هل هكذا يعامل موظفوكم يانقابة صرخة لمن يسمع

الكاتب : alosaimi | المشاهدات : 1,941 | الردود : 23 | ‏29 أكتوبر 2011
  1. alosaimi

    alosaimi بـترولـي جـديـد

    26
    0
    0
    السلام عليكم ورحمة الله وبركاتة والصلات والسلام علي نبينا محمد واله

    اما بعد :

    اخوتي الكرام انا ساقص عليكم قصتي مع مستشفى الاحمدي والمحسوبية والواسطة والمعرفة الا من رحم ربي من الشرفاء من موظفي المستشفى اللذين يعانون كما نعاني.
    يا اخوتي الكرام انا صار علي حادث منذ سنة تقريبا والى الان لم اجد علاجا ولا عملا (عطالي بطالي ). اولا حصل الحادث على طريق السالمي عند دخولي الكويت الحبيبة قادما من الشقيقة السعودية بعد موسم الحج الفائت. من الحادث كسر عندي الحوض الايمن وخلع الفخذ وعملة عملية في مستشفى الجهراء لانها الاقرب وانا كنت ومازلت على التامين الصحي وعارفين مشاكل التامين. المهم قعدت بالمستشفى حوالي 4 اشهر بس نايم ماحرك رجلي كلش .المهم قدمت اوراقي للعلاج بالخارج عن طريق مستشفى الاحمدي فوافقوا جزاهم الله خير وسافرة لندن وبعد حوالي شهر ونص او شهرين الا .قالي الدكتور رد الكويت سو علاج طبيعي ورد اسويلك العملية اللي هي تبديل مفصل الحوض علشان ارجع امشي عدل مرة ثانية سمعة كلامة ورديت علبالي الدعوة سهالة بقدم ثاني مرة وبسافر. الشركة تبي الموظف يشتغل ومجبورة الشركة بالعلاج طبعا. انا موظف في شركة نفط الكويت .المهم قدمة اوراقي لمكتب لندن وحجزة ورديت على فكرة انا اللي رديت يعني لو كنت ابقعد جان قعدت بس قلتلكم على بالي الدعوة سهالة .المهم رديت وراجعت المستشفى وهذي اكبر غلطة سويتها المفروظ رايح مستشفى خاص لاني على التامين بس النية مطية المهم حطوني عند دكتور غير الاول اللي كان مسفرني لندن قلت عادي اهم شي دكتور يهتم فيني اول موعد بعد مارديت باسبوعين قلت ضغط مشي شافني الدكتور قال انت لازم تسافر برا توك صغير والعملية خطرة التهابات ومادري شنو قلت حلو (متى السفرة). المهم علقني لين اخذت بالكويت 6 شهور قلت ماعلية المهم الدكتور يقول لازم تسافر صبرت المفاجاة لما دخل على اللجنة قلب 180 درجة طبعا رفضوا اللجنة العلاج بالخارج قلتلهم ليش قالو دكتورك يدري عن كل شي تبي تسال اسال الدكتور رحتلة لقيت الطامة الكبرى قالي انا اسويلك العملية المهم نقاش وكلام مافاد كلمة المدير مافاد كلمة رئيس اللجنة مافاد كلمة الدكتور اللي كانت تقاريري عندة قالي بالحرف الواحد لو عندي جان انت مسافر. المهم حاولت مني مني مافي فايدة قلت لا حول ولا قوة اسوي العملية وامري لله رحت للمستشفى للدكتور قال انت على التامين روح لمدير المستشفى يشيلك من التامين وتعال اسويلك العملية قلت ماشي رحتله رفض حاولت فية رفض رديت للدكتور مالقيتة لقيت السكرتيرة دقت علية والله العظيم ماراح تصدقون يقولها صرفية (هوة عندك قوليله يروح للتامين ) تقولي السكرتيرة انت قايلة شي قلت ليش قالة مايبي يكلمك والحين والله العظيم يا اخوان اني محتار شسوي المشكلة الطبية تخلص بالعيد ولا ادري يردوني الدوام اداوم وانا جذي ماقدر امشي ولا لا الله يستر
    المشكلة كل ماكلمت مدير المستشفى او رئيس اللجنة لانهم كويتيين يردوني عند الدكتور اللي مو كويتي هذا مو انتقاص من احد بس وين الفزعة والنخوة والحمية مافي احساس كلش واللي يرفع صوتة واللي يقول مالي شغل شلون مالك شغل وانت مسؤول والله العظيم المناصب صار فيها ناس مو كفو
    والسلام ختام

