دورات خارجيه الحق يا ولد

الكاتب : نفطي كويتي | المشاهدات : 776 | الردود : 9 | ‏24 ديسمبر 2007
  1. نفطي كويتي

    نفطي كويتي بـترولـي خـاص أعضاء الشرف

    2,016
    12
    38




    تحريتك سنين طويله ........... وانا خايف إن قلبك نساني


    علي غيبتك كل يوم وليله........ أعد الدقايق والثواني


    فعلا هذا حال الموظف في شركتنا الموقره

    ينتظر الدورات الخارجيه سنين طويله

    ويعد الدقايق والثواني ويقول يارب محد ينساني

    لو مو الخجل من ربعه كان جاب عضو مجلس الامه عشان يروح للدوره

    وياليت الدوره لدوله اوربيه مثل ما تفعله

    مؤسسة المواني وإسإلوا موظفيها

    الغير جامعيين وين راحوا
    عشان تعرفون احنا شنو والعالم الخارجي شنو
    حنا وين وهم وين
    اشكثر مقصوص علينا وعلي قولة اهل مصر
    اطط مغمضه
    قطط مغمضه

    حطيتها بالوردي عشان تعرفين اشكثر انتم طيبين وعلى فالكم

    وبعد كل اللي قلته وجات الدوره المنتظره للموظف وتطلع الاسامي المختاره

    يقومون بوقفها وتأجيلها

    والسبب كما سمعنا محتوي الدوره يحتاج للتفصيل

    ودي أسأل سؤال الدورات تمر علي كم اداره قبل لا توصل قسمنا

    محد فطن لها قبل لا يتم الترشيح

    ام ان الدوره من مصر الي قسم التشغيل

    ليش ما تم دراستها قبل ترشيح الناس

    اليس هذا خطا اداري من الشركه اليس من المفروض
    المحاسبه والمسائله


    واخيرا ممكن اقول شي من قلبي
    بسكم احباطات
    بسكم تكسير مجاديف
    بسكم لعب بمشاعر الرجال
    بسكم ذبحتم العالم
    ليش تعلقون الناس

    انا اتوقع ان في واسطات خارجيه عشان يدش واحد او اثنين زياده
    كل شي جايز في هالشركه الموقره
    وشكرا لكم
     
  2. كونا

    كونا بـترولـي جـديـد

    3
    0
    0
    السلام عليكم


    بالمختصر المفيد

    مابالك بشخص يشكو من علة في قلبة (عافاكم الله جميعا)

    بالتأكيد لن يستطيع أن يصارع أحد ولو كان طفل صغير

    فالقسم الأضعف في الشركة هو قلبها النابض (التشغيل)

    فما العجب بأن قرارات التشغيل تعطل من الاداريين (الجهلة بلاشك بؤمور التشغيل)

    وهذا دليل علي أن الشركة تحتضر


    وأشكرك أخي الكريم علي نشاطك الفعال في هذا المنتدي



     
  3. SOS_KW

    SOS_KW بـترولـي خـاص أعضاء الشرف

    2,252
    0
    0
    الأخ العزيز نفطي كويتي أشكرك على هذا الطرح والكلام الذي ينبع من صميم القلب وهذا دلالة على ما يعانيه الموظف في شركتنا

    نعم يا أخي هذه ليست أول مرة توقف الدورات الخارجية .. وللأسف يقوم قسم التدريب والتطوير بمراسلة الدائرة وبعد الترشيح يتضح لقسم التدريب والتطوير أن هذه الدورات لا تتلاءم وتخصصات المبتعثين .. لكن اذا عندك واسطة تمشي .. والمسألة ليست مسألة يبون يحطون ناس زيادة لا صدقني هي مسألة أمزجة تتدخل في العمل وأولهم وفي كثير من الأحيان يكون مدير الدائرة يوقفها بحجة أن القسم لا يستغني عن هذا الموظف ويحتاج له بالذات في وقت الدور الخارجية !!

