الدراسة التي أعدها النائب أحمد السعدون عن الزيادات الاخيرة

الكاتب : جيفارا | المشاهدات : 3,825 | الردود : 39 | ‏15 أكتوبر 2011
  1. جيفارا

    جيفارا بـترولـي جـديـد

    4
    0
    0
    [align=center]

    هالشخص ما عنده شغل الا فلوس العاملين بالنفط انا ودي اعرف ليش هالبلبله اللي مسويها وشنو قصده من دراساته ووين يبي يوصل و دراسة التي أعدها النائب أحمد السعدون أن الزيادات الأخيرة دفعت المتوسط الشهري للراتب والمزايا الذي يحصل عليه الموظف الكويتي في القطاع العام إلى 1598 ديناراً، وهو واحد من أعلى معدلات الرواتب في العالم.
    وبحسب الدراسة التي حصلت عليها «الراي»، بات الموظفون الكويتيون في مؤسسة البترول الكويتية وشركاتها التابعة (القطاع النفطي) يحصلون على متوسط راتب شهري مع المزايا بقيمة 4800 دينار، أي ما يعادل 201 ألف دولار أميركي سنوياً، وهو رقم يزيد على نصف الراتب السنوي للرئيس الأميركي باراك أوباما سنوياً، البالغ 400 ألف دولار!
    ويقارب المتوسط الشهري لراتب الموظف الكويتي مع المزايا ثلاثة أضعاف ما يحصل عليه الموظف الوافد في الجهات الحكومية، والذي يبلغ متوسطه 591.5 دينار.
    وأظهرت الدراسة تفاوتاً كبيراً في متوسط الرواتب بين الجهات المختلفة، بما فيها تلك المتشابهة من حيث طبيعة الكفاءات المطلوبة في الكوادر العاملة لديها، مثل البنك المركزي وديوان المحاسبة، ما ينذر بموسم متجدد من الإضرابات والاعتصامات لموظفي الجهات الأقل حظاً في الرواتب والمزايا
    .[/align]
     
  2. hisham_222

    hisham_222 بـترولـي جـديـد

    37
    0
    0
    القصد من كل هذا تحريك الشارع الكويتي وانقلابة على حكومتة
     
  3. judgement

    judgement بـترولـي نشيط جدا

    342
    0
    0
    معاين ابار
    صحيح القصد من هذا كله اثارة الشارع وزرع بلبله بين موظفي الدولة وقلبهم على الحكومة
    (وبحسب الدراسة التي حصلت عليها «الراي»، بات الموظفون الكويتيون في مؤسسة البترول الكويتية وشركاتها التابعة (القطاع النفطي) يحصلون على متوسط راتب شهري مع المزايا بقيمة 4800 دينار، )
    يعني احنا متوسط رواتبنا 4800 مع المزايا دراسة فاشلة نفسه اهو الفاشل شالوه من رآسة المجلس لأنه فاشل
     
  4. Sccotchch

    Sccotchch بـترولـي نشيط

    73
    0
    0
    السعدون اتوقع يبي يرد يحيي نظام البعث بالكويت ويبي يكون على رأس الحزب معا معاونيه مسلم عزيزي وخالد الدوري الله يشفيك اعمل لخاتمك الله يجزاك خير
     
  5. جابر

    جابر قــلــم بــتــرولــي أعضاء الشرف

    كل اناء بما فيه ينضح
    واذا السالفه ردت للبعث والهكره تراك انت اقرب من مسلم وخالد
     
  6. LaRambla

    LaRambla بـترولـي خـاص أعضاء الشرف

    2,041
    3
    38
  7. القرناس

    القرناس بـترولـي نشيط جدا

    153
    0
    0
    يا جماعه صحيح ان كلامه يزعلنا لكن يبقى الرقي في استخدام الكلمات والتعليق مطلوب الله يحفظكم ويبارك لنا ولكم بالزياده وحبيت انبه اخوي اللي لعن السعدون واقوله السعدون اخوك بالاسلام ما يجوز تلعنه لان اللعن معناته الطرد من رحمة الله ...... الله يهديكم بس.
     
