@@@@@ الاخوه الكرام ارجو المساعده لتفاصيل القريد والراتب @@@@@

الكاتب : ماركوني | المشاهدات : 2,154 | الردود : 15 | ‏3 أكتوبر 2011
  1. ماركوني

    ماركوني بـترولـي جـديـد

    5
    0
    0
    [align=center]السلام عليكم ورحمة الله وبركاته

    الاخوه الكرام

    اذا ممكن احد يفيدني مشكورا لا مأمورا بمقدار الدرجة ( القريد ) والراتب

    اذا اردت ان انتقل من القطاع الحكومي الي النفط

    علما بأنني مهندس وخدمتي 20 عام تقريبا منها 8 أعوام بعد الحصول على الهندسة

    هل يتم احتسابي خدمتي السابقه كخبره او يتم الاحتساب من بعد الحصول على الهندسة

    وعلى اي درجه يتم تسكيني

    مع ذكر تفاصيل الراتب والبدلات ان أمكن


    وجزاكم الله خير[/align]
     
  2. بوسعود

    بوسعود بـترولـي جـديـد

    14
    0
    0
    احتساب الخبرة بعد حصولك على المؤهل
    ولازم مسماك الوظيفي يكون بنفس المؤهل عشان يحسبونه لك
     
  3. ماركوني

    ماركوني بـترولـي جـديـد

    5
    0
    0
    بارك الله فيك اخوي ابوسعود على الرد السريع

    انا تخصصي هندسة اكترونيات واتصالات
     
  4. يا وطن لك من يحبك

    يا وطن لك من يحبك بـترولـي نشيط جدا

    353
    0
    0
    نفطي متنفط وأشم يومياً H2S أم قدير
    العالية .. الغالية
    أخوي في شرط عمر للخبرة "بتخصصك"
    يعني إذا كانت خبرتك بعد الحصول عالمؤهل فرضا 6 سنوات ونزل إعلان خبرة بست سنوات فدايما يحددون شرط عمر
    وبما إن خدمتك 20 سنة فأتوقع عمرك يمكن أكثر من 40
    يعني عدد سنوات الخبرة غير متناسب مع عمرك
     
  5. ماركوني

    ماركوني بـترولـي جـديـد

    5
    0
    0
    شكرا اخي على التوضيح

    ولكن لنترك موضوع العمر جانبا

    وانه تم قبولي بإذن الله

    فعلى اي درجة يتم تعييني وكم يكون الراتب عليها
     
  6. خلف الشمري

    خلف الشمري بـترولـي نشيط جدا

    169
    0
    0
    أخوي خل الفلوس على جنب

    أتوقع يحطونك كبير كبير كبراء التقنيات المتطوره

    وهالمنصب عجيب كله سفرات لأريكسون وهالسوالف

    وتخصصك جدا مطلوب

    شوفلك أي واحد داخل الشركه يبلغك عن الوظائف الشاغره

    وأنا أشوف في ضغط هالأيام الكل يسأل

    يعني شد حيلك
     
  7. almostishar

    almostishar بـترولـي مميز

    567
    5
    18
    :confused: جد فيه مسمي جذى عندنا بالبترول .. أول مره اسمع فيه

    ههه العاده بس بمسلسلات الصعايده تعال ياكبير روووح يا كبير ..:D
     
  8. يا وطن لك من يحبك

    يا وطن لك من يحبك بـترولـي نشيط جدا

    353
    0
    0
    نفطي متنفط وأشم يومياً H2S أم قدير
    العالية .. الغالية
    الخبرة اللي عادة يتم طلبها في إعلانات الخبرة :
    1- بدون خبرة يعني Under Development ويتعين على قريد 12 ( على أول المربوط )
    2- 6 سنوات ( في التخصص )
    3- 15 سنة ( في التخصص )