    ابي منكم الدعاء

    واذا في احد عندة حل يفيدني وجزاكم الله خير

    وانا والله موخايف بس الستر زين واللي يبي يعرف اسماء المذكورين انا حاضر

    اخوكم خلف العصيمي

    لا اله الا الله وحده ولا شريك له
     
  2. جابر

    جابر قــلــم بــتــرولــي أعضاء الشرف

    وعليكم السلام ورحمة الله وبركاته

    وماتشوف شر ان شاءالله

    مالك الا النقابه
    سواء انت عطيتهم صوت او ماعطيت ...
    هم ملزومين ادبيا بكافة المطالبات العماليه لجميع موظفى الشركه ..كونهم الممثل الشرعى الوحيد
    ومن ابسط الامور .. انهم يوضحون لك شنو تغيّر

    والله يعينك يالعصيمى
     
  3. SUPER SAFARi 2005

    SUPER SAFARi 2005 بـترولـي نشيط

    90
    2
    8
    حاليا بطالي
    دولة الكويت
    اسال اللة العظيم رب العرش العظيم ان يشافيك ويقومك بالسلامة
    اخوي خلف لاتسكت علي حقك ابدا ماعندك الا النقابة روح اشرحلهم وضعك واذا ما فاد روح للوزير وقدم شكوي او اطلب مقابلتة وان شاء اللة تيسر امورك كلها وانا بدعيلك في صلاتي ان اللة يشفيك ويمدك بالصحة والعافية ويرفع عنك
    يا اعضاء يا زوار يا اخوان اي واحد يشوف موضوع اخونا خلف ابسط شي يدعيلة بالشفاء العاجل او يساعدة او يقدم لة نصيحة
    ماتشوف شر ياخوي خلف لاباس عليك طهور ان شاء اللة
     
  4. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت
    وعليكم السلام ورحمة الله وبركاته
    ماتشوف شر والله يتم عليك الصحة والعافية
    والله يا اخي هالمستشفى عصابة وبلط على المكشوف وبوجه قوي ومايردون على احد
    دام شغلهم ماشي ويمشون شغل الواسطات ويمشون شغل النقابة محد يقدر يقول لهم شي
    هالحركات اللي يسونها فيك شغل روتين ماشين عليه اغلب الاطباء هناك عصابة مجتمعة في لجنة !!
    لاتوقع منهم انجاز عمل بامانة وضمير الدنيا عندهم ماشية بالواسطة وتبادل المصالح ولا بالذمة
    شنو اللي مخلي هالعصابة تسوي كل هالمشاكل واللعب بالعلاج بالخارج ومحد قادر يوقفهم عند حدهم ؟!
    لافين النقابة ولافين المدراء ولافين اعضاء مجلس الامة ويمشون شغلهم وفي المقابل ساكتين عنهم
    علشان امورك تمشي وناخوك مالك إلا تكلم النقابة وبيسنعون امورك على الطريقة المتعارف عليها عند اللجنة
    وانحش من العملية عند دكتور الفلس هذولا وناخوك اطباء بالاسم بس وشغلهم اجتماعات ويترزقون الله من وراء العلاج بالخارج !
     
  5. alosaimi

    alosaimi بـترولـي جـديـد

    26
    0
    0
    الله يجزاك خير
    والظاهر على ضني اني بداوم والله كريم

    الحمدلله على كل حال
     
  6. alosaimi

    alosaimi بـترولـي جـديـد

    26
    0
    0
    جزاك الله خير والله ان دعوتك لي تسوا الدنيا ومافيها جزاك الله خير وكثر من امثالك

    الحمدلله على كل حال
     
  7. alosaimi

    alosaimi بـترولـي جـديـد

    26
    0
    0
    صح السانك والله تبرد الجبد بس النقابة شلون اوصلهم هني الكلام مانلقا الا المصري اروحلة

    الحمدلله على كل حال
     
  8. Free_Kuwait

    Free_Kuwait بـترولـي نشيط

    115
    1
    18
    حسبي الله على هالنقابه... النقابه الاعلاميه

    اذا ماتقدر تمشي كمل على الطبيات

    غير راضي عن هذي النقابه واطالبكم بالتغيير....
     
  9. alosaimi

    alosaimi بـترولـي جـديـد

    26
    0
    0
    اخوي الكريم اليوم يقولون الشؤون القانونية اذا ماداومت راح تنفصل تخيل وين وصلنا

    الحمدلله على كل حال
     
  10. مهموم

    مهموم بـترولـي نشيط جدا

    261
    0
    0
    اخوي العصيمي مادام الامر وصل لشؤون قانونيه وتهديد بالفصل فاقولك مادامك موظف وكويتي وحالتك الصحيه ماتساعدك على الدوام في الوقت الحالي اقصىشيء يقدرون يسونه لك التحويل الى لجنه لتاكد من صلاحيتك للعمل ومو فوضى يهددونك بالفصل وانصحك انك تكلم المحامي بدر العتيبي وهو متواجد في منتدانا وتتواصل معاه بخصوص الوضع القانوني لك ويفيدك بهذه الامور لاني اعتقد انت اللي تطالبهم وانت مؤمن عليك حتى خارج العمل ومشمول بالرعايه الصحيه من قبل الشركه واثبت تهديدهم لك بالفصل لان الدنيا مو فوضى ولا العاملين خيل حكومه اذا طاح او كبر يعدمونه واتمنى لك الاج والعافيه ان شاء الله
     
