شباب سؤال بعد اذنكم

الكاتب : سعد الظفيري | المشاهدات : 2,912 | الردود : 44 | ‏7 ديسمبر 2011
  1. سعد الظفيري

    سعد الظفيري بـترولـي جـديـد

    27
    0
    0
    السلام عليكم

    شباب انا متخرج من الثانويه قبل سنتين بنسبة 64% وللاسف ما حصل نصيب اني ادش اي دوره من الدورات

    وللاسف طافتني دورة الامن والسلامه وما سجلت فيها مع اني كنت انتظرها بفارغ الصبر لكن يمكن تكون خيره لي


    انا قبل يوم شفت موضوع يتكلم عن وظايف للي عنده شهادة الثانويه العامه في البترول

    ودشيت الموقع وكاتبين للي عنده شهادة ثانويه يحق له التقديم على عامل حفر وسايق


    ما فهمت يعني اقدر اكون عامل حفر واقدم اوراقي اليوم الصبح وتنتهي السالفه ولا شنو بالضبط


    +

    انا راضي بالمقسوم لكن حبيت اعرف جم معاش عامل حفر وهل قبولي فيها اكيد ولا لازم بعد واسطه نفس مشغل حقل والامن والسلامه



    وشكرا
     
  2. [ عـنـتـرة ]

    [ عـنـتـرة ] بـترولـي نشيط

    89
    0
    0
    وعليكم السلام

    التقديم سهالات

    والتسجيل مفتوح

    عن طريقه هالموقع

    https://webapps.kpc.com.kw/recptc/RecIntro.aspx

    تضغط [ الحاصلين على الشهادات المتوسطة ]

    ثم تضغط على كلمة تقديم الطلب

    تعبي بياناتك

    بعدين أنطرهم يا يدقون عليك أو يدزون لك مسج

    و بالنسبه طبيعه عمل عامل حفر و المعاش

    بعد أذن أخوي night_busher

    له شرح بخصوص هالوظيفه

    فى ثلاث شركات حفر ابار
    1-يونايتيد بريزيشين كوربوريشين -----ubdc
    2-برقان لحفر الابار
    3-الكويتية لحفر الابار---kdc
    -------------------------------------------------
    وفى شركات تساعد هالشركات الثلاث بمعمليات الحفر وتحل لهم بعض المشاكل
    يسمونها شركات السيرفيس
    من ظمنهم شلمبرجير
    هاليبيرتون
    بيكر
    نابسكو
    وذر فورد
    وفى غيرهم بعد
    بختصرلك الموضوع ان شاء الله
    الثلاث شركات الاوليين
    دوامك 28 واجازتك 28يوم
    تقريبا اذا قبلوك مساعد حفار فى برقان راح تستلم شهريا 1200 من الشركه زائد دعم العماله ويختلف المتزوج عن العازب
    يعنى الاكيد فوق --1500---
    واذا كنت في بريزيشين راح تستلم --1350---من غير دعم العماله
    واذا كنت فى الكويتيه للحفر راح تستلم--------1280----من غير دعم العماله
    بخصوص طبيعة العمل
    تلف لما يخيب ثناك
    تلف بالموقع باليوم الف مره تحوس ترتب كل الشغل وتجهز حق الشغل الى بالمستقبل يحتاجونه
    اذا سامع اغنية ليل وبرد ورعد وريح دنيا بره مجنونه؟؟؟
    بتشوف كل هالتقلبات بالطقس وتحس فيها عن قرب لانها بتمر عليك والشغل مافيه رحمه
    ومسؤوليه كبيره خصوصا شلون تامن للعمال انهم يشتغلون بامان ومحد يتعور وهالخبره ماتجي الا عمليا ودورات
    طبعا انا متعمد اذكرك السلبيات بالاول عشان تكون عايش الوضع عدل
    الحين بذكرلك المحاسن
    1-دوامك معروف متى تداوم ومتى تطلع اجازه يعنى بالاجازه جهز تذكرتك وكل شهر دوله
    2-تكتسب خبره رهيبه تاهلك انك تشتغل بكل مكان بالعالم حتى لو فى بحر الشمال
    3-معاش قوي يلبي رغباتك ويرضي غرورك ومن تطق البطاقه بالمكينه تقوم المكينه تختض تك تك تك تمل من هالصوت وتنطر الفلوس
    لان المكينه تتعب واهى تعدلك المبلغ
    4-فى مجال توصل اعلى واعلى بالترقيات ليما توصل مواصيل حتى الكي يو سي ماتوصلك لها
    5-الشهر الى تداومه نصه بالضبط تقريبا شغل والنص الثاني راحه خصوصا اذا كنت مجهز شغلك ومرتب كل شي
    6-وفي مجال بعد ما تكتسب الخبره تحول للكي يو سي بس طبعا راح يقل المعاش بس تستقر نفسيا
    ===========================
    بخصوص المميزات لك مكان مرتب تنام فيه غرفه بكامب مرتبه كل شي فيها وكل الخدمات متوفره غسيل كوي اكل حلو ناس تخدمك وتحت امرك تنظيف غرف كل شي متوفر
    لك معامله خاصه لانك سوبر فايزر من ناحية التقدير والاحترام
    بخصوص العلاج لك مستشفى خاص تتعامل معاه الشركه يطلعونلك كرنيه باسمك غير مشمول العائله بس انت
    تتعالج مثلا بدار الشفاء وانترناشيونال كلينيك بلالالالاش
    اذا تبي نصيحتى وانا جربت هالمجال صدقنى اتعب سنه ولا سنتين وراح تشوف الخير بعينك
     
