واخيرااا نزلت الزياده بالسستم وبالبنك

الكاتب : مو مهم | المشاهدات : 2,030 | الردود : 16 | ‏20 أكتوبر 2011
  1. مو مهم

    مو مهم بـترولـي جـديـد

    44
    0
    0
    مايحتاج اعلق واصفق ..

    لقد قامت شركتنا بانجاز تاريخي وجبار ..

    اول شركه نزلت الزياده وباثر رجعي بالبنك ..

    وبنفس الوقت نزلته بالسستم ..

    الله اكبر الله اكبر ..

    هنيئا لنا بهذه الشركه ..


    الشكر وكل الشكر لاخوانا الحراميه سوري قصدي لزملائنا بالمحاسبه ..


    على هذا الجهد السريع ( اللي قزرتوها بالاوفر تايم عشان تخلصونها وبالامكان انكم تخلون السوالف بالمكاتب وتخلون كثرة القعده بستار بكس ( يبيله بكس ببالخد الايمن )


    انتهى الكلام لكم السلام ..
     
  2. k.p.c

    k.p.c بـترولـي نشيط جدا

    لا وزيد عليها السرق واللشط منها بعد


    لان الشباب ماشاء الله مستانسين ونازلتلهم خوش هبشه فــ محد مهتم بالموضوع كثر ماهم مهتمين بالزياده


    واذا خمطوا من كل واحد مبلغ محد راح يحس فيها



    ويطلع لنا رئيس الشركه ويقولك والله وفرنا 5 ولا 6 مليون من ميزانية المؤسسه ويطلع بالجرايد وزين ما يطلع بالــ cnn بعد


    اصحى يا ريّس ترى اللي تحتك لاعبين بالشركه وبزرق الموظفين لعب


    الا اذا كنت تدري فــ هذي طامه كبرى وربي سبحانه راح يحاسبكم اشد حساب والله


    واذا ماكنت تدري فــ هذي طامه اكبر منها بعد
     
  3. مو مهم

    مو مهم بـترولـي جـديـد

    44
    0
    0
    هووووب هووووب ياااااريس ماتخاف من الله ..


    هم ثنين لا ثالث لهما ...

    ياتدري او تدري ..

    يااااريس اللي تحتك الصغير قبل الكبير يقطعون بالكيكه تقطع ( الكيكه الامن والاطفاء) يارريس ترا ماعندهم حسيب ولا رقيب

    ياريس الله ماخافو منه ( استغفرالله ) يااااريس اذا تدري اكيد انت صاحب النصيب الاكبر ..

    يااااريس اللي تحت تحتك ترااا حرامي كبير ومومصدق انه مسؤل ..

    ياريس الشركه اللي انت ماسكها بالغلط مافي تطور مافي تظام معتمد مافي فرص للعالم سياستكم تذبح الامن بالدفعات الاولى هم الاجدر هم الخبره ..


    بالامانه وين الخبره في ظباط امن المصافي او غيره واحد قاعدلي مليون سنه مامسك شفت وبكل سهوله تعطيه ظابط امن وخسفوو فينا فاهمين اربع خيوط غلط ..



    ياااريس اتمنى انك مو ماكل من الكيكه ..
     
  4. مو مهم

    مو مهم بـترولـي جـديـد

    44
    0
    0
    سؤال نسيت اطرحه ...


    وين راحت اوفر تايم ثاني يوم العيد وثالث .. وين فرقيه العيد بعد الزياده ..


    اتمنى الجواب ..


    اسرقوو ياشركه بس مو جذي تراا بطني عليكم متروسه ..
     
  5. aLHaJeRi

    aLHaJeRi بـترولـي نشيط

    131
    0
    0
    صحيح كلامك وين فرقيه العيد وين فلوس العيد ثاني يوم وثالث

    نتمني الجواب ونتمني النقابه اتشوف الموضوع
     
  6. ART

    ART بـترولـي جـديـد

    37
    0
    0
    يا اخوان عندي الخصومات في موقعهم تجاوزت 500 دينار ؟؟؟
     
  7. مو مهم

    مو مهم بـترولـي جـديـد

    44
    0
    0
    هههههههههههههه


    مع تحياتي لك بك بشركة اوسكوووو للقطاع السرقه والنصب والاحتيال ..

    ياخي الكل جذي بس المصيبه مو هني المصيبه مافي نسب معينه ..

    يعني انت 500 انا اربعميه وشوي وغيرنا اللي 400 ونص اللي اكثر واللي اقل ..

