امتحاني باجر، معلومات بسيطه ماعليكم امر

الكاتب : iAziz | المشاهدات : 1,242 | الردود : 16 | ‏16 نوفمبر 2011
  1. iAziz

    iAziz بـترولـي نشيط

    143
    0
    0
    السلام عليكم ورحمة الله وبركاته

    يعطيكم العافيه، انا كنت مقدم على حملة شهادات الدبلوم كلية الدراسات التجاريه الاعلان اللي كان شهر 7
    والحمدلله اليوم الصبح دقو علي قالولي باجر امتحانك الساعه 7 عند مركز التدريب البترولي بالاحمدي
    وامتحاني بيكون بالكفتريا رقم 1 واني بس اقدم اثباتي وادخل،

    ماعليكم امر بس ابي اعرف المكان وين بالظبط تقدرون تدلوني عليه؟
    وراح يكون الامتحان انقليزي عدل؟
    يبيلها واسطه ولا لا؟

    مشكورين وماقصرتو ..
     
  2. mshari-

    mshari- بـترولـي مميز

    931
    0
    0
    مو فاضي اشتغل
    كويتي
    بالنسبه لي قبل قدمت على مشغل وبقولك ترا الاختبار فيه متوسط وفيه سهل وفيه صعب
    اكثر شي قواعد واكمل فراغ
    المكان كفاتيريا بس توصل عند بوابه مركز التدريب أسال اي واحد يقولك وين
    مكان مركز التدريب بالاحمدي وانت جاي من طريق شارع الملك فهد تاخذ يسار الى المبنى الكبير كله درايش
    تكمل سيييده لين تجيك اشاره تاخذها فوق تحت وتكمل سيده بعد المبنى تاخذ يسار وتكمل سيده يجيك دوار تكمل سيده اشوي فيه شارع مو مبين هذا الشارع يوديك الى مركز التدريب بس توصل أسال رجل الامن وهو يقولك وين
    والله يوفقك وبخصوص الواسطه انت اول شي توكل على الله وجيب واسطه ما اقول لك ما فيه واسطه الا فيه للاسف
     
  3. iAziz

    iAziz بـترولـي نشيط

    143
    0
    0
    الحمدلله امتحان الانقليزي ماعليه خوف، ممتاز فيه
    بس شوي احاتي التخصص لول ..

    ومشكووور ماقصرت ان شاءالله بطلع من البيت الساعه 6 عشان افرفر ليمن القاه ;p
    الله كريم .. ان شاءالله خير

    مشكووور عالمساعده
     
  4. mshari-

    mshari- بـترولـي مميز

    931
    0
    0
    مو فاضي اشتغل
    كويتي
    عفواً تصحيح
    مكان مركز التدريب بالاحمدي وانت جاي من طريق شارع الملك فهد تاخذ يسار الى المبنى الكبير كله درايش
    تكمل سيييده لين تجيك اشاره تاخذها فوق تحت وتكمل سيده بعد المبنى تاخذ ( يمين ) وتكمل سيده يجيك دوار تكمل سيده اشوي فيه شارع مو مبين هذا الشارع يوديك الى مركز التدريب
    موفق بآذن الله
     
  5. Stations

    Stations بـترولـي نشيط جدا

    348
    0
    0
    عفوا اخوي iaziz
    بس اعلان رمضان تقصد؟
    توهم يتصلون تمتحن ؟!!
    هاو شسالفه ولا انا داشه عرض وفاهمه غلط
     
  6. fofaalsafi

    fofaalsafi بـترولـي جـديـد

    2
    0
    0
    ktown
    السلام،، انا بعد امتحاني باجر بس قالولي الساعه 9 مو 7 انا قاعده احاتي الامتحان عن شنو :/ اللي يقدر يفيدنا بليز
     
  7. iAziz

    iAziz بـترولـي نشيط

    143
    0
    0
    مشكووور اخوي مشاري عساك عالقوه ماقصرت، دليته (Y)

    Stations
    ايي اكيد اعلان رمضان! لان انا ماقدمت على غيره الا اهوه، واليوم دقو علي .. اكيد ماكو غيره =/


    fofaalsafi
    صج؟ الله يوفقج، انا 7 الصبح امتحاني
    الامتحان انقلش .. بما اني خبره بامتحانات الوظايف لوووول
    سهاالاااااات حيييل لاتشيلين هم اذا تعرفين انقلش ماكو شي صعب عليج بيكون، انا لما امتحنت حسيتهم يستعبطون لول
    انتي بعد قدمتي وياي؟ حق اعلان شهر رمضان اللي كان نهاية شهر 7؟
    عاد انا لما قدمت تخصصي ماكان موجود يعني صج استغربت لما دقو علي ان شاءالله خيييير يارب
     
