الفتاة الكويتيه..تكون او لاتكون؟

الكاتب : حنان | المشاهدات : 860 | الردود : 18 | ‏23 ديسمبر 2007
حالة الموضوع:
مغلق
  1. حنان

    حنان بـترولـي خـاص

    2,196
    1
    38
    ايام كثيره تمنيت اسأل ناس مختلفه بالأفكار والحمدلله حصلت لي
    هالفرصه اني اسألكم اتمنى من كل انهم يكونون صريحين لأعلى درجه
    وغض النظر عن النتائج لأن راح اتحدث عنها بعد آراء الجميع ....

    الموضوع بسيط بس له فايده انشالله ويتكلم عن البنت الكويتيه وطريقة
    حياتها واختلاطها بمجتمعنا الحالي والتقليد الأعمى للعادات الأخرى
    وبمعنى كلامي مو بس البنت بل الرجل ايضاً ولكن اخص البنت في هذا الموضوع
    ...
    إلى اي مدى تغيرت البنت الكويتيه وهل هناك سلبيات وايجابيات على هذا
    التغير؟

    .... وللمساعده للي مافهم محتوى السؤال حاول تقيسها على التعارف
    - الحب - الشغل مع الرجال - اغراء الناس -كثرة التقليدوالمكياج الخ ... ملاحظه للبنات فقط : تخيلو انكم انتو الطرف الثاني وشوفو انعكاس انفسكم والبنات الكويتيات
     
  2. brilliant

    brilliant المـراقب الـعـام

    8,477
    0
    0
    Engineer
    Kuwait
    والله يا بنت الناس مو بس بنات الكويت كل بنات دول العالم متغيرين وصار طبعهم واحد تحت شعار الموضه

    بس الحمدالله في بالكويت بنات يسوون اوزانهم ذهب وهم الاغلبيه
     
  3. كريستاله

    كريستاله بـترولـي خـاص

    1,358
    0
    0
    تغيرت البنت الكويتيه تغيير كبير سوا باللبس وتباع الموضه ولا بالدراسه ولا بالوظيفه والاختلاط مع الرجال

    قبل البنت الكويتيه تلبس العبايه والبوشيه الحين صارت تلبس ليقنز وجينز وشيلتها واصله السقف والميك اب جنها رايحه عرس

    قبل كانت دراستها محدوده الحين البنت الكويتيه عندها اعلى الشهادات وبنت مثقفه

    قبل قله من البنات الكويتيات موظفات الحين جميع بنات الكويت موظفات وفي كل القطاعات صارت حالها حال الرجل ويمكن اجدر من الرجل

    كثير من التغيرات بصالح البنت الكويتيه وتفيد البنتالكويتيه

    ولكن في تغيرات تشوه صوره البنت الكويتيه خاصه اللبس اللي الحين نشوفه بالمجمعات اللي يخدش الحيا ويخليها سلعه رخيصه الكل يشوفها

    ماتسوي عليج الكل يطالع فيج حتى الهندي

    انا ماقول لاتمشين عالموضه بالعكس انا ويا الموضه بس لبسي هالسوالف عند الاهل ورفيجاتج ولبسي بره البيت ملابس عالموضه تكون محتشمه تكبرج بعيون الناس لمه يشوفونك



    بالنسبه حق الاختلاط انا اشوفه زين وشين

    زين لانه يزرع ثقه بالنفس وعدم الخوف والارتباك من الجنس الاخر

    شين حق اللي يستغلونه استغلال خاطئ



    وبالنهايه مثل ماقال Brilliant


    الحمدالله في بالكويت بنات يسوون اوزانهم ذهب وهم الاغلبيه
     
  4. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    أولااا أشكرج ياا عزيزتي علي ها الموضووع
    بالنسبة لي من وجهه نظري البسيطة أعتقد انه البنت الآن وصلت لمرحلة أقدر أقوولج فيهاااا ماعااد تستحي من اي شي مهماا كان ها الشي
    وطبعااا البعض وليش الكل وحطي خطين تحت كلمة البعض وليش الكل
    ياا جمااعة مثل محناا شاايفين وصلت المووضه لدرجة الأستهتااار سواء كاان باللبس او الكلاام او حتي الأفعاال
    مثل منتو عاارفين قبل البنت عيب أنهاا أطاالع الجنس الخشن او بمعني أصح الرجل ولكن الآن الي أشووفه من بعض البنات انهاا أطالع الرجل وبعين قووية لدرجة انه الرجل نفسي يستحي من ها النظراات ومن ها الجرأة الي أعتبرهاا جرأة موو بمحلهااا وأعتقد أنهاا جرأة متعمده لفرض النفس
    يعني بمعني بسيط أعتقد البنت بها الزمن تريد أن تتغلب علي الرجل أو حتي تناافسه سواء باللبس والأفعاال والأقوااال


    وتقبلي مرووري وتعقيبي
     
  5. الصايغ

    الصايغ بـترولـي خـاص

    اختي حنان
    مساااء الخير
    البنت الكويتيه ماتغيرت لا المفاهيم الي تعيشها البنت الكويتيه اهي الغلط
    والمشكلة انج انتي الي تسألين السؤال وانتي بنفسج اجاوبين علي السؤال
    وتكفين لا تعورين قلبي علي الي قاعد اشوفه كل يوم من البنات والشباب جدام عيوني صار مافي لا مستحى ولا خجل
    واذا حابة تشوفين الشي هذا علي الطبيعة زوريني في موقع العمل المحطات التعبئة الوقود وتشوفين العجب العجاب
    وراح تشوفين اللبس والموضة والضياع الي يعيشونها الجنسين ولا علي مرئي عيون البشر
     
  6. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    اللي عاصر أكثر من جيل يقدر يعرف المؤشر يتجه لوين ، مؤشر الأخلاق قاعد ينزل بشكل رهيب جدا خلال ال خمسة عشر سنة الماضية، من بعد الإنفتاح الإعلامي ( قنوات فضائية بلا حدود ، إنترنت ) أصبح الغزو الفكري مؤثر و نشوف نتائجه في مواليد الثمانينات و التسعينات أكثر منه في مواليد السبعينات و قبل
    بشكل عام هناك تغير للاسوأ ، مو الكل لكن الكثير قد تأثر بالموجةالعاتية الأكبر منا
     
  7. touareg777

    touareg777 بـترولـي مميز

    641
    0
    0
    عروقها بالماي
    دولة الكويت
    يازين حجيات قبل صج حريم مو الحين كله مكياج وتلطخ ودلع ومادري شنو
     
  8. زهرة التوليب

    زهرة التوليب بـترولـي خـاص

    للأسف المجتمع انفتح انفتاح غربي بشكل فظيع وآثر على الكل بشكل عام
    والاعلام ما قصر والقنواة الفضائية المروجه للإنحطاط الأخلاقي
    كل هذا ادى الى فساد الأخلاق والتقليد الأعمى للغرب

    طبعا انا اتكلم عن البنت والولد مو بس البنت اللي اخلاقها فسدت وتغيرت طريقتها في اللبس
    حتى الشباب لأسف اخلاقهم ولبسهم واشكالهم تغيرت وفسدت

    وطبعا اللوم كله يقع على الأسره ودورها في تأسيس الأبناء على الأخلاق والفضيله
    وتعليمهم أصول الدين الاسلامي والقيم والمبادئ الأخلاقيه

    مافي مشكله اذا المرأه في العمل اختلطت بالرجال
    خاصه انها قاعده تؤدي واجب ودور في المجتمع
    لكن الأهم هو محافظتها على أخلاقها وتلتزم في عاداتها وتقاليدها

    طبعا مو شرط لبس العباية ولا النقاب وهالسوالف اهم شي اللبس المحتشم
    حلو انه يتطور ونواكب الموضه لكن في حدود المعقول وحدود الالتزاو الأدب الأخلاقي
     
  9. KOC Beast

    KOC Beast بـترولـي جـديـد

    انا اقو ل روحو ربو عيالكم الي عايشين بين الخدامات وخلونا على ذكرى حريمنا قبل
    ( الله يرحم امهاتنا وجداتنا ) كنتو وين وشوفو بناتكم صارو وين

    لاحيات لمن تنادي
     
  10. حنان

    حنان بـترولـي خـاص

    2,196
    1
    38
    حياك يا ولد الناس والف شكر لك على المرور وعلى المشاركة
     
  11. حنان

    حنان بـترولـي خـاص

    2,196
    1
    38

    مشكور حبوبة على المرور وعى المشاركة
     
  12. حنان

    حنان بـترولـي خـاص

    2,196
    1
    38

    الف شكر لك اخوي على المرور وعلى الرد
    وبالعكس متقبلة مرورك وتعقيبك وتعليقك بكل ترحيب :)
     
  13. حنان

    حنان بـترولـي خـاص

    2,196
    1
    38
    هلا اخوي
    مساك الله بالنور والجوري والنوير
    الف شكر لك ع المرور وعلى هالتعليق
     
  14. حنان

    حنان بـترولـي خـاص

    2,196
    1
    38

    حياك اخوي ومشكور ع المرور
     
  15. حنان

    حنان بـترولـي خـاص

    2,196
    1
    38


    حياكم الله مشكورين ع المرور
     
  16. حنان

    حنان بـترولـي خـاص

    2,196
    1
    38
    حبيبتي انتي مشكورة على لمرور والمشاركة
     
  17. حنان

    حنان بـترولـي خـاص

    2,196
    1
    38
    حياكم شكرا ع المرور
     
  18. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    تغير البنات سببه انفتاحنا على الثقافة الغربية قمنا ناخذ ثقافتهم من غير ما ندري و هذا بسبب الستلايت و الافلام الاجنيبة و النقال و النت يعني ثاقتهم طغت على ثقافتنا و اثرت على نظرتنا للكثير من الامور مثل ..
    1
    الصداقة بين البنت و الشاب بحجة ما فيها شي صداقة بريئة او ان شاء الله نرتبط ( ياهال على 16 يبون يرتبطون هين )

    2 خروج الفتاه من البيت و التواجد الى وقت متأخر خارج البيت .. و لي تكلم الاب قالوا لا تصك على البنت ترى تعقد .

    3 لبسا البنت ... صارت اللي تلبس العباية معقدة و محرومة

    4 زواج الفتاة .. صار تعليم الفتاه اهم من زواجها و استقرارها الاجتماعي

    كل هذا ما يمنع انه في بنات متمسكين بمبادئهم و اخلاقهم و ما يتأثرون بكلام الغير .
     
  19. حنان

    حنان بـترولـي خـاص

    2,196
    1
    38
جاري تحميل الصفحة...
حالة الموضوع:
مغلق

مشاركة هذه الصفحة