه بس على حسب الواسطه

    اعرف واحد تخصصه ادراة اعمال موظف بالنفط

    اخوي مقادير ترا اماكن كثيره افضل من النفط لا تعشم نفسك بالنفط يقبلونك

    عندك وزارة الماليه رواتبهم قويه وزارة الكهرباء والماي بعد
    ولد خالتي موظف بدبلوم بوزارة الكهرباء والماي راتبه 900 وخرده الدوام يومين بالاسبوع مرتااح ومستانس
     
  3. العاقول

    العاقول بـترولـي نشيط

    وعليكم السلام ^^^ هالجملة خطيرة جدا جدا :p
    شوف طال عمرك كل المعهد التطبيقي بكلياتة ومعاهدة مطلوب ومرغوب في جميع انحاء الكويت بموسساتها ووزاراته الا النفط :eek: ههههههههههههههههههههههههههههههههههههههههههههههههههههههههههههههههههههههههه شوف ياخوي مقادير اللة يقدرها عليك وتوظف ان شاء اللة :D شركة النفط ماتقبل دايركت الا كم تخصص من المعهد التكنلوجي مثل تشغيل مصافي ولحام ,,,,,,, الخ ام الباقي مثل المحاسبة والقانون والادارة هذة طال عمرك علي حسب الحاجة يمكن ياخذون 20 او 10 او 5 ماتدري وياليتهم يقبلونهم علطول يماطلون فيهم ويجرجرونهم الي اجل غير مسمي وانت تعرف نظام القبول بالنفط يعيفونك بالوظيفة وهنا بالمنتدي ناس تنطر من شهر 6 و7 ولحد الان ماتوظفو شوف يامقادير انا ماعرف نظامك وشلون صاير يعني انت ادبي ولا علمي تحب تلتزم وتدرس ولا لا او تحب دوام يحيل اللة ووظيفة مشي حالك :cool:
     
  4. العاقول

    العاقول بـترولـي نشيط

    هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه مقادير ولد عمي توة الحين طالع من عندي رايح الي معهدة قالي خل خويك يسجل بالدورات الخاصة يجينا اهناك دوام فلاتي لادراسة ولاهم يحزنون داوم علي كيفك وامتحان غش وسماعة وتبديل اوراق والمدرس يقولي ابرك ما جاة يبي الفكة منهم الصف الواحد 4 متر ب4 متر وفية 36 طالب :eek: تخيل وكلها سنتين وتخرج معهم يا محضر علوم ولا بلدية وتفتيش جمركي وشغل عدل والحياة كلها فلة :D
     
  5. مقادير

    مقادير بـترولـي نشيط جدا

    262
    0
    0
    انلحس مخي ههههههههههههه قسم

    انا ادبي يالبيه لو علمي اروح تكنلوجيا ونا مغمض


    واخي مشاري تقول معاشاتهم 900 وخرده وانت دارس ودبلوم فوق الثانوي.ناس عسكر معاهم متوسط معاشاتهم 900 وشوي ودوام فله

    في تناقض ولالا


    واذا راده ع الواسطه امرها هين

    بس ادور المكان الزين

    ولاهنتوا كلبيكم
     
  6. مقادير

    مقادير بـترولـي نشيط جدا

    262
    0
    0
    بخصوص دورات خاصه تخصصات سامجه وتافها
     
  7. العاقول

    العاقول بـترولـي نشيط

    اني واللة داري انت قلتها بنفسك هههههههههههههههههههههههههههههههههههههههههههههههههههههههههه
    (( ادور المكان الزين )) يعني لو مكان شغل وكرف وتعال ود وجيب كان من ثاني يوم مقدم استقالتك :d
    صدقني ما ينفع معك غير الدورات الخاصة وتخرج علي 750 دينار اما الحرس الوطني هذي بالنسبة لي خط رجعة اذا لاسمح اللة ماقبلوني النفط :d وتراهي زينة الحرس وفي دورة شهر 2 الجاي يعني علي كيف كيفك دورة ربيعية :d وانا واللة ماني ابعيد شكلي بدخلها لان النفط مطولين اشوي احتمال بيجرجرونك الي رمضان الجاي وبتشوف ;)
     
  8. العاقول

    العاقول بـترولـي نشيط

    اي واللة
    ولا الي بيتة بام الهيمان او الصباحية اللة يعينة يضرب 40 او 50 كيلو وعلشان شنو يكرف سنتين ونص ومعاشة بعدها 700 دينار طيب ليش كل هالشقا :(
     
