ليش الظلم يانقابة للفريق الامن ؟؟؟؟؟؟؟

الكاتب : &&ابو العلوم&& | المشاهدات : 1,744 | الردود : 11 | ‏15 أكتوبر 2011
  1. &&ابو العلوم&&

    &&ابو العلوم&& بـترولـي جـديـد

    9
    0
    0
    السلام عليكم ورحمة الله وبركاته

    استغرب تجاهل النقابة للفريق الامن الفريق المنسي من قبل النقابة التي لايبدو انها تحسب حساب لهذا الفريق اما لسبب قلة عدد الموظفين في هذا القسم او لانهم يعتقدون بانهم من الممكن انضمامهم للشركة الخدمات البترولية
    النقابة ظااااالمة لانها لم تعدل ففريق الاطفاء تم اعدة تقييم وظائفهم وتعديلة وجميعكم يعلم لماذا الاستذباح على دائرة الاطفاء لان رئيس النقابة تابع لهذة الدائرة ومصلحتة مع ربعة .
    مع العلم بان سلم الدرجات الوظيفية للفريق الامن في الخدمات البترولية كالتالي :

    موجهة امن 12
    ظابط امن 14
    كبير ظباط امن 16

    اما سلم الدرجات في شركتنا الموقرة الظالمة
    موجهة امن 11
    ظابط امن 13
    كبير ظباط 15
    ونعلم مدى حداثة شركة الخدمات البترولية ( نبي رد واضح من النقابة او الوعد قدام وعددنا لايستهان به قد يسقط قائمتكم الظالمة );)*
     
  2. &&ابو العلوم&&

    &&ابو العلوم&& بـترولـي جـديـد

    9
    0
    0
    وين النقابة ماترد

    السلام عليكم ورحمة الله وبركاته
    وين النقابة ماترد وين المهندس فيصل الكندري المتحدث الرسمي
    للنقابة الي كل يوم مطرش انجازات علي ايمالاتنا وكلها كلام فاضي ليش ماترد ياخ فيصل كثرت ايمالاتكم هالايام علشان الانتخابات قربت عدل وفريق الامن منسي الي متى مع العلم بموقفكم المخزي والمتردد في الزيادت الاخيرة والفرق الكبير بين نقابتكم ونقابة البترول ونقابة الخدمات الحديثة نسبيا فشلتونا والله عييييب كل هذا علشان تحطون ربعكم وترقونهم والدليل التعينات الاخيرة بسكم كذب ودجل .*
     
  3. alighsaad

    alighsaad بـترولـي نشيط

    131
    0
    0
    اسمع رد الانبطاحيين بالنقابة

    الرجاء عمل فلو لصاحب الجلالة والفخامة فيصل الكندري على حسابه الخاص على تويتر لتجد من يعطيك وجه ويكلمك

    والسبب انه الوحيد الناجح بالمدرسه والاول على صفه وهو اللي فاز بالانتخابات لذلك اما تسوي له فلو او تستريح
     
  4. kuwait22

    kuwait22 بـترولـي جـديـد

    16
    0
    1
    الله يعينكم يا قسم الامن قسم لا يوجد فيه لا ترقيات والموظفه kocمسلوبه حقوق والافراد اوسكو مهيصين تقارير امتياز وضباطهم والموجهين جيد او جيد جدا قسم دايخ ولا صارلهم 5 سنين عندهم نقص ضباط وللحين مو راضين يرقون احد
     
  5. Rushdi Abatha

    Rushdi Abatha بـترولـي جـديـد

    1
    0
    0
    فريق الأمن

    بسم الله الرحمن الرحيم

    زين يسوون بفريق الأمن فريق كلٍ يقول يانفسي فريق متفكك رؤساء الفرق تكره بعضها والسوبرفايزريه كلٍ يحفر للثاني
    والضباط مايدرون وين الله قاطهم والعراده بالشمال قاعد ثلاث سنين مستانس على بدل الطريج جنه ماعنده عماير ولاعنده خير ومعاه الجابر صارله خمس سنين بالشمال هم مستانس على بدل الطريج والبونص مظبطينه عمانه وماكل حقوق ربعه
    ياريت يروح هالفريق من ال koc لأنه مو مستوى شركتنا
     
