نداء للـ hr شلون نحسب زيادة الراتب الجديد

الكاتب : PICNEW | المشاهدات : 1,625 | الردود : 13 | ‏23 أكتوبر 2011
  1. PICNEW

    PICNEW بـترولـي جـديـد

    السلام عليكم

    بداية اهنيم وابارك لكم بالزياده الي نزلت اليوم بالملاح ...تصرفونها بالعافيه

    حبيت استفسر عن طريقة حسبة الراتب الجديد بعد الزياده

    بناءا على الجداول المرفقه من بعض الاعضاء


    http://www.q8ow.com/vb/showthread.php?t=39854


    http://www.q8ow.com/vb/showthread.php?t=39822


    اكتشفت ان الراتب الجديد غلط مو مثل الي حسبته بالجدول ...ز هناك نقص بحدود 1000 من الزياده..

    ياليت احد يوضح لنا الحسبة بالضبط

    وبارك الله فيكم
     
  2. بوعبدالعزيز.كوم

    بوعبدالعزيز.كوم بـترولـي نشيط جدا

    483
    4
    18
    طالب علم
    دولة الكويت
    ماعليه أخوي :
    -انت أي درجة حاليا
    - وبأي فئة من برل طبيعة العمل سابقا: 150-125-100-50
    - شفت ولا صباحي
     
  3. PICNEW

    PICNEW بـترولـي جـديـد

    انا بنت

    درجه 10

    صباحي

    علاوة غلاء المعيشه والاجتماعيه والسكن هل تتاثر في الموظفه اذا كانت عزباء او متزوجه؟
     
  4. بوعبدالعزيز.كوم

    بوعبدالعزيز.كوم بـترولـي نشيط جدا

    483
    4
    18
    طالب علم
    دولة الكويت
    طبعا أكيد المرأة تحسب على أساس فئة الأعزب لو كانت متزوجة

    لكن بالنسبة لهذه الزيادة الجديدة فإن الزيادة انحصرت فقط على (الراتب الأساسي/العلاوة التشجيعية/بدل وردية/بدل طبيعة عمل/بدل عمل غير منتظم)

    زيادة درجة (10) الآتي:

    1. الراتب الأساسي: 56 دك تضاف على الأساسي الحالي، في حالة عدم وصول مجموعهم إلى قيمة 434 دك يتم تغيير راتب الأساسي الموظف إلى 434 دك.

    2. العلاوة التشجيعية: 455 دك - في السابق 45 دك ، فيصبح إجمالي قيمة العلاوة التشجيعية 500 دك.

    3. بدل طبيعة عمل: يعتمد على الفئة التي يندرج تحتها في السابق:
    اللي كان ياخذ في السابق 150 دك يصير 200
    اللي كان ياخذ في السابق 125 دك يصير 175
    اللي كان ياخذ في السابق 100 دك يصير 150
    اللي كان ياخذ في السابق 50 دك يصير 75 دك.

    والسلام
     
  5. PICNEW

    PICNEW بـترولـي جـديـد

    جزاك الله خير يابوعبدالعزيز مازال في نقاط غير واضحه حاولت اراسلك عالخاص مايصير
     
  6. eng 87

    eng 87 بـترولـي نشيط

    54
    0
    0
    Drilling Engineer
    Kuwait
    القيمه الاجماليه تصبح 410 دك مو 500
     
  7. PICNEW

    PICNEW بـترولـي جـديـد

    القيمه الاجماليه =546 مو 500
     
  8. Workers

    Workers إدارة المنتدى

    7,767
    30
    48
    ذكر
    الكويت
    [align=right] وعليكم السلام ورحمة الله وبركاته
    شوف اللي نازل واتوقع الجميع نفس الشي وبالنسبة لدرجتك عشرة :

    اثر رجعي لزيادة العلاوة التشجيعية ثلاث شهور 7-8-9
    Incentive Allowance Adjustment 1365

    اثر رجعي لزيادة الاساسي ثلاث شهور 7-8-9
    ابتداء من 56 دينار ضرب 3 يساوي 168 دينار
    Basic Salary Adjustment 168

    وشهر 10 مع الراتب بمعنى اضافة على الراتب الاساسي القديم ابتداء من 56 دينار ممكن تزيدحسب اساسيك القديم بس ماتنقص عن هالمبلغ

    وزيادة على العلاوة التشجيعية القديمة مبلغ 455 دينار ويصبح مجموع العلاوة التشجيعية 500 دينار هذي ثابته لاتنقص ولاتزيد

    Incentive Allowance 500

    صافي مبلغ الاثر الرجعي لزيادة الاساسي والعلاوة التشجيعية = 1533 دينار وممكن تزيد بسبب زيادة الاساسي نفس ماذكرت بس ماتنقص عن هالمبلغ
    هذا الصافي من غير خصم التأمينات واعتقد صندوق المؤسسة داش في الحسبة لأن ملاحظ ان الخصم زايد هالشهر

    وهناك خصم الاثر الرجعي للتأمينات تحت مسمى :
    Social Security Adjustment
    كل واحد حسب راتبه

    وبالنسبة لطبيعة العمل الاثر الرجعي
    Work Nature Allowance Adjustment لثلاث شهور 7-8-9 حسب طبيعة عملك وتحت اي تصنيف وذكروها الشباب ..

    والاثر الرجعي لبدل الشفت نازل تحت مسمى
    Shift Allowance 90 لثلاث شهور 7-8-9 طبعاً 90 دينار اذا ماعليك غياب

    اما الروابط اللي حطيتها فهي حسبة تقديرية ولايعتمد عليها ولازالت غير دقيقة وتحتاج تعديلات وصاحب الموضوع ذكر هالكلام في موضوعة

    الجدول اللي تقدر تعتمد عليه هو كتاب المؤسسة وموجود في موضوع التعاميم المثبت في المنتدى النفطي العام
    وهذا الرابط المباشر لكتاب المؤسسة :
    http://www.q8ow.com/vb/showpost.php?p=456110&postcount=92

    [/align]
     
  9. بوعبدالعزيز.كوم

    بوعبدالعزيز.كوم بـترولـي نشيط جدا

    483
    4
    18
    طالب علم
    دولة الكويت
    والله مادري ليش ما توصل الرسائل الخاصة مع اني امفعل خيار الاستلام ؟

    511دك قيمة الزيادة لدرجة 10 وتزيد بفارق بسيط لبعض الموظفين اللي راتبهم الاساسي الحالي مع الزيادة لم يصل للمربوط الجديد 434 دك
     
  10. بوعبدالعزيز.كوم

    بوعبدالعزيز.كوم بـترولـي نشيط جدا

    483
    4
    18
    طالب علم
    دولة الكويت
    اخوي انتبه انت حسبت غير وماقريت اللي مكتوب عدل

    درجة 10 في سلم الرواتب السابق ياخذ تشجيعي بقيمة 45 دك
    في سلم الرواتب الجديد اصبح ياخذ 500 دك
    يعني الفرق بينهم 455 دك

    مع الزيادة على الاساسي في الحالة الاولى وهي 56 دك

    فاجمالي الزيادة 511 دك لدرجة 10 صباحي بدون طبيعة عمل متعدي اول مربوط الدرجة 10 في سلم الرواتب الجديد

    ونشكر مشاركتك
     
  11. بوعبدالعزيز.كوم

    بوعبدالعزيز.كوم بـترولـي نشيط جدا

    483
    4
    18
    طالب علم
    دولة الكويت
    توضيح تفصيلي رائع اخوي وركر - الله يعطيك العافية

    وانتبه تره في خطأ في الرواتب اللي بينت في الملاح :
    الاول: مبلغ العمل الاضافي المصروف عن شهر 9 غير صحيح ولم يكن عالراتب الجديد وانما على حساب الراتب القديم
    الثاني: مبلغ بدل الراحة المصروف هم غير صحيح واقل بكثير من المستحق لنفس السبب ايضا

    راح نشوف شهر 11 حسب كلام فريق الرواتب بانه سوف يتم صرف الفروقات للاضافي وبدل الراحة
     
  12. eng 87

    eng 87 بـترولـي نشيط

    54
    0
    0
    Drilling Engineer
    Kuwait
    العفو

    بس انا كان تعليقي على "اجمالي العلاوه التشجيعيه" واللي اهي 455 بالنسبه لقريد 10

    لأنه انته بالنقطه الثانيه تكلمت عن العلاوه التشجيعيه وقلت "فيصبح إجمالي قيمة العلاوة التشجيعية 500 دك" وماقلت اجمالي الزياده الكليه (علاوه تشجيعيه + زيادة الاساسي)

    وهذا اللي حبيت أوضحه

    وشكرا
     
  13. بوعبدالعزيز.كوم

    بوعبدالعزيز.كوم بـترولـي نشيط جدا

    483
    4
    18
    طالب علم
    دولة الكويت
    عدل كلامك أخوي، المراد إن العلاوة التشجيعية صارت 500 دك ، في النهاية أشكرك على اهتمامك ومتابعتك الطيبة للموضوع.
     
  14. PICNEW

    PICNEW بـترولـي جـديـد

    يعطيكم العافيه والشكر موصول للاخ بوعبدالعزيز

    اقسام ثانيه يساعدون والHR لا حياة لمن تنادي في سبات عميق (مايتجاوبون لا بالشركه ولا بالنت) مادري وين متواجدين :mad: بالظبط
     
جاري تحميل الصفحة...

مشاركة هذه الصفحة