خريجة مختبرات طبية "فنية مختبر طبي".... وابي القطاع النفطي ؟؟ وشلون اقدم .. انا مو كويتية ... بدون

الكاتب : مختبرجية | المشاهدات : 4,108 | الردود : 30 | ‏23 نوفمبر 2011
  1. مختبرجية

    مختبرجية بـترولـي جـديـد

    37
    0
    0
    طالبة جامعية تخصص Information Technology
    الكويت
    السلام عليكم



    أنا خريجة العلوم الصحية تخصص مختبرات طبية "دبلوم"
    (الهيئة العامة للتعليم التطبيقي والتدريب)
    بتقدير امتيـــاز ولله الحمد
    رفضني الديوان !! بعد انتظار طويل واجراءات طويلة وشروط ست شهور في وزارة الصحة .. وتاليتها "رفض " ..
    مع اني مستوفية جميع الشروط للعمل على بند المكافات تبع وزارة الصحة :)
    وتم تحديد مسماي الوظيفي + الراتب المستحق على بند المكافآت ..



    وسبب الرفض كان .. بـ حجة العمالة الوطنية
    نصابين وقرارهم اشكرا يالبدون مانبيكم
    .. كل يوم موظفين البنات من الجنسيات الوافده العربية ..
    واعرفهم شخصياً معاي في الكلية في جميع مستشفياات الكويت الحكومية
    ليش ماقالوا لهم نفس الحجة .. عمالة وطنية !!
    و ماشاءالله كلهـــــــــم توظفوا بدون استثناء ..





    قرار معممّ ماله داعي .. ومتناقض وغبي

    المهم مو هذي سالفتي ..



    سالفتي هي:

    .

    صار لي سنتين قاعده بطالية
    وحاولت بالقطاع الخاص .. عينهم قوية يبون خبرة وشهااايد ومش عارف ايش .. :)


    جأ ع بالي القطاع النفطي

    أحد يفيدني وين اقدم؟
    وشلون الاجراءات ؟؟


    وهل القطاع النفطي تابع للديوان؟
    وهل فيه نظام عقود مع مستشفيات الكويت ؟؟

    وهل فيه بدون موظفين؟؟


    خصوصاً إني "غير كويتية " ..



    بدووون والوالد عسكري :)








    اختكم وتبي مساعده منكم

    فيدوني .. لاني تعبت ادرس ادرس ادرس ادرس ادرس ادرس وتاليتها ..
    الشهايد والدروع بالكبت


    معاي دبلوم علوم كمبيوتر
    دبلوم مختبر طبي
    وحالياً طالبة في الجامعة العربية المفتوحة سنه رابعه
    تخصص بكالوريوس Information Technology and Computing
    ITC

    ماتوظفت قبل هالمره ابداً ..
    والسبب الله يعافيكم .. بدون ..
    ولأني" بدون"

    محكوم علي اعيش بدون حياة حالي حال البشرية :rolleyes:

    ... وشش الحل ؟؟


     
  2. مختبرجية

    مختبرجية بـترولـي جـديـد

    37
    0
    0
    طالبة جامعية تخصص Information Technology
    الكويت
  3. كويتي قانوني

    كويتي قانوني بـترولـي نشيط

    110
    0
    0
    والله يا اختي الكريمه ماعندي معلومات كافيه..


    لكن ما حبيت امر عالموضوع بدون ما أقول : عسى الله يـرزقج يارب بالوظيفه اللي تناسبج عاجلاً ولا يخسرج تعبج.. آمين..


    موفقه يا اختي
     
  4. مختبرجية

    مختبرجية بـترولـي جـديـد

    37
    0
    0
    طالبة جامعية تخصص Information Technology
    الكويت
    [align=center]جزاك الله خير يا اخوي
    مشكور .. بك الخير والبركه والله

    الف شكر

    .[/align]
     
  5. Ahmad-86

    Ahmad-86 بـترولـي نشيط

    126
    0
    0
    اختي دقي على 130 و سأليهم , والله يعوض صبرج خير
     
  6. مختبرجية

    مختبرجية بـترولـي جـديـد

    37
    0
    0
    طالبة جامعية تخصص Information Technology
    الكويت
    [align=center]هلا بك اخوي أحمد
    وش هذا الرقم .. تبع شنو؟
    بتصل عليهم هالحين واشوف ..