  6. abu_fhd

    abu_fhd بـترولـي جـديـد

    8
    0
    0
    ذكر
    ضابط أمن
    الاحمدي
    [align=center]السلام عليكم ورحمة الله وبركاته[/align]وين النقابةوين المهندس فيصل الكندري المتحدث الرسمي وكلنا امل بهذا الشخص و نريد المساواه
    نعم فريق ولا احد فكر فيه من النقابة لكن مو لدرجة مو مستوى شكرتنا koc مثل كلام الأخ RUSHDI ABATH والحمدلله علي كل حال شنو حتى العرادة حاسدينه علي الثلاث سنوات ياخي ماصار تدوير رئيس فريق الا الآن والتدوير علي ماضن قريب
     
  7. AD-01

    AD-01 بـترولـي خـاص

    1,040
    2
    38
    يا اصحاب السعاده .. واخص بالذكر صاحب الموضوع اللى يقول نقابة ظالمه وراح تسقطها بالانتخابات وعندك جيوش جراره

    اول شي اقولك استريح :) وثاني شي لو انك مسير وشارب شاي بالنقابة وسائل عن الموضوع كان عرفت السالفه

    ثاني شي سالت عبدالله الزعبي وسالت فيصل الكندري وهم سالت احمد الحمادي وكان جوابهم ان قسم الامن راح ينتقل للأوسكو وفي كتاب قديم من الاوسكو لسامي الرشيد بعدم اعاده تقييمهم لحين الانتقال اما الاطفاء فغالبا ما راح ينتقلون وتم اعادة تقييمهم لان طبيعة البيئة اللى يشتغلون فيها ونوعية المعدات تختلف عن الشركات الثانية


    بو علوه .. متى تستعدل وتتكلم نفس الرياجيل عن زميلك فيصل الكندري ؟ والا الغيره عامله عمايلها فيك :)
    كافي الرجال متواصل بالايميل والتويتر والواتسب والتلفون بعد ، نصيحتى لك (وانا امون عليك قلبي) اذا تبي تزيد الفلوز مالتك بطل سوالف مع الجنس اللطيف بالتويتر ;)
     
  8. alighsaad

    alighsaad بـترولـي نشيط

    131
    0
    0


    بسم الله عليك وعلى قلبك يا الاشمط ..... قلبك للحين خضر ... تدور ورى كل تعليق لي بالمنتدى وتكتب عن الجنس اللطيف ... مدري غيره منك والا بتضيع السالفة وتشويه سمعه .... بس هم مقبوله منك

    البدو قبل يشوفون الشيب رمز للوقار
    والشباب رمز للقوة
    بس الاشمط دوم رمز للخباثة .... فيقولون عجوز شمطاء ..... صح والا لا يا كاتم اسرار النقابة يا الاشمط


    بس أأكد ع كلامك أنت فعلا تمون ..... وابرك الحزات أن حليت فيك بعد صاحبك فيصل

    بس عيب تطنز ع كاتب الموضوع لانه قال اللي بصدره من غيض وقهر وانت مسئول بالنقابه ولازم يصير صدرك وسيييييييع

    وعلى طاري فيصل ....ترى ماجبت له ذكر لين طلعتوا بالمقترح الخبيث مال تويتر ... ورفضكم فتح حساب للنقابه على تويتر والفيس بوك
    بس لاجل يتبعون .... ع قولتك زميلنا فيصل .... ويحط أراءه وسمومه ضمن معلومات واخبار النقابه لمصلحته ومصلحة عائلته بأمور ما تهم العامل في شركة نفط الكويت

    وأما على أسمي ..... موت بغيضك ولاني معلق عليك.... يا. Ad. والنك مالك له الف تأويل وتأويل
    :d:d:d
    *
     
  9. AD-01

    AD-01 بـترولـي خـاص

    1,040
    2
    38
    انت عسل .. والعسل ما تحمل اشوفه يزعل مني

    يا اخي انت اريش ومزيون و "تهبل" وما خليت لنا شي بالتويتر يا اخي خف علينا شوي خلنا نسترزق الله يصلحك