    يرحم والدينكم يالمحاسبين اللي بالاوسكوو اذا بتسرقووون اسرقوووو صح ..

    لاتفضحوووون نفسكم ..

    اهذو منه سو اللي تبونه بس مو اشكره تقولون ترا احنا سارقينكم ..




    تحياتي للنقابه تحياتي لرئيس النقابه انت بقسم المحاسبه وانت عارف ربعك اكثرررر ..

    سو خير ووقف هالمهززززله كااافي نصب كافي سرررقه ..




    تحياتي للحرااااااميه المبتدئين
     
  8. بو عثمان

    بو عثمان بـترولـي جـديـد

    11
    0
    0
    السلام عليكم



    كلمة حق



    1- كلنا نعلم بأن الاثر الرجعي مع معاش 10 من دون الفروقات , وان الفروقات راح تنزل مع معاش شهر 11

    2- الخصومات الزايدة هي اثر رجعي للتأمينات وصندوق الزمالة و التكميلي , لانه مو معقول يزيد الراتب ولا تزيد الخصومات

    3- اتمنى ان نرتقي بالحديث من دون قذف وتجريح و طعن بالنوايا




    كل الشكر لجميع
     
  9. مو مهم

    مو مهم بـترولـي جـديـد

    44
    0
    0
    وعليكم السلام ..

    الفروقات مع معاش شهر 10 الكل يدري ( انت الوحيد اللي تدري )

    انزين ثاني وثالث ايام العيد وين راح ( قولي بعد مع الفرقيه بتنزل )

    اخي العزيز ماخصينا احد ولا جرجنا احد ..

    الا يرضيك 3 اشخاص بقريد واحد واحد ينخصم من اقل من الثاني او اعلى ..

    اخي العزيز ..
    الخافي اعظم ومانقول الا الحمدالله على كل حال ..

    تاكد انه ماظلمنا احد بس قلنا اللي بخاطرنا واللي نشوفه ومتأكدين منه ..

    يمكن ظلمنا ( ماآعتقد ) الله يسامحنا ..

    ويمكن انسرقنا ( مليون بالميه ) الله يهديهم ..

    وبالنهايه اتمنى اخواني المحاسبين مايروحون يحجوون السنه هذي ( والله حرام )

    سي يو ..
     
  10. Salim

    Salim بـترولـي نشيط

    107
    0
    0
    ياجماعه شهالخصومات الجديده اللي طلعت لي
    خاصمين مني فوق 400 شدعوه مال سايب
    الله لايوفقهم ان كان في تلاعب او بوق في الحسبه
     
  11. abonasser

    abonasser بـترولـي نشيط

    82
    0
    0

    أتفق معك كليا
     
  12. رجل امن اول

    رجل امن اول بـترولـي مميز

    756
    0
    0
    رجل امن اول
    الكــــــــــويت
    السلام عليكم ورحمه الله اولا اشكر ربي عالزياده الطيبه أحمدو ربكم وقولو الحمدلله ياكثر ماتتحلطمون الي قاصينه منكم 400هذي مالت التأمينات والصندوق يعني طبيعي بيقصون منكم مبلغ كبير لانه اثر رجعي سلام
     
  13. aLHaJeRi

    aLHaJeRi بـترولـي نشيط

    131
    0
    0
    انت حاط توقيعك 120 وتقول احمدو ربكم ؟؟؟ صج انك متناقض
    ياخوي حنا حامدين الله وشاكرينه من قبل ندخل الشركه التعيسه هذا
    حنا قاعدين انوضح التخبطات اللي صارت واللعب اللي صار
    بالمعاشات
    تكلمنا عن حقوقنا اللي هي الرست ديه مانزل حق العيد
    والهوليدي حق ثاني العيد مانزل وتقول انتحلطم ؟؟
    ياخوي اذا انت سكت وانا سكت وغيرنا سكت
    لاطبنا ولاغدي الشر بالعكس كلنا يد بيد من اجل
    اخذ حقوقنا وعرق جبينا.
    الناس معطله بالعيد واحنا نداوم ونطحن بالدوام
    وبالاخير ماينزل لنا الهوليدي لو تدري انه ماراح ينزل
    لنا الهوليدي كان ماخذ طبيه او اجازه وقاعد مع اهلي واعيالي افضلي
    وسلامتك وتعيش تقبل رايي بصدر رحب يارجل امن اول
     
  14. مو مهم

    مو مهم بـترولـي جـديـد

    44
    0
    0
    الكل حامد ربه .. والنعم بالله ..

    احمد ربي لو دينار زايد ..