  3. سعد الظفيري

    سعد الظفيري بـترولـي جـديـد

    27
    0
    0
    اعجز عن شكرك يا عنترة

    ما شاء الله وضحة كل شي


    بس انا عندي شهادة ثانوي وهل تدخل فيها الواسطات يعني ان قدمت اليوم مقبول ولا فيه بربسة انت تعرف النفط واسطات وبلاوي

    والله الشغله ممتازه غريبه ليش الكويتيين ما يحولون عليها


    واعذرني اذا زادت الاسئله


    وهل الطول والوزن يفرق


    وشكرا
     
  4. محمد الحرمل

    محمد الحرمل بـترولـي نشيط جدا

    209
    0
    0

    يالغالي انا اشتغل فالكويتيه للحفريات kDC

    رواتبنا 488 ويقصون التامينات وينزلولنا 450 ماكو لا علاج ولا هالرواتب الي تقول عنها والراتب الي تقول عنه راتب حفار مو رست ابوت الحفار يستلم 850 غير الدعم الي هو 361
     
  5. mshari-

    mshari- بـترولـي مميز

    931
    0
    0
    مو فاضي اشتغل
    كويتي
    اسال عن الرواتب اتوقع اشوية مبالغ فيها
    علشان ما تتوهق
    والله يوفقكم
     
  6. mshari-

    mshari- بـترولـي مميز

    931
    0
    0
    مو فاضي اشتغل
    كويتي
    هههههههههههو والله ما قريت تعليق اخوي محمد الحرمل على طول حطيت اقتباس على كلام اخوي عنتر وعلقت
    يا جماعه لا تحطون ارقام فلكيه تدري لو هذا رواتبهم جان من زمان اقدم عليهم لآن كذا مره يحطون اعلان عن هالوظايف
    انا ما صدمني غير اللي يقول رواتب امن وسلامه 1700 دينار >| ليش وزير

    عموماً النفط بالقطاع الخاص مو حلو يا كثر الناس اللي تتذمر منه

    ثاني شي اخوي عنتر جزاك الله خير اجتهدت بالموضوع بس ترا اعلان هالوظايف قديم فترة الإعلان اعتبارا من 13/04/2010
     
  7. [ عـنـتـرة ]

    [ عـنـتـرة ] بـترولـي نشيط

    89
    0
    0
    يا جماعه الخير طولوا بالكم شوي :D

    شرح الوظيفه مو لي لأخ night_busher

    و ما نقلته إلا من باب الخدمة لا أكثر

    و هذا الموقع اللي خذيت منه الشرح

    http://www.q8ow.com/vb/showthread.php?t=20885

    و هذا موضوع ثاني في معلومات عن عامل حفر

    http://www.q8ow.com/vb/showthread.php?p=299045

    تخيل يطلعلي واحد بعد هالرد يقولي عنتره أنت شلون تقول هالمعاش هالكثر

    أهني راح يطري على بالي واحد الله يذكرة بالخير يحب جيفارا :p
     
  8. mshari-

    mshari- بـترولـي مميز

    931
    0
    0
    مو فاضي اشتغل
    كويتي
    هههههههههههههههههههههههههههههه
    بس انت لا تنقل الموضوع وتجيب العيد بالرجال خليته يستانس على الفاضي على قولت المثل ابشرك لك بولد مير مات |> ويا فرحه وما تمت
    هذا اللي كاتب الموضوع غلطان صدقني


    تدري لو هذي معاشاتهم جان كل الكويت مسجلين فيها
     
  9. سعد الظفيري

    سعد الظفيري بـترولـي جـديـد

    27
    0
    0
    هههههههههههههه

    والله لو كلام عنترهصحيح

    جان لقيت كل الكويتيين يشتغلون بالحفر
     
  10. العاقول

    العاقول بـترولـي نشيط

    اي واللة ولا الي يقول معاش السيكروتي 1800 بعد الزيادة :d جذب بجذب
    معاشة الان 1250 واخصم التامينات 150 هذي 1100 وين ال1800 ربي ينتقم منة :d
     
  11. mshari-

    mshari- بـترولـي مميز

    931
    0
    0
    مو فاضي اشتغل
    كويتي
    انت بالكويت توقع هذي الارقام الفلكيه
    اذا سكيروتي 1800
    اجل عضو منتدب جم معاشه .؟ او كبير المهندسين
     