    يا قلبي يا بو علوة .. خليت النقابة وما تعرضت الا "فيصل" اكيد بزعل منك وبطقك علي ايدك .. اقلها انقد على اي عضو ثاني ما يشتغل .. فيصل على قولتك شاطر وحلو والاول على المدرسة ويحبونه ابوه وامه وعلشان جذي توفق وصار دكتور بعد ( مبروك يا بوغزوي) وأي موضوع تعطيه غالبا ينجزه ويفزعلك ويجاوب على اسئلتك .. لكن مع هذا ما يوصل مواصيلك بالعلم ولو انه يمدح فيك قبل ويثني على "فهاميتك" لكني بديت اشك انه يبخصك :D

    بعدين فيصل معروف انه اشتراكي وعنده الحاد بالعقيده واعتقد لو احد من علماء الجرح والتعديل اراد تصنيفه فما راح يتصنف الا مع ميسرة بن عبد ربه الفارسي البصري :eek: .. اقول قم زين :)

    يا اخي اتلكع شوي واختشي من دمك .. واحد شاد حيله بالنقابة ومجتهد مع الناس حطيته يبث افكار مسمومه ويجير اخبار النقابة الى عائلته ههههههه عمره ما تكلم عن الاشاعرة ولا دعم نظرية داروين ولا جاب طاري الكنادرة .. كل الموضوع ان الحبيب قالب التويتر (بين المشاهد والتلفزيون) :D

    قايلك دمك شربات بس ما تصدقني .. بس لو تبطل جعاصه وتشوفلك هندي يغسل جيبك الاشهب ويرجعه ابيض تصير خوش ولد :mad:
     
  10. kuwait22

    kuwait22 بـترولـي جـديـد

    16
    0
    1
    لا حول ولا قوة الا بالله ياجماعه الموضوع يتكلم عن الظلم الواقع على قسم الامن

    واتمنى من الاخوان تكون ردودهم بخصوص الموضوع



    وعساكم عالقوه واتمنى يكون صوت النقابه حاضر لخدمه موظفي الشركه بجميع الاقسام
     
  11. &&ابو العلوم&&

    &&ابو العلوم&& بـترولـي جـديـد

    9
    0
    0
    شكو راز وجهك يابو المفهومية

    السلام عليكم ورحمة الله وبركاته
    اول شي تادب لما تخاطب الناس يابو الشباب وبعدين فية كتاب مطرشته النقابة للدوائر الامن مبين فيها مقارنة بالدرجات الوظيفية في فريق الامن بين شركة النفط وشركة الخدمات الحديثة نسبيا ومخاطبتهم للمدير الدائرة وبعدين للعلم ترا المجموعة الي هي الامن والاطفاء راح تنتقل الي شركة الخدمات وفية اتفاقية للنقل المجموعة كاملة لاكن التقييم جاي للاطفاء لان رئيس النقابة وجماعتة في فريق الاطفاء واجد والمحسوبية للفريق الاطفاء واضحة وظالمة والدليل ترقيات ظباط الاطفاء الاخيرة ناس ماعندها شهادات وترقى وناس عندها شهادات جامعية مايترقون والعذر ان شهاداتهم ادارية ماراح يفيدونهم زين والي عندة ثانوية عامة شنو بيفيدونهم فية ياحبيبي النقابة محسوبية للفئة معينة والدليل التعينات الاخيرة تضحكون على النقابة الي طافت وتقولون يظبطون ربعهم وانتُ شقاعد تسون لعب وفوضى ودائرة الامن مظلومة لان مافيها احد محسوب على النقابة
     
  12. kuwait22

    kuwait22 بـترولـي جـديـد

    16
    0
    1
    الله يصلح الحال بالنسبه لقسم الامن

    قسم طايح حظه وكل تيم ليدر له عقيله مضروب الا من رحمه ربي


    قسم اكس ملقطينهم من اوسكو وشركه خاصه

    وال kocضايعه حقوقهم


    وسبب كثرة تيم لدريه الي فيه بس شنو ناس معقده


    الله يعيننهم علي نفسهم
     
جاري تحميل الصفحة...

مشاركة هذه الصفحة