تجاوز المسوؤلين فى الاسكان

الكاتب : عابر السبيل | المشاهدات : 1,004 | الردود : 9 | ‏23 أكتوبر 2011
  1. عابر السبيل

    عابر السبيل بـترولـي نشيط

    58
    0
    0
    السلام عليكم الزملاء الأعزاء

    شركة نفط الكويت فى العهد الحالى وصلت الى حالة من التردى والتسيب بشكل يجعل العامل يقف مذهولا امام التعدى على حقوق العمال فى قسم الاسكان مما له ابلغ الاثر فى الشعور بالظلم والالم من ناحية تجاوز الدور بعدة طرق ملتوية منها الاستثنائات من قبل الادارة العليا بعدة مبررات واعذار واهية لا تمت للواقع بصلة.

    حيث يتم الانتظار للمدد طويلة كاننا فى طابور الهيئة العامة للاسكان ومن ثم ياتى من ياتى باسباب احيانا حقيقية واحيانا كثيرا غير حقيقية ويتم استغلال الامور التى وضعت لأمور انسانية وعائلية ويتم التجاوز عليها من مسؤولين المفترض منهم الامانة والصدق فى حماية مصالح العمال ولكن ما دام هناك نقابة مسلوبة الارادة والادارة فماذا تتوقع من اشخاص لا يملكون التصدى والمواجهة لحفظ حقوق العمال والعمل على المساواة والعدل بينهم حتى الاستقرار النفسى والعائلى تم التخلى عنه من قبل النقابة (هيكل وصورة) فقط انشالله انشوف فيكم لما يتم التعرض لشئ لكم (حطو نفسكم فى موقفهم شنو شعوركم وشنو التصرف)


    سامى فهد الرشيد اعتقد انك وصلت لمرحلة لا تستحق ان تبقى فى القطاع النفطى بأكمله (سامى عشان العمال اطلع وارتاح وريح ويعيش حياتك وخلنا نعيش فى الشركة بكل راحة)

    سامى اعتذر وارحل العمال ما يبونك
     
  2. LaRambla

    LaRambla بـترولـي خـاص أعضاء الشرف

    2,041
    3
    38
    الحين شالسالفة بالضبط

    خذوا دورك يعني بالاسكان ؟؟؟

    ما فهمت شي
     
  3. AD-01

    AD-01 بـترولـي خـاص

    1,040
    2
    38

    دقيت على واحد من الاعضاء النشطاء في النقابة ( تلفون مو تويتر ;) ) وتكلمت معاه قبل فتره طويله عن هالمشكله ..

    والله يا اخوي المشكله مو في سامي وما اتوقع راح تلقى استثناءات من الادارة العليا على الاسكان (واذا عندك هات على الخاص)

    المشكله في اتفاقية توحيد الدرجات ( ابريل 2003) بين اتحاد البترول والمؤسسة ,, هذي الاتفاقية لغت السكن العامودي ( العمارات) اللى كانت تتأجر للاجانب ودخلوا الاجانب مع الكويتيين على بيوت الاحمدي ، والاجنبي اذا تعين يعطونه بيت على طول بدون دور بحكم شروط عقد العمل

    المفروض ان الاتحاد يتبنى مطلب تعديل الاتفاقية و اعاده العماير علشان يخف الدور ويفارقونا الاجانب ، والمفروض ان الشركة تبني بيوت زياده
     
  4. MR.MOH

    MR.MOH بـترولـي نشيط

    88
    0
    0
    يامعود القانون الاسكاني عندنا بكبره دايخ وماله معنى ولو ولدي بالابتدائي اذا تسأله شمعنى هالقانون بكل بساطه بيرد عليك : عشان ربعهم والتنفيع ولا بالله عليك الشباب الكويتي مو لاقي ياكل وذيلا يعطون البيوت حق المدراء والواسطات والاجانب ومع العلم الطبقى الدنيا ماكلينها الي هم تحت قريد13 ياخذون 135 وغيرهم مااااكو واتحدى وارد اكرر أتحدى واحد يروح الاسكان ويجيبلي قانون مكتوب ان ماياخذ بيت الا قريد 13 ومتعين قبل ال 2003 والله ثم والله لو بيدي لأغير هالمهزلة لا واحاسب الي حطه لان ظالم القانون بكبره يبيله انتفاضة خلها على الله
     
  5. q8expert

    q8expert بـترولـي نشيط

    55
    0
    0
    اتفق معكم على ان الاسكان الاغلب فيه الواسطات و المعارف و الا في ناس ما ينتظر دور على طول ياخذ و بالتشطيب الي يبيه بعد
    اتمنى من الادارة و النقابة التحرك و تعديل الوضع
     
  6. مهموم

    مهموم بـترولـي نشيط جدا

    261
    0
    0
    مو صحيح ان الاجنبي مايدش دور لان الشركه اذا مايبي بيت في الاحمدي تصرف له بدل السكن يعني حاله حال الكويتي فليش يستثنونه من الدور
     
  7. نفط الكويت

    نفط الكويت بـترولـي نشيط جدا

    183
    0
    0
    سيدي الفاضل اذا تبي تنصدم فخذ هالمعلومه المؤكدة من الفقير لعفو ربه هل تعلم انه يوجد في لائحة الانتظار موظفين تاريخ تعيينهم 1977 و فيه من اول الثمانينات !!!!!!!!!!! السؤال مؤ ليش ينتظرون دور الإسكان و كانه ما طلع لهم بيت حكومي .... السؤال شنو مقعدهم لي الحين ما تقاعدوا ..... :) تحديث البيانات ما يبونه لأنهم راح يتضررون منه و على حساب منو ؟! انت عارف ما يحتاج اقول.
     
  8. MR.MOH

    MR.MOH بـترولـي نشيط

    88
    0
    0
    نطالب بتحديث البيانات ويطبقون القانون لازم يحدثون البينات والي يطلع عنده بيت من الحكومة او مشتري بيت يروح بيته والظلم ظلمات يوم القيامة
     
  9. مهموم

    مهموم بـترولـي نشيط جدا

    261
    0
    0
    نعم هذا الصحيح لابد من تحديث البيانات واللي عنده بيت يطلع فيه احق منه لكن اللي شايفه صارت منازل الشركه وراثه
     
  10. silent

    silent بـترولـي نشيط جدا

    219
    0
    0
    يا اخواني والله عيب اللي يصير في ناس طالع لهم بيوت من الحكومة وساكنين فيها وبيوت الشركة ماجرينها على ناس والله عيب والعكس صحيح تلاقية ساكن بيت الشركة وبيت الحكومة ماجرة الموضوع صار تجارة الناس ماتخاف الله ولاتستحي
    الشرهة على ادارة الشركة والنقابة طبعا اللي نايمه
    هذى لمى يقولك الفساد منتشر في البلد وفي كل مكان وفي كل جهة

    مافي احد من هالقيادات عنده حس ولا الكل يقول انا مالي شغل يا الرشيد سو شي مرة زين بحياتك
     
جاري تحميل الصفحة...

مشاركة هذه الصفحة