  9. mshari-

    mshari- بـترولـي مميز

    931
    0
    0
    مو فاضي اشتغل
    كويتي
    تدري شنو الفرق عسكر مدقوق دق والتزام وشغل
    اما معاشاتهم 900 والله ما فيه دوام بوزارة الكهرباء ولد خالتي مزييييييييطها يومين بالاسبوع وما فيه تعب


    وان شاء الله يقبلونا ولا نفكر بمعاهد ولا دورات ولا كليات ولا عسكر

    صبراً جميل والله المستعان
     
  10. فارس الرويس

    فارس الرويس موقوف

    22
    0
    0
    شلونكم شباب عساكم بخير


    والله مشتاق لكم فردا فردا ودي ابوسكم فردا فردا ههههه

    الحمد لله سفره سريعه للدوادمي وعدت على خير


    شلونكم عساكم بخير

    بخصوص سؤال اخوي مقادير

    مقادير تبي نصيحتي انا سجلت اليوم بالكهرباء والماء يمدحونها يقولون سنتين دراسه بعدين تتوظف بسرعه بسرعه

    ومعاش 900 دينار ودوام فلاتي وشغل عدل


    ابرك من العسكريه لا بارك الله فيها دق في دق


    وفوق هذا 200 اعانه فله وربي فله


    يعني تبي نصيحتي دش معاي كهرباء وماء والحق عمرك بسرعه بسرعه لان اتوقع التسجيل ممكن يصكر


    وموفق خير
     
  11. فارس الرويس

    فارس الرويس موقوف

    22
    0
    0
    ما شاء الله على بن عاقول مبدع

    شلونك مشاري


    تعال معانا سجل بالكهربا والماي
     
  12. محمد 10

    محمد 10 بـترولـي نشيط

    56
    0
    0
    انا اقول لك ياخوي
    اطلع من التجاري وروح كهربا وماي او اتصالات وملاحة
    دورات سنتين ونص
    تطلع فني
    اقل معاش يحوشك 780 واذا كهربا وماي معاشك مو اقل من 900 ويوصل 1200 وانت عزوبي

    واذا تبي النفط تخصصات الكهربا والماي والاتصالات والملاحة مطلوبة اكثر
    بس عيب الدورات انك لا حبيت تكمل مافي ولا جامعة محلية تعادل لك مواد
    الا بالخارج وبالغصب تحصل
    اما التجاري لا سهالات بالداخل والخارج ومقبولة في كل مكان
    بس لو تجيب بوكالريوس ادارة اعمال
    معاشك بيكون 780 (جامعي)
    اما كهربا وماي دبلوم 1200 (دبلوم)
    وتخيل هذا معاش مهندس بوزارة عادية او معلم


    اما اذا ناوي تكمل بالتجاري الله يوفقك وانصحك بتخصص ادارة اعمال او ادارة مواد

    ويا خيي انا مجرب التجاري وقسما لا يحوشك

    نظام دراسة جامعة بس على دبلوم
    صعبه ومليقة والمدرسين اذا جاك حبيب ينحط ع الجرح يمشيك
    واذا جاك نذل الله يعينك
    يسقطك حتى لو انت نابغة هههههههههههه


    او في اسوأ الحالات اقعد اول كورس وجيب معدل وروح التربية الاساسية

    خيي التجاري مستقبله مظلم مع الاسف
    الا تكمل عليه جامعي


    نصيحه من اخوك
     
  13. مقادير

    مقادير بـترولـي نشيط جدا

    262
    0
    0
    يمال العافيه يالربع جعلني ماخلا منكم

    وابد ابشركم سجلت وخلصت رغبه اولا اتصلات وملاحه وثانيه كهربا وماي

    والتجاري طلع اداري مو فني الحمدالله اني ماسجلت

    والتجاري مايوكل عيش لازم تكمل ياليت فوق الدبلوم سنتين وتحيب بككالريوس لا اربع سنين تخيل يعني 6 سنين دراسه


    لاهنتو

    والله يوفقني ويوفقكم
     
  14. مقادير

    مقادير بـترولـي نشيط جدا

    262
    0
    0
    واخي محمد ترا الكهربا والماي انت وتخصصك مو كلها مطلوبه هنا فالنفط للعلم
     
  15. mshari-

    mshari- بـترولـي مميز

    931
    0
    0
    مو فاضي اشتغل
    كويتي
    هلا والله بخير الله يسلمك
    كهرباء وماي وين هذي دوره .؟
     
  16. فارس الرويس

    فارس الرويس موقوف

    22
    0
    0
    الله يسلمك هذي بالشويخ الصناعيه اذا ما خاب ضني يم الافنيوز وهالسوالف هذي