  8. fofaalsafi

    fofaalsafi بـترولـي جـديـد

    2
    0
    0
    ktown






    اجمعيين، مادري انا كل ما يبطلون تسجيل اقدم هالمره استغربت لما دقو يالله ان شالله سهالات ،الامتحان قرامرز؟؟ قاعده امتحن اونلاين يعني اتدرب شوي اشوف نفسي والله النتيجه تضيق الخلق معني اوكي بالانقلش ههه :/ الله يسهل
     
  9. LAW

    LAW بـترولـي نشيط جدا

    293
    0
    16
    غريبه ومالغريب الا الشيطان؟؟

    اول شي شنو الامتحان بالكافتيريا؟؟؟ الامتحانات كلها بالكمبيوتر وب لابات تصير وعالكمبيوتر؟؟ اول مره كافتيريا؟؟؟

    ثاني شي : دقو عليك ؟؟؟ خبري بالامتحانات تكون عباره عن مسجات يدزونها للمختبرين مايدقون على احد؟؟؟

    ثالثا الي اعرفه المقابلات خلصت شهر10 وحتى تويتر مولوت الkpc كاتبين النتائج تعلن قريبا؟؟؟

    وبعدين الي امتحنوا شهر6طلعت نتايج شهر10 والي امتحنوا شهر7اخرها ووصلوا للمقابله من باب اولى نتايجهم هالشهر

    ومادري انتو شنو تخصصكم بالضبط؟؟؟؟ لان الي طالبينهم دبلوم من التجاري ثلاث تخصصات اداريه لاغير ولا كلهم امتحنوا وقابلوهم

    معقوله الدبلوم الي خلصوا المقابله ماعدوا؟؟؟؟ وصاروا يدقون عشان النقص؟؟؟؟

    ممكن تقولون لنا شنو تخصصاتكم ؟؟ وصج شلون انتا مقدم مو تخصصك ودقوا عليك ؟؟؟ بشنو راح تمتحن تخصص اساسا مو تخصصك؟؟ انتا على اي شهاده مقدم لان الي اعرفه من الشروط الاساسيه بالاعلان تحط شنو شهادتك الي راح يمتحنونك فيها تخصصك؟؟ وبعدين ماتحاتي تتعب وتدرس وتمتحن ويعلقونك بالنطره واخر شي يردونك ويقولون لك تخصصك مو موجود عندنا؟؟؟ الاحسن تسألهم الريسيبشن قولهم انا قدمت تخصص انتوا مو طالبينه عادي؟؟؟ وشوف شيقولون لك

    ": )اذا طلعت جذي لعبتهم شكل الكل بيقدم عالاعلان الياي حتى لو ماطلبو تخصصاتهم خخخخ ويسوون حركتكم

    عالعموم بالتوفيج بس ممكن توضحون لنا شنو تخصصاتكم عشان الدبلوم الباجيين يدرون ويعرفون وضعهم؟؟؟؟

    اخيرا وليس اخرا ممكن تقولنا جم الرقم الي دق عليك عشان ندق عليهم ونستفسر لهم عن الي خلصوا مقابلاتهم اول شهر10شنوصار عليهم؟؟؟؟لاوعليك امر

    وياجماعه الحين الموقع لما تدخل عشان تحط رقمك المدني والرقم السري مايصير شالوه وغيروا النظام

    فممكن احد يشوفلنا الوضع ويزاكم ربي خير
     
  10. Stations

    Stations بـترولـي نشيط جدا

    348
    0
    0
    هااااو!!
    والله لعبووا فينا
    توهم يتصلون عليكم ع الامتحانات من صجهم ولا يتغشمرون
    لا جد شي غريب ماقمنا انعرف شسالفه ..
    اخوي الله يعافيك واختي اللي بيمتحنون سالوهم ليش توا تمتحنون وينادونكم وخلق الله كلها مخلصه مقابلاتها وناطرين النتايج:/
    شكلها السالفه مطوله ..
    شربااااكه!!
     