  8. واحد من خلق الله

    واحد من خلق الله بـترولـي نشيط جدا

    296
    0
    0
    رغم رفضنا لبعض تصرفات احمد السعدون لكن اذا الكلام الي كاتبينه الشباب سب في احمد السعدون شخليتوا حق الحويله وسعدون والعدوه وزنيفر ودليهي والقلاف وعاشور والراشد والروضان و الميع و و و و و و و ؟؟ من حق اي واحد رفض اى تصرف للنواب لكن شويت منطق ياجماعه انا اشوف ان السعدون رغم موقفه من الخصخصه وقضيه المكلسن ابرك من الى ذكرتهم مجتمعين.
     
  9. API 18

    API 18 بـترولـي مميز

    513
    0
    0
    ياجماعه شرايكم نروح كل عمال القطاع النفطي ويا بعض لديوان السعدون ونسأله شنو سالفتك مع معاشاتنا وبونصنا. خاب عمرك ومسوي دراسه. روح سو دراسه على حوادث الطرق اللي ماكله شبابنا احسنلك او اقولك سو دراسه من باق فلوس الشعب بالمكلسن ******
     
  10. شعيباوي

    شعيباوي بـترولـي نشيط جدا

    362
    12
    18
    تركوه دام الامور تيسرت. و اللي يذم النواب و يقول السعدون احسن منهم. ليش علشان الرشوة يعني. الشباب يقولون ان الريال مو مقصر. رجاء تبي تسوي خير قول صكروا الموضوع لا تخرط باجي النواب اللي مالهم دخل بالموضوع.
     
  11. واحد من خلق الله

    واحد من خلق الله بـترولـي نشيط جدا

    296
    0
    0
    اتوقع تقصدني
    ياعزيزي انا حطيت مقارنه بين السعدون وعينه من النواب وقلت اذا الكلام الى قالوه الشباب عن السعدون شبيقولون حق النواب الى ذكرتهم وانا ما تكلمت بالرشوه ولا احط بذمتي شي لكن اتكلم عن المواقف وليش اطالب باقفال الموضوع مو انا الي كاتبه ولا لي شغل فيه بس علقت عليه.
    ( اذا مو انا المقصود ياليت تعذر لقافتي )
     
  12. شعيباوي

    شعيباوي بـترولـي نشيط جدا

    362
    12
    18
    يا أخوي ترى الموضوع هذا لا يقدم ولا يأخر. و عادي تقدر تطالب بإغلاق الموضوع حتى لو إنك مو إنت كاتبه. و أعتقد مقارنتك ما كانت بمحلها إلا إذا بتذكر وجه المقارنة بين النواب.

    النواب فيهم الزين و فيهم اللي نتمنى لهم مزيد من التوفيق مو علشانهم علشان الكويت.

    و إسمح لي إذا كنت شوي دفش بردي.

    و دمت بود
     
  13. Kuwait-37

    Kuwait-37 بـترولـي نشيط جدا

    394
    0
    0
    مساء الخير.
    الله يهدي بعض المشاركين هل يجوز تلعن انسان علشان كم فلس!!!؟؟؟؟ الله يهديك.
    مهما كان ولو اختلفنا مع اي شخص بس ما يجوز اللعن والسب.
    وشكراً.
     
  14. مجموعة نفطية

    مجموعة نفطية بـترولـي خـاص أعضاء الشرف

    694
    0
    0
    السلام عليكم

    اخواني عندي لكم كلمة

    الزيادة واقرت وغصب من ورى خشم اكبر معارض لها

    الزيادة جائت بدعم حكومي ودعم من القيادة العليا

    سؤالي للنائب احمد السعدون

    ماذا عملت في موضوع (dow chemical ) بعد ان اوقفتوه وجعلتم البلد تخسر استثمار في سهم الداو خاصة

    وان اسهمها حاليا في صعود ؟؟؟

    كل العالم عندكم سراق للمال العام وانتم فقط الشرفاء ....... مايصير ياحجي


    ياشباب استمتعوا بالزيادة واتركوا عنكم هرطقات البعض
     
  15. hisham_222

    hisham_222 بـترولـي جـديـد

    37
    0
    0

    خالف تعرف هذا مبدا احمد السعدون .. كل الكفاءات النفطية ما يفهمون من اكبر راس ليه اصغرهم
    بس السعدون اللي فاهم
    النائب الفاضل احمد السعدون ... الشتاء على الابواب اوراقك احترقت ما نبي نشوي كستنه عليهم
     
