أسرار نكشفها لأول مره

الكاتب : خميس الخامس عشر | المشاهدات : 7,971 | الردود : 52 | ‏4 أكتوبر 2011
  1. خميس الخامس عشر

    خميس الخامس عشر بـترولـي خـاص أعضاء الشرف

    هذا موضوع صغير بكشف فيه لكم امور كنت اتحفظ عن التطرق لها صاحبت تفاعلات الزيادة ..


    قسماً بالله ان ما سأذكر حدث بالحرف وموثق من شخاص ثقات واتحدى احد ينكره ممن سآتي لذكرهم ... واذا انكروا التسجيل في تيلفوني نوكيا المعفن وراح انشره بشرط ان ينكر احد من الذين دخلوا على الوزير هذا الكلام وستعرفون معادن الرجال وتخاذلهم ومن اشتروه بتعيين قريب في دوره مشغل او امن وسلامه ومن اشتروه بدرجه لشقيقة وباع العمال ...

    وللامانه كنت اتفلت على الكيبوورد بس عاهدت شخص اني اركد والتزم الصمت عشان ماتخرش السبحة .. خصوصا انني عنصر تأزيم في المنتدى والمنتدى لعلم الجميع يتابعه اعضاء منتدبين ونوابهم ومدراء ومسؤولين وعمال عاديين


    بعد اعلان جدول مجلس الخدمه المشؤوم وفي اجتماع الوزير لمكتبه مع عدد من ممثلي النقابات طالب البصير ي النقابت بانها تعدل عن فكرة الاضرابات وان هذا فيه ضرر على البلد وراح نتحرك لكم بما نستطيع ..

    نط واحد نقابي والله احنا يامعالي الوزير نعرف وراضين بما اقره مجلس الخدمه وهذي فيها عداله لان الاداري يختلف عن الفني والقيادي كذلك .. ( وهذا النقابي اداري ) يعني ماراح يوصل زيادته الا 200 دينار على ابعد تقدير

    فانتقل الحديث للنقابي الثاني فقال يابوعبدالله احنا عصاك اللي ماتعصاك واللي تامر فيه احنا حاضرين وانت فصل واحنا نلبس ،استانس الوزير عباله الماية ماشية معاه تمام وانه قدر يقنع النقابيين ..

    راح الكلام للثالث فقال ياسيادة الوزير ( حفظكم الله ) والله في هاللفظ كأنه يكتب كتاب رسمي احنا يمناك اذا انقطعت يمناك الادارية وأكد على كلام زميلي فلان ان احنا عصاك اللي ماتعصاك والكويت ندري تمر بأزمة اقتصادية ( صاير الحميضي الاخ زين ماقال عجز اكتواري ) الغبي يظن ان الازمه الاقتصادية لاتزال مستمره او الظاهر سمع عنها ومايعرفها ..

    انتقل الحديث لمحمد حضيري واهو فني من المسفيدين من الجدول اللي اقروه الخدمه المدنية ... شوفوا الرجل ودققوا على الكلام .. واهو يخاطب الوزير .. يابوعبدالله انت تعرف تفاصيل الجدول المقر .. حاول يتهرب الوزير من الاجابة وكرر عليه السؤال لغاية ماقال الوزير لاوالله ما اعرفها يامحمد حضيري فقال له اذا اسمع يابوعبدالله .. انا كنقابي اعرف تفاصيل الجدول الاول ..واعرف تفاصيل الجدول الثاني ام الثالث والرابع والخامس المبتدع من الخدمه المدنية ماعرفهم .. فبلغ سمو الرئيس والشيخ احمد الحمود اذا كانوا يرون ان الجدول الاول مبالغ فيه اننا لن نرضى باقل من 142 مليون ماتنقص مئة فلس .. والاخوان اللي سبقونا في الكلام يعبرون عن انفسهم .. اما انا فاتكلم عن نفسي وعن الزميل جاسم الحمادي وعن الزميل جاسم العتيبي وهم امامك ويسمعون ومفوض منهم بالحديث ..

    فاذا لم يقر الجدول الثاني فانا والله وبكل اسف ارى الاضراب بين عيوني .. فأكد على ذلك الحمادي والعتيبي بانهم متضامنين مع محمد حضيري ...وقالو للوزير اللي سمعته من محمد حضير هذا كلامنا وتغيرت نبرة الوزير لا يا اخوان مايصير .. فانسحبوا من الاجتماع ونزلوا ثلاث بيانات في ليلة واحده ان الاضراب قائم ولايزال ...

    وللعلم انهم اصروا على الوزير بان بكون الاثر الرجعي من تاريخ 1/4 ولكن تخاذل البعض مشى على اهواء الوزير الذي حدد من 1/7


    فالشكر لهذا الرجل اقل مايقال وللحمادي وللعتيبي..