    مششكور ^^[/align]
     
  7. مختبرجية

    مختبرجية بـترولـي جـديـد

    37
    0
    0
    طالبة جامعية تخصص Information Technology
    الكويت
    [align=center]Up ;d[/align][align=center][/align]
     
  8. مختبرجية

    مختبرجية بـترولـي جـديـد

    37
    0
    0
    طالبة جامعية تخصص Information Technology
    الكويت
    [align=center]I'm still waiting >D[/align]
     
  9. Frank

    Frank بـترولـي جـديـد

    15
    0
    0
    ان شاءالله يقبلوني النفط
    الكويت
    لو اعرف شي جان ساعدتج.. ربي يوفقج ويرزقج الوظيفه الي بخاطرج..
     
  10. فهد الكندري

    فهد الكندري بـترولـي نشيط جدا

    192
    0
    0
    عسا الله يفرج همج وهم المسلمين ويرزقج على قد نياتج وزود ويعوضج بصبرج ويرزقج بما تتمنينه وزود وانشاء الله يوفقج
     
  11. مختبرجية

    مختبرجية بـترولـي جـديـد

    37
    0
    0
    طالبة جامعية تخصص Information Technology
    الكويت
    [align=center]جزاكم الله خير
    ..الرزق من الله بس عبيده يصدونه ..
    حسبي الله عليهم
    حسبي الله عليهم
    الله اكبر على كل ظاااالم .. [/align]
     
  12. مسفر اليامي

    مسفر اليامي موقوف

    67
    0
    0
    الدنيا بخير وانتي انشدي وصلي صلاة استخارة وربي يوفقج شكثر ماتدعين كثر ماياخذون دعاوي على ظهرج وانتي خسرانة بالدعاء لابغيتي نيتج تكون صافية ويا الناس صفي نيتج معاهم بتوفقين دنيا واخره
     
  13. tomorrow lawyer

    tomorrow lawyer بـترولـي نشيط جدا

    الله يرزقج ووفقج وفك ضيقتج يااااارب
     
  14. حسين 92

    حسين 92 بـترولـي جـديـد

    6
    0
    0
  15. ITC

    ITC بـترولـي نشيط جدا

    294
    27
    28
    مبرمج
    الله يوفقج ويرزقج ويستر عليج بالدنيا والآخرة
     
  16. مختبرجية

    مختبرجية بـترولـي جـديـد

    37
    0
    0
    طالبة جامعية تخصص Information Technology
    الكويت
    [align=center]بارك الله فيكم
    شكراً اخواني[/align]
     
  17. المسموح

    المسموح بـترولـي جـديـد

    34
    0
    0
    الله يوفقج في حياتج العمليه والاجتماعيه
    روحي قدمي طلب للمستشفيات الخاصه إن شاءالله توفقين ويقبلونج
     
  18. مختبرجية

    مختبرجية بـترولـي جـديـد

    37
    0
    0
    طالبة جامعية تخصص Information Technology
    الكويت
    [align=center].. ان شاءالله بإذن الله
    راح أداوم في مستشفى حكومي معروف ..
    كـ متطوعة للعمل واخذ منهم خبره استفيد لـ كم شهر :rolleyes:
    لأن أمووت و أحب شي اسمه مستشفى ومختبرات وعينات واجهزه طبيه
    حتى الرااتب والمعاش ما ابيييه..
    أبي اشتغل اتعلم استفيد اخذ خبره





    عسى يارب يرزقني ويرزقكم
    آمين يارب[/align]
     
  19. obo_Flona

    obo_Flona بـترولـي مميز


    انا اسف اني توني انتبه للموضوع

    اولا انا مستغرب من سبب رفض الديوان لج
    حسبي الله ونعم الوكيل
    ومثل ماقلتي الوافدين وحتى البدون كاهمه موظفين بمستشفيات وبوزارات

    اعرف بعضهم يشتغلون مناديب و طباعين و كتاب وشهادته متوسطه

    لكن لاتسمحين لليأس او الحزن يسيطرون عليج
    كل انسان بالدنيا ربه عطاه .. وخذا منه

    شوفي شركة ايكويت
    في موضوع مثبت بهالقسم عن توظيفهم

    لكن شركات النفط لازم تنطرين اعلان ينزل للكويتيين وغير الكويتيين
    وعسى ربي يكتبلج الخير دنيا واخره





     
  20. obo_Flona

    obo_Flona بـترولـي مميز


    اي صج ليش ماتروحين بنفسج مستشفيات خاصه وتسئلينهم
    افتري عندهم ولايقولج احد مانوظف وتروحين
    سئلي اكثر من شخص
    المستشفيات تارسه الديره كافينا شرهم


     
جاري تحميل الصفحة...

مشاركة هذه الصفحة