    وأزيدك من الشعر بيت أن مدير كان بالوكالة عنده الدورات الخارجية بس للمهندسين ومو لأي مهندسين هناك فئة معينة يركز عليها ولا أدري لماذا (مع احترامي لجميع اخواننا المهندسين) الظاهر أن الشركة قائمة فقط على هذه الشريحة أما ما تبقى من الموظفين فهم تكلمة عدد ومستواهم الوظيفي (البرستيج) لا يسمح بابتعاثهم للخارج مع أنني أؤكد بأن شركة KOC تبتعث جميع الشرائح للدورات الخارجية وبغض النظر عن مسماك الوظيفي أو بأي قسم فهذا حق من حقوق الموظف الكويتي حيث أنه جزء من خطة التدريب والتطوير .. بس للأسف أن حتى قسم التدريب والتطوير في الشركة يحتاج لتوعية وتدريب وتطوير

    وسلامتكم
     
  4. نفطي كويتي

    نفطي كويتي بـترولـي خـاص أعضاء الشرف

    2,016
    12
    38
    كلامك صحيح
    نحن الحلقه الاضعف
    او قلب الشركه النابض والقسم الاضعف
    للأسف
    وعدم وجود تنسيق بين الادرات هذي مشكله اكبر
    يعني محد فيما قال ابي دوره
    قسم التدريب
    هو من قال رشحوا ولما نرشح
    تؤجل او توقف
    دي مزهله
    اقصد مهزله

    واشكر اخي الكريم علي مشاركتك معاي
     
  5. زيـنـه

    زيـنـه بـترولـي نشيط جدا

    162
    0
    0
    شفيكم .. مو الدورات الخارجيه يبي لها ميزانيه .. و فيها فلوس .. و سياسة الشركه التقشف .. و المدراء يصيرون زينيين اذا وفروا في الميزانيه جدام الاداره العليا ...بغض النظر في اي بند تم التوفير !!
     
  6. SOS_KW

    SOS_KW بـترولـي خـاص أعضاء الشرف

    2,252
    0
    0
    هلا وغلا فيج عزيزتي زينة وانت الصاجة الميزانية والفلو س المخصصة تروح حق حبايبهم .. ;)

    [​IMG]
     
  7. نفطي كويتي

    نفطي كويتي بـترولـي خـاص أعضاء الشرف

    2,016
    12
    38
    نورتي موضوعي انتي وزينه
    وانتم صاجين
    وكلامكم صحيح
    اللي يبي دوره لازم يكون حيبي
    ياحبيبي
    وإحنا فين والحب فين
    ظالمينوا لي ديما معانا
    لازم نضبطهم الاول وبعدين نستحق الدورات
    وشكرا لكم
     
  8. PIC

    PIC بـترولـي نشيط جدا

    313
    0
    0
    الله يعطيك العافية يا نفطي كويتي
     
  9. تكانه

    تكانه بـترولـي نشيط

    104
    0
    0
    إذا حبتك عيني ما ضامك الدهر..!!

    السلام عليكم..

    الدورات الخارجية سالفتها سالفة ..!!

    للأسف .. في ناس تتحسف يطلع اللي أقل منهم دورات خارجية وحتى لو كان مهندس مثله أو كيماوي أو جامعي..فما بالك إذا كان ثانوية عامة.. !!

    ما أقول إلا الله يذكرك بالخير يا سويلم وين ما كنت والله يجزاك خير لأنك فتحتها عالكل دون تمييز...!!

    ولا تستغرب من سالفة واسطة الأعضاء عشان دورة خارجية لأنها صارت..!!

    ســـلام..
     
  10. نفطي كويتي

    نفطي كويتي بـترولـي خـاص أعضاء الشرف

    2,016
    12
    38
    فعلا أن هذا الرجل فقيده
    وعلى قولة المثل
    ما تعرف قديري..............
    اقسم بالله العظيم أنني احببت هذا الرجل
    بحلوه ومره
    وسلام كبير مربع من 6 اكتوبر لمصر الجديدة
    للسيد عبدالله السويلم
     
جاري تحميل الصفحة...

مشاركة هذه الصفحة