    وفي شي معروف حبيبي في القطاع النفطي .. ممكن إنت وغيرك تتعينون على نفس الوظيفة بس رواتبكم تختلف لأن العقد يختلف
    يعني ممكن شخص يتعين على أول المربوط والثاني يعطونه نسبه فوق أول المربوط
    وللعلم .. تم إيقاف النقل داخل القطاع النفطي (يعني اللي يبي ينتقل من فريق لفريق أو مجموعه لمجموعه وهكذا)
    وسبب الإيقاف هو الزيادة
    فما بالك التعيين
    أكيد بيكون صعب وبيتم إعادة النظر في سياسة التعيين الحالية

    والأكيد إن Vitamin-W ضروري هالأيام وممكن من خلاله إن الواحد يحول التبن إلى تتن والتراب إلى كباب ( على قولة داوود حسين في باي باي عرب )

    وأتمنالك التوفيق في التعيين
    مع تحياتي

    حبيبي almostishar .. اللي عنده واسطه يحطوله مسمى "عالم ذره"
    كان في أحد الشركات واحد مصري عينته وحده من الخوات (مسماها تيم ليدر) وحاطيله مسمى "مستشار" راتبه 8000
    يعني 8 ويمها ثلاث أصفار هذا بحال إذا ما عرفت تقرا الرقم :p
    هذا غير المميزات الثانية ( سيارة وبيت وسفرات وووو .... )
    وهالمصري كل ما عليه كان إنه يقعد رجل على رجل ويتفلسف
    وطبعا يتفلسف على حَمْيَره مو فهامية

    عموما .. عقب فتره تفنقش وماقدرت تيم ليدره تدافع عنه
    بس تفلسفه الحِمْيَري خسر الشركه بلاوي لأنه باستشاراته العبقريه حط مواصفات وجم مشروع بهائمي

    ما نقول إلا حسبي الله ونعم الوكيل
    في هالمستشار
    واللي جاب المستشار
    واللي سمع فيه وسكت
    واللي شاركوا بكل مستشار جابوه بالكويت من هالنوع
     
  9. ماركوني

    ماركوني بـترولـي جـديـد

    5
    0
    0

    شكرا وبارك الله فيكم على السخرية

    وهذا مالم أتوقعه :(:(:(

    وانا لم اطلب لا ان اكون كبير كبراء فالكبير هو الله سبحانه

    انا سؤالي عن مزايا موظف عادي

    وأعتقد ان الشركة بها مهندسين من جميع التخصصات

    سواء كمبيوتر او اكترونيات او اتصالات او ميكانيكا او بترول او كيميا او كهرباء ... الخ

    واعتقد انني كمواطن كويتي ومن حقي ان ابحث عن مكان مناسب به مميزات جيده

    الا اذا كانت مؤسسة البترول محتكره لفئه معينه لست انا منها


    وتقبلوا تحياتي
     
  10. يا وطن لك من يحبك

    يا وطن لك من يحبك بـترولـي نشيط جدا

    353
    0
    0
    نفطي متنفط وأشم يومياً H2S أم قدير
    العالية .. الغالية

    حبيبي والنعم فيك وبكل الكويتيين
    نصيحتي لك حاول ولكن مع واسطه

    وبكل الأحوال والله الكويتيين أولى من غير الكويتيين اللي قاعدين يعينونهم بدون حساب

    بالتوفيق

    ( ملاحظة : آنا منزل موضوع في جدول تقدر تحسب راتبك على أول المربوط .. مثل ما قلتلك الحسبة تختلف )
    وإنت ما قلت كم سنوات الخبرة (بالتخصص )
     
  11. خلف الشمري

    خلف الشمري بـترولـي نشيط جدا

    169
    0
    0
    ونعم فيك وحياك

    وأسأل الله العظيم أن يوفقك لما فيه خير لك في الدنيا والآخره

    وهالأيام أنا أشوف كثير من النواب ووراهم شكثر شباب وكل واحد بيده ظرف وصاعدين لمكتب الوزير

    يعني الموضوع صار جدا حساس

    وأتوقع هالأيام اللي يبي يدش القطاع 95% بذراعه و 5% واسطه

    وهذا اللي أتوقعه والسبب توجه الأنظار للقطاع البترولي
     
  12. almostishar

    almostishar بـترولـي مميز

    567
    5
    18
    بادي بدأ أعتذر لمن فهم ردي السابق بانه سخريه حاشا لله ..غشمره ..

