لي متى الظلم ياخدمات

الكاتب : رجل امن اول | المشاهدات : 1,062 | الردود : 12 | ‏24 ديسمبر 2007
  1. رجل امن اول

    رجل امن اول بـترولـي مميز

    756
    0
    0
    رجل امن اول
    الكــــــــــويت
    ياجماعه مايصير جذي اول احرمونا من الزياده واجلوه

    والحين فلوس التذاكر نازله ناقصه وفوق هذا ناطرين متى يصير التخفيضات

    بالتذاكر عشان ينزلون فلوسها

    الحين انا واحد متزوج وعندي ولد منزلين لي فلوس التذاكر 245 دينار؟؟؟؟؟؟؟شالظلم؟

    يعني انا 120 وزوجتي 120 اوو والياهل 5 دنانير شالمصخره ياخدمات؟؟

    شكلهم شارين التذاكر من بوميه فلس حسوو فينا ياشركه(الظلم والبوق)

    لاحول ولاقوه الا بالله
     
  2. puma.kw

    puma.kw بـترولـي نشيط جدا

    182
    0
    0
    اخوي رجل امن روح للشركه واطلب باقي فلوسك وماعليك مايضيع حق وراه مطالب واللي صار معاك مو شي جديد سووه مع كذا واحد قبلك ماقول غير الله يكفينا شرهم


    وشكرآآآ
     
  3. ابو فاطمة

    ابو فاطمة بـترولـي خـاص

    1,204
    0
    0
    senior security
    في قلب عيالي
    اخوي اخطاء الحسابات هذي دارجه دايما راجهم وانشالله بيرجع لك حسابك يمكن يكون خطأ في تسجيل البيانات .. للعلم انا عندي صديق حصل له نفس الموضوع كانوا صارفين له ولبنته عمرها اقل من سنتي نفس المبلغ نقريبا وموصارفين لزوجته ( لكن اتضح انه مومسلمهم عقد الزواج ) مع انه مسجل بنته لكن كل فرد خاص بنفسه ... للعلم الاطفال مبلغهم بسيط جدا للتذكره وقد لايتعدى ال 30 دينار
     
  4. رجل امن اول

    رجل امن اول بـترولـي مميز

    756
    0
    0
    رجل امن اول
    الكــــــــــويت
    ابو فاطمه حبيبي تقدر تتأكدلي وتشوف

    جم التذاكر بالضبط للمتزوج وعندي ولد عمره ثلاث شهور؟؟؟؟؟؟؟؟؟؟؟؟؟؟؟
     
  5. ابو فاطمة

    ابو فاطمة بـترولـي خـاص

    1,204
    0
    0
    senior security
    في قلب عيالي
    الله يخليه لك واسمحلي عالتاخير من فتره موشابك

    المفروض لك بحدود ال 450 دزلي رقمك عالخاص اخوي وادق عليك
     
  6. الصنفره

    الصنفره بـترولـي نشيط جدا

    198
    0
    0
    ابوفاطمه كل الدفعات نزلتها التذاكر !!! وكيف يتم معرفة الحقيقه للحساب التذاكر !!!
     
  7. ابو فاطمة

    ابو فاطمة بـترولـي خـاص

    1,204
    0
    0
    senior security
    في قلب عيالي
    هلا اخوي

    التذاكر تنزل هالسنه للي ما اخذها السنه اللي فاتت ونتمى ان هالشي يشمل الدفعات الاخيره ( لانه غالبا تصرف التذاكر للي ثبت وظيفيا بما معناه اللي عدا عليه من ست شهور لي سنه وغالبا سنه )

    وصرف التذاكر يكون سنه وترك بالنسبه للدرجات اقل من 10

    حسبة التذكره تكون على سعر الكويتيه للقاهره

    وتذكرة الاطفال 3 سنوات وتحت رمزيه مو نفس الكبار

    اتمنى اني اكون افدتك
     
  8. دهن عود

    دهن عود بـترولـي جـديـد

    37
    0
    0


    رجل امن صج ان شركتنا دايخة من ناحية الحسابات والمالية عندهم نايمين وما يدرون شالطبخه

    بس التذاكر يعتمد انت اى دفعة لانه تقريبا من 6 شهور اعتمدوا طريقة جديدة اللى هى يصرفون لك

    نص التذكرة سنويا يعنى بدل ما يعطونك كل سنتين تذاكرك كاملة يعطونك كل سنة نص تذكرة انت وزوجتك وعيالك

    وعشان تتأكد مرهم وشوف شالسالفة .
     
