من أجل نقابة جديدة تمثل الوفرة بحق

الكاتب : xpersianwolf | المشاهدات : 873 | الردود : 4 | ‏3 نوفمبر 2011
  1. xpersianwolf

    xpersianwolf بـترولـي جـديـد

    10
    0
    0
    الحل يا جماعة انتخابات فرعية اتطلعون فيها قائمة واحده تمثل كل موظفين الوفرة من الشباب اللي تعرفون منهم وقفات شجاعة ودراية بالمطالب العمالية وواعز ديني وأخلاقي (ولاّ يبيعونكم مثل ما شفتوا بالسابق)

    واللي تعرفون منه هذه الصفات اغصبوه على ترشيح نفسه إذا رفض. وأنتوا عندكم ماشاءالله نماذج من هالنوعية من الشباب المتعففين والمتمنعين من هالمسؤولية، أغصبوهم على الترشيح مثل ما فعل الكثير مع عضو مجلس الأمة السيد الفاضل خالد السلطان ولا تاخذكم الفزعة والقبلية على حساب حقوقكم ولاترى لا طبنا ولا غدا الشر.
    والحذر كل الحذر ممن يسعى للمنصب ويحب ايدك ورجولك علشان ترشحه وخذوا حديث الرسول صلى الله عليه وسلم قاعدة ومعيار لإختيار الأصلح

    وكما جاء في الصحيحين عن النبي صلى الله عليه وسلم : {أن قوما دخلوا عليه فسألوه الولاية ، فقال : إنا لا نولي أمرنا هذا من طلبه}

    وستكون النتيجة انشاءالله نسبة أصوات فاعلة ومؤثرة ونقابة جديدة تمثل مطالبكم الشرعية. نبي يا جماعة مرشحين صالحين وأقوياء وشقرديه مثل دليهي الله يذكره بالخير وما نبي غثاء السيل والنطيحة والمتريدية وما أكل السبع.

    يا جماعة مانبي هالنوعية من الأعضاء العره...

    http://www.q8ow.com/vb/showthread.php?t=40046

     
    آخر تعديل: ‏3 نوفمبر 2011
  2. sascoo

    sascoo بـترولـي نشيط جدا

    اخوي شنو عره شخرابيطه بعد هالانجاز والزياده ونقابة ضعيفه بعدين خل اسلوب الطرح راقي
     
  3. sascoo

    sascoo بـترولـي نشيط جدا

    اي انا ضد الفرعيات ماجابنا اكتاف الا هي
     
  4. xpersianwolf

    xpersianwolf بـترولـي جـديـد

    10
    0
    0
    اخوي على هونك ...دش هالرابط وتعرف منو قاعد اتكلم عنهم ...
    http://www.q8ow.com/vb/showthread.php?t=40046

    وبعدين ترى ما يمدح السوق الاَ من ربح فيه... الإنجازات اللي تتكلم عنها تصب في مخابيكم اهل الخفجي واحنا لنا الله.

    انتوا تاخذون من الصندوق الكويتي والسعودي .... القرض العقاري، والدعم المالي للمدارس الخاصة، العلاج بأغلب المستشفيات الخاصه من دون شركات تأمين و ، و ، و واحنا شركتنا تدفع لموظفين الطرف السعودي في الوفرة نصف تكلفة هالمميزات وحنا انتطمش ... على فكرة يا موظفين الوفرة الجدد ترى حتى اجازات الطرف السعودي ما كان لنا حق فيها مع العلم انهم كانوا يعطلون في عيدنا الوطني والتحرير بس كان عندنا نقابة قوية ايام ال KOC جابت حقوقنا.

    يا خوي الله رزقكم ...بالعافية بس اتركونا نطالب بحقوقنا واذا نقابتكم مو ملتفتا لنا على الأقل فكونا من أنانيتكم ولا تناشبون الفقير ابلقمته. اخوي ترى عددكم(الخفجي) ضعف عددنا (الوفرة) وانتاجنا ضعف انتاجكم بحسبه بسيطه تعرف انه موظفنا عن اربع منكم يعني بالعربي موظف الوفرة مو أرخص من موظف الخفجي واذا طالبوا موظفين الوفره يستاهلون.

    كلمه اخيره ...تقول "شخرابيطه " وبعدين "اسلوب الطرح راقي" :D ترى مو راكبه. أقول اترك عنك الشوكه والسجين وكل بيدك! :)
     
  5. xpersianwolf

    xpersianwolf بـترولـي جـديـد

    10
    0
    0
    هل اعتبر ردك بادرة خوف من توحد الوفرة تحت قائمة واحده في الإنتخابات القادمة
     
جاري تحميل الصفحة...

مشاركة هذه الصفحة