سؤال عن دبلوم تشغيل مصافي بالتكنولوجيا // الخريج وظيفته مضمونه ولا لا؟

الكاتب : مشغل مصفآه | المشاهدات : 3,713 | الردود : 15 | ‏14 ديسمبر 2011
  1. مشغل مصفآه

    مشغل مصفآه بـترولـي نشيط

    128
    0
    0
    السلام عليكم ورحمة الله وبركاته

    شخباركم يا جماعه؟

    سؤال عن تخصص تشغيل مصافي بالتكنولوجيا مدة الدراسه سنتين ونص

    انا سمعت ان بعد التخرج على طول تباشر الدوام بالمصافي على قريد 9 بدون دوره ولا اعلان ولا بطيخ

    هل المعلومه هذي صحيحه؟ يعني وظيفتي مضمونه بعد التخرج على طول؟ يعني يكون بيني وبينهم عقد اوقعه قبل الدراسه ولا شلون؟

    لاني متزوج وخايف ادش واتخرج واخذ مده على ما اتوظف

    تكفون اخواني الي عنده المعلومات لا يبخل علينا فيها
     
  2. [ عـنـتـرة ]

    [ عـنـتـرة ] بـترولـي نشيط

    89
    0
    0
    وعليكم السلام و رحمة الله و بركاته

    نعم الوظيفه مضمونه و على قريد 9

    مو مثل اللي من الثانوية و على طول دش دورة مشغلين حقل هذول قريد 7

    العقد راح توقعة من ثاني كورس أول كورس تمهيدي

    و لك اعانه 300 شهريا من شركة البترول الوطنية الكويتية غير الاعانة اللي بتاخذها من التطبيقي نفسه

    بس اذا انفصلت أو غيرت تخصصك ترد كل فلس خذيته من شركة البترول الوطنية الكويتية

    و التخصص ترا دسم تقدر تقول صعب نوعا ما

    اذكر في شباب كانوا يشتكون من صعوبته

    و في شباب الله وفقهم و تخرجوا منه

    موفق
     
  3. مشغل مصفآه

    مشغل مصفآه بـترولـي نشيط

    128
    0
    0
    الصعوبه بيعينا الله عليها ان شاء الله ما ورانا شي بندرس

    لكن اذا سهل الله وتخرجنا

    أباشر الشغل على طول ؟ يعني من التكنولوجيا الى المصفاه ولا بينطرونا كم شهر!

    وهل فيه دوره او شغل على طول؟
     
  4. العاقول

    العاقول بـترولـي نشيط

    تخرج من الدورة من التطبيقي وتخلص الاجراءات وبعدين تباشر العمل بالمصفاة يبيلك من شهر الي شهريين علي ما اعتقد وان شاء اللة انها مضمونة الوظيفة لاكن الدراسة نوعا ما صعبة وبالتوفيق ان شاء اللة
     
  5. mshari-

    mshari- بـترولـي مميز

    931
    0
    0
    مو فاضي اشتغل
    كويتي
    مضمون ما يحتاج تجيب واسطه ولا شي


    بس على فكره بس علشان تتذكر كلامي مع الزمن
    ترا الوظيفه تقطعك عن العالم 75% يعني تصير حياتك دوامك
    بس هاه اخذ راتب قوي ومستقبل حلو
    الراتب قوي حيل فوق ما تتصور يمكن اول مربوط لك عزابي فوق 1500 غير الاوفر تايم

    والله يوفقك
     
  6. قبــــــــس

    قبــــــــس بترولي خاص أعضاء الشرف

    509
    0
    0
    C.R.O. KNPC
    KW
    اخوي انا الي اعرفه انه مضمونه الوظيفه وسمعت انه وانت تدرس بالمعهد تستلم 300 دك من الشركة

    وان شاء الله احد يأكد المعلومة
     
  7. [ عـنـتـرة ]

    [ عـنـتـرة ] بـترولـي نشيط

    89
    0
    0
    مشغل مصفاة

    مافي شيئ اسمه اليوم أتخرج من التطبيقي

    من باجر أتوظف

    في اجراءات لازم تاخذ مجراها من تواقيع و أصدار لك بطاقه تعريف لدخول و خروج المصفاة

    و معرفة أماكن النقص و الاحتياج

    بعدين شوف وين يفرزونك

    قول هذي تاخذ من شهر لشهرين اجراءات روتينيه يمر فيها كل شخص بيتوظف

    ماراح يعطونك دورة بعد ما تخلص من الكليه

    بالكلية بتاخذ كورس ميداني ثلاث شهور بتعيش أجواء الوظيفه و بتدرب عملي

    و أغلب المهندسين اللي بيدرسونك بالكلية مهندسين بالشركة البترول الوطنية الكويتية

    يعني ضبط شغلك من الحين ماتدري يمكن تحتاج لهم بواسطه نقل تضبيط لمستقبل : )
     
