سؤال بخصوص مكافاة ( موظف تحت التدريب ) و معاش مرحوم !

الكاتب : macnagget | المشاهدات : 2,227 | الردود : 11 | ‏16 أكتوبر 2011
  1. macnagget

    macnagget بـترولـي نشيط

    106
    8
    16
    اول شي السلام عليكم

    مثل ما يذكر العنوان انا عندي سؤال بخصوص معاش موظف تحت التدريب ...
    و اعتقد فيه ناس وايد ببالها بعض الاسئلة بخصوص هاذي الشغله او من خلافها

    انا الحمدالله في دورة مشغل مصفاة و مثل ما سمعت و قريت ان مكافاة ( معاش ) الدورة 322 بعد خصم 7.5% تبع التأمينات و السؤال الي يطرح نفسه انا يمشي لي معاش مرحوم من الشئون و يوصل لي عن طريق التأمينات الاجتماعية لاني فوق سن ال 21 ... فسؤالي هل معاش المرحوم راح ينقطع في حالة استلامي اول مكافاة ؟ لان مثل ما عرفت لازم اخذ شهادة راتب للتأمينات عالشان لا تصير مشاكل بعدها !

    فياليت اصحاب الخبرة او من الي صارت معاهم نفس الشغله يفيدونا :)

    و عندي سؤال ثاني سمعت من بعض الزملاء في الدورة ان المكافاة تعتبر معاش لان يمشي عليها استقطاع التأمينات فبتالي تقدر تاخذ عليها اقساط !!! هل هالكلام صحيح ؟

    وجزاكم الله الف خير و سامحوني على الاطالة
     
  2. فهد الكندري

    فهد الكندري بـترولـي نشيط جدا

    192
    0
    0
    السلام عليكم شوف اخوي انا يمشيلي معاش من الشؤن وقالولي لازم لم تتوظف تقطع الاعانه الشهريه
    ولا راح ياخذونهم بأثر رجعي وتصيرلك مشاكل .... مو مؤسسة البترول الي ماراح ترضى الشؤن نفسهم الي ماراح يرضون

    اتصل فيهم وراح يقولون لك نفس كلامي وانا اخوك والله يوفقك
     
  3. macnagget

    macnagget بـترولـي نشيط

    106
    8
    16
    مشكور اخوي على ردك و مرورك ... اتوقع نفس الشي بخصوص معاش المرحوم لان ينقطع في حالتين انك اتوظف او اتزوج ...

    المشكلة الثانية ان مكافاة البترول تعتبر معاش لان ينخصم منها من التأمينات ... فجذيه معناته ان صار معاش مو اعانة !

    و اشكرك على ردك و نشوف رد الاخوان بخصوص الاسئلة و كفيت ووفيت ..
     
  4. فهد الكندري

    فهد الكندري بـترولـي نشيط جدا

    192
    0
    0
    حبيب بس احذر توقع نفسك بالمشاكل من يمشيلك معاش من مؤسسة البترول لا تتهاون او يقص عليك الشيطان على طول بادر انك تروح الشؤن وتبلغهم والله يوفقك ويوفقنا معاك يارب
     
  5. macnagget

    macnagget بـترولـي نشيط

    106
    8
    16
    لا لا تحاتي انا والله ما عندي اي مشكلة بس ناطر المكافاة تنزل و راح اخذ شهادة راتب و اعطيهلا للتأمينات بس حبيت اتأكد لان فيه ناس اعرفهم وايد عندهم نفس السؤال ...
     
  6. الـمـطـيـري

    الـمـطـيـري بـترولـي جـديـد

    17
    0
    0
    والله من طبعي احب أدخل اساعد اي واحد محتاج للمساعده

    لكن والله ماعرف إجابة سؤالك

    لذلك اتمنى من اي واحد يساعدك


    موفق خير
     
  7. macnagget

    macnagget بـترولـي نشيط

    106
    8
    16
    يعطيك العافية اخوي ... وماقصرت و يكفيني انك رديت حتى لو ماعندك اي اجابة
     
  8. elwed

    elwed بـترولـي نشيط جدا

    398
    0
    0
    من غير ماتسوي اي اجراء دايركت راح ينقطع من عند التأمينات


    وحط ابالك اذا عندك اخوان لازم تروح للتأمينات توقع على تنازل عشان تمشى للباجي وتتقسم لهم
     
  9. macnagget

    macnagget بـترولـي نشيط

    106
    8
    16
    حبيبي ما قصرت و جعل امك و ابوك في الجنة ان شاءالله ..

    طيب فيه احد عنده اي معلومة بخصوص ان المكافاة تمشي عليها اقساط ؟ ادري شوي سؤال غريب
     
  10. مجرد مناقشه

    مجرد مناقشه موقوف

    106
    0
    0
    السلام عليكم أنا توفا والدي ونفس السالفه يمشيلي من التأمينات معاش فأبغيت اعرف شلون ينقطع المعاش بعد الدورة ولا راح يستمر لي بدايت الدورة
     
  11. macnagget

    macnagget بـترولـي نشيط

    106
    8
    16
    ان شاءالله الاخوان ما يقصرون ونتمنى تعم الافادة
     
  12. Dosari

    Dosari بـترولـي نشيط

    98
    1
    8
    مشغل مصفاة
    انا نفس الموضوع بس بصيغه ثانيه

    انا موظف بالقطاع الخاص...ويمشيلي معاش

    بس سؤالي هل اقدر اقول حق البترول مابي المنحه ..؟ :confused:يعني اتنازل عنها و اقولهم انا عندي معاش مابي تمشون حقي ال300 دينار

    ولا لازم تمشي.؟؟

    ارجو الافاده....
     
جاري تحميل الصفحة...

مشاركة هذه الصفحة