مقارنه بين مميزات أو مساوىء الخفجى والوفره والمكتب الرئيسى

الكاتب : جابر | المشاهدات : 2,575 | الردود : 18 | ‏23 ديسمبر 2007
  1. جابر

    جابر قــلــم بــتــرولــي أعضاء الشرف

    كل اللى يعرف شى ... يحطه ... زين والا شين ..... مميزات ، درجات ، ..كورسات ... أى شى ... وجودنا فى 3 أماكن مختلفه تماما ..يعطينا فرصه أكبر نفهم ونعرف ....
     
  2. جابر

    جابر قــلــم بــتــرولــي أعضاء الشرف

    اللى يعرف أكثر يزيد ...أو حتى يعدل فى حالة الخطأ

    طبعا راح أتكلم عن الخفجى :
    دل الطريق فى الخفجى غرييييييييييييييييب لا يخضع للدرجه ولا الراتب الأساسى :
    أعتقد 150 للعزابى
    350 للمتزوج
    450 للمتزوج وعنده ولدين أو أكثر ........

    الدرجات كل أربع سنوات ومايكون عندك تقدير ضعيف اخر سنه و مجموع المرضيات ومرافقة مريض وحتى بدون راتب لا تتجاوز 36 يوم خلال اخر ثلاث سنوات ..........

    المهندس (الفرشششش) : يعطى درجه 21 وتعادل أعتقد (12) فى koc
    وراتبه الأساسى 7730 ريال + بدل سكن تقريبا 1400 ريال + بدل بنزين 1000
    يعنى يوصل تقريبا 10000 ريال ..... 800 دينار كويتى

    طبعا يصرف له بدل الطريق حسب اللى فوق
    و يصرف له العلاوات الإجتماعيه مثل الشركات البتروليه الثانيه حسب الدرجه المعادله له ...

    السياره ...لا يحلم فيها ...تعطى فقط للمدراء ..درجه 27 على الأقل ...24 سنه خدمه قبل لايحلم بالسياره...
     
  3. brilliant

    brilliant المـراقب الـعـام

    8,477
    0
    0
    Engineer
    Kuwait
    افا بس هذي المميزات للمهندس الفرش ,,,, لا ياخوي اعتقد اكثر

    يمكن لان الريال طايح مقابل الدينار :rolleyes:
     
  4. جابر

    جابر قــلــم بــتــرولــي أعضاء الشرف

    لا يبه دينارنا ثابت ...............ويصرف على سعر (82) فلس ، يعنى زين ....:)
    المميزات ......هذى هى ... مافيه غيرها.............
    طبعا عندنا السينيرز مايشتغلوون شفتات ............. كله صباحى ....
    يمكن يحوشه بدل (زيت) ....أعتقد 500 ريال بس ، ماسمعت عن أى شى ثانى ..:(
     
  5. KGOC-JOW

    KGOC-JOW موقوف

    16
    0
    0
    Mechanical Engineering
    USA
    صباح الخير على الجميع.....يعطيك العافيه اخوي جابر على هالموضوع الجميل....وعشان الفايده للجميع..راح اقول جم راتب المهندس الفرش على قولتك:)......طبعا بالوفره
    المهندس المتزوج راتبه تقريبا 908 د.ك بالاضافه الى بدل الطريق 250 د.ك وبدل طبيعه عمل 50 د.ك....
    يعني اجمالي الراتب 1208 د.ك....بعد خصم التامينات....وارجو اني افدت على كثر ماستفدت.....
     
  6. Winchester

    Winchester المـراقب الـعـام

    الله يعطيكم العافية

    موضوع مميز
     
  7. ali salem

    ali salem بـترولـي نشيط جدا

    200
    0
    0
    للتصحيح
    المهندس في الخفجي يتعين على 21 صحيح ولكن 21 يعادل 11 في الأحمدي وليس 12 للأسف الشديد
    وشكرا
     
  8. جابر

    جابر قــلــم بــتــرولــي أعضاء الشرف

    يعطيكم العافيه جميع على المشاركه ... هذا المطلوب تصحيح ونشر المعلومه ....... حتى كلنا نستفيد ...
     
  9. مواق

    مواق بـترولـي مميز

    501
    0
    0
    انا ماني شايف فرق بالراتب بل العكس المهندس الكويتي راتبة افضل من السعودي .
     
  10. جابر

    جابر قــلــم بــتــرولــي أعضاء الشرف

    الأساسى بالخفجى ....عالى جدا مقارنة بالكويت و الزيادات السنويه أعلى لأنها مربوطة وياه....وعلاوة السكن تزيد مع الأساسى ..مو مع الدرجه ..يعنى كل سنة تزيد....بس ماعندى أرقام دقيقه الحين .......
     