  16. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت
    كلام الرجال منطقي ورواتب كبار الموظفين مبالغ فيها فضحونا ههههه
    لوهم مسمين بالرحمن ومخففين شوي من الخبال الزايد في زيادتهم كان وضعنا في السليم
    يعني بالذمة صغار الموظفين شنو ذنبهم في هالدراسة اللي متوسط الراتب فيها فوق 4000 دينار !!
    بلانا كله من الكبار وسبب مشاكل الزيادة كلها من رواتب الكبار اللي ماتنبلع دقرت وغصت فيها اللجان والدراسات اللي نشفت ريقنا
    طول الفترة الماضية
    احمد السعدون يوم يوافق على ميزانية البترول يحسب انهم صاحين وعاقلين وبيوزعونها بالعدل !! ( الله يقطع التكتم وعمايله )
    اللي حصل بلطوا الزيادة وعفسونا بحسبة الاساسي الدايخه وهم مضبطين امورهم في كل الاحوال وما تأثر فيهم اي حسبة
    كونهم الاعلى دائماً فوق فوق وحنا قاعدين نحتري الواحد يتكلم علشان نصفقه بالكلمة المشهورة ( الحسد ) ياحسودي هههه
    انتم مالكم ذنب في اللي حاصل هو ذنب الكبار اللي مخلينكم في الوجه دايم ومثال عليه هالموضوع !!
    ليش المؤسسة ماتدافع عن نفسها وهي سبب كل هالسوالف ؟!
     
  17. مجموعة نفطية

    مجموعة نفطية بـترولـي خـاص أعضاء الشرف

    694
    0
    0
    السلام عليكم

    تذكر اخوي oilkw لما ناقشتك بخصوص كلام عضو المجلس الاعلى

    وقتها قلت لي الزيادة حق صغار الموظفين و و و ...... وكبار الموظفين مالهم شي وايد بالزيادة

    كلام عضو المجلس الاعلى اذا تذكر قال ان الزيادة حق صغار الموظفين افضل من الكباريه

    وقتها انا اعترضت وانت حاولت تقنعني بكلام العضو اللي في المجلس الاعلى

    عموما بينت فيلجا وصاحبنا طلع بياع حجي لا اكثر وهنيئل على قولتك لكبار الموظفين

    نشوفك على خير حبيب قلبي
     
  18. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت
    وعليكم السلام ورحمة الله وبركاته
    ايه الله يسلمك مشت الزيادة على المتفق عليه ومامشت على كلام الرجال اللي كان يقول ان الزيادة للكبار مبالغ فيها
    وكان يتكلم عن انصاف صغار الموظفين ومساواتهم بالكبار وتقليل زيادة الدرجات من 17 الى 20 وماقال ان زيادة صغار الموظفين زيادتهم افضل من الكبارية ابداً
    ارجع للموضوع وتذكر الكلام اللي ذكرناه بدون خلط الامور ويضل الكلام اللي ذكره الرجال منطقي وعادل ولا نعرف حتى هاللحظة هل هو صحيح او خطأ بسبب ان مافيه احد يعرف حقيقة الاوراق الرسمية ومحد نشرها حتى نعرف الصدق من الكذب
    لذلك فيلجا مابينت لالحين هههه

    لحظة لاتروح لين تعلمني متى قلت هنيئاً لكبار الموظفين ؟
     
  19. FireMAB

    FireMAB موقوف

    12
    0
    0
    الكبار كلهم 3 مايسحبون ال16000 الا 200 فلس

    يعني شنو مكلسن
     
  20. مجموعة نفطية

    مجموعة نفطية بـترولـي خـاص أعضاء الشرف

    694
    0
    0

    سوري ياخوك من القرايه السريعه

    السموحه .....

    بالنسبة لكلام الرجال لازلت اجزم انه بياع كلام رقم 1

    وبنفس الوقت احترم وجهة نظرك لان تفهم اكثر منه من وجهة نظري لانك صادق وقلبك على الموظفين

    والسلام ختام
     
جاري تحميل الصفحة...

مشاركة هذه الصفحة