  11. iAziz

    iAziz بـترولـي نشيط

    143
    0
    0

    ريلاكس ريلاكس شفيك معصب؟! :s
    انا مو ماكل من خيرك ترا وماله داعي هالحجي كله والتشكيك
    انا حالي حالك اندور وظايف دام انا كويتيين الحمدلله

    اي تواجدنا كان بالكفتريا، وبعدين خذونا اللابات وامتحنا عالكمبيوتر 100 سؤال
    اي انا قدمت على شهادتي، بس قالو لي انه صارت شواغر حق تخصصات ثانيه منها تخصصي و ماكانت موجوده بالاعلان
    ولا حطوها بالاعلان، لان شواغر بسيطه و بس لان فايلي موجود عندهم من زمان واستعانو فيني
     
  12. iAziz

    iAziz بـترولـي نشيط

    143
    0
    0
    اي الامتحان انقلش في قرامرز بس اجوبتهم تضيع شوي، يعني اغلبها تكون الاجوبه متشابهه بس يبونج تختارين الاحسن
    بشكل عام الامتحان حلو وان شاءالله ناجحين فيه ان شاء الله
     
  13. iAziz

    iAziz بـترولـي نشيط

    143
    0
    0
    و واااااايد كانو قاعدين يمتحنون والله من شباب وبنااات
     
  14. LAW

    LAW بـترولـي نشيط جدا

    293
    0
    16
    ": \اول شي مشكور عالرد ولو انك جاوبت عالكلام الي تعتبره يضايقك وخليت الاسئله الثانيه تفيد اخوانك الدبلوم وتعرفنا بتخصصك عشان يدرون الباجيين بس ولاني معصب ولا شي اسئلتي بالعكس لاتشكيك ولا هم يحزنون وكان يتطلب التوضيح منك لا اكثر

    ومالها داعي التجريح بكلامك بجمله (( انا مو ماكل من خيرك ترا وماله داعي هالحجي كله ))

    ولك تراجع ردودي كلها بالمنتدى والله يشهد اتمنى الخير للكل مو لي لحالي (( احب لاخيك ماتحبه لنفسك ))

    اذا ممكن تسمحلي على كل جمله بكلامك يبيلها تفسير وتدقيق وراح انسخه مع الاسئله بجانبها بحطها بين قوسين

    جملتك لي كانت :

    اي انا قدمت على شهادتي،(( السؤال : عشان اخواننا الدبلوم الي قروا الاعلان ومالقوا تخصصهم موجود وماقدموا لان التخصص ماكان موجود بالاعلان يكون عندهم فكره ممكن تقول شنو تخصصك الي قدمت عليه بالنت لان من ناحيتي الي اعرفه اذا التخصص موموجود يعتبر غير مستوفي لشروط الاعلان؟؟))

    بس قالو لي انه صارت شواغر ((السؤال : شلون قالولك؟؟ دقوا عليك تلفون؟؟))

    حق تخصصات ثانيه منها تخصصي و ماكانت موجوده بالاعلان((السؤال : يعني بالخش والدس بطلوا تخصصات ناس مو داريه ومثل تخصصك بس ماقدموا عالاعلان لان عبالهم مو طالبين التخصص بعكسك قدمت بطريقتك معقوله؟؟))

    ولا حطوها بالاعلان، لان شواغر بسيطه و بس لان فايلي موجود عندهم من زمان(( السؤال : من زمان قصدك من الاعلان الاخير بشهر8 ثلاث شهور؟؟؟))

    وانتا تقول "وااااايد" امتحنوا وياك؟؟؟؟ هل كلهم قدموا مثل طريقتك ان التخصص ماكان موجود بالاعلان الاخير ومع ذلك سجلوا من باب ان "ماتدري يمكن يدقون يدزون مسجات" عشان الامتحان ولا كان اعلان خاص للدبلوم خاص فيهم بطلوه لاني بصراحه مو متابع؟؟


    ومره ثانيه يا اخي العزيز والله اسئلتي لا فيها تشكيك ولا تجريح بواذا ممكن تاخذها بروح رياضيه

    وحاب اذكرك واذكر الجميع

    مايصيبكم الا ماكتبه الله لكم واذا ممكن تحط هالشي ببالك دايم وللكل (( لو تجري جري الوحوش غير رزقك ماتحوش ))

    والله كريم
     
  15. mshari-

    mshari- بـترولـي مميز

    931
    0
    0
    مو فاضي اشتغل
    كويتي
    صفو النيه والله يوفقكم
    انتم اهني علشان تنفعون بعض
     
  16. J G

    J G بـترولـي نشيط

    148
    0
    16
    موفقين ياا رب
    مع إنها صج غريبه
    بس الله يوفقكم و ايسر اموركم يا رب
     
  17. LAW

    LAW بـترولـي نشيط جدا

    293
    0
    16
    مالغريب الا الشيطان

    توه مصرح البصيري ببرنامج عبدالله بوفتين عالراي

    النتايج انشالله في غضون اسبوعين من الان

    اول شهر12انشالله

    والله يكتب لنا الخير اللهم امين

    الله كريم
     
جاري تحميل الصفحة...

مشاركة هذه الصفحة