هام لكل من يغطيه التأمين الرجاء الدخول

الكاتب : ToP | المشاهدات : 1,088 | الردود : 3 | ‏22 نوفمبر 2011
  1. ToP

    ToP بـترولـي نشيط

    70
    0
    0
    بسم الله الرحمن الرحيم

    لن أطيل عليكم الحديث

    في حركة جديدة يسوونها بعض العيادات المشمولة بالتأمين

    وهي انهم يطلبون اللي يفتح ملف اول مره يدفع الفلووس من جيبه

    وهذا اللي حصل لي اليوم كنت بإحدى العيادات الخاصة وعطيتهم كرت

    التامين ورفضوا فتح الملف قالولي اول مرة لازم تدفع من جيبك!!!!!

    طبعا دقيت على شركة التامين وقالولي مشكورين مالك شغل فيهم

    إحنا نغطيلك المصاريف ولما استفسرت من العيادة قالولي هذا

    سستمنا من زمان طبعا رفضت وعليت صوتي لانهم قالوا بس

    اول مره وباقي الزيارات ناخذ كرت التامين قلت ابي أشوف الدكتور

    البروفيسور اللي وصله العلم من موظف الاستقبال أني بكلمه فقال لهم

    خلاص وافقووله بس هاااه قولوله الكمام حق الصدر والإبر مايغطيها التامين

    يعني قصده راح أخذ منك الفلوس راح أخذ بفتح الملف او بالأشياء الثانية

    قلت يصير خير لموظف الاستقبال وانا ادري ان التامين يغطيها وللأسف

    ان هالبروفيسور كويتي قاعد يستغل الناس خصوصا ان هناك

    اثنين معاي بالاستقبال من القطاع النفطي اول زيارة دفعوا من جيبهم

    فتح ملف 30 دينار ونبهت واحد منهم لكن قال خلصت ياعمي وفوق هذا

    البروفيسور الكويتي حاط زيارة مطولة 50 دينار اول مرة أشوف هاللسته

    بالكويت شنو زيارة مطوله ؟؟؟

    اخر شي يوم دخلت على هالدكتور طل بوجه ولدي مع العلم انه دكتور للجهاز التنفسي

    ماقعد دقيقتين وعطاني دوا للولد وهو يدري ان أنا من سببت مشكلة برا

    وغيرنا من المرضى اللي سبقونا يقعد يفحصهم بالربع ساعه لكن للأسف

    ناس عمتها الفلوس


    يمكن البعض يعتقد أني احارب هالدكتور بسبب معين لكن ارد وأقول لو أحاربه

    كان ذكرت اسمه بس أنا كتبت هالموضوع علشان غيري يتنبه ولايدفع من جيبه حرام


    سؤال اخييييير

    هالدكتور شنو مستفيد انه يدفع الناس فلوس عن اول زيارة والتامين يغطيلهم !!!!!

    الا اذا

    ولا اقول ان بعض الظن إثم


    والسلام ختام*
     
  2. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    حبيبي الله يشافي ولدك ان شاءالله
    واتمنى انك تعمل شكوى رسميه وتقدمها لشركتك او لقسم التامين بمستشفى الاحمدي او لنقابتك
    لازم كل واحد يواجه مشكله يشتكي رسمي
    ولا ترى غيرك بيقع بنفس المشكله
     
  3. ToP

    ToP بـترولـي نشيط

    70
    0
    0
    أنا معاك. اخوي فيصل ولاتعتقد أني بسكت أنا اصلا مادفعت لهم شي لانهم طاحوا بواحد

    يعرف لهم بس حرام اللي يحصل وبالنسبة للشكوى تكلمت مع التامين لكن لاحياة لمن تنادي

    اذا تعرف احد قولنا وانا مستعد اقدم شكوى رسمية

    وشكرا على مرورك
     
  4. نفطاوي مملوح

    نفطاوي مملوح بـترولـي نشيط

    87
    1
    8
    يا اخي العزيز الله يشفي مريضك ومرضا المسلمين...ولكن
    الي متي واحنا نتستر علي هذه المواضيع المفروض كشف اسم هذه العياده ومقاطعتها
    ورفع شكوا رسميه الي جهات الاختصاص والمراقبه علي الشكوه....
    ارجوا منك ومن الاخوه كشف اسماء من يتلاعب في هذه الامور...وبهذا انت
    تخدمني وتخدم اخوتك ولك مني جزيل الشكر
     
جاري تحميل الصفحة...

مشاركة هذه الصفحة