    ويمدحونها يقولون سنتين دراسه بعدين تقدر تكمل هندسه برا الكويت

    وتقدر تتوظف على معاش 900 وشي ودوام فلاتي وشغل عدل وشاري راحة بالك


    ويقبلون من 55 % يعني اكيد لو تقدم يقبلونك لاني اعرف ناس اقبلوهم ونسبتهم كانت ب64 % ادبي
     
  17. انسان عادي

    انسان عادي بـترولـي جـديـد

    13
    0
    0
    متي اخر يوم تسجيل كهرباء وماء

    وين مكانهم
     
  18. فارس الرويس

    فارس الرويس موقوف

    22
    0
    0
    ^^^
    شوف يا الغالي التسجيل عن طريق موقع كلية التربيه الاساسيه

    وتسجل بكلية الطاقه تخصص كهربا وماء

    وبعدين تحدد موعد بالانترنت تقدم اوارقك لهم وتروح وتقدمها بالعديليه مبنى 7 بكلية التربيه الاساسيه

    والدوام يكون بالشويخ بكلية الطاقه تخصص كهربا وماء


    واخر يوم للتسجيل هو يوم 22 يعني يوم الخميس

    بس يا الغالي الحق نفسك وسجل اليوم بالنت واختار موعد تقدم فيه اوراقك

    والله يوفقك
     
  19. مقادير

    مقادير بـترولـي نشيط جدا

    262
    0
    0
    مشاري شلون ماتعرف كهربا وماي وانت تقول تعرف واحد يشتغل ؟


    عاد الكهربا والماي شق صعبه اعرف واحد قعد سنتين وولاخلص ووقف قيده وتوظف وكيل عريف فالحرس
     
  20. [ عـنـتـرة ]

    [ عـنـتـرة ] بـترولـي نشيط

    89
    0
    0
    في بعض المعلومات شنو تأليف :D

    تكفون يا جماعه الخير اللي مو متأكد لا يفتي و يودي الناس بداهيه

    التقديم عن طريق موقع الرسمي للهيئة التطبيقي

    http://www.paaet.edu.kw/mysite/Default.aspx

    على اليمين مكتوب القبول في الهيئة اضغط عليها

    يطلع لك نظام القبول الالكتروني أضغط عليها

    يطلع لك لتقديم استمارة قبول جديدة أضغط عليها

    تعبي بياناتك و تسجل رغباتك و يبلغونك اي تاريخ تراجعهم و سلامتك

    هذا بالنسبه اللي أول مرا يقدم

    اللي أنفصل و بيرجع أو شهادته قديمه

    يروح مبنى سبعه بالعديليه ياخذله ظرف تسجيل يعبي بياناته و بعدين يسلمه لهم


    ...

    بالنسبه لمعهد الطاقه اللي كان أسمه معهد الكهرباء و الماء

    دراسته سنتين و نص

    تخرج فني درجة خامسه و ثلاث علوات

    و مكانه بالشويخ

    شارع الدوارات اللي في مستشفى الطب النفسي و مستشفى الصباح و بنك الاهلي و جامعة الكويت

    أخر دوار يفصل بين التطبيقي و الجامعه

    دش من البوابه التطبيقي

    أول مبنى بتشوفه خاصه لطلبة التكنولوجيا أمسك هالشارع لين تشوف طياره خلف الطياره معهد الطاقه

    ترا دبلوم معهد الطاقه [الكهرباء و الماء ] مو معترف في و ما تقدر تكمل عليه

    شباب اللي يدرسون معهد الطاقه سووا اعتصام عند التعليم العالي عشان يكملون دراستهم و مااستجابوا لهم

    قبل خمس سنين ايام ماكانت الاوضاع بالتعليم العالي سبهلهله كانوا يقدرون يكملون بس حاليا أنسى

    و معاشات خريج معهد الطاقه 850 دينار

    و الحين يطالبون بكادر و الحكومة طناش

    معهد الطاقه [ الكهرباء و الماء ] ماهو سهل في صعوبه التجاري اسهل منه بواجد

    و التجاري لك حريه باختيار جدولك عكس معهد الطاقه جدولك زاهب نفس نظام ثانوية عامة

    و التجاري تقدر تكمل عليه معهد الطاقه استحاله

    و بالنهايه تقبلوا تحياتي و أمنياتي و قبلاتي :p

    معاكم أخوكم عبدالعزيز خريج تكنولوجيا :p
     
جاري تحميل الصفحة...

مشاركة هذه الصفحة