مساعده يا مهندسين

الكاتب : EnGiNeeRa.Q8 | المشاهدات : 1,934 | الردود : 24 | ‏15 نوفمبر 2011
  1. EnGiNeeRa.Q8

    EnGiNeeRa.Q8 بـترولـي نشيط

    50
    0
    0
    السلام عليكم ورحمة الله وبركاته

    انا مهندسة كمبيوتر في القطاع الحكومي صارلي 4 سنين وحاليا عالدرجه الثالثه

    ابي انتقل حق كي او سي او كي ان بي سي

    بس بغيت اعرف جم راح يصير راتبي وعلى اي قريد راح اكون؟؟

    وشنو الفرق بين الشركتين وايهم افضل؟؟
     
  2. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    السلام عليكم

    حاولي تسجلين في ذوي الخبره

    مادري اي درجه بس يمكن 13 او 14

    ولكن قليل يطلبون مهندسين كمبيوتر

    والراتب طيب لا تسألين عنه
     
  3. EnGiNeeRa.Q8

    EnGiNeeRa.Q8 بـترولـي نشيط

    50
    0
    0
    ياليت تفاصيل الراتب لأن يهمني بما اني بطلع من دوامي

    وانا ماني فاهمه الدرجات بالنفط شلون تفاصيلها يعني القريد الاعلى لما يوصل 1 او 20 ؟؟؟

    وبين كل قريد وقريد جم سنه علشان الواحد ياخذه

    اسفه عالاسئله الكثيره بس حبيت افهم
     
  4. مو معقول

    مو معقول موقوف

    663
    0
    0
    يا مهندسة الكهربا....المعاش راح يرضيج ان شاء الله
    قدمي على اي شركة بالقطاع وتوظفي وصلي لرب العالمين واشكريه اذا قبلوج وادعيلي :)

    واذا ما عجبج البترول قدمي استقاله و ردي لمكانج او احسن من مكانج


    لا تحاتين ما راح تتحسفين
     
  5. EnGiNeeRa.Q8

    EnGiNeeRa.Q8 بـترولـي نشيط

    50
    0
    0
    انزين شدعوه محد راضي يقولي جم المعاش

    شنو خايفين من العين ههههههههه
     
  6. EnGiNeeRa.Q8

    EnGiNeeRa.Q8 بـترولـي نشيط

    50
    0
    0
    انا ماعندي واسطه حق التوظيف

    يعني اغسل ايدي من النفط!!!

    :( ظلم
     
  7. مو معقول

    مو معقول موقوف

    663
    0
    0
    انتي جم معاشج الحين؟ وانا عن نفسي ما اعرف معاشات المهندسات لان ما ادري اذا ياخذون منحة السكن والا لا....وانا متزوج وما ابي اقولج معاش ويطلع غلط واترك المجال لأخواتي المهندسات
     
  8. Barbarian

    Barbarian بـترولـي نشيط

    120
    0
    0
    ليش ما قلتي هالكلام قبل الكادر ؟

    لأن صار فرق كبير بين الحكومه والكادر صح او بالاحرى عشان الفلوس وهذا الشي الوحيد اللي يهمج ويهم الكل

    تخصصج غير مرغوب فيه اولا وثانيا انتي قدمي واذا قبلوج بوسي ايدج ويه وظهر لان المعاش وايد احسن من الحكومه
     
  9. مو معقول

    مو معقول موقوف

    663
    0
    0
    اخوي شدعوه انت يعني مو قاعد تندق بالبترول على شان الفلوس؟ واكيد ما تقول هالكلام قبل الزياده لان معاشها اكثر من البترول و دوامها اقل....بس دام في زياده ماليه عادي الواحد يشتغل مقابل فلوس مو اقعد اندق وحالتي حاله واخر شي معاشي اقل من اللي يداوم اقل مني و بمكان راحه

    اكبر نصاب اللي قاعد بالبترول ويقول انا مو قاعد على شان الفلوس...و واحد ثاني يقول ابي خبره ما ادري الاخ اجنبي والا كويتي ويبي يشتغل جم سنه ويتقاعد ويريح بالبيت؟ يبي خبره يقول...مع ان في بعض الوزارات ياخذ خبره اكثر من مكانه بس النصاب نصاب


    اختي تخصصج مرغوب بالقطاع النفطي ويحتاجونه وبقوه وما عليج منه....ويحتاجونه بالHead office اكثر شي

    بس مالهم تواجد الكمبيوتر بالحقول او الابار النفطيه...يعني مالج بنصيب الاسد شي...ولكن حق بنت انا ارشح وبقوه دخولها القطاع النفطي كمهندسة كمبيوتر لان على الاقل ما راح تواجه الضغوطات والشغل داخل الحقول والاحتكاك مع الرجال


    قدمي و الله يوفقج....ماكو احد بالكويت ما يفكر يقدم على البترول بعد الزياده :) بالتوفيق
     
  10. EnGiNeeRa.Q8

    EnGiNeeRa.Q8 بـترولـي نشيط

    50
    0
    0
    عسى ماشر داش علينا بقوه!!!
    اللي يقول انت الحين موقاعده عشان المعاش والكادر!!!