    والرئيس التنفيذي السيد فاروق الزنكي ...كذلك للعضو المنتدب وهو الجندي المجهول علي الهاجري .. ومن وحد كلمة النقابات في الاتحاد ...وقسم الدراسات في المؤسسة والذي قام بمجهود خارق وجبار باعداد الجداول وشرحها بالكامل واعداد دل الدراسات لكل جدول ..

    والحمدلله الذي اتم علينا نعمته وتمت الموافقة على الجدول....
     
  2. القاسم المشترك

    القاسم المشترك بـترولـي نشيط

    67
    0
    0
    اخوي العزيز خميس الخامس عشر علي الرغم من الكلام اللي ذكرته انا اري انك تهدئ اللعب شوي خصوصا ان الكل وافق علي الزيادة والكل رضي عنها واقتنع فيها . الكل يعرف ان في امور ممكن تحدث بالخفاء بس صدقني ان الايام كفيلة لاظهار الخافي .
     
  3. الصامت

    الصامت بـترولـي نشيط جدا

    171
    0
    0
    كلام كبير
    الصراحه انا افضل انك تكتب اسماء المتخاذلين
    علشان الجميع يعرفهم
    وكل الشكر لك على الجرأه وشكرا ل محمد حضيري وجاسم العتيبي وجاسم الحمادي
     
  4. خميس الخامس عشر

    خميس الخامس عشر بـترولـي خـاص أعضاء الشرف


    ياعزيزي والله وبالله ...

    انا كنت مهدي اللعب .. وعاهدت اشخاص بانني التزم الصمت ..ولاتكلمت الا بعد ماوصل كتاب اقرار الزياده للشركات وعشان ابين نقطتين ان الوزير كان يظن عمال النفط نفس عمال الكويتيه يقص عليه بابر بنج انصدم بمن هو اقرب الناس له يقف ضده ... والنقطه الثانية تخاذل بعض النقابيين ...


    عموما ماذكرت شي مما اعرفه وليس كل ما اعرفه ...


    لأن ليس كل مايعرف يقال ...

    هذا سوالف جانبية ماتعمقت ...

    ولو اقول ما اعرف يمكن تقوم حرب بين النجوم في القطاع والنقابات والعمال...
     
  5. خميس الخامس عشر

    خميس الخامس عشر بـترولـي خـاص أعضاء الشرف

    هلا حبيبي ...


    اسأل اي واحد ممن ذكرت اسمائهم انت وستعرف ..
     
  6. كعبول

    كعبول بـترولـي نشيط جدا

    496
    0
    0
    كلامك هذا ذكرني بكاريكاتير حطوه جريده الوطن قبل اسابيع ،
    ايام ما اشتغلت الاضرابات ،
    حطو كاريكاتير يتكلم انه احد الاشخاص يهدد ويندد بالاضراب ويروح للوزير ويقوله انه بخلصك من الاضراب بس مشيلي هالمعاملات
    ويوافق الوزير ويطلع هالشخص للموظفين ويقولهم خلاص وافق الوزير على مطالبنا وقدرت اكسر خشمه ومن الكلام هذا !

    كنت اعتقد ان هالكلام يخص لناس ثانيين بس ماتوقعت انه هالشي عننا احنا !

    يعني جريده الوطن عارفه كل السالفه والطبخه وقالتها للكل بطريقه غير مباشره والشاطر يفهم منو المقصود !

    هههه يعني بدت تتكشف الحقيقه ومنو اللي اشتغل لصالحنا ومنو اللي اشتغل لمصالحه الخاصه فقط !
     
  7. الكلمة

    الكلمة بـترولـي جـديـد

    3
    0
    0
    الرجال معادن

    يستاهلون وشوي بحقهم الي صدقو الناس ماعاهدوا عليه لكن الي ماذكرت اساميهم عارفينهم مايحتاج
     
  8. المهندس

    المهندس بـترولـي خـاص

    1,305
    8
    0
    اخ خميس .. ما صحه الكلام اللي يققول انه زياده ال 20% كانت على الراتب الاساسي الحالي للموظف وتم تغييرها الى اول مربوط الدرجه الحاليه؟؟؟ هل تم تغيير في السيناريو وتنازلو ربعنا او كما هي لم تمس؟؟
     
  9. فوااز

    فوااز بـترولـي جـديـد

    7
    0
    0
    كلامك هذا فيه حقد وكراهيه على احد الاعضاء للي ماذكرتهم وفيه تلميع للاخوان الي ذكرت اساميهم وعلى فكره كلهم اخوانا ونعتز فيهم الي ذكرتهم ام لم تذكرهم ..وموضوعك هذا يخرب فرحتنا بالزياده والله عيب عليك وان لم تعرف العيب هاذي مصيبه ... الكل يشهد للنا قطاع نفظي وموظفين ويضربون فينا المثل على تكاتفنا واصرارنا وانت الحين داش عرض بموضوع يثير فتنه بين الموظفين وكراهيه ,,, مبروك الزياده على الجميع والله يهنينا فيها ولاتنسون تصدقوا يا اخوان الصدقه وكفالة الايتام ..
     
