مستشفى الاحمدي والتخبطات

الكاتب : alosaimi | المشاهدات : 1,476 | الردود : 4 | ‏29 أكتوبر 2011
  1. alosaimi

    alosaimi بـترولـي جـديـد

    26
    0
    0
    السلام عليكم ورحمة الله وبركاتة والصلات والسلام علي نبينا محمد واله

    اما بعد :

    اخوتي الكرام انا ساقص عليكم قصتي مع مستشفى الاحمدي والمحسوبية والواسطة والمعرفة الا من رحم ربي من الشرفاء من موظفي المستشفى اللذين يعانون كما نعاني.
    يا اخوتي الكرام انا صار علي حادث منذ سنة تقريبا والى الان لم اجد علاجا ولا عملا (عطالي بطالي ). اولا حصل الحادث على طريق السالمي عند دخولي الكويت الحبيبة قادما من الشقيقة السعودية بعد موسم الحج الفائت. من الحادث كسر عندي الحوض الايمن وخلع الفخذ وعملة عملية في مستشفى الجهراء لانها الاقرب وانا كنت ومازلت على التامين الصحي وعارفين مشاكل التامين. المهم قعدت بالمستشفى حوالي 4 اشهر بس نايم ماحرك رجلي كلش .المهم قدمت اوراقي للعلاج بالخارج عن طريق مستشفى الاحمدي فوافقوا جزاهم الله خير وسافرة لندن وبعد حوالي شهر ونص او شهرين الا .قالي الدكتور رد الكويت سو علاج طبيعي ورد اسويلك العملية اللي هي تبديل مفصل الحوض علشان ارجع امشي عدل مرة ثانية سمعة كلامة ورديت علبالي الدعوة سهالة بقدم ثاني مرة وبسافر. الشركة تبي الموظف يشتغل ومجبورة الشركة بالعلاج طبعا. انا موظف في شركة نفط الكويت .المهم قدمة اوراقي لمكتب لندن وحجزة ورديت على فكرة انا اللي رديت يعني لو كنت ابقعد جان قعدت بس قلتلكم على بالي الدعوة سهالة .المهم رديت وراجعت المستشفى وهذي اكبر غلطة سويتها المفروظ رايح مستشفى خاص لاني على التامين بس النية مطية المهم حطوني عند دكتور غير الاول اللي كان مسفرني لندن قلت عادي اهم شي دكتور يهتم فيني اول موعد بعد مارديت باسبوعين قلت ضغط مشي شافني الدكتور قال انت لازم تسافر برا توك صغير والعملية خطرة التهابات ومادري شنو قلت حلو (متى السفرة). المهم علقني لين اخذت بالكويت 6 شهور قلت ماعلية المهم الدكتور يقول لازم تسافر صبرت المفاجاة لما دخل على اللجنة قلب 180 درجة طبعا رفضوا اللجنة العلاج بالخارج قلتلهم ليش قالو دكتورك يدري عن كل شي تبي تسال اسال الدكتور رحتلة لقيت الطامة الكبرى قالي انا اسويلك العملية المهم نقاش وكلام مافاد كلمة المدير مافاد كلمة رئيس اللجنة مافاد كلمة الدكتور اللي كانت تقاريري عندة قالي بالحرف الواحد لو عندي جان انت مسافر. المهم حاولت مني مني مافي فايدة قلت لا حول ولا قوة اسوي العملية وامري لله رحت للمستشفى للدكتور قال انت على التامين روح لمدير المستشفى يشيلك من التامين وتعال اسويلك العملية قلت ماشي رحتله رفض حاولت فية رفض رديت للدكتور مالقيتة لقيت السكرتيرة دقت علية والله العظيم ماراح تصدقون يقولها صرفية (هوة عندك قوليله يروح للتامين ) تقولي السكرتيرة انت قايلة شي قلت ليش قالة مايبي يكلمك والحين والله العظيم يا اخوان اني محتار شسوي المشكلة الطبية تخلص بالعيد ولا ادري يردوني الدوام اداوم وانا جذي ماقدر امشي ولا لا الله يستر
    المشكلة كل ماكلمت مدير المستشفى او رئيس اللجنة لانهم كويتيين يردوني عند الدكتور اللي مو كويتي هذا مو انتقاص من احد بس وين الفزعة والنخوة والحمية مافي احساس كلش واللي يرفع صوتة واللي يقول مالي شغل شلون مالك شغل وانت مسؤول والله العظيم المناصب صار فيها ناس مو كفو
    والسلام ختام

    ابي منكم الدعاء

    واذا في احد عندة حل يفيدني وجزاكم الله خير

    وانا والله موخايف بس الستر زين واللي يبي يعرف اسماء المذكورين انا حاضر

    اخوكم خلف العصيمي
     
  2. مهموم

    مهموم بـترولـي نشيط جدا

    261
    0
    0
    اخوي خلف اتمنى لك الشفاء وماتشوف شر وبالنسبه لحالتك نصيحه اذا ماتبيها تطول اخذ تقرير دكتورك اللي في لندن اللي قالك ارجع وتقارير الحادث واوراق انك تميت في مستشفى الجهراء المده الطويله قبل السفر واعرضها على احد نواب منطقتك او اي نائب لك معرفه به وادخل معاه على مدير المستشفى وراح يحجهم بالاوراق هذي والمدير اخر شيء عنده بيقولك يعرضونك على الدكاتره الزائرين او يدزونك مره ثانيه لندن وانت امورك قانونيه وحالتك مستحقه بس للاسف هذا اقرب حل ممكن تسلكه ويخلصك بسرعه واذا بالنسبه لطبيه عادي اذا انت على التامين ادخل على طبيب العظام ويمدد لك حتى تنحل امورك ان شاء الله
     
  3. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    موضوع مثل هذا يجب ايصاله الى نواب مجلس الامة
    الدكاتره الاجانب لاعبين لعب في المستشفى وخصوصا العلاج بالخارج
    واحد النواب سبق وقدم سؤال بخصوص تكلفة علاج الاجانب في الخارج
    والكويتي المحتاج مايروح

    سبحان الله
     
  4. alosaimi

    alosaimi بـترولـي جـديـد

    26
    0
    0
    جزاك الله خير اخوي الكريم وسويت نفس ماقلت وديتها عضو بس مافي فايدة لانهم يقولون العلاج بالخارج متوهقين باللي دزوهم وفي حالات فصل من ورا العلاج بالخارج اما نصيحة الطبيب الخاص فراح اروحلة ان شاء الله
     
  5. alosaimi

    alosaimi بـترولـي جـديـد

    26
    0
    0
    جزاك الله خير اخوي كلامك صحيح بس ليش نواب ونقابة النفط وين انت عارف الحكومة رايحة فيها وبعدين انا عندي معلومات انة في موظفين غير كويتيين يسافرون كل سنة واحد منهم له خمس سنين مايسافر الا بالصيف وعندي الاسامي والدكتور اللي يدزة رئيس قسم شرايك
     
جاري تحميل الصفحة...

مشاركة هذه الصفحة