  9. رجل امن اول

    رجل امن اول بـترولـي مميز

    756
    0
    0
    رجل امن اول
    الكــــــــــويت
    والله اذا كلامك صج انا مو راضي بالطريقه هاذي لانه مايطلعلك شي

    ملاقيف شركتنا والله على كيفهم يغيرون القوانين

    التذاكر المفروض ينزلون مره وحده كل المبلغ

    عشان الواحد اذا بسافر يقدر يسافر مو الحين ينزلون النص

    والسنه اليايه نص والله مصخره شركه غبيه يعني يبوني اسافر ذهاب

    والسنه اليايه ارد ديرتي باجي التذكره ههههههه
     
  10. ابو فاطمة

    ابو فاطمة بـترولـي خـاص

    1,204
    0
    0
    senior security
    في قلب عيالي
    هههههه والله ياخوي صدمتني بردك وصج ضحكت من كل قلبي :)

    الشركه ماعندها صلاحيه بهالموضوع بدون علم المؤسسه وبدون ماتكون المؤسسه معممه هالشي على الشركات واصلا مخالف للوائح والنظم الخاصه بتوزيع التذاكر وماعتقد يسوونها ولو سووها فهذه مصيبه لكن اخوي رجل امن انا نسيت اسألك ان انت متأكد ان اللي نزلك التذاكر !!! اخاف يمعود لك فلوس ونزلوها لك لان المفروض بهالشهر يبلشون توزيع مو من الشهر اللي فات!!
     
  11. القحطاني

    القحطاني بـترولـي خـاص أعضاء الشرف

    4,717
    0
    0
    لاحول ولاقوه الا بالله

    الموضوع متئزم

    ولازم يكون فيه حل

    ولازم تتحرك النقابه في هاذا الموضوع هاذا وقته
     
  12. رجل امن اول

    رجل امن اول بـترولـي مميز

    756
    0
    0
    رجل امن اول
    الكــــــــــويت
    افا عليك مـتأكد ميه بالميه انها التذاكر لانه الي معانه بالدوام ونفس الشفت

    من الدفعات الاولى والثانيه والثالثه محد نزله اي شي من الزيادات واهما معاي بنفس الشفت

    والي نزلهم الزياده الدفعه الرابعه فقط مع معاش شهر 12 ودقينا على الشركه وقالو لنا هاذي

    التذاكر والله اعلم :)
     
  13. خطاب

    خطاب بـترولـي نشيط

    83
    0
    0
    روح عند موظفين الماليه في الدور الاول محمد الهاجري او الزلزله واستفسر منهم ترى هم خوش شباب ونعم فيهم وما يقصرون في اي شي وممكن تستفسر منهم عن اللي تبيه بخصوص الرواتب وأكيد في غلط بالموضوع مو معقول لاني مو متزوج ونزلوا لي 212 بروحي للتذاكر وعلى فكره في كم واحد من الشباب مو محدثين بياناتهم بالنسبه للزوجه والاولاد راجع وان شاء الله بيرجع حقك .
    صج شركتنا حراميه بس اذكياء يعرفون شلون يبوقون ;););)
     
جاري تحميل الصفحة...
مواضيع مشابهة
  1. na9er_kw
    الردود:
    4
    المشاهدات:
    993
  2. Kpc-ossc
    الردود:
    21
    المشاهدات:
    2,853
  3. شمال الكويت
    الردود:
    35
    المشاهدات:
    2,492
  4. امن الشمال
    الردود:
    47
    المشاهدات:
    2,880
  5. المحرر النفطي
    الردود:
    0
    المشاهدات:
    3,455

مشاركة هذه الصفحة