    ويكون بعلمك ان مخ الادارات والمؤسسات اهو الكمبيوتر وبدون الكمبيوتر ولا ادارة تشوفها حيه

    سياسة التطفيش مالتك خلها لك
     
  11. EnGiNeeRa.Q8

    EnGiNeeRa.Q8 بـترولـي نشيط

    50
    0
    0
    (مومعقول)

    مشكور على ردك اخوي وانشالله انا ناطره اعلان وبقدم وانشالله خير

    ماقصرت
     
  12. Stations

    Stations بـترولـي نشيط جدا

    348
    0
    0
    موفقه اختييي ..
    وان شاء الله تسجلين وتنقبلين وتتوظفين بعد .. :)
     
  13. العتيق

    العتيق بـترولـي جـديـد

    12
    0
    0
    اختي المهندسة صاحبة الموضوع

    اولا قدمي والله يكتب لج اللي في الخير

    والاخوان مو رافضين يقولون لج كم المعاش عشان يخشون

    بس نظام سلم الرواتب غير ان الوزارة واكثر تعقيدا

    يعني عادي تلقين واحد درجته اقل من زميله ومعاشه اكثر بكثير

    العوامل اللي تلعب دور في المعاش اذا انقبلتي
    الدرجة
    الاساسي اللي راح يعطونجياه
    اذا متزوجه وزوجج ما ياخذ بدل سكن
    موقع عملج
    ولاتنسين ان المهندسين يوصلون درجة 15 بدون شرط الشواغر يعني مثل ما قالو الاخوان (المعاش راح يفوق حتى تفاؤلج )
    واللي قالج قدمي ولا تفكرين ترا يبيلج الخير لانه يعلم ان بعد 10 سنوات راح يكون معاشج ضعف معاشج بالوزارة بعد 10 سنوات

    والشغل مو متعب .. بالعكس ممتع

    وكلنا نشتغل مقابل فلوس

    يعني قبيضة بس بالحلال :)

    وبالتوفيق*
     
  14. Barbarian

    Barbarian بـترولـي نشيط

    120
    0
    0
    بسم الله الرحمن الرحيم

    كليتوني بقشوري

    راجعي الكلام اللي انا قلتله

    (الفلوس اللي تهمج وتهم الكل) ةقلت الكل بما فيهم انا

    وقلتلج قدمي وحمدي ربج اذا توظفتي لان تخصصج غير مقبول فيه بمعنى صعب يقبلونج الا اذا عندج واسطه

    قلتلج قدمي وما قلتلج لا تقدمين

    ومثل ما قالولج الاخوان المعاش لا يقارن بالوزاره
     
  15. EnGiNeeRa.Q8

    EnGiNeeRa.Q8 بـترولـي نشيط

    50
    0
    0
    مشكورين على ردودكم

    وانا واسطتي رب العالمين ان شاء الله

    لان ماعندي واسطه ولا اعرف احد

    الله يوفقني وانقبل
     
  16. مو معقول

    مو معقول موقوف

    663
    0
    0
    انا واسطتج بعد الله ان شاء الله

    نزل الاعلان بالجرايد لذوي الخبره....شوفي اذا طالبين تخصصج او لا
     
  17. EnGiNeeRa.Q8

    EnGiNeeRa.Q8 بـترولـي نشيط

    50
    0
    0
    نزل الاعلان وكاتبين يبون خبره 6 سنوات وانا 4

    يعني شكلها مسكره
     
  18. Oil Rig

    Oil Rig بـترولـي جـديـد

    10
    0
    0
    درجة 13 يطلع راتبچ 1800 تقريبا
     
  19. acdc

    acdc بـترولـي جـديـد

    1
    0
    0
    أعتقد أن أهم شيء هو العطاء للديرة ,,,,,,,,,,,, الرواتب الآن تقريبا قريبة من بعض بسبب الكوادر ,,,,,,,,,,, والبركة بالإنفاق,,,,,,,,
    I hope so ,,,,,,,,,,]
     
  20. EnGiNeeRa.Q8

    EnGiNeeRa.Q8 بـترولـي نشيط

    50
    0
    0
    شلون عالتوظيف احد عنده فكره شلون عالتسجيل اذا خبرتي اقل من المطلووب!!!!
     
جاري تحميل الصفحة...

مشاركة هذه الصفحة