بخصوص البدون

الكاتب : امنيتي اتوظف | المشاهدات : 847 | الردود : 9 | ‏25 أكتوبر 2011
  1. امنيتي اتوظف

    امنيتي اتوظف بـترولـي جـديـد

    3
    0
    0
    ااسلام عليكم ورحمة الله وبركاته
    انا عندي سؤال اذا واحد بدون وعنده شهادات وخبرات هل يستحق انه يدخل شركة نفط الكويت ؟ اذا اي شلون طريقة التقديم؟ واذا لااء ابي اعرف السبب .
    وشكراً
    *
     
  2. الله عليم

    الله عليم بـترولـي جـديـد

    11
    0
    0
    ياعينك الله كويتي وهو كويتي مايقدر يدش غير بوسطه وحب خشوم ويالله
     
  3. mshari-

    mshari- بـترولـي مميز

    931
    0
    0
    مو فاضي اشتغل
    كويتي
    الله يوفقك ويسعدك ويحقق لك اللي تتمناه
    ودي اساعدك بس والله ما عندي اي معلومه اقدر افيدك فيها
    بس ان شاء الله الاخوان بالمنتدى ما يقصرون معاك
     
  4. بوجوهر

    بوجوهر بـترولـي جـديـد

    8
    0
    0
    وعليكم السلام ورحمة الله وبركاته

    والله ماعندي خلفيه عن موضوعك،، واتمنى يوظفون اللي نفس خبرتك وشهاداتك

    موفق بإذن الله ...
     
  5. Eng_3li

    Eng_3li بـترولـي جـديـد

    للامانة التوظيف لغير محددي الجنسية في شركة نفط الكويت اتوقع صعب
    و الدليل ان حتى الكويتيين بالغصب نتوظف فيها

    لكن التوظيف في الشركات النفطية و شركات المقاولات اللي لها
    عقود مع (شركة نفط الكويت و بقية الشركات التابعة للمؤسسة) اسهل بوايد

    و في عندهم توظيف بفرص اكبر
    عموما الله يوفقك و ان شاءالله تلاقي فرصة يارب
     
  6. obo_Flona

    obo_Flona بـترولـي مميز


    والله ماعتدي علم بهذا الموضوع
    ان شاء الله تتوظف بمكان ترتاح فيه
    وعسى الله يكتبلك الخير في الدنيا والاخره
    خلك قريب من ربك دايما وان شاء الله بتلاقي الي يسرك بدنياك واخرتك قول امين


     
  7. Moe_equate

    Moe_equate بـترولـي نشيط

    68
    0
    0
    شركه
    Equate
    توضف بدون وما يفرق معاشك عن الكويني إلا بدعم العماله
    بس اعتقد يبيلها واسطه خفيفه
    انت قدم وانشالله بتحصل اللي كاتبه لك ربك
     
  8. امنيتي اتوظف

    امنيتي اتوظف بـترولـي جـديـد

    3
    0
    0
    مشكور ويعطيك العافية وجزاك الله خير
    حلو انا راضي بالعقود
    بس وين التقديم يكون اذا عندك رقم او ايميل او اسم شركه
    ياليت تعطيني اياه
     
  9. امنيتي اتوظف

    امنيتي اتوظف بـترولـي جـديـد

    3
    0
    0
    جزاك الله كل خير يالطيب وان شالله في ميزان حسناتك
     
  10. Eng_3li

    Eng_3li بـترولـي جـديـد

    للامانة ما عندي فكرة عن كل الشركات اللي متعاقدة مع القطاع النفطي الكويتي
    لكن بذكرلك بعضها و سامحني اذا نسيت شي ..


    Schlumberger
    موقعهم: www.slb.com
    و هذي افضل شركة خدمات نفطية في العالم ، و لها فرع بالكويت و تحديدا في شرق الاحمدي
    و كنت موظف فيها سابقا (مهندس حقول).


    Baker Hughes
    موقعهم: www.bakerhughes.com
    شركة ممتازة و اعرف جم مهندس من ربعي اشتغلوا معاهم ، و اذكر حتى كانت مقابلتهم بالتلفون !


    Exxon Mobil
    موقعهم: www.exxonmobil.com
    شركة امريكية عالمية و لها مقر بالكويت و سريعة بالمقابلات و القبول.


    Dow Chemical
    موقعهم: www.dow.com
    يمكن هذي من اكبر شركات صناعة الكيماويات في امريكا و لها شراكة كبيرة في شركة ايكويت بالكويت.


    * اغلب الشركات تفضل حضورك الشخصي للتقديم
    لان التقديم في الانترنت يكون عشوائي و مافيه مصداقية عند الشركات
    وياخذ وقت طويل لفرز الطلبات
    افضّل لو تقدر تحصل ارقامهم وتسألهم عن طريقة التقديم و عن عنوانهم
    احسن من انك تطق درب عالفاضي
    اكيد في شركات اكثر من جذي و ان شاءالله الشباب يساعدونك
    و سامحنا على القصور :)
     
جاري تحميل الصفحة...

مشاركة هذه الصفحة