    بس خصومات فلان 500 وانا 400 وشوي وهذاك اكثر وهذا اقل مايصير ..

    نبي خصومات معينه نبي نعرف ليه وحق شنو ..

    انزين ايام العيد وينها & تقولي الشهر 11 اقولك ليش التاخير نزل كل شي بشهره مايحتاج التأخير ..

    اخواني ترا ماظلمنا احد ..

    بس هذي العاده طالت وتشمخت ..

    ياخواني تابعوو معاشاتكم كل شهر تلقون المعاش المودع بالبنك بالسستم اعلا من المنزل بالبنك اقل منه 4 دنانير ؟؟

    ياخي خلهم ياخذون حقهم ويعطونه حقنا ..

    لو دينار ينسرق باجر جم ياخذون ( الله اعلم )

    واخيررررن لا اقول الا الحمدالله كل شي ..*
     
  15. للتصحيح

    للتصحيح بـترولـي جـديـد

    1
    0
    0
    للتصحيح

    فقط للتصحيح :
    تم صرف الزيادة بأثر رجعي من شهر يوليو الى شهر سبتمبر بأثر رجعي مع راتب شهر اكتوبر حيث ان قيمة الزيادة تتفاوت حسب الدرجة الوظيفية وسنوات الخبرة وبناء على ذلك :
    1- الي قاعدين يقولون ان الخصومات 400 وطالع ( انا اقولك هذا كلام طبيعي لانه في شي اسمه تأمينات واشتراك صندوق الشركة ولاتنسى انه هذي الخصومات اتخص شهر 7 و 8 و 9 وبالاضافة الى شهر 10 )
    2- الي يقول انها خصومات متفاوته واحد خاصمين عليه 400 والثاني 500 والثالث 560 ( هم اقولك انه هذا كلام طبيعي كل مازاد المعاش كل ما زادات الخصومات الي يزيد 200 يخصم عليه تأمينات اقل من الي يزيد 300 )
    3- الي يقول الاوفر تايم وينه الي يخص فرق الزيادات وليش ما انصرف مع المعاش ( انا اقولك موجود والشركة قالت انه راح ينصرف مع معاشات الشهر الياي لانه مو بس في اوفر تايم في هم خصم الغياب وخصم بدل طبيعة العمل الي يخص شهر 7 و 8 و 9 لانه الي انخصم عليه ايام غياب اتخص شهر 7 و 8 و 9 انخصمت بدون الزيادات فراح تخصم هم بأثر رجعي نتجية الزيادات لانه المعاش زاد في شهر 7 و 8 و 9 نفس الطريقة بدل طبيعة العمل وبدل الشفت الي طالع اجازة هم راح تخصم بأثر رجعي لان بدل طبيعة العمل زادت وبدل الشفت هم زاد )

    هذا فقط للتصحيح :) ......
     
  16. رجل امن اول

    رجل امن اول بـترولـي مميز

    756
    0
    0
    رجل امن اول
    الكــــــــــويت
    هلا والله بالهاجري حبيب ألبي توقيعي هذا من سنه 2008 حاطه ومالي خلق أغيره هههههه وسالفه العيد والامور هذي والله مادري عنها لانه انت عارف المبلغ الي نزل ولله الحمد بس ماكو شي ماينزل من تعينت ماشفت اي غلط او سرقه بالراتب نهائيا اركدو شوي معاش شهر11بينزلكم كل شي :)
     
  17. مو مهم

    مو مهم بـترولـي جـديـد

    44
    0
    0
    للتصحيح .. وللتذكير .. وللمفهوميه ..

    ثلاث اشخاص بدفعه وحده متزوجين بدون اعيال ..
    اعلا واحد بالتقييم اقل واحد نزلوله المعاش والاثر رجعي ..


    للتصحيح ..
    ندري انك من موظفين اللي بالمحاسبه ..
    بما انك دشيت وضاق صدرك من الكلام اللي قريته وقعد شهرين بس عشان تكتب الكلام هذا اخي ..

    عندي لك سؤال ..

    1. لماذا الخصم الشهري 4 دنانير او اكثر ( المعاش المرسل للبنك بالسستم اعلا من اللي في البنك )

    عطني الاجابه واتمنا ماتتأخر شهرين ..


    اخوي ايام العيد والفرقيه ننطر ونشوف جم بتنزل وجم السرقه سوري جم العيادي اللي بتاخذونها ..

    لننتظر ....

    لننتظر ....

    لننتظر ...


    ونرا المسروقات القادمه ..؟؟
     
جاري تحميل الصفحة...

مشاركة هذه الصفحة