  8. مشغل مصفآه

    مشغل مصفآه بـترولـي نشيط

    128
    0
    0
    شباب ولا عليكم امر نبي معلومات زياده
     
  9. مو معقول

    مو معقول موقوف

    663
    0
    0
    اي مضمون توظيفك بوظيفة مشغل حقل...ومعاش هالوظيفه صدقني لا يضاهيه اي معاش بجميع قطاعات الدوله..بالتوفيق
    ويفتحون لك ملف بمستشفى الاحمدي ويعطونك بطاقة متدرب ومعاش من الشركه
     
  10. مشغل مصفآه

    مشغل مصفآه بـترولـي نشيط

    128
    0
    0
    اي المعاشات يقولون خياليه

    لكن يفتحون لي ملف وانا ادرس! ولا بعد التخرج
     
  11. العاقول

    العاقول بـترولـي نشيط

    هلا اخوي ومبروك مقدما :D
    واللة ودي افيدك لاكن علي حسب ظني اذا انت تسلم مكافئة لا مايفتحون لك ملف اما اذا هي راتب دورة يعني يمشي لك معاش علي التامينات يفتحون الملف 100% وانت روح للمبني الرئيسي واسال اهناك لا ادق تلفون :eek: لانهم بيرفعون ضغطك علي الفاضي ( ما من مجيييييييب ) واسال اللة لنا ولك التووفيق والنجاح
     
  12. LAW

    LAW بـترولـي نشيط جدا

    293
    0
    16
    لا يعشمونك بعض الناس بالمعاش يقولون لك فوق1500 <<-- قلنا مشغل مصفاه مو مهندس



    دبلوم (فني):
    يتعين على قريد 9
    الراتب وهو ( راتب اساسي + علاوة اجتماعية + علاوة غلاء معيشه + علاوة السكن + منحة سكن + علاوه تشجيعية + علاوة غلاء معيشه اضافية + بدل انتقال قيمته 54 قابل للزياده من موقع الى اخر)

    اعزب 1317
    متزوج 1453

    ملاحظه: هذا الراتب قبل الاستقطاع ولا يشمل بدل خطر و لا بدل طريق و لا بدل شفت و لا بدل دوام غير منتظم


    الاستقطاع تقريبا200الى250 وانت متزوج يعني1200 راتبك اول ماتتوظف هناك

    تقبلوا مروري
     
  13. mshari-

    mshari- بـترولـي مميز

    931
    0
    0
    مو فاضي اشتغل
    كويتي
    عرفت نظامك ( خالف..تُعرف )

    اخوي مستحيل قريد 9 متزوج راتبه 1200 خص نص بمشغل مصفاة ترا هذا فني مو اداري

    الله يذكره بالخير واحد من الربع كان مقدم وياي قبل توظف رسمي يقولي راتبي 1369 دينار من غير خصم التامينات وهو عزابي وعلى قريد 8

    فيه غلط بالحسبه عندك
    يمكن الظاهر نسيت بعض البدلات بدل شفت وغيره
    اتوقع قريد 9 ومتزوج فوق 1400 دينار مع خص التامينات
     
  14. Mr Abdullah

    Mr Abdullah بـترولـي جـديـد

    3
    0
    1
    الراتب من غير الاستقطاع بالضبط هو 1367 مع بدل طبيعة عمل وبدل الشفت يصير 1667 (على حسب طبيعة العمل)

    الإستقطاع 177 تقريبا 11.8% .. منحة السكن حق قريد 13 وفوق

    صحح معلوماتك أخوي :)
     
  15. Abdullah_q8

    Abdullah_q8 بـترولـي نشيط جدا

    295
    0
    16
    ذكر
    مهندس بترول قريد 12 جم ياخذ عيل ؟
     
  16. obo_Flona

    obo_Flona بـترولـي مميز


    السلام عليكم :)


    Law ماله شغل لا تهاجمونه يالربع
    فهذا الكلام انا كنت كاتبه واعوذ بالله من كلمة انا
    وماهو صحيح 100 في 100

    يعني اذا مو 1300 بتلاقيه 1400 او 1200 فرق بسيط

    وهذا الي اجتهدت عليه وبمساعدة موظفين بالبترول

    ولاتنسون البدلات مو كلها مكتوبه
    صحيح يمكن يوصل 1600 اذا تم حساب بدل خطر

    ترا بدل الخطر مو هين وانا مو حاسبه لان ما لقيت معلومات كافيه ودقيقه تفيدني
    واللي عنده خبره بهالشغلات ياريت يفيدنا عشان نفيد كل من يسأل عن الرواتب وبدلاتها

    عسى ربي يوفقكم للخير ان شاء الله


     
جاري تحميل الصفحة...

مشاركة هذه الصفحة