  12. العاقول

    العاقول بـترولـي نشيط

    هههههههههههههههههههههههههههههههههههههههههههههههههههههههههههههههههههه
    بوووق واللة بووووق هذا المفروض تحولة النيابة العامة اختلاس مال العام :mad: :mad: :mad:
    وبالنسبة للمهندس يستلم حوالي 6 الاف دينار وكبير المهندسين مابين 8 الاف الي 10 الاف دينار
    اما العضو المنتدب لا هذا معاشة لايقل عن ال17 او 18 الف دينار ههههه حشا رئيس الوزراء مايستلم جذي
    ناس تجب كلام وافكار غريبة عجيبة ولا مشغل حقل معاشة 2000 دينار هههههههههههههههههههههههههه
    ههههههههههههههههههههههههههههههههه سبحان اللة هالناس بعد الزيادة صار عندها عقدة الفلوووووس
    صارت تدبل الشي سيكروتي 1800 ومشغل حقل 2000 مهندس 6000 فراش الشركة يستلم 400 عادي عادي
    مو يشتغل بالنفط حتي المندوب يستلم 800 ايييية موظف بالنفط هههههههههههههههه لاحول ولاقوة الا باللة
     
  13. سعد الظفيري

    سعد الظفيري بـترولـي جـديـد

    27
    0
    0
    https://webapps.kpc.com.kw/recptc/RecIntro.aspx

    شباب دشيت على هالموقع بس للاسف ما يطلع لي الوظايف


    بس قبل جم ساعه دخلت ولقيت الوضايف من عامل حفر واللذي منو

    شباب اهم شي يقبلوني ولا لازم واسطات انا واسطتي على قد حالي
     
  14. سعد الظفيري

    سعد الظفيري بـترولـي جـديـد

    27
    0
    0
    شباب انا شهادتي ثانويه ونسبتي على قد حالي


    شنو تنصحوني وين اتوضف

    في مكان بالقطاع الحكومي يقبلوني وهذي نسبتي بالثانوي

    ولا في مكان بالقطاع الخاص مميز يقبلني


    ابي رايكم يمكن انتم اكبر مني واعرف مني بهالامور
     
  15. [ عـنـتـرة ]

    [ عـنـتـرة ] بـترولـي نشيط

    89
    0
    0
    خلاص كافي والله حسستوني بالذنب شكلي من باجر باخذلي عمره :p

    تكفون يا لبى شواربكم

    لا دبسون موضوع الرواتب فيني:D

    أنا مجرد ناقل الكلام اللي نقلته صج جذب الله العالم
     
  16. mshari-

    mshari- بـترولـي مميز

    931
    0
    0
    مو فاضي اشتغل
    كويتي
    كمل بعثات داخليه بالكويت اليوم حاطين اعلان بالجرايد
    او بالداخليه واحد ويانا بالمنتدى حط خبر عن وظيفه بالداخليه
     
  17. mshari-

    mshari- بـترولـي مميز

    931
    0
    0
    مو فاضي اشتغل
    كويتي
    لا يا الغالي ما نقصدك انت
    والله بعض الشباب سواء بالمنتدى او برا المنتدى ادش وياهم بجدال على هالموضوع ويتكلمون بجد وكل ثقه

    وانا بقولكم راتب ولد عمي هو سكيروتي بالنفط صار له تقريباً اربع سنوات قريد 8 ومتزوج راتبه بالضبط 1480 > قديم ومتزوج

    يعني اول مربوط لنا عزوبيه 1150 لا اكثر ولا اقل
    وحنا نقصد العالم اللي تبالغ وتعطيك ارقام خياليه:p
     
  18. سعد الظفيري

    سعد الظفيري بـترولـي جـديـد

    27
    0
    0
    ناقل الكفر ليس بكافر


    رايتك بيضه
     
  19. العاقول

    العاقول بـترولـي نشيط

    امس بالمخيم عند الشباب يسولفون عن وظيفة (( بحار )) بموسسة المواني الكويتية معاشك تقريبا 270 غير دعم العمالة وهي وظيفة حلوة ودوامها فلاتي لاكن فيها خطورة وفية واللة وظايف واحد بس لاتسال عن المعاش من 450 وانت نازل :(
     
  20. mshari-

    mshari- بـترولـي مميز

    931
    0
    0
    مو فاضي اشتغل
    كويتي
    فيه لحيم تحت الماء وفيه وفيه وفيه بس هل يوجد اعلان عنها .؟

    اتوقع صعبه يعني لو بتتوظف فيها وانا اخوك هل لها مستقبل معاك مع دعم العماله تقريباً 550 دينار الحين مع الغلاء المعيشي القوي ما يسوي شي هالراتب
     
جاري تحميل الصفحة...

مشاركة هذه الصفحة