حملة ((خلوها تصدي 2012)) تبدا في الكويت

الكاتب : D.C.S | المشاهدات : 2,642 | الردود : 8 | ‏10 ديسمبر 2011
  1. D.C.S

    D.C.S بـترولـي نشيط

    102
    2
    18
    سعر اليوكن والتاهو في السعويه اقل من الكويت من1200 الى2000 دينار
    سعر التويوتا واللكزس في السعويه اقل من الكويت من 600الى2300دينار
    شباب ماسألتو نفسكم ليش ؟؟؟؟؟ لان هناك حمله ناجحه قبل سنتين في السعوديه ارغمت الوكالات على تخفيض اسعارها ومنح مزايا للمشترين كصيانه مجانيه طوول فترة الكفاله.... الزبده هناك حمله بين الشباب بتويتر والمنتديات على عدم شراء موديلات 2012 الجديده لشهر 1و2 لانهم زادو باسعار السيارات اسعار جنونيه .. فشباب نبي دعمكم بالمنتديات واي شخص عنده حساب تويتر عمل (هاتش داغ q8 #kuwait) عنوان الحمله (((خلوها تصدي 2012))) وشكرا
     
  2. والله كل شي ارتفع
    عندنا جشع من التجار مو طبيعي
    ولا اللاند كروزر فوق ال 20 الف ليش

    وصراحه اخوي الشعب راااضي
     
  3. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت
    تصدق الحين نص مكاتب السيارات جيوب نيسان وتويوتا وجيوب لكزس اغلبها اصفار او ماشية قليل جداً كلها جاية من الخليج !
    ومواصفات افضل وارخص سعر ! وكل السيارات في الخليج ارخص من الكويت
    اجل شنو نقول عن المكاتب اللي جايبين سيارات من امريكا وعارضينها بسعر خبال ربحهم فيها اكثر من 40% من السعر الاصلي
    ياجماعة الحكومة طول عمرها مع التاجر وكان الله في عون المواطن المستهلك
     
  4. king_salem

    king_salem بـترولـي نشيط جدا

    217
    16
    18
    [align=center]والله انا عندي سيارة من سنة 2000 ويا حلوه الفورد ... كل ما اروح اشوف سيارة من وكالة الاقي اسعارها نار وغير مقبولة بالمرة واقول والله حرام ... يعني الحكومة لا تآخذ ضرايب من هالشركات ولا شي وفوق هذا اسعارهم خيالية ... ما اقول يا زين السيارات الكورية اهون .[/align]
     
  5. MR_KNPC

    MR_KNPC بـترولـي نشيط

    68
    0
    0
    لاندكروزر vxr سعره 22850 بالساير عسى ماشر لييييييييييش مو خلها تصدي الا يستريح بهالسعر اشتريه في بدائل واجد بنفس هالسعر وفخامه عاليه ما يوصل لها اللاند ونفس السعر والا يمكن ارخص والمشكله الا اسميها الطامه انه يقولك البياع الدفعه اللي جايه كلها مبيوعه واللي وراها بعد يعني احجز دور ثلاث شهور و فوق ياناس صحصحو شالسالفه لو تسوون حمله مثل خلها تصدي اسبوعين بس تلقى ينزل من اسعاره اقل شي 10 بالميه لكن ما اظن تتطبق عنددنا.
    والشي اللي يضحك ان البياعين بالساير اجمعو ان كل ما يزيد السعر يزيد الطلب ويزيد البيع والله شي غريب
     
  6. Mr.Ahmad

    Mr.Ahmad بـترولـي مميز

    عندي مكسيما 2005 وكل ما رحت اي وكالة واسمع عن هالاسعار اقول حق الموظف ما راح اشتري ( غالي ! )

    وبنفس الوقت قاعد اشوف الشوارع كلها سيارات جديدة !!

    يعني كثير من ابناء الشعب راضين بهالاسعار

    بس عن نفسي مطبق هالحملة (خلوها تصدي) بروحي ههه
     
  7. سراب الصيف

    سراب الصيف بـترولـي نشيط

    خلوها تصدي

    انا عن نفسي من زمان اكره وارفض التعامل مع وكاله الساير والملا والغانم

    والله الوكالات شكثر الله يغنينا عنهم
     
  8. علي العنزي

    علي العنزي بـترولـي جـديـد

    7
    0
    0
    السلام عليكم ورحمة الله وبركاته

    يااخوان المشكله مو بالتجار المشكله بالمستهلك
    والفكره واضحه حيل انتو قاعدين تتكلمون عن الاندكروز 2012 هذا يهون

    شنو يعني لاند موديل 98 ينباع ب 4500 سعر سياره 2007 وفوق
    والغريب ان الناس تشتري وعادي الوض
    ع فالتاجر يقول دامهم متمسكين فيها راح يشترون ويرفع بالاسعار

    وعندك السيارات الامريكيه اول ماتطلعها من الوكاله طاح 2000 اذا مو اكثر

    بس مانقول الا الله يعين ماباليد حيله
    ولو يحطون عليهم ضرايب راح يوصل سعر الاند مو اقل من 30000 وهم راح يشترونه

    والله المستعان
     
  9. علي العنزي

    علي العنزي بـترولـي جـديـد

    7
    0
    0
    وانا عن نفسي انصح جميع الاخوان اللي يبي يشتري سياره من الوكاله

    ياخذ فلوسه ويروح الامارات او السعوديه
    اذا السياره يابانيه يروح الامارات
    واذا امريكيه او كوريه يروح السعوديه

    ويشوف الفرق الكبير بالاسعار
    والمشكله مواصفات احسن من الوكالات اللي عندنا بواجد
     
جاري تحميل الصفحة...
مواضيع مشابهة
  1. خالد
    الردود:
    22
    المشاهدات:
    1,954

مشاركة هذه الصفحة