  11. PetroleumENG

    PetroleumENG بـترولـي نشيط

    146
    0
    0
    Petroleum Engineer
    Kuwait
    موظف الخفجي ياخذ قرض 70000 دينار :eek: بينما موظف الوفرة حده قرض ضعف الراتب مال المؤسسة.:(

    موظف الخفجي يعالج في المستشفيات الخاصة:eek: على حساب الشركة، أما موظف الوفرة حالة حال موظفي المؤسسة.. (حده مستشفى الأحمدي)...:(

    هالميزتين أشوفها أبرز المميزات اللي اتوفرها عمليات الخفجي المشتركة


    واللهم لا حسد

    الله يهنيهم... ويستاهلون:)
     
  12. جابر

    جابر قــلــم بــتــرولــي أعضاء الشرف



    تسلم ..وتستاهل الطيب ياباش مهندس :)

    فى الخفجى :
    المهندس (أو الجامعى ) يتعين على درجه 21 ...وبعد 12 سنه ....يصل إلى أول درجه 24 ( يعنى من 11 إلى 14 حسب نظام Koc) :(

    فى الوفره (صلحوا ياشباب الوفره إذا غلط)
    يتعين المهندس على (12) وبأقل من 4 سنوات يوصل إلى درجه (14) :)


    طبعا فى الحالات كلها الخفجى والوفره ....شرط توفر البوست وما عنده أى إشكالات وظيفيه أو شخصيه تعطله ... :)

    وهم تستاهلون الخير ياهل الوفره :)
     
  13. ali salem

    ali salem بـترولـي نشيط جدا

    200
    0
    0
    نعم الميزتين هذي خلت الشباب يتجهون للعمل بالخفجي
    ولكن .............!!!!!!!!!!!!.........
    أنتوا ياللي تعالجون بالأحمدي ترى كل شيئ متاح لكم وما فيه شيئ مو مسموح لك تعالج منه وآخرها عمليات الليزك
    للعيون (بس الله يعينكم على الزحمة)
    أما المستشفى الخاص فهذا ممنوع بالمره
    وهذا ننتظر الموافقة من الخفجي
    وهذا حالة مستعصية روح شوف مستشفى ثاني
    وهذا التخصص مو موجود
    وكشف النظر على حسابك

    أما القرض أبو 70000 دينار فهذا الطعم اللي ينجذب فيه الشباب للعمل بالخفجي
    الناس قاعدة أكثر من عشر سنوات ما حاشهم القرض
    وناس باقيلها على التقاعد أقل من 5 سنوات ولسه
    وسلامتكم
     
  14. بوشهري

    بوشهري بـترولـي نشيط جدا

    167
    0
    0
    الى الاخ جابر

    سلام عليكم طال عمرك

    كل كلامكم على المهندسين ياخوي كلمونا شوي عن الشفت في الخفجي البري او البحري ..



    حسب علمي ان موظف الشفت يبلش فريش على غريد 9 اذا متزوج يكون راتبه مع البدلات 730 و ضبف عليهم الاطفال 50 كل طفل .. بدل الشفت 35 و بدل الطريق 160 و بدل الخطر 100

    و سلامتكم ...
     
  15. جابر

    جابر قــلــم بــتــرولــي أعضاء الشرف

    هلا والله ... لأن ماعندى خبر ...تعرف الواحد يالله يعرف راتبه وبدلاته الخاصه ..وبما إنى إدارى ..(ماكو بدلات:))
    بس اللى أعرفه عن الشفت (البرى) فى الخفجى :
    موظف الشفت مو شرط غريد 9 أعتقد أقل ...النظام القديم كان الثانويه (غريد 6) عادى بالشفت ، الحين بعد الأب غريد اللى صار قبل 3 سنوات لبعض الوظايف يمكن زاد ... بس ما أعتقد 9

    الراتب يعتمد بشكل كبير على الدرجه ...
    الدرجه (9) عندنا .... تبدا 5525 ريال سعودى وتزيد لغاية 11050 ريال ....(راتب أساسى طبعا)
    فيه علاوة زيت ...أعتقد 400 ريال
    علاوة زوجيه 240 ريال ..أول مولودين 120 ريال لكل واحد ، الثالث والرابع 100 ريال ..والخامس والسادس 80 ريال .
    علاوة سكن ... (يمكن بحدود 1400 ريال)
    علاوة بنزين سياره .. بحدود 400 ريال


    علاوات الكويت طبعا تأخذها :
    علاوة طريق ...ومتزوج ....350 دينار ... أكثر من طفلين ...تصير 450 دينار
    علاوات شركة البترول :
    الزوجيه + علاوات الأطفال + (الكولا) ........... تأخذها بناء على الدرجه المعادله لها فى شركة البترول
    (أعتقد مذكوره فى المنتدى ..كشف لمعادلة الدرجات ..بس مادرى وين ...):)


    ----- بن سالم ...و (اخرون :)) ..اللى عنده معلومااااااااااااات لا يبخل على الشباب
     
  16. بوشهري

    بوشهري بـترولـي نشيط جدا

    167
    0
    0
    يعطيكم العافيه جميعا و شكرا على الردود ..