  11. نفط الكويت

    نفط الكويت بـترولـي نشيط جدا

    183
    0
    0
    اول شي اسأل الله العظيم رب العرش العظيم ان يشافيك ،،، ثانيا أبيك تمر الدكتور سعود العجمي و تستشيره و ان شا الله راح يفيدك و أنا راح أوصيه بعد مع انه ما يقصر مع اي احد.
     
  12. alosaimi

    alosaimi بـترولـي جـديـد

    26
    0
    0
    الله يجزاك خير اخوي الكريم وان شاء الله راح احاول اتواصل مع المحامي العتيبي جزاك الله خير

    الحمدلله على كل حال
     
  13. alosaimi

    alosaimi بـترولـي جـديـد

    26
    0
    0
    جزاك الله خير اخوي الكريم ولو سمح الدكتور وين القاة واذا عندك تلفونة يكون افضل انا اليوم مداوم ان شاء الله

    الحمدلله على كل حال
     
  14. نفط الكويت

    نفط الكويت بـترولـي نشيط جدا

    183
    0
    0
    في عيادة الانف و الأذن و الحنجرة في مستشفى الشركة و أنا كلمته
     
  15. NASSER-Q8

    NASSER-Q8 بـترولـي نشيط

    67
    0
    0
    اسال اللة العظيم رب العرش العظيم ان يشافيك ويقومك بالسلامة
     
  16. بلبل عنقريزي

    بلبل عنقريزي بـترولـي خـاص

    2,187
    0
    0
    اسال اللة العظيم رب العرش العظيم ان يشافيك ويقومك بالسلامة

    ويالله ياكريم اتسهل امورك
     
  17. alosaimi

    alosaimi بـترولـي جـديـد

    26
    0
    0
    مريتة اليوم والرجال رايح للحج الله يتقبل منة ومن المسلمين وكلامة الرجال زين بس ماوعدني بشي والله يكتب اللي فيه خير وياخوك هذا رقمي ويشرفني انك تدق علي ولا حتى رسالة علشان اعرف رقمك ومعرفت الريجيل مكسب وانا اخوك 55052820


    الحمدلله على كل حال
     
  18. alosaimi

    alosaimi بـترولـي جـديـد

    26
    0
    0
    الله يجزاك خير والله ان الدعوة تشرح الصدر الله يجزاك خير دعوتك تكفي


    الحمدلله على كل حال
     
  19. alosaimi

    alosaimi بـترولـي جـديـد

    26
    0
    0
    الله يجزاك خير ومن يقرا وعلى العموم ربك ماينسا عبيدة اللهم انا عبدك وابن عبدك فغفري لي ولكل من قرا هذي الرسالة اللهم امين


    الحمدلله على كل حال
     
  20. alosaimi

    alosaimi بـترولـي جـديـد

    26
    0
    0
    يا اخوان ترضون واحد يراكض علشان يرد دوامة وترفض المستشفى بحجت انك ماتقدر اداوم علشان عندك كسر خطير في الحوض والمشكلة هي نفس المستشفى اللي ترفض علاجك بالخارج وحتى علاجك عند المستشفى (فيها) بحجت انك تبع التامين الصحي والله العظيم من بداية الاسبوع هذا وانا اراكض وراهم رحت المستشفى ورحت النقابة (بالتلفون ) ورحت للدوام (المناقيش) وحتى اني داومت 4 ساعات ولما دقيت على الاش ار ابلغهم قالولي مانقدر انزلك موفمنت لانك في مرضية من مستشفى الاحمدي لازم تشيلها المستشفى والحين الله يعين صاري 3 ايام واقف على رجل اطلع من الساعة 7 ما ارد الا وحد او ثنتين والطامة الكبرى لاهم اللي عالجوك ولا دزوك برا تعالج ولا حتى خلوك اداوم والشؤون القانونية يقولون راح اتحول لجنة واللجنة تقرر مصيري من فصل وانت نازل بس ما اقول الا الله كريم ولا حول ولا قوة الا بالله العلي العظيم وانا لله وانا اليه رجعون على(الكويت و الحكومة والوزارة والشركة والبشر )

    الحمدلله على كل حال
     
جاري تحميل الصفحة...

مشاركة هذه الصفحة