كيف تختار انسب المرشحين الذين يستحقون التصويت لهم؟

الكاتب : API 18 | المشاهدات : 1,472 | الردود : 11 | ‏14 ديسمبر 2011
  1. API 18

    API 18 بـترولـي مميز

    513
    0
    0
    اريد ان افتح باب المناقشه للافاده للجميع بما اننا على ابوب انتخابات مجلس امه جديد عسى ان تكون مشاركاتكم لها الفائده لوطننا الحبيب الكويت.

    من ناحيتي انا, سانظر الى السيره الذاتيه لكل مرشح صح اني يمكن اتعب شوي للحصول على هذه المعلومه بس شسوي صوتي امانه وساحاسب عليه لهذا يجب الاجتهاد.

    ماراح يهمني اذا قبل اسمه في "د" او انه كان نائب سابق. ولاراح انطر واحد يقولي ما اوصيك عاى فلان كاني رايح اشتري قوطي كلنكس مو رايح اصوت لمرشح تكون بيده مستقبل البلد. ولا اني راح افكر هالنائب راح يتوسطليبشي. الله لايعوزنالاحد.

    نصيحه ابعدو عن بياعين الكلام و يكثرهم هالايام وركزو على افعال المرشحين قبل الترشيح

    الرجا ء المشاركه

    اللهم احفظ هذا البلد امنا مسقرا واحفظ اهله الطيبين
     
  2. محمد المذن

    محمد المذن بـترولـي مميز

    694
    0
    0
    النواب السابقين معروفين وسهل تقييمهم
    وانا اقولك اي واحد عليه شبهه انحش عنه

    النواب اليدد اذا كان مو مستقل معروف توجه كل تكتل بالكويت
    اذا كان مستقل حاول تسال عنه اقعد وياه قوله شنو رايك بالاحداث الي طافت وصدقني من كلامه بتعرف كل شي

    كلش كلش ماعرفت قولي انت باي دائرة واقولك منو تصوت له هههه
     
  3. جابر

    جابر قــلــم بــتــرولــي أعضاء الشرف

  4. aL- raSy

    aL- raSy إدارة المنتدى

    2,714
    0
    36
    هلابك اخونا api 18..

    بالنسبه لي.. اختياري للمرشّح يعتمد على مدى حرص المرشح على الدستور.. و التمسّك به..

    و كل شخص له توجهاته و تفكيره و قناعاته...
    المسأله مسألة قناعات و بالتأكيد قناعاتنا مختلفه..

    و ما يعجبني من المرشحين ليس بالضروره ان يعجبك..

    سؤال اذا سمحتلي طال عمرك..
    انت بأي دائره..؟؟
     
  5. API 18

    API 18 بـترولـي مميز

    513
    0
    0
    انا بالخامسه بس ما اتبع اي قبيله والنعم فيهم كلهم
     
  6. aL- raSy

    aL- raSy إدارة المنتدى

    2,714
    0
    36
    ما عليك زود اخوي..

    على فكره.. مخطئ من يصوّت لإبن قبيلته بس لأنه ابن قبيلته..
    و مخطئ ايضا من يعتقد ان الامور محسومه في دائره يغلب عليها الطابع العنصري (قبلي، طائفي..إلخ) و يعزف عن الانتخابات..


    التصويت هنا للكويت.. ليس لقبيله او طائفه او عائله..

    عموما.. الدائره الخامسه كباقي دوائر الكويت يوجد بها احرار (بنظري) و يستحقون الصوت..

    انت حاول انك تحضر المقرات و اتّابع المرشحين و تستمع إلى افكارهم..
    و عط اللي يستاهل الصوت.

    و اذا تبي اقولك جم اسم تركّز عليهم.. انت تامر..:)
     
  7. BURGAN

    BURGAN بـترولـي نشيط جدا

    181
    0
    0
    الاختيار هو لمصلحة الكويت اولا و أخير و الجميع يفسر مصلحة الكويت حسب ما يراه صحيح
     
  8. [ عـنـتـرة ]

    [ عـنـتـرة ] بـترولـي نشيط

    89
    0
    0
    الحمدالله أني بالدائرة الرابعة

    و فيها من المرشحين رجال محكحكتن معادنها و سيوف مجربه

    أتمنى ما تنخدعون بالندوات و الكلام المعسول

    اللي حضر ندوات القبيضه ايام انتخابات 2009

    شكان يسمع عن الامانه و الصدق و التنمية و الدفااع عن حريات الشعب

    بس دش المجلس باع ضميره و الشعب بجم دينار

    و سلم لي على الصدق و الامانه
     
  9. Mr.Ahmad

    Mr.Ahmad بـترولـي مميز

    السلام عليكم

    استفسار لو تسمحون

    اقدر هالايام اروح أقيّد اسمي عشان الانتخابات؟
    &
    وين؟
     
  10. API 18

    API 18 بـترولـي مميز

    513
    0
    0
    بياعين الحكي ياكثرهم هالايام وللاسف في ناس تحب تسمع الكلام الحلو والشعارات الرنانه بس مالها خلق تشوف شنو طينة النائب قبل الترشيح. ليش بياع الحكي مايقدر يخدم البلد الا خلال المجلس. المرشح شنو سوى للبلد قبل لايصير نائب. بس عجبني النائب اللي طلع اليوم وقال انا بعت ربعي علشان الرئاسه وغصبن عنكم برد نائب لا ورئيس بعد. بس العيب مو فيهم العيب على اللي يوصلهم. في كثير ناس للاسف تروح تصوت وتلقاه عند الصندوق موعارف يصوت حق منو. اتمنى انه اي جمعية نفع عام تنشر الوعي الانتخابي بين الشعب من خلال بروشورات او ندوات علشان نقضي علا امية التصويت.
     
  11. aL- raSy

    aL- raSy إدارة المنتدى

    2,714
    0
    36
    وعليكم السلام ورحمة الله وبركاته

    اهلين استاذ احمد..

    موعد فتح باب التسجيل في القيد الانتخابي، يبدأ كل سنه من شهر 2 و لفتره محدوده..

    و الحين فيه مطالبات انهم يفتحون باب التسجيل قبل هالموعد عشان الناس تقدر تصوّت في الانتخابات القادمه..

    مكانهم : مختارية منطقتك..
    طلباتهم : الجنسيه و البطاقه المدنيه و صور عنهم..
     
  12. Mr.Ahmad

    Mr.Ahmad بـترولـي مميز

    thanks a lot :)
     
جاري تحميل الصفحة...

مشاركة هذه الصفحة