    ودي احد الاخوان يجيب لنا معلومات عن شفت البحر في الخفجي .
     
  17. Arantos

    Arantos بـترولـي نشيط

    66
    0
    0
    اخوي جابر يعطيك العافيه

    هل موظف الخفجي ياخذ علاوة الزوجيه 240 ريال من الخفجي و ايضا 250 من الكويت ؟؟ ولا بس وحده منهم ؟

    و بالنسبه للأطفال 120 ريال هل ياخذ 50 الكويت و فوقها 120 من الخفجي ؟

    و سلامتك
     
  18. جابر

    جابر قــلــم بــتــرولــي أعضاء الشرف

    يأخذ الثنتين ... لما وقعنا مع الشركه ..قالوا حقوقنا محفوظه ....بعدين قصوا علينا وبدوا يقصون زوجيه وعلاوة أطفال الخفجى مننا :mad:.....شدت حيلها النقابه ورجعوها :D....ومن كم شهر فى اخر أيام العواد (الله ...يسامحه) قصها مره ثانيه :mad:...وبعدها رجعوها الشباب مره ثانيه ... :D
    الزبده ...الحين نستلمها ....بس ما فيه شى مضمون ... :(

    للعلم
    زوجية الأطفال 120 لأول طفلين
    100 ريال لثانى طفلين
    80 ريال لثالث طفلين
    يعنى (أعلى شلى تستلمه) اللى عنده 6 أطفال يستلم (زوجيه + علاوة أطفال) 840 ريال ....تقريبا 60 دينار كويتى

    أما 250 الكويت فهذى تعتمد على الدرجه المكافئه مالت البترول ممكن تزيد وممكن تقل ..
    الأطفال نفس الشركات الكويتيه ...

    وسلامتك ...
     
  19. engr.Kuwaiti

    engr.Kuwaiti بـترولـي نشيط

    105
    0
    0
    Senior Petroleum Engineer
    Kuwait
    بالإضافة إلى كل المزايا اللي اذكروها الشباب واللي يشكرون عليها .... أود أن أضيف بعض المزايا الغير مذكورة والتي يتميز بها الموظف بالخفجي :
    يستحق الموظف سنويا دفعة خاصة تعادل الراتب الأساسي حسب النظام بالخفجي وهذا ما يسمى الراتب الثالث عشر أو BONUS علما أن الموظف الكويتي في الخفجي أيضا لديه الحق بالحصول على مكافئة مشاركة النجاح من الجانب الكويتي Share of Success

    يستحق الموظف في الخفجي قرض أو إعانة مالية بعد 5 سنوات من تاريخ التعيين

    يستحق الموظف المسلم اجازة حج 28 يوم مدفوعة الراتب بعد 4 سنوات من تاريخ التعيين ولمرة واحدة خلال خدمته بالشركة

    يستحق الموظف بدل ترحيل عند الحصول على الإجازة السنوية بما يعادل 60% من الراتب الأساسي ولمرة واحدة بالسنة الميلادية

    يحق للموظف بالخفجي الأشتراك بنظام الإدخار والأستثمار

    بدل السكن ويتم احتسابه على أساس مجموع راتبيين أساسيين في السنة ويتم دفعه شهريا وذلك بتقسيم المبلغ على 12 شهر وبحد أعلى 4000 ريال سعودي

    يستحق الموظف أيضا تذاكر سفر سنويا أو ما يعادلها بالدينار الكويتي له ولأفراد عائلته وهذي الميزة من الجانب الكويتي

    يستحق الموظف الحصول على دورة متخصصة خارجية (بمعنى خارج حدود المملكة ) مدفوعة التكاليف (وزيادة بعد!!!!) كل سنتين أو كل سنة حسب التخصص واهميته Job skill

    وعلى طاري business Trip الموضوع على قولة المثل إذا حبتك عيني ما ضامك الدهر يعني حسب مسؤولك بالدائرة
     
جاري تحميل الصفحة...

مشاركة هذه الصفحة