    للأمانه وبدون مجامله ..تتعب وأنت شباب حتى تصل لمنصب ترتاح فيه شي مقبول لك

    أما أنك تأخذ الأمور بشكل عكسي بعد خدمة 20 سنه ومن ثم تأتي للبترول ..ففيه تعب كبير عليك ..
    وربما تتحسف فيما بعد ..انا قسمي مريح نوعا ما واتمني اني اتقاعد اليوم قبل بكره خدمتى 18 سنه

    فالقطاع النفطي الضبط والربط و الاخطاء كلها محسوبه .. هاذى نصيحتي وتمنياتي لك بالتوفيق أينما كنت ..


    .
     
  13. eng_004

    eng_004 بـترولـي نشيط

    68
    0
    0
    هلا بالحبيب.....وحياك الله بين اخوانك.

    بخصوص استفسارك...اذا تمت الامور انشاءالله وتعينت راح يكون قريدك 16 ومسماك كبير مهندسين (راجع جدول الرواتب).


    وموفق خيرز
     
  14. MAD ABOUT YOU

    MAD ABOUT YOU بـترولـي جـديـد

    37
    0
    0
    ياجماعه مافي احد يجي من الوزاره ينحط على طول مسئول في النفط السالفة مو تعبيئه شواغر لان القطاع النفطي شغله غير لازم تتدرج في للوظيفه وبعدين تصير مسئول لكن انك تجي من خارج القطاع تصير مسئول علي طول ما اعتقد لان فيه ناس كثيره تنطر اي شاغر عشان تترقى وغير طبيعة العمل والخبرات المتراكمة وعدد الحالات الطارئة الي مرت عليك وتعلمت منها والسلام ختام ونتمنى التوفيق للجميع اما بالنسبه للخبرات المطلوب توظيفها اعتقد من الشروط ان يكون التقدم قد عمل في قطاع نفطي مماثل
     
  15. ماركوني

    ماركوني بـترولـي جـديـد

    5
    0
    0


    شكرا اخي الكريم

    والشكر موصول للجميع

    بالنسبه لسنوات الخبره

    فانا لدي دبلوم اتصالات من 1993

    وحصلت على هندسة اتصالات في 2003

    ولازلت في نفس التخصص
     
  16. يا وطن لك من يحبك

    يا وطن لك من يحبك بـترولـي نشيط جدا

    353
    0
    0
    نفطي متنفط وأشم يومياً H2S أم قدير
    العالية .. الغالية
    حبيبي هذي تنحسب كأنها 8 سنوات خبره "خارج القطاع"
    عاد إنت وحظك وعلى حسب الإعلان (هذا في حالة نطرت إعلان لأن في ناس يتعينون بدون إعلان)
    بغض النظر عن حسبة التأمينات لأنك ماراح تخسر ولا سنة
    بس بالنسبة للخبرة والقريد فإنت وحظك بعد
    في دوائر يعادلونها بنصف السنوات
    وفي دوائر حسب الإعلان ( يعني إذا إعلان ثلاث سنوات ياخذون بس 3 وإذا 6 ياخذون 6 وهكذا)
    وممكن تصير حظييييييييظ (وإنشالله تكون حظيظ) ويتم تعيينك على مسمى سينيور على طول
    السينوير تكون قريد 16
    يعني الراتب بيتجاوز 2500
    أما إذا خذوا سنوات أقل ( يعني قريد 13 أو 14 أو 15 ) فبيكون الراتب من 1700 - 2500
    هذا غير البدلات ( طبيعة عمل وطريق ووو ... )
    وهالكلام تقريبي
    وبالنهاية بالتوفيق إنشالله أخوي
    والكويتيين أولى من الأجانب اللي يتعينون كل يوم وبقريدات عاليه
     
جاري تحميل الصفحة...

مشاركة هذه الصفحة