تتوقعون راح يصير طق مطاقق على النفط الخاص ولا العكس ؟

الكاتب : eng-q8ii | المشاهدات : 1,052 | الردود : 7 | ‏22 أكتوبر 2011
  1. القطاع النفطي koc , knpc .........

    3 صوت
    42.9%
  2. القطاع النفطي الخاص

    4 صوت
    57.1%
  1. eng-q8ii

    eng-q8ii بـترولـي نشيط

    123
    1
    0
    السلام عليكم


    مع زيادة رواتب القطاع النفطي ( koc , knpc , equate .... )


    الناس راح تترك الخاص و تنتقل لهذي الشركات ^^^^^^^^ بما ان الشغل اخف و رواتب عاليه و لا بالعكس شركات الاستثمار الاجنبي راح تعلى
     
  2. سالم bj

    سالم bj بـترولـي مميز

    805
    1
    0
    مدير العلاقات العامة
    الكويت
    تأكيدا لكلامك انا كنت قاعد مع شخص قريب جدا من فاروق الزنكي رئيس المؤسسه وقالي بالحرف الواحد تدري ليش المؤسسه كانت رافضه هذا الموضوع لانه لو تطبق هذا القانون راح تكون هناك هجره من القطاع النفطي الحكومي الي القطاع النفطي الخاص لانه راح نكون اعلي منهم بالرواتب والمميزات وهذا الكلام المفروض يكون سر لكن لما شفت الموضوع يتكلم عن الافضل فضلت أني مااحتفظ بهذا السر لانه يخصنا جميع وشكرا لك اخوي علي هذا التصويت وانا اول واحد يصوت للقطاع النفطي الخاص ونبيها نفطي ... :)

    اخوك سالم العجمي
     
  3. eng-q8ii

    eng-q8ii بـترولـي نشيط

    123
    1
    0
    يعطيك العافيه بوهادي على الرد

    بس مو المفروض الحكومه تشجع المواطنين للعمل في القطاع الخاص لان هالشي راح يزيد عجله التنميه في الكويت ؟؟
     
  4. اليوفي

    اليوفي بـترولـي جـديـد

    38
    0
    0
    أنا اقولك شغل في القطاع النفطي الخاص


    الداخل مفقود والخارج مولود

    وانت افهمها
     
  5. Moe_equate

    Moe_equate بـترولـي نشيط

    68
    0
    0
    equate ?

    شركه ايكويت كانت اقل او على حدود رواتب الشركات الحكوميه قبل الزياده بس الحين بعد الزياده اقل راتب صار مشغل حقل جريد 9 اعلى من مشغل بشركه اكويت بتقريبا 600 دينار
    والشركه على اساس انها ناطره زياده شركات النفط عشان تقر زيادتنا واكد هالكلام التركيت بنفسه بحضوره برمضان وقال انه اول ما يزيدوهم بزيدون عندنا ولازم نكون اعلى من زيادتهم ب 5%
    وبعد الزياده مالت النفط دزولنا ايميل يقولون انه زياده النفط غير مدروسه وغير عقلانيه و زادونا بس 120 دينار !!!!
    وغيرو مسمى بدل السكن
    وقالولنا روحوا اخذو زيادتكم من الاسكان وقدموا على بدل السكن من الحكومه !!!
    صج اداره مالها كلمه ورأيس تنفيذي بياع حجي درجه اولى

    وازيدك من الشعر بيت ما شفنا الراحه بهالشركه كل يوم طالعيلنا ببولسي يديده واخر هبه ممنوع التيشرت ولازم زي رسمي ولبس السيفتي لازم يكون عليك طول الوقت حتى لو كنت داخل الكنترول روم !!
     
  6. تاجر عملة

    تاجر عملة بـترولـي نشيط

    50
    0
    0
    خلاص الحل , يلغون عقود المقاولين والتكويت الدايخ . ويضمونننا في قطاع النفط الحكومي .

    وننهى الموضوع

    ولا يا رئيس النقابة نرفع عليهم قضية داخل الكويت وان مافلح وعطونا حقنا نرفعها في الامم المتحده :)

    ولا شنسوي علشان يطبقون القانون

    القانون موجود ومع مرسوم أميري هذا مرسوم أميري . انزين ليش ضاربينه بالحيييييييييييط .

    والله ناس لا تخاف الله ولا تخاف من دعوة المظلوم

    خلونا نضربهم احنا بالحييييييييط ونرفع عليهم قضايا .

    والله نربح القضية مدام في قانون ,
     
  7. PARADISEY

    PARADISEY بـترولـي نشيط

    142
    0
    0
    Guesse
    Kuwait
    [align=center]حسب تكهنات إدارة التوفيد/التطفيش (التكويت)، التوقعات يا طويلين العمر مثل ما المؤشرات ظاهره للكل أن السالفة راح
    تصير سلطة إي نعم سلطة مع الخروع أو (شوربة خضار بمعنى الكلمة)، يبا هذيل عصابة (خــمّـــة) عزكم الله، واحدهم
    يغطي على الثاني مسوين أو معتبرين شركات البترول (توريث لهم ولأسرهم وحبايبهم فقط لاغير...)، أما اللي يبي يدخل
    ويقول آنه مواطن شريف وعفيف... ومن هالحجي... (طبعا خرابيط بالنسبة لهم "الخمّة"...!!!)، لأ مايقدر يقايش معاهم
    يتحججون بأي شي ...!!! طبعا يبون يحبطوننا ويكسرون من عزيمتنا ونسكت عن القانون ويقمتونه، ولكن لأ و ألف لأ....!!!

    طبعا مو إحباط ولكن الحرص حلو مع الأستمرار بالحماسة وشدة الحيل والضرب بيد من حديد... علشان مايبرد الموضوع....!!!

    ______________

    أما توقعاتنا وتوقعات الناس العقلاء فـ لله الحمد الكل متفائل ومستبشر خير من هالقانون واللي بيعطينا حقوقنا من بعد
    الله سبحانه وتعالى، وبتشوفون إن شاءالله بعد التطبيق والمهم دعواتكم والإلتفاف حول النقابة وبصوت واحد وقلب واحد

    وإن شاءالله يارب يفعل ويطبق القانون النفطي 28/1969 بأسرع وقت علشان تنكسر شوكة "الخمّة" عزكم الله والكل يفرح فيه...!!!

    [mark=#00ff00] طبعا أكيد راح يكون الأقبال أكيد على القطاع النفطي الــخــاص بلا شك وبالتوفيق... ;) [/mark][/align]
     
  8. ahmed_1

    ahmed_1 بـترولـي نشيط

    126
    1
    18
    اتمنى يطبق القانون النفطي ياشباب ولواعتصمنا بساحة الارادة بس من غير اعضاء مجلس الامه الى جارين البلاد للفتن والشد والجذب

    حسبي الله عليهم احنا موكويتين موعيال الديره؟ صج لي قالو خيرنا حق غيرنا
     
جاري تحميل الصفحة...

مشاركة هذه الصفحة