  10. البيرق

    البيرق بـترولـي نشيط

    80
    0
    0
    انا اسمع ان بعض النقابين يستغلون اماكنهم والسكوت علي حقوق الموظفين لا لمصالحهم لكن كل يوم تتضح الصورة ... الي موظف اخوة والي مسافر شهرين والي ماخذ ثلاث درجات وراء بعظ والخافي اعظم .....وانا اقول وان لناظرة لقريب اما الاخوان الي ذكرت يشهد لهم مو بس القطاع النفطي حتي الشعب الكويتي من كثر لقاتهم في القنوات والتهديد والوعيد
     
  11. Lee MG

    Lee MG بـترولـي جـديـد

    23
    0
    0
    صاج اخ خميس سألت الحمادي وأكد لي ماذكرت وقالي الاسماء الله لايسامحهم
     
  12. قـلب الاسد

    قـلب الاسد بـترولـي جـديـد

    11
    0
    0
    الهملان انسان نظيف وصاحب حكمه ورجل بمعنى الكلمه ولا قصور في الباقين
     
  13. للحقوق حلوق

    للحقوق حلوق بـترولـي جـديـد

    8
    0
    0
    مو باقي غير ابن شرثان والعسكر !!!

    نرجو التوضيح ...
     
  14. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت
    صدقت اخوي خميس انا والله انصدمت من النقابي اللي قال حنا عصاك اللي ماتعصاك ماتوقعت هالكلام يطلع منه!!
    بس منو جاسم الحمادي هل تقصد احمد الحمادي او جاسم الناصر ؟
     
  15. أبوليلى

    أبوليلى بـترولـي نشيط

    92
    0
    0
    سلام عليكم : أولا : النقابات كلها لم تتخاذل في هذا الموضوع
    ثانيا : حفل العشاء اللي سووه الkoc غلط المفروض العشاء يكون للاتحاد واللي حصل كان تمسيح جوخ
    ثالثا : قال من شاهدك يا أبى الحصين قال اذنبي
    رابعا :
    الكذب عيب ولا يقوله رياجيل
    وعيبن على مثلي يقوله ويطريه
    الكذب هو حيلة قليل المحاييل
    ويرجع مرد الكذب في وجه راعيه
    (الظلم ظلمات يوم القيامه) لا بغيت تلمع أحد لاتظلم الناس ولمع على كييفك ما أحد يردك
     
  16. Sccotchch

    Sccotchch بـترولـي نشيط

    73
    0
    0
    ابوليلى لاتكذب الرجال ونت ماعندك دليل شكلك الي تبي تلمع وترقع
     
  17. أبوليلى

    أبوليلى بـترولـي نشيط

    92
    0
    0
    أكذبه لا صار ما عنده هو الدليل وأنت لو أنك حضرت أمس عشاء الاتحد بالهيلتون وشفت بن شرثان وكلمته للوزير لما قال أغلب القيادات اللي بالمؤسسه المفروض تقعد في بيوتها لعدم كفاءتها وشفت وجيهم يوم تصفقت ما قلت هالكلام بعدين المفروض لا جبت العلم قول مصدرك وسم المتخاذلين مو تعم على الناس واللي تبي تلمعهم تذكر أساميهم والا كل واحد يقعد يعطيك من جنبه والدليل قالوووووله يطلع نفسه بالزينه وربعه بالشينه عشان التكسب في الانتخابات وهو لو عنده الشجاعه كان طلع للناس وقال بالاسامي حق الموظفين ماهو لخميس بس وش اللي مخوفه طقه بوجيه الرياجيل يامال الشحم.
     
  18. LaRambla

    LaRambla بـترولـي خـاص أعضاء الشرف

    2,041
    3
    38
    اكشف الاسامي الانتخابات قربت وخلنا نطيحهم
     
  19. sporty196

    sporty196 بـترولـي نشيط

    105
    0
    0
    كبير يا الهملان ... وحش
     
  20. VERSACE

    VERSACE بـترولـي نشيط جدا

    اعتقد ان المتخاذلين هم من نقابة الkoc والدليل شوف توظيف الkoc اغلبه من نفس العائله
     
جاري تحميل الصفحة...